古今二 (觀塘工業中心)

营业中

休息中

是夜和朋友來觀塘的古今二吃日本菜～餐廳外邊是鐵皮屋般的造型，走懷舊風格。這裡主打各種創意卷物，如果吃膩了一般的傳統壽司，不妨來這裡尋找一下新鮮感前菜點了一份煙三文魚沙律配香濃芝麻醬，綴以車厘茄和角切刺身，清爽開胃點了兩份串燒過過口癮，分別是袐製蒜香牛油帆立貝和黑豚荔枝卷串燒。帆立貝啖啖肉充滿牛油香，而黑豚荔枝卷鹹甜兼備，荔枝的清甜味道中和了豚肉的油脂香卷物拼盤點了三款，有綠野仙蹤、火山和金龍卷，賣相非常吸引～好豐富呢。綠野仙蹤是比較清新的一款口味，上面有粒粒的香甜水蜜桃，裡面有八爪魚、蘋果、蟹柳、牛油果、飛魚子，味道輕盈沒有負擔中間的火山堆滿了餡料相當澎湃。口味有青瓜、牛油果、蟹柳和帶子，味道香濃很好吃呢金龍卷就是芝士、炸蝦和三文魚的組合，炸蝦脆脆的令口感更有層次，入口惹味

從OpenRice知道古今二0600pm開始有85折優惠，不想錯過興沖沖跑到觀塘這家。特色菜龍捲風沙律必點，哩個沙律裡面有蟹柳、海藻、生菜、脆片同好多沙律醬，份量很足，食落去甜甜酸酸幾開胃，而且食菜的同時食到脆皮，脆脆的口感幾特別。拼盤富士山也很特別，中間係富士山，由海籽、脆皮、鰻魚同埋好多蟹柳絲而成。廚師好有心思，用不同食材創造不同壽司🍣，除佐色彩繽紛，口味都幾好。黑豚荔枝卷串燒讓人意想不到，豚肉裡面有荔枝，食入口甜甜不會油膩，幾好創意。日式豬頸肉串燒好嫩滑多汁，入口溶化，表面亦燒得好香。很有特色的一家日式料理餐廳🍴

好多朋友講過都話哩間好食，今日終於抽到時間約朋友聚聚，順便潮聖一下，去到門口見到店鋪裝修有一種型格既工業風。龍卷風沙律($68)，非常大份，女士必食之選，將材料切成絲，底下鋪住生菜，一軟一爽口既口感好豐富，健康得黎又好味。古今日式餃子($40)，餃子煎得香脆，餡料既肉鎖得住肉汁，食落帶少少薑味。黑豚荔枝卷串燒($38)，創意小食，一般比較少菜式用水果做熱食，豚肉卷住荔枝肉出奇地幾夾，咬開荔枝爆出荔枝汁，甜甜地，加埋肉既鹹香，而且一冷一熱既口感不錯。主角兩款卷物出場啦。蜘蛛($85)，軟殼蟹配卷物簡直絕配，酥脆香口，盡可能一口放晒入口，因為餡料不易一咬就甩。忘不了您($88)，面層既醬汁真係無得頂，甜甜辣辣咁非常惹味，最內層係炸牛肉，食左一啖發覺有脆口既口感，細心一睇，原來牛肉係沾上左粉漿再炸，所以飯和牛中間有一層脆口炸粉漿。超級龍卷風($88)，最後再order多一款卷物，另一創意料理，餡料除左用上炸蝦和鰻魚之外，面頭再曬上薯片碎，有助提升口感，而且係我最喜愛既芝士味。

好耐冇去日本呀，要去食日本嘢呀，一解思鄉🤗🤗一向都有食開呢間古今嘅日本餐廳，好鍾意佢哋嘅裝修同埋好鬼馬嘅菜式名字😛好肚餓梗係咩都嗌啲啦，我今晚要食澱粉質，日式炒烏冬😚大大碟，一上枱就充滿日式嘅風味，烏冬炒到啱啱好，材料有勁多，日本魚蛋，黃芽白，青椒，紅椒，黃椒，木魚😚配埋甜甜地嘅日式醬汁🤩🌟日式麻醬豆腐沙律🥗份量好多，沙律菜超級新鮮，配埋日式豆腐，蕃茄仔，免頭仲有大量嘅蟹子，食落口好有層次，重點係配埋日式麻將真係冇得輸😋我哋嗌左三個卷物，個名幾得意囉，煙花，富士山，彩虹卷。🌟煙花個名真係好靚，好似真係去咗日本睇煙花，材料有辣味三文魚，辣味吞拿魚同埋脆片，呢個真係不得之了，因為調味啱啱好，辣味可以令三文魚同吞拿魚更加提鮮，配埋脆片🤪🌟富士山，上枱個賣相真係成個富士山咁，真係要俾100分，材料有蟹柳，鰻魚，牛油果同脆片，鰻魚同牛油果🥑做咗條卷物，再鋪上大量嘅蟹柳🤗🤗🌟彩虹卷，有三文魚刺身，吞拿魚刺身，章紅魚刺身，配埋牛油果青瓜同蟹柳😚😚呢個淨係見到個賣相就色彩繽紛，望到都覺得開心，重點一題呢度啲刺身好新鮮😋🌟袐製蒜香牛油燒帆立貝，廚師好有心機燒呢粒帆立貝，因為一上枱就已經好大浸牛油嘅香味，

