名門私房菜

营业中

休息中

👉藏身於灣仔道商業大廈內，《名門私房菜》主打正宗順德菜。。。一聽便知🈶️口福了！😬.☝️一踏進店內，員工熱情款待。。奉上熱茶，叔叔姨姨又會簡單介紹菜式，服務🈶️禮又細心。🥳.📌冰鎮鮑魚 $88/隻 ～ 大大隻鮑魚爽口不韌，點上特製醬汁，冰涼前菜小食🤤📌懷舊蝦多士 $58/件 ～ 多士鋪🈵️厚厚蝦🦐膠，金黃彈牙脆口。炸物少不免油膩感，但美食當前管它了。❇️午市套餐包含：自選小菜、白灼青菜🥬、白飯、老火湯、是日糖水。。。📌蝦子生扣柚皮 $148 ～ 順德名菜，因為工序繁複，現在很少食店會做柚皮了。▶️柚皮上檯外貌精緻，吸收了魚湯精華，入口軟綿，絕🈚️苦澀味，最後加上蠔油獻汁、蝦子⋯白飯少不了‼️🤤📌名門陳皮豬肋骨 $148 ～陳皮香味滲入每件豬肋骨，小骨多肉，外皮微脆甘香，肉汁🈵️🈵️，下飯佐酒一流。👏📌蛋白杏仁茶 $38 ～ 午市套餐加錢升級，生磨杏汁超濃厚，杏仁香氣樸鼻，蛋白豐富，微甜好好味～大推👍👍👍👍👍📌薑汁蕃薯糖水 ～ 足料蕃薯🍠糖水，薑汁香味不算強，暖胃又🈵️足‼️😀✅這裏位置便利，環境清靜舒適，服務細心，友聚飯局又一選擇。💯

朋友說要邀請我到一間位於灣仔的順德私房菜嚐嚐。今日，我就跟他來到這間「名門私房菜」。菜餚選擇很多，套餐也有不同選擇，套餐包含主菜、飯、蔬菜和甜品。 馳名杏汁燉白肺湯燉白肺湯工序繁多費時，一般餐館未必供應。奶白色的豬肺湯，真材實料。馥郁的杏香，杏汁香濃；豬肺亦熬煮得入味。 冰鎮鮑魚配燒汁芥辣醬大大只的冰鎮鮑魚 口感細嫩，軟硬適中，爽口彈牙。香氣飄逸的燒汁芥辣醬帶提鮮妙用，嚐到鮮味可口的冰鎮鮑魚 蝦多士 皮薄脆口，蝦膠厚而爽口，不感油膩。蘸點酸梅醬汁更滋味。 大良炸鮮奶金黃外層炸得薄脆，內裏充滿奶香。味道帶微甜，外脆內軟的大良炸鮮奶真的不錯。 順德煎釀鯪魚順德菜代表名物，以新鮮鯪魚拆肉打成魚膠，再釀回魚身煎香。呈上時魚香飄飄， 厚魚膠爽口彈牙，肉質鮮味，沒有碎骨，釀餡不破皮， 表面酥香，味道甘香，可見廚藝精湛 原來盛載的碟子還是熱的，可保存餸菜的温度，這個用心安排很好。 名門陳皮豬肋骨豬肋骨酥香，肉質鬆化。加入陳皮可使食物添上甘香味道，令豬肋骨的肉香中散發着一層芳香 ，增添了獨特的風味。 上湯浸時菜菜心鮮嫩香甜，蒜子亦帶甜味。上湯中加入金華火腿，使湯底是那樣鮮甜。 是日甜品：蕃薯糖水

久違了的晚市堂食，十分之開心的一晚，餐廳的店員服務亦令人感到很窩心。杏汁白肺湯是十分滋養生的湯水，功夫太多，一般只有外出食飯才會點，料足湯正。炸蝦多士這個前菜亦做得出色，炸得香脆，肉質彈牙。污糟雞份量十足，用不同的配料來調味，有荷葉的香，紅棗的甜，芹菜的爽，雞肉嫩滑，雞肉配白飯，很正的配搭。生菜煲配雞亦也可以減少飽膩感，生菜也下了功夫。煲熱辣辣，不停噴煙，脆綠的生菜很爽口，而且豆板醬亦令生菜多了香味。糖水是不可少的一環，花生麥米茶，有點像八寶粥的感覺，甜度剛好。

