古早牛肉麵 (已結業)

香港有好多台灣牛肉麵嘅店鋪，今晚食嘅呢間無論裝修設計，以至麵嘅湯底都有台灣式懷舊裝修嘅感覺，叫左個$66嘅特盛台灣牛肉湯麵，裡面有兩件牛腱丶貢丸同埋花枝丸各一粒丶豬軟骨三件，佢個湯底味道濃郁，牛腱同豬軟骨都好淋，兩款丸入口彈牙，雖然未至於香味四溢，但口感不錯，飲品我就叫左杯熱嘅仙草冬瓜茶，雖然我喺堂食，但佢哋係用紙杯上呢杯飲品比我，份量都唔少㗎，如果飲唔曬，直頭可以攞住杯嘢走，唔會浪費，又喺符合台灣環保不浪費原則。

價錢同品質不成正比，食物質素其差。對台灣麵線一直抱有好感，而古早味牛肉麵的麵線更是令我刮目相看，麵線完全未煮夠身，唔腍兼煮唔起漿。半筋半肉湯肉，牛肉牛筋都滷到好黑，沒有牛的香味，湯好黑，食後感是沒有好味的感覺。鴨舌拼小黃瓜，鴨舌好乾，小黃瓜好普通。上碟感覺好求其。奶蓋烏龍茶幾好飲，口感好light,奶輕而滑。店舖的裝修十分懷舊有心思，幾舊香港的風味帶入一間小小的店舖。總括而言，店舖環境佈置很好，唯食物水準有待改善。鴨舌好乾。

行開深水埗附近，就見似係岩岩新開好耐ge台灣野，就去試試看。一入就有大大清吧位，裝修係工廠風格配上舊時物品及掛圖，2人座位有點偏小叫多幾個餸就唔多夠。首先叫左招牌野啦⋯⋯招牌台灣牛肉麵：肉夠淋幾好食肉燥時菜ok再黎雞排肉燥便當...雞排炸得好香口，食完就飽飽啦！見話星期一至五有套餐，星期六日就無。

湯底好鹹都食唔到有乜其他味🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️不過牛肉好腍好易咬，蘿蔔都幾甜💕💕💕💕💕💕💕💕💕

台灣野不嬲都係貓貓既最愛。貓貓今日又食左個好好味既台灣野食。貓貓好鍾意呢度復古既味道，好多細細個貓貓既回憶。貓貓的紅燒牛肉肉燥飯原來咁大碗。好多肉燥，大舊既牛肉，貓貓好開針。先食一啖牛肉，牛肉煮得好潤滑，口感好，而且牛肉既香料味道濃。好夠味，個牛肉真係整得好好味，貓貓濕左個嘴。肉燥都好好味，撈飯食，因為好多肉燥，啖啖都係肉燥，好好味。貓貓order左一個沙茶燙魷魚。沙茶既味道好無敵，魷魚新鮮。彈牙。貓貓好鍾意呢個簡單但新鮮美味既小食。貓貓好享受今晚既晚餐，好道地既台灣野食。貓貓開始愛上呢度。

同老婆買完電腦，決定在黃金附近食埋飯至返屋企。老婆話想食麵，唔想食飯……雲吞麵？。。No!,拉麵？。。No!, 米線？。。又係No!...原來佢已經揀好咗，聽朋友介紹古早牛肉麵，ok啦，一於試試入到去店員已經有禮貌的招呼和介紹，一心嚟試牛肉麵，當然一人一碗麵啦。我要招牌牛肉麵，老婆就要牛筋肚麵。。。牛肉麵並不花巧，正常台灣老店的樣貌，看似平凡，但原來味道跟台灣的一樣，湯底又香又濃，麵質又彈牙，牛肉大件好食，冇野好講，專心享受呢碗用心之作。老婆碗牛筋肚也讚不绝口，牛筋感覺入口即容，牛肚入味易咬，但老婆話件蘿蔔先至正，連少少一件配菜都入味冇根，完全感受到老闆的盛意和對食物嘅堅持！古早牛肉麵，可能從此成為老婆和我的飯堂了！

