影片
更多
2021-11-29
252 浏览
食得私房菜，就係貪佢夠仔細，夠用心難得朋友有興致一齊食私房菜，就book咗依間，餐廳位置都算就腳，喺灣仔同銅鑼灣中間。食飽飯搭電車又或者行多幾步搭船過海都得😎今餐飯由朋友發板，打頭陣嘅燉湯，湯嘅質地直頭係膠！男女老少都需要及時refill骨膠原㗎😆😆非常滋潤，湯渣我都冇放過！螺頭同埋豬展仲好甜👍🏼👍🏼飲完個靚湯，食返隻冰鎮鮑魚。鮑魚嘅size比想像中大，賣相都幾靚仔，乾乾淨淨。店員仲特別叫我哋試吓佢哋自己調製嘅醬汁，有少少Wasabi味，幾清新😋順德污糟雞非常推薦大家要點依樣。我就冇去過順德，亦都比較少食順德菜，污糟雞上菜嘅時候，賣相就唔係特別吸引，但係香氣撲鼻！店員介紹，話係用咗黑白胡椒，唔怪得知咁香啦！雞肉份量好多，而且肉質柔軟，夠晒滑，夠晒惹味，餸飯一流！必食！食埋個糖水做結尾，超級滿足一定要bookmark依間私房菜, 下次再食😋😋
難得朋友有興致一齊食私房菜，就book咗依間，餐廳位置都算就腳，喺灣仔同銅鑼灣中間。食飽飯搭電車又或者行多幾步搭船過海都得😎
今餐飯由朋友發板，打頭陣嘅燉湯，湯嘅質地直頭係膠！男女老少都需要及時refill骨膠原㗎😆😆非常滋潤，湯渣我都冇放過！螺頭同埋豬展仲好甜👍🏼👍🏼
飲完個靚湯，食返隻冰鎮鮑魚。
鮑魚嘅size比想像中大，賣相都幾靚仔，乾乾淨淨。店員仲特別叫我哋試吓佢哋自己調製嘅醬汁，有少少Wasabi味，幾清新😋
順德污糟雞非常推薦大家要點依樣。
我就冇去過順德，亦都比較少食順德菜，污糟雞上菜嘅時候，賣相就唔係特別吸引，但係香氣撲鼻！店員介紹，話係用咗黑白胡椒，唔怪得知咁香啦！雞肉份量好多，而且肉質柔軟，夠晒滑，夠晒惹味，餸飯一流！必食！
食埋個糖水做結尾，超級滿足
一定要bookmark依間私房菜, 下次再食😋😋
张贴