三日假期，約了好友去食私房菜。餐廳坐得舒服，店員服務好，食物無味精，部分菜式亦考功夫，所以印象很不錯。杏汁豬肺湯奶白色，很香很潤，除了豬肺，亦用了瘦肉和白果。冰鎮鮑魚大大隻，厚身，十分爽口，個汁令鮑魚個味道提升不少。蝦多士亦是令人十分滿意，外脆内熱，蝦肉爽彈，配甜甜的柚子汁，十分夾。鵝掌花膠柚皮是今晚最印象深刻的，柚皮入口即化，花膠大而且厚，鵝掌夠入味夠稔，加上爽口生菜。香滑的杏仁茶結束了美滿的一餐。

Went to a Chinese restaurant and enjoy a fabulous traditional Chinese dinner. Usually Chinese restaurant is bit noisy, but this one suits me, comfortable area with quiet ambient, you can enjoy and talk freely.Conch soup – served in a tureen, very hot, it’s full-flavoured, the flavours from the soup ingredients were blended and complemented. Braised Pomelo Pith, I heard it's a traditional Chinese dish, surprisingly it tasted great, it melted in my mouth, I had no idea it’s the skin of the pomelo

今天和老公來一個順德菜宴，順德人當然要吃一下順德菜。 先來一個螺頭燉翅骨湯，整個湯很濃厚，對，是用濃厚來形容，因翅骨已溶入在湯裡，啖啖充滿骨膠原，養顏之選。 青芥冰燒雞 （要預訂）- 這個冷盤，包括海哲， 脆芋絲，雞絲，青瓜，配芥辣味，輕輕的辣，脆芋絲吃不停口。 順德釀鯪魚 - 每條用上兩至三條新鮮鯪魚手打成魚滑，再釀入鮮鯪魚內，口感彈牙，全魚肉，十分鮮味。 蝦子柚皮 - 是一道舊式傳統粵菜，不計揸水程序，都要炆6個小時，由於製作工序繁複，目前只有很少酒樓會供應。有幸見到，當然要點來試試。本來覺得平平無奇，但入口出奇地好吃，柚皮沒有苦澀味，且具蝦子的鹹香味，入口即溶，醬汁調得恰當，令我不其然地一口一口地吃。 蝦干魚肚大芥菜煲 - 清清的暖暖胃，不錯。 生炒糯米飯 - 這個非常好吃，材料充足，師傅把糯米飯炒得粒粒分明，又香又甜，已經很飽的我都吃了兩碗。 下次要帶爸爸媽媽來這裡吃。

今日有朋友想食私房菜，我又好耐冇食，所以就同佢去一齐去。一坐低就饮番碗招牌嘅杏汁猪肺汤，仲加咗花胶，系呢个季节饮，真系润喉又润肺再嚟就系冰镇鲍鱼，鲍鱼洗得好干净，用白卤水浸到入味，食时加少少Wasabi豉油吊一吊味之后就到炸莲藕饼同炸鲜奶，前者将免治猪肉夹在莲藕饼中间，隐约食到有少少咸鱼味，唔太浓，刚刚好有提味作用。而炸鲜奶就有淡淡椰奶香，有啲似食甜品，几得意跟住上嘅炸蟹盖，有别于一般西式嘅做法，蟹盖入边酿满咗瑶柱丝蟹肉同洋葱。鲜味主要来自江瑶柱，而且撕得好细碎，同蟹肉好夹，绝对系一味好花功夫嘅菜式再嚟就系热焫焫成煲上嘅头抽豉油鸡，一打开煲盖，扑鼻而来嘅就系玫瑰露酒香。豉油鸡系用慢浸嘅方式，鸡肉好滑，但又好入味，咸甜比例适中，用嚟送饭一流最后上枱嘅就系啫啫生菜煲，佢系用甜面酱去炒，有别于一般好浓味嘅虾酱，有时会过咸，反而咁样就食到菜本身嘅鲜甜味，好食到成煲清哂甜品系番薯糖水，最啱秋冬季节，仲加咗好多姜，食完成个喉咙都暖哂最后两个人捧住个肚离开，超满足

