名門私房菜

营业中

休息中

咁大个人第一次去食私房菜托好友嘅鸿福😆😆加人工咁大件事，点都要请我食饭啦。朋友之前嚟过一次，话印象唔错，所以就预早几日book咗位。地点喺湾仔，都尚算方便。我见识少，以为私房菜会冇乜选择，点知嚟到见到餐牌，都有好多页！基本上可以话系应有尽有🤔🤔 一场嚟到，唔想错过最精彩嘅嘢食，最好就系叫店员介绍😆😆超钟意饮汤嘅我，真系饮到嗌晒救命！真系好好饮！啲汤嘅胶质系令到啲汤有少少浓稠，味道唔会太咸，饮到螺头汤应有嘅鲜甜👍🏼👍🏼👍🏼 好满足👍🏼👍🏼👍🏼呢个好似系炸鸽酥🤔🤔睇佢个样，密密实实，食落都有惊喜！原来系用芋泥包住左一啲炒香左嘅肉碎，外面酥脆，唔油腻，内涵分量恰到好处，味道调节得好好！仲食到少少润，可能系乳鸽嘅肝，够晒咸香，正！虾虾炒芥兰，依个煲仔上既菜都唔简单，屋企整都真系未试过/直头冇谂过可以咁整！佢系用咗虾干，同埋新鲜嘅虾，再用虾酱炒芥兰，菜够嫩够脆，明显系有拣过处理过👍🏼👍🏼虾酱味香到一个点，令人食到津津有味😁😁压轴再食埋个名门炒饭，镬气十足，炒饭粒粒分明，最重要系好多材料，再一次出现新鲜虾肉！仲有叉烧，瑶柱👍🏼👍🏼成餐饭都非常精彩，虽然我哋都冇叫到乜嘢极度奢华嘅菜式，但平凡嘅食材，