古早牛肉麵 (已結業)

飢腸轆轆 , 沒太大心情四處覓食 , 求其找一點比較易飽肚的來吃就算了 ~眼看對面街就有一間 古早牛肉麵 .... 台灣牛肉麵一直是我心頭好 , I like, 就入去幫襯 ~Menu ~ 天氣清涼 , 暫時不喝凍飲了 , 又點了一杯熱飲 桂圓紅棗茶 $ 20 來喝 , 味道甜甜蜜蜜又潤喉 ~ 蚵仔煎 $ 46 : 驟眼看落去就比較似 omelette, 吃落去口感不煙韌反而是比較黏糯 , 蚵仔不多分佈也不平均 , 個 sauce 也不太似在 台灣 當地吃得到的那種 ~ 招牌半筋半肉湯麵 $ 60 : 湯頭既濃厚又清香 , 味道頗對辦而且不算太油膩 , 牛腩和牛筋炆得濃香入味又軟腍 , 然而麵質偏腍 , 影響了其質感 ; 蘿蔔就不夠入味而且吃落有渣 , 整體來說算是不過不失 , 中規中矩 ~本篇完 ~

星期六半天工作，要放工後先可以找野食放得工去吃野，都2點幾，同另一半決定去深水埗，試試台灣菜。一開 openrice 就想起呢間 古早牛肉麵。我們去到不用等位，仲要有2人卡位坐，非常開心，便可以叫野食。我們叫左鹽酥雞排乾伴麵，麻辣牛肚絲，牛肉香蔥手抓捲餅，鳳梨蘆薈多多加珍珠。今次終於覺得呢間餐廳，食品很好，可以 encore 去吃，廁所乾淨乾伴麵很好吃，用心去做，鹽酥雞油份控制很好。麻辣牛肚絲，辣得黎好開胃。手抓餅好好味，油炸得好好，不油不膩。

同男朋友去左深水埗試姊妹裙，試完～諗住搵野食下。但係又唔知食咩～咪周圍行下囉～點知見到呢家就撞左入去～～～～因為太餓～～～我同男朋友兩個人叫左一個肉燥雞扒飯，一個台灣香腸乾拌面，一個滷蛋豆腐，一個芝士蛋餅。一個飲珍珠奶茶 一個飲百白果珍珠益力多。(ps. 但係本身杯野飲係蘆薈,但係佢免費幫我轉左做珍珠, 勁開心)一黎就黎左個飯先 !! 佢有d酸蘿蔔 同酸薑伴住碗飯 , 雖然我唔鐘意, 不過男朋友勁鍾意! 個飯同D肉燥都岩岩好 ! 唔好太咸! 肉燥份量又岩岩好夠撈飯食~塊雞扒真出色!!!!!!!!!!佢唔油 好脆 好有台灣夜市叫既雞扒咁 又juice. 之後黎左個滷蛋豆腐，我又係麻麻地，但係男朋友好鐘意，話個豆腐好正！！！之後黎左個芝士蛋餅！真係勁好食！又夠脆！入面個芝士係溶緊架ＯＭＧ！加左少少菜　無咁溜～～～最後黎埋個台灣香腸乾拌面～　就無咩特別咁囉～～　因為太肚餓相都無影～～　不過真係覺得幾好食～～　價錢都ｏｋａｙ呀！２個人食左２００幾蚊！　一個人都係１００鬆啲！你拎香港同台灣比　緊係貴架～　但係始終呢到係香港～～貴少少唔緊要啦～～～另外一提，ｄ服務員服務態度幾好！幾友善！食都食得開

上星期五去深水埗掃平野，掃完諗住是但搵間餐廳食下午茶，竟然俾我搵到正野！！5點去到還算是午餐，有飲品送去台灣連鎖cafe店食牛肉麵都差唔多價，所以一碗麵要$60我覺得合理， 因為台灣牛肉麵真係有誠意d!!!我揀左半筋半肉湯麵我講嘅有誠意就係大大址碗、好多牛肉！！蘿蔔好驚喜，好甜又無渣麵條口感都唔錯，軟硬適中件件牛都係呢個樣，真係好抵滷得入味之餘，又好淋！加$16有宜蘭迷你蔥肉餡餅（3件）咬開少少，入面好多汁，皮算薄！跟餐冬瓜茶另外點左香辣鹽酥大雞排，份量都幾大，夠脆口，但唔夠辣