食得私房菜，就係貪佢夠仔細，夠用心難得朋友有興致一齊食私房菜，就book咗依間，餐廳位置都算就腳，喺灣仔同銅鑼灣中間。食飽飯搭電車又或者行多幾步搭船過海都得😎今餐飯由朋友發板，打頭陣嘅燉湯，湯嘅質地直頭係膠！男女老少都需要及時refill骨膠原㗎😆😆非常滋潤，湯渣我都冇放過！螺頭同埋豬展仲好甜👍🏼👍🏼飲完個靚湯，食返隻冰鎮鮑魚。鮑魚嘅size比想像中大，賣相都幾靚仔，乾乾淨淨。店員仲特別叫我哋試吓佢哋自己調製嘅醬汁，有少少Wasabi味，幾清新😋順德污糟雞非常推薦大家要點依樣。我就冇去過順德，亦都比較少食順德菜，污糟雞上菜嘅時候，賣相就唔係特別吸引，但係香氣撲鼻！店員介紹，話係用咗黑白胡椒，唔怪得知咁香啦！雞肉份量好多，而且肉質柔軟，夠晒滑，夠晒惹味，餸飯一流！必食！食埋個糖水做結尾，超級滿足一定要bookmark依間私房菜, 下次再食😋😋

朋友介紹去咗灣仔上樓食私房菜，餐廳位於大廈嘅2樓，食物果然好掂👍🏻杏汁豬肺花膠湯杏汁好香濃又滑，加咗兩片花膠更加黏口，豬肺洗得乾淨，唔會有內臟味，湯底夠甜夠香。白鹵水鮑魚鮑魚夠厚身，入口清甜彈牙，滷水味道剛剛好唔會太濃郁，不會搶過鮑魚的鮮味，旁邊有辣椒豉油，自己可以點少少提味。炸蓮藕餅及鮮奶球蓮藕片非常夠薄，中間釀咗啲豬肉，有少少鹹魚香，味道平均。鮮奶球炸得香脆，有少少椰汁，感覺有種泰式風味。焗蟹蓋裏面有洋蔥蟹肉及江瑤柱，餡料充滿瑤柱汁嘅鮮味，洋蔥好入味，食到底都仲有好多蟹肉絲，鮮甜鹹香互相交融。豉油雞上枱已經聞到濃郁嘅豉油及玫瑰露嘅香氣，煲底用咗好多蔥段薑片，香味撲鼻，有啲似瑞士雞翼味道，不過就冇咁甜，雞是即叫即煮，所以上枱需時，雞肉夠滑，外皮吸晒豉油汁非常入味，送白飯一流。啫啫生菜煲上枱咋渣聲，用咗面醬調味，非常惹味，生菜夠乾身又入味，熱辣辣，冬天吃特別好味。番薯糖水兩種嘅番薯味道，清甜有薑味，食完非常暖胃。整體食物水準幾高，廚師手藝紮實，味道傳統。餐廳侍應都服務幾貼心，服務剛剛好，給人一種親感。

約咗舊同事去食私房菜，佢訂咗灣仔名門私房菜 ，之前佢同朋友食過，菜式真材實料，廚師煮得好味，所以專程同我過嚟再回味！天氣乾燥，最啱飲返碗杏汁燉白肺湯，呷一口鮮香滋潤湯水，杏香馥郁，滋補又養顏。鮮蟹肉瑤柱焗釀蟹蓋，喜歡食蟹又唔想剝殻嘅人就最啱，店員介紹係用新鮮生猛嘅花蟹拆肉，加埋瑤柱絲和洋蔥絲做餡料，釀入蟹蓋焗到金黃色，蟹肉和瑤柱啖啖都鮮味無窮，超讚！冰鎮鮑魚配燒汁芥辣醬， 用上新鮮鮑魚烹調，口感與別不同特別爽口彈牙，配燒汁芥辣醬，味道更上一層樓。蝦子扣柚皮，柚皮是個工夫多又麻煩的食材，成本不高卻花盡時間，柚皮燜煮入味，口感鬆化，沒有澀味，加入蝦子增加鮮味。順德煎釀鯪魚，是著名的順德菜，將魚起肉連細魚骨剁爛釀回入魚身，回復魚的形狀，放入油鍋內炸熟，再以豉汁勾芡淋在魚上而成。味道鮮美彈牙。奉送糖水，今晚係紫米露，足料好味！

