古早牛肉麵 (已結業)

半筋半腩牛肉麵，牛肉很軟身不硬，湯味濃。雞扒肉燥伴麵無什麼味道需要加入菜脯後才有多一點味道菜脯辣辣的很野味！需要的時候要問姐姐拿，不然就沒有了但好像全店得一樽而且那一樽只餘下很少最後點了一杯菠蘿洛神花茶！是不錯的酸酸甜甜！這店的飲品都可以選擇甜度和冰量！能照顧到每位客人的需求！每杯飲品都以外賣包裝，飲唔曬都可令走飲

他上次和朋友經過看到所以今次便特地來試試，是一間吃台式料理的看看點餐紙實在有太多選擇，所以每樣挑點來試，我就選了綜合麵線和宜蘭迷你蔥肉餡餅，加一杯茉香珍珠奶茶餐廳裡面裝飾得很有台灣古早味，看看招牌和掛畫，超級搞笑綜合麵線是有蠔仔和豬腸，麵線湯底比較澀身，不過容易夾起，我自己比較喜歡吃水一點，很飽肚豬腸滷得很入味，蠔不腥沒沙，整體都做得不錯，份量不會太少宜蘭迷你蔥肉餡餅，感覺有點像迷你版的生煎包，不過內餡肉比較少，皮厚一點，但非常爆汁，一咬即爆，要吃得非常小心裡面頗香的韭菜味，不會好膩，一小個剛剛好，不會太大份偷吃了他的鹽酥雞扒，香脆剛好不會太硬身，又不會太油，撒上了椒鹽很好吃，這個是原味最後來一杯茉香奶茶，珍珠份量不會很多，其實我不太喜歡吃珍珠，淡淡茉莉香搭上台式奶茶，算是不錯，但我叫了少冰，有點不夠冷，下次還是要正常冰量的好

行過俾佢懷舊風格嘅裝修吸引住，決定入去一試。主打台式套餐，以深水埗區黎講價錢唔算平。我就叫咗一個「台式小香腸肉燥飯」配珍珠奶茶。珍珠奶茶味道唔錯，唔會話太甜，亦有茶味。反而肉燥飯令我大失所望，小香腸咬落個皮唔脆，肉燥味道好淡。下次可能再試招牌牛肉麵，睇下可唔可以幫佢平反🤧

咁岩經過，見到門外裝在幾吸引，又有外賣台飲吧，就入左去試試，點知超有驚喜！！！😍😍😍1. 半筋半肉湯麵（＄60）無論牛筋、牛𦟌、牛肉都好淋身，好入味，真係分分鐘好食過係台灣食！！！😋😋😋我一定會再拜訪！！！😍彤樂評分：9.5/102. 鮮蝦紅油抄手（＄28)就咁睇好細碟，但食落好驚喜，鮮蝦入味又彈牙，加上花生沙嗲醬，好惹味呀！🤩🤩🤩彤樂評分：9/103. 鹽酥大雞排（＄36)依個對比係就普通左少少，但都夠大塊，同香脆嘅😂彤樂評分：8/104. 紅燒牛肉肉燥便當（＄58)相比起半筋半肉，依個牛肉就靭左D啦😟，不過都幾香，肉燥都幾多。彤樂評分：7.5/10

同朋友行下行下.都係見到門面幾特下所以入去試試一食之下...味道好珍珠奶茶...唔同一般出面既味道有台灣地道味服務員合格👍🏻價錢比較貴但都值得一食😍尼個冇得輸...蘿蔔甜..金錢肚入晒味..筋.有口感👍🏻..牛鍵..林到尼唔洗咬咁樣😍😍😍😍豬腸一樣好正...飯少左dd太好味了

和朋友行黃金商場，好早知附近多美食，周圍都是天堂，選間台灣菜啦好好味，酥脆外皮，肉質鮮美多汁，口感好香起碼有十块豬軟骨，超抵食，煮得好入味麵線彈牙，有肉碎拌碟熱飲品有少少偏淡，我下次試凍飲品餐牌主打牛肉麵裝修成復古老店

店面的確好有心機，打造台灣古早味，喺同區固然會較容易吸引年青客人。但食物味道絕對不是台灣古早味，友人食嘅牛肉味湯底係濃，但味精好重，食完會渴喉豬軟骨味道還可以，但肉燥味道好淡，比起台灣嘅欠缺肥肉同油香，所以撈埋麵食只係似醬油一樣，無咩口感。我嘅台式香腸肉燥飯同樣道理，不過香腸好甜，而且三小條都算多了。最好食的應該就係杯珍珠奶茶，奶多而且好滑，都有茶味。五十幾蚊一個飯都算係咁架喇，裝修咁有心機，提高個價都情有可願嘅，不過單以食物質素同埋食得好逼來講，相信就唔會返轉頭了。