近十年喜歡去台灣，向呢幾年遊台中比較多，古舊中帶現在文化，人情味也較濃，今日去呢間台灣古早牛肉麵都有我喜歡嘅感覺，裝修簡潔，擺放台灣古老街頭物品，有如飛到台灣小巷小店中；侍應也殷勤有禮，隔離枱客人問杯熱珍珠奶茶唔熱，待應第一時間去幫他加熱，送來時解釋可能係珍珠本來是凍，落入熱奶茶中變暖了，還加上歉意，令人感到有誠意去處理事情，不是草草了事，這種態度在現今職場買少見少👍🏼講回食物，叫左綜合麵線，呢類湯品麵線，我未響台灣食過，因爲去到台灣太多選擇😅⋯⋯今次唔算餓，想飲啖湯，碗麵線有滷水大腸及蚵仔各三件左右，麵缐好幼，整碗口感好似香港碗仔翅，我喜歡大腸嗰種香味，兩三件分量對我而言啱啱好，可以過下口癮，又唔怕太多令膽固醇超標😜呢碟三杯鴨舌拼涼拌小黃瓜，小黃瓜夠清涼，鴨舌唔似平時食開滷水嗰D，呢碟鴨舌比較有𡁻口，有些似肉乾，又不至於肉乾無水份，食落有種鹵水香味留向口腔，用嚟送酒一流，下次可外賣回家孝敬老公🍻呢個鹽酥大雞排，可選原味/香辣/海苔/甘梅，今次揀左海苔，食落整體不過不失今期天氣寒冷，下次再嚟一定要試佢哋嗰個輕芝奶蓋系列，好似幾特別，希望好飲😙

今日行過深水埗買電腦喺OpenRice search search下就search到呢一間較為新嘅台式古早牛肉麵。見佢門面企理，入邊又裝修得幾寬敞乾淨，所以就試一試。鋪頭名話明係食牛肉麵梗係要試吓呢度嘅招牌牛肉麵。呢度枱面有一疊叫餐紙，客人自己點完就比服務員好方便。牛肉麵終於嚟咗，熱辣辣、香噴噴！一嚟到先品嚐一下個湯，濃得來好有牛肉嘅鮮味，湯底唔會太行呀係咪唔要。除咗個牛肉夠入味之外，亦都好欣賞佢個白蘿蔔好淋無漬。正！台式野當然唔少得台式飲品啦，呢度有好多款選擇。最後都叫咗杯珍珠奶茶嘆一嘆，珍珠爽口又彈牙、奶茶夠香滑，正！

好似好耐冇去台灣旅行了，每次去台灣也是四處吃吃吃，行過深水埗呢間古早牛肉麵，裝修好有台灣風味，又係晚飯時間，就入去啦。叫咗一碗牛肉麵，再加碟韮菜餅。牛肉麵到，嘩，原來份量也不少，先試試個湯，正。。。濃厚的牛肉湯帶有微微的藥材味，同喺台灣食到嘅差唔多，绝不馬虎！牛肉和蘿蔔諗而不爛，巧巧痴呢！！小食韮菜餅也到了，有4件咁多嘅，雖然不是好大件，但一條友點食呀！？。。心諗洗唔洗咁底食呀，小食價錢已經有4件。咬一口肉汁已經飛出嚟，韮菜和肉嘅配合也平均，雖然已經有9成飽，但決定唔浪費，最後一件清理！

成年無去台灣，掛念台灣的美食和人情味，按耐不住要搵左間台餐廳回味下。叫左碗半筋半肉湯面，綜合麵線，牛肉蔥花手抓餅。筋半肉湯面，湯底濃郁，唔會得個顏色而唔足料，十分香濃。意想不到的是肉竟然是牛展，仲以為系一舊舊既牛肉，牛展入味，但牛筋絕對系更加搶風頭，牛筋好林，比足時間煮，入口軟滑! 綜合麵線麵線不過不失，大腸和蠔仔多d 就好啦。牛肉蔥花手抓餅因為要即制所以等左一陣先最後上台。一咬落去個餅底竟然脆卜卜，牛肉夠味，而且個汁咸咸地甜甜地好夾個肉同埋餅。同平時系台灣食既有d唔同，但十分有驚喜。感覺系港式既台灣手抓餅。另外叫左金吉檸檬愛玉，同埋巴樂蘆薈多多。前者偏酸，後者偏甜，各有特色!