咁大個人第一次去食私房菜托好友嘅鴻福😆😆加人工咁大件事，點都要請我食飯啦。朋友之前嚟過一次，話印象唔錯，所以就預早幾日book咗位。地點喺灣仔，都尚算方便。我見識少，以為私房菜會冇乜選擇，點知嚟到見到餐牌，都有好多頁！基本上可以話係應有盡有🤔🤔 一場嚟到，唔想錯過最精彩嘅嘢食，最好就係叫店員介紹😆😆超鍾意飲湯嘅我，真係飲到嗌晒救命！真係好好飲！啲湯嘅膠質係令到啲湯有少少濃稠，味道唔會太鹹，飲到螺頭湯應有嘅鮮甜👍🏼👍🏼👍🏼 好滿足👍🏼👍🏼👍🏼呢個好似係炸鴿酥🤔🤔睇佢個樣，密密實實，食落都有驚喜！原來係用芋泥包住左一啲炒香左嘅肉碎，外面酥脆，唔油膩，內涵分量恰到好處，味道調節得好好！仲食到少少潤，可能係乳鴿嘅肝，夠晒鹹香，正！蝦蝦炒芥蘭，依個煲仔上既菜都唔簡單，屋企整都真係未試過/直頭冇諗過可以咁整！佢係用咗蝦乾，同埋新鮮嘅蝦，再用蝦醬炒芥蘭，菜夠嫩夠脆，明顯係有揀過處理過👍🏼👍🏼蝦醬味香到一個點，令人食到津津有味😁😁壓軸再食埋個名門炒飯，鑊氣十足，炒飯粒粒分明，最重要係好多材料，再一次出現新鮮蝦肉！仲有叉燒，瑤柱👍🏼👍🏼成餐飯都非常精彩，雖然我哋都冇叫到乜嘢極度奢華嘅菜式，但平凡嘅食材，

老公一向喜歡食中菜，近日有朋友介紹佢去灣仔名門食廣東粵式私房菜，菜式和味道都好啱老公食，訂咗今晚去試吓。餐廳位於樓上舖，地方整潔，招呼週到。招牌杏汁燉白肺湯：有滋補潤肺 、美白養顏 功效，奶白色的湯香濃幼滑。特式冰鎮鮑魚配燒汁芥辣醬：鮑魚都唔細，用秘製上湯浸熟，鮮味彈牙，再點一些燒汁芥辣，味道更濃郁。鮮蟹肉瑤柱焗釀蟹蓋：呢樣菜式超讚，用新鮮花蟹拆肉，加瑤柱、洋蔥釀落蟹蓋焗成，鮮甜味十足又有口感，非一般的釀蟹蓋，值得一試！順德煎釀鯪魚：手工菜好少有得食，鯪魚外層煎得香脆，鯪魚肉經過廚師精心炮製，起肉、剁碎、調味已經冇骨啖啖肉，鮮甜又彈牙，再配返個豉汁獻，更加惹味！麵醬啫啫唐生菜煲：熱騰騰用煲仔上，之後侍應將唐生菜和麵醬再炒幾下，啫啫的聲音和香噴噴的味道，已經令人垂涎欲滴，生菜沾滿麵醬，既爽脆又惹味！最後還紫米糖水奉送，足料美味，甜度適中！

之前同事介紹過呢間私房菜，話好正。終於book 左同屋企人去食喇，等左咁耐，當然要食豪啲喇杏汁燉白肺湯睇得出係即磨嘅杏仁，好香濃嘅杏仁味，好幼滑。咸味適中，好滋潤。豬肺爽身，有啃口名門秘制豬肋骨一食落去好有驚喜，皮脆肉嫩，甜甜酸酸，原來外皮集合左三種陳皮：酸陳皮、老陳皮、九制陳皮，所以有甜、酸、甘味。豬肋骨肉質嫩，仲好juicy 添。呢道菜係我到而家仲念念不忘嘅！腐乳薑蔥炒蟹第一次聽腐乳原來可以配蟹，薑蔥炒本身已經夠香，仲要加少少腐乳嘅咸香味，好新奇又match。好大隻蟹鉗呀，啲肉好鮮甜又彈牙，目測隻蟹都超過斤半呀哈哈哈芥蘭煲蝦乾、鮮蝦、蝦醬結合成嘅哈哈哈。好細心批晒芥蘭硬嘅外皮，所以條條芥蘭都好脆嫩。成道菜好惹味，送飯一流蟹肉瑤柱洋蔥焗蟹蓋同出面焗蟹蓋唔同，只係用三種材料：鮮蟹肉、瑤柱同洋蔥，唔似出面加cream 同罐頭蟹肉，好鮮味，好飽滿呀蟹皇蟹肉扒露荀有個好有詩意嘅名字：碧綠白玉翠珊瑚。好多蟹膏好甘香呀，露荀新鮮好脆，唔會有渣鼓油雞原隻雞浸，好香鼓油同玫瑰露味，香味撲鼻，一放喺枱面就已經流口水。雞肉超入味又唔韌闊太炒飯花蟹肉、瑤柱、蛋白炒飯。炒飯粒粒分明，乾身得黎唔硬。加埋一大舊