在石硤尾工作多年，再同事的邀約下過年前到深水埗吃牛肉麵， 去到鋪頭才知道是台式牛肉麵。這間牛肉麵店裝修頗新淨， 餐廳內嘅設計亦非常之有台灣風味， 從牆壁牆計畫同擺設都感受到猶如神在台灣。三個同事 各點了一碗牛肉麵， 及 一碟柯仔 仔煎和滷蛋豆腐，而我點的是一碗半筋半肉麵給一杯凍冬瓜茶。半筋半肉麵賣相非常傳統台灣嘅牛肉麵， 有蘿蔔牛筋及牛腩 再加幾片生菜配上深褐色的濃湯。 而味道方面牛肉非常入味， 牛筋 煮得很淋帶少少煙韌，牛腩非常淋，相信廚師以用濃湯燉煲了最少兩個小時， 蘿蔔也非常淋也很入味。滷蛋豆腐其實是豆卜， 放上蔥花賣相不俗，味道也很好， 鹹淡適中。看來子pancake 的蚵仔煎， 用的蠔也 比想像中大隻， 味道也很鮮味，我很喜歡 那種 黏著的口感。除了牛肉麵之外我最欣賞的是這杯冬瓜茶， 好味清甜 有冬瓜香味配上牛肉麵是一個很好的配搭。整體而言， 古早牛肉麵 質素不俗 令人有身在台灣的感覺， 不枉我步行了15分鐘 來吃這頓台式午餐， 而且價錢也不貴。

今日去咗深水埗食飯，感覺餐廳的門面及室內設計很懷舊方式，檯、凳設計都是好舊式簡約的。點菜方式是自己畫紙仔， 我點咗個鹽酥雞扒麻辣醬拌麵加杯綠茶多多。 數分鐘後我點的食物已上枱，好靚隻碗碟都有他們餐廳的招牌， 食酥皮雞時外脆的裏面軟腍很好吃， 同麻辣醬撈埋一齊食確實非同凡響😋。 綠茶多多係一杯綠茶加乳酸的飲料撈埋，飲品不過不失啦。 此餐廳在我坐下來到我食物上枱已經有很多顧客進出人流極旺。 幸好似餐廳上菜快所以不會流失顧客。 在呢一區或者是最旺的這條街其實很多食肆，這條街車仔麵餐廳是很出名的全部排曬人龍出門口，我都唔知點解食車仔麵可以有咁多人,同埋其實所費不菲.... 幸好自己今天選擇了在這間餐廳吃飯，不用與其他顧客擠擁在一起。食口感覺良好下次一定會幫襯因為看見鄰枱的牛肉麵個樣好似好得！

今天，難得經過深水埗,成條街都係食店，都唔知食乜好，最後揀左間台式食店。裏面裝修頗有心思，周圍貼滿富趣味性的畫。由於正直午市，餐廳提午市lunch set , 普通一個麵大約$5x-6x ,如果叫set , 只加$2就可享用飲品。我叫了一碗半筋半肉湯麵，果然是招牌食物，大大碗又啖啖肉，d肉一點也不chewy，裏面的蔔白滲左湯的精華，又軟又入味，好味到暈。另外再叫了兩個小食，呵仔煎、滷蛋豆腐。呵仔煎頗特別，d蠔仲好大粒，份量不算多。滷蛋豆腐，d滷汁唔太鹹，最怕食太鹹的野，味道適中，至於豆腐其實係豆卜