牛肉麵最緊要係牛肉，麵，定湯底？計我話三樣都咁重要。最近深水埗福華街附近，開左間台灣嘢小店，都幾有驚喜！裝修有如去左台灣一樣！都叫可以過下台灣癮！牛肉好鮮嫩，夾雜左幾舊牛筋，淋身又有膠質。而麵質彈牙，好掛湯。牛肉麵的湯，是整個麵的精隨，有神來之筆之效。細呷一口，鮮甜不造作，不需加入太多味道，重點是要令牛肉味更突出！妙！雞扒好大件，作為小食來說真的不錯。雞扒多汁唔乾身，香酥可口！認真正！台式吐司都係我想試的食物，不過眼闊肚窄，留待下次一戰！

因為深水埗街坊的我, 當然吃盡地茂小食, 不過近年都有許多不同菜式餐廳進駐, 就連西餐廳也在深水埗區落腳, 那台灣牛肉麵出現在深水埗又有何出奇呢~ 今日不用上班, 所以中午時候經過這裏就是一試 這裏的裝修也保留著古早台灣的特色, 所以我想這點叫做古早台灣麵的原因吧~ 我就叫個好康午餐 (套餐) 的招牌半筋半肉湯麵 (HKD60), 跟個脆帶子蝦棒, 及台式奶茶. 半筋牛腩, 骨膠原豐富, 咬落去有趙勁, 爽! 然牛腩也入味非常 麵質也是爽口彈牙, 而且進智吸收了牛肉湯精髓. 牛肉湯麵的湯底雖然不是台灣那種濃烈的鹹度十足的湯底味道, 但是濃郁的牛肉牛骨炮製出來的湯底, 依然吃出台灣牛肉麵的精髓啊~ 其實食完個牛肉麵我已經好飽 (因為分量也比較多), 但是跟餐叫了小食, 熱辣香脆的脆帶子蝦棒, 哪有不吃的理由呢~

話說上星期好趕快咁食左一次，覺得不錯，所以一星期後帶母親大人再試多次其他菜式丸，沒有什麼特別，貢丸比較好食湯，雖然好像清清地，但超級的甜！今次試半筋半肉，牛筋不算太稔，色水很深，但都好入味，而牛肉和上次一樣的好吃！味道比較淡，還好不太油和飯一樣的肉燥，菜都很新鮮

今日去開鴨寮街買嘢，夜晚就嚟深水埗搵食。發現有呢間新開嘅台式鋪頭，就入嚟試吓，入邊啲裝修幾特別好有懷舊嘅感覺，環境都好企理。呢度係以自己點嘅形式去叫食物嘅。呢間鋪頭個名打正旗號係食佢招牌嘅牛肉湯麵，所以我就叫左個招牌紅燒牛肉麵湯麵，湯底濃郁、啲牛肉亦都煮得好林、好入味、啲麵亦都好彈牙爽口，分量亦都啱啱好，值得推介！另外亦都非常之欣賞佢枱面上面嗰樽菜保，夠辣又惹味，伴麵一流。另外仲叫咗個蚵仔煎，好有台灣嘅風味！個皮煙煙靱靱，入面亦都有好多蠔，可以一試。

琴日自己一個係深水埗鴨寮街，睇吓有冇啲新奇有趣嘅嘢，行到攰攰地又凍又肚餓，去咗隔離街搵嘢食，見到一間台灣牛肉麵，幾有台灣特色望個餐牌又唔會話好貴，就入去試吓六點鐘之前落單都仲有套餐可以叫，價錢都幾平叫左個招牌半筋半肉牛肉麵，有生菜、蘿蔔佢嘅牛肉份量仲要係好多蘿蔔好入味值得讚，佢嘅招牌牛肉真係好好食，食落即溶入口麵就啱啱好，好彈牙唔太淋，真係唔好睇小呢碗麵好大碗我一個男人都覺得好飽 六點鐘之前佢仲有午餐，所以可以用餐價加錢點啲小食，有好多款㗎我就點左台式小香腸，香腸同一般台灣腸一樣皮脆肉香台式奶茶跟餐送嘅，台式奶茶佢有一種香草味，味道同珍珠奶茶一樣好飲其實午餐台灣牛肉麵咁嘅價錢真係抵食，仲要係半筋半肉，係大型連鎖快餐食個焗豬都咁上下，但而家就食牛肉麵