蟹肉蟹皇竹笙燕窩羹：真係見到一絲一絲粗條蟹肉，聽說差不多要用一隻蟹先可以做到一個，加上鮮味蟹羔，啖啖燕窩，就知道呢個羹的矜貴。名門秘製豬肋骨：雖然係炸既，但係唔會一口粉，入面既豬肋肉又juicy又彈牙，用上酸陳皮、老陳皮及九制陳皮，好特別，食完一件仲想再食，一d都唔油膩，仲有醒胃既感覺。宮廷白肉蟹鉗：啖啖肉既蟹鉗，有少少似食雞髀既感覺，用高湯炆燴冬瓜，入晒味，再用金腿撞出蟹肉鮮味。薑蔥腐乳炒蟹：從來都冇想像過，腐乳竟然用黎炒蟹，腐乳本身嘅獨特的鹹味冇搶走蟹嘅鮮味，反而互相輝映，更顯美味。哈哈哈芥蘭煲：係用三種蝦，包括蝦醬、蝦乾同埋蝦肉，而且芥蘭仲揀選左最嫩嘅部份，食起上嚟完全冇渣，惹味非常。蟹肉洋蔥瑤柱焗釀蟹蓋：直頭可以用真材實料嚟形容，因為呢個蟹蓋好立體，全因為充滿着有口感既蟹肉、洋蔥同埋瑤柱，絕不馬虎，單單食過蟹蓋，都感覺食咗成碗飯咁滿足。碧綠白玉翠珊瑚：個名改得好靚，用左大量嘅蟹膏，襯托走過油嘅蘆筍，清爽的感覺！闊太炒飯：足料嘅蟹肉，配合蛋白同埋瑤柱，係矜貴版嘅瑤柱蛋白炒飯，當然鮮味更上一層樓。砂煲豉油雞：單睇隻雞嘅顏色，已經知道用咗好多豉油浸透，豉油本身應該都好高質，因為隻雞完

一向都特別喜歡試私房菜，有別於其他大型連鎖店，有佢嘅特色、心機、味道！順德菜我一向都喜歡💕今日特意過嚟試吓這間名門私房菜，同事試過都讚口不絕地方算方便地鐵站附近，餐廳座位唔算太多，大約三張枱左右，氣氛感覺很寧靜，氣氛很好👍見好多都應該係熟客店員推介，招牌杏汁燉豬肺湯 真正功夫菜！秋冬飲舒服，杏汁香濃，豬肺都食晒呀😜😜鮑汁鵝掌扣花膠王 經典菜式，用料矜貴，花膠長個手掌，都係佢哋嘅招牌菜式，仲有柚皮添，無四五個鐘都食唔到呢道菜☺️☺️芋頭鴿肉配 雞肝XO醬外相好靚，每人一件剛剛好🥰外皮酥脆，芋蓉軟糯，鴿肉甘香，配上秘製雞肝XO醬，好正啊！撈飯應該一流👍👍鑲鑽黃金蝦多士 蝦肉爽口，配咸蛋黃醬真係好夾🤩古法瓦罉豉油雞 半隻玫瑰露香氣濃郁一上枱已經聞到，雞肉嫩滑入味😌😌蝦乾魚肚芥菜煲 份量好多足夠四五個人食啊，芥菜唔苦，反而多咗一份清甜，配上魚肚份外清甜其實已經好飽啦🤣🤣但係糖水亦喺呢度嘅另一招牌蛋白杏仁茶 -一字記之曰正！紫米露，好食過出邊嘅糖水舖好多😌😌真係好高質嘅順德私房菜絕對係我嘅收藏list之一😋😋