舊式嘅小店我一向都支持.. 今次獨自行完黃金就揾野食.. 依家的確多左好多台式牛肉麵店掘起.. 就決定試試呢間小店喇.. 裝修簡單水泥牆水泥地加一點掛畫點綴一下.. 睇睇下掛畫有啲係幾好笑架.. 自行畫單.. 選擇種類不算多.. 另外台式飲品有分3個容量.. 的確係方便細食嘅女仕們.. 當然不是在說我喇..肉燥燙青菜:  咁嘅配搭的確可以食多碗白飯就剛剛好.. 不過燙青菜就個量太少變相咸左少少.. 總算試到肉燥味道.. 挺好的..  薑汁桂圓紅棗茶:  熱飲嘅份量就只有一個容量.. 而且隻杯都普通紙杯.. 無左相機食先嘅衝動.. 本身飲品係健康養身茶..  入面仲有薑片紅棗粒.. 夠足料.. 半筋半肉牛肉麵: 當一上左碗麵俾我之後... 我明白"古早的由來"咯.. 因為一夾就見到完整一大舊牛肉件.. 筋位同肉位分佈平均.. 一咬落去啖啖肉.. 哈哈.. 感覺似係男人嘅恩物咁.. 而且牛肉量都好多.. 湯底夠濃再加埋少少辣菜甫.. 更加惹味.. 食唔停口.. 這次獨樂樂的百元大餐.. 原來食台灣野一餐都差不多.. 我下一次會再試其他款嘅小食.. 挺多元化嘅小店.. 連麵線都會.. 集中台

雖然話香港去台灣係好方便，不過有時口痕想食台灣野。今次朋友介紹左呢間又有氣氛、又有台灣味道嘅餐廳試下。入到餐廳，整個環境都好懷舊咁。牆邊有貼住好多嘅裝飾，而且全部都係舊日教本、舊時電視海報咁，好懷舊。餐牌有好多台灣地道菜色，有主食、小食、飲品。而今次一個人就簡單一碗豬軟骨肉躁飯配珍珠奶茶。豬軟骨肉躁飯嘅豬軟骨好淋，而且鹵水味好重，所以都好正，而且唔會因為鹵太耐而乾硬。至於肉躁又唔會好咸，拌飯一流。台式珍珠奶茶絕對不能錯過，珍珠大粒，奶茶香滑，完全有台灣的感覺。

我係一個非常鍾意食台灣野既人成日揾唔同既台灣餐廳食今次就去咗古早牛肉麵去到緊係要點返佢個招牌牛肉麵啦不過就唔係湯麵係乾拌麵一撈佢個麵就有好濃烈既香味食落好好味，仲好似有花生醬既味道佢既牛肉都好淋，而且入味小食方面點咗牛肉手瓜餅餅皮有啲脆，牛肉又非常多汁，好正呀！除咗牛肉，入面仲有葱，令到成個感覺唔會好油好想再叫一個台灣小香腸都一如既往咁好味最後我仲點咗一杯輕芝士岩鹽冬瓜茶口感非常特別，芝士唔會好腬可以一試

呢度裝修好有特色，可惜店員服務一般，食物質素麻麻，尚有改善空間。午餐價錢，除非你飲指定飲品（唔洗另外加錢），否則同全日其他時段冇分別。牛肚牛筋湯麵（$56）湯底夠濃，但總係好似欠缺咗一啲靈魂咁，個人覺得偏鹹。不過，牛肚同牛筋就夠入味，麵條扁扁地帶曲都掛到湯，而且都幾大碗。朋友的鹽酥雞排肉燥乾拌麵（$55）感覺比湯麵更大碗，鹽酥雞排炸得香，內裡雞肉都算juicy! 但食食下都覺得稍鹹。其中一杯餐飲叫左熱黑糖珍珠奶茶（跟餐加$16）茶味不足，典型台式奶茶弊端，堂食都用上外賣杯，而且我飲到一半至發現冇落到黑糖珍珠，後來補加返，可惜珍珠偏淡，冇黑糖味。有漏單情況，整體感覺麻麻。

到深水埗買小首飾及文具，為小學生們送上禮物。 想不到一逛逛逛了三個小時，已經到晚飯時間。 決定吃了個快飯才回去， 看到了這間台灣店好像是新開的，之前也沒有看過所以便決定入去一試。來到台灣店當然要吃它最普通的牛肉麵，牛肉麵的精華在它的湯底，當然它的餸也可以選擇，所以便選擇了最豐富的牛筋牛腱牛肚牛肉麵。 牛肉麵的湯底十分濃郁，再配有少少藥材味，而且味精應該不是太重，飲完也不會覺得口渴。 牛腱炆得淋淋的而且味道深入了每一絲的肉絲內，正。牛筋也煮得十分淋，入口有立即流入喉嚨的感覺，帶膠質黏性。牛肚吸收濃郁的鹵水味，可以知道它滷了湯汁多久，口感爽。吃了牛肉便後叫了一杯鳳梨洛神花茶，洛神花茶甜甜酸酸的，十分好飲，我還加了蘆薈，份量好多，完結了一餐豐富的晚餐。