深水埗很多特色食肆，見它是新開的，裡面裝修很有特色，決定試一試。我點了個招牌紅燒牛肉麵，既是招牌，理應好吃。吃著吃著，忽然發覺：怎麼不辣🤔🤔🤔🤔不過沒關係，伴麵的蘿蔔很入味，加分！不過如果沒蘿蔔，整個麵其實沒什麼特別。男友叫的是牛肚牛筋湯麵，湯底跟我點的一樣，不過整體比招牌的牛肉麵更好吃，至少牛肚牛筋都入味。我們另外點了一些小食，台式小香腸，一碟有4條，點單紙清楚列好。來到時有點驚喜，有甜薑等伴菜。不過這是我最不推薦的菜，因為完全沒有台式香腸的味道。至於紅油抄手，用的不是紅油（就是沒有用辣油制）用的是沙茶醬，所以只吃到沙茶醬的味道🧐🧐🧐🧐也是有點意想不到滷蛋豆腐比較乾身，滷水味不夠。不過值得一提的是飲品。可選大杯，小杯。價格只差$2。還可以選多冰少冰，少甜微甜。最重要是，餐廳選用外賣杯，喝不完可以帶走，一點都不浪費！總結：小食相對失色，可再光顧飲品！

又嚟深水埗找吃， 新開呢間台灣牛肉麵排曬長龍， 趁下午茶時間先可以找到位。位於食肆林立的深水埗食街，我就叫咗個原汁原味嘅牛肉麵， 原裝台灣奶茶， 仲有鹵水豬大腸。先講過豬大腸先滷水醃到個豬大腸好林好滑。 咬落十分嫩口淡淡成為， 隆隆的鹵水味配上新鮮豬大腸。完美的配合。牛肉炆到好林大大快一碗休六件， 每日新鮮訂製。 牛肉味濃郁， 件件都係正肉啖啖肉冇花冇假。古舊牛肉隆古法秘製， 牛肉汁味龍。面底用上台灣便， 麵心煙韌彈牙。砲台悉心佈置完畢人相 古早牛肉麵。

鋪頭裝修係幾特別嘅 好多懷舊嘅圖片 仲有好多人等位tim牛肉麵嘅賣相都幾靚 我滿心期待但一食就中伏啦.....可能我食開台灣果d重口味牛肉麵啦我覺得個湯底實在太太太淡牛肚就太咸 其他野就唔入味 牛根唔夠淋 牛有d鞋 蘿蔔雖然無渣但無味食左兩啖已經唔想食.....仲要69蚊一碗 完全唔值!!另外叫左碟肉躁青菜 一心諗住係A菜 點知係生菜 最知問下先叫啦.....d肉躁比較鞋....味道還可以呢間鋪 一個伏字 唔會再幫襯!!!

味道裝修都有台灣感覺的小店！今日FIF同朋友去完電腦廣場買野，打算係附近就腳食個快飯。係電腦廣場行無耐，就見到好大塊牌寫住古早。FIF不嬲都鍾意食台灣野，見到古早就衝左過去，呢間叫做古早牛肉面！店面裝修都好有台灣味道！唔少燈牌，令我諗起台灣夜市！都好有台灣感覺～～既然人地間鋪叫古早牛肉面，咁緊係要試一試牛肉面啦！牛肉好有質感，中間仲有層膠質，牛味都幾濃！湯底方面，聞起上黎都好香，飲起上黎唔會太喊，但又有牛香味！面方面，好有咬口啊！而且形狀有少少似伊面～都幾掛湯嫁！另外，朋友就叫左炸雞扒乾拌面。我偷食左友人一塊雞扒，炸到好香好脆！但雞肉依然嫩滑！讚！面一樣咁有質感，但加左肉燥，幾得意～另外叫左兩款小食，牛肉手抓餅。嘩！真係好驚人，手抓餅入面有牛小排！超滿足啊！另外叫左雞肉露旬卷，煎得香脆又滑嫩！都好值得推介！仲叫左一杯蘆薈烏龍茶，都好好飲好有台灣風味！總結黎講，成間鋪都好有台灣小店既感覺，味道又唔錯！如果想食台灣野，呢間都係一個好選擇！

新店有一些台灣的早期的裝修，但都係好睇唔突出地好食紅燒牛肉面:一直以黎，傳統上都是微辣。但此店都牛肉唔可以叫無味。要加台上的羅白先叫有D 微辣。台式飲品:都是一般貨式，但價格很貴，比貢茶之類鮮茶店更貴，一般索價>$20價錢:飯價唔叫貴，牛肉飯去到邊都索價$50-60但小食都很貴，一塊蛋餅，切4件，已經要~$30晚餐無套餐價，叫飯面跟飲料全部都要單叫，至少跟餐飲料50%價，等消費者心理上舒服些。

呢排真係忙到基本上日日都摺係屋企，十年都唔出街食一次飯。好朋友話太耐冇見過我擔心我摺係屋企太耐心理唔平衡，就約我近近地係我個區食下飯傾下計。諗諗下真係太耐冇露過面，點都要分d 時間比朋友嘅其實呢個sem 尾季節，係學生嘅都會忙到死，對於有選擇困難嘅我倆再要諗食咩真係會好想死於是我地決定去到個頭睇岩食咩就直接行入去。見到呢間台灣野好生面口，應該係新開冇耐。店員係門口好熱情咁叫我地入去試下，望入去都幾多人食，咁就試下啦～其實諗諗下我都係一個台灣嘅忠實fans,去旅行都已經去左3次，對於個種街邊小店嘅招牌都真係印象深刻。而係呢度竟然都比我見到係真係一模一樣！真係好懷念呀～幾時可以再去旅行每次黎到台灣餐廳都會忍唔住想叫牛肉麵，但今次朋友話想試下其他。如果每人叫個主食嘅話就會叫唔到小食！所以最後就叫左一個拌麵，2個小食同杯野飲share~呢個鹽酥雞排拌麵都幾大份麵多雞排都大塊，如果兩人黎食又想試多d 野真係跟我地個叫法會好d。拌麵鹹度適中，唔會食一半就已經好漏。鹽酥雞排都唔會un,不過我都係覺得雞粒一啖一粒嘅感覺爽d手抓餅係我話要叫嘅～因為實在太耐冇食過。呢個牛肉手抓餅比起係街上買嘅手抓餅稍稍大

見新開左間台灣野裝修又唔錯 於是入黎坐下叫左碗半筋半腩麵 啲筋同腩係唔錯 但個湯底同麵真係唔多掂 湯底得個咸字 麵太冧 而且價錢都唔平 重要係深水埗標準直頭係貴 應該唔會有下次

今日同老公兩個人又出咗去深水埗，早排見到呢一間台灣菜開張，就已經決定了試吓，因為我覺得佢個裝修都幾好，一入到去個環境都可以，服務員就一般般，1）紅燒牛肉麵，個湯底好鹹，面底一般，個牛肉都冧既，但連個牛肉都好鹹🤦🏻‍♀️2）蚵仔麵線，蚵仔腥到爆，個湯又係好鹹，可能d 鹽唔使錢🤦🏻‍♀️，成碗都係生粉水咁，得少量麵線，所以一上枱果時我真係笑左😏，3）牛肉手抓餅，可以叫做正常少少，但冇驚喜，4）手拍青瓜，只有少少麻油味😏😏😏😏😏，完全冇話可說啦，5）奶蓋烏龍茶，冇咩芝士味，只冇少少茶味，6）奶蓋抺茶，同上啦😂，總括黎講，咁既品質，一定唔會再去囉，價錢完全唔合理🤦🏻‍♀️🤦🏻‍♀️

伏得好緊要......肉燥飯 - 乾得好緊要。鹵水乾伴麵 - 冇味。雞扒 - 算正常少少。全部食飯都好熱，但係係連啲碗碟都係好熱，係用微波爐翻熱的熱！芋香珍珠奶茶 - 好粉，不香滑。岩鹽芝士奶蓋烏龍茶 - 淡，奶蓋少。請都唔會再黎食。150蚊，深水埗大把好選擇......勁後悔試新野。

可以說是食過最唔好食嘅台灣牛肉麵。麵條煮得太軟，沒有口感; 湯底淡而無味; 也沒有酸菜點綴。。。蚵仔煎 - 蚵仔及粉糊都未熟 (可能是特色嗎？😨) 當中還有蛋殻碎。。。魷魚焿 - 同樣是淡而無味，沒有一般魷魚焿的鮮味，似是生粉茨汁？另外還點了紅油抄手，牛肉捲餅，也只是一般般。這個價錢，這般食物，完全唔值。

約左朋友去電腦中心，買完野就係附近搵野食，呢間貌似新開的台色小店係黃金廣場後面咁方便睇落乾淨價錢唔貴就坐低了店內有d懷舊裝飾擺設多款台式飲品價錢不貴台式食品款式很多選擇價錢仲非常實惠我同朋友各自選了一杯紅豆奶茶及輕芝士岩鹽奶蓋紅茶，朋友話個紅豆奶茶好香奶味，紅豆豐富大大粒紅豆非常有咬口，我就當然試特色d既芝士奶蓋紅茶啦，茶味香卻帶有輕微的芝士乳味，少少咸又有少少甜感覺好得意但又幾夾喎牛肉香蔥手抓卷餅，香蔥味濃，手抓餅好鬆軟露筍雞肉卷，露筍鮮嫩，雞肉煎香後仍軟滑蚵仔麵線湯底清香，米線不會太淋剛剛好半筋半肉湯面勁多料，湯底濃郁牛筋蘿蔔好入味又軟滑