依間係觀塘工廠大廈既日本野🤪好值得去試!💫食物好讚🥳而且地點好方便 易搵😙🐽 火山🌋 & 金龍卷🐉 ($88 & $88)兩款壽司都好好食! 推介😻火山既主要材料有蟹柳 帶子 牛油果🥑 青瓜🥒上面仲鋪左蟹籽🤤🤤整體配搭非常好🥰金龍卷係炸蝦壽司🍤炸蝦外脆🤪上面配埋三文魚同芝士 正🥳🐽 牛肉壽喜燒🍲 ($138)天氣涼涼地 食個壽喜燒👅湯底勁濃味🤤🤤入面既料都好豐富除左牛肉🐮仲有娃娃菜 豆腐 粗粉絲 菇等等🍄🥬好食😼😼🐽 龍卷風沙律🌪 ($68)超大份既沙律 個名改得好好🤣🤣有蟹柳絲 中華沙律 沙律菜😙夠新鮮 好開胃🌿🥰🐽 熱情果芒果沙冰🥭 & 全熟白桃梳打🍑 ($42 & $28)

之前聽朋友介紹過古今二既卷物好創新，叫我有機會要去試下。☀️富士山 面頭有大量蟹柳，中間有鰻魚和牛油果，脆片增加口感☀️煙花睇明真係唔明係咩，原本係辣味三文魚加辣味吞拿魚，兩種辣味既魚類係口中溶合比賽，的確好似煙花般爆發。☀️青龍面上有大大片牛油果，卷物中間包既係蟹柳同饅魚，牛油果味會比富士山高。除左卷物，我地仲叫左小食同沙律！☀️煙三文魚沙律煙三文魚份量好多，而且大塊。沙律菜爽甜，仲有少量三文魚籽、日式煎蛋，口感同味道都豐富。☀️日式燒豬頸肉串燒首先要讚下豬頸肉係原切，燒完都仲好嫩滑多汁，但略嫌有少少過。。☀️秘製蒜香牛油燒帆立貝蒜香同牛油都足，而且係好明顯食到，但就唔太夠鹹，如果同豬頸肉打均就岩岩好。好推介卷物，真係又創新又特別，無咩其他地方會食到。

我喜歡日本料理，Kokon的創意卷物及壽司是很有特色。在香港有2家分店，老板把這種創意卷物手藝，從加勒比海帶來香港。交通非常方便，地鐵出來就是。餐廳在觀塘工廈里，寬敞舒適。我們首先要了日本本溫室南瓜沙津：有南瓜、蔬菜、洋蔥等，甜甜的南瓜與沙律醬味好夾，夠健康。串燒日式豬頸肉：惹味彈牙.。秘制蒜香牛油燒帆立貝：蒜香味濃郁。卷物是招牌必點的，煙花：有辣味三文魚、吞拿魚，脆片，有小小辣，口感豐富而有層次，非常醒胃。富土山：有蟹柳，鰻魚、牛油果、脆片，好多蟹柳堆成一座小山，非常形象，買相十足，夠水準。午夜牛郎：有三文魚、牛油果芝士等，香口有咬口，好好味。服務也非常周到，食品出品富有藝術感，以後會再次光顧！

同朋友慶祝生日🎂，講到想食壽司🍣，就大家放工即刻又想到呢度，好耐之前食過一次，沒想到再嚟一樣有驚喜😳，食物質素、服務態度同樣夠掂夠堅，好滿意😃———————————————————————————🥢倫敦橋💬暫時去唔到英國🇬🇧，不如叫返個London Bridge 🌉 嚟過吓癮先，其實係海膽炸帶子青瓜卷，賣相都好吸引，粒粒都放在勁新鮮嘅海膽，有咬口又有質素，好正🤤.🥢黑豚荔枝卷串燒🍡💬荔枝嘅甜味同黑豚緊緊結合，夠多汁又夠香口.🥢清酒🍶煮蜆+青口💬蜆大大隻都幾鮮，湯好足料，有本菇同洋蔥，好重牛油味🤭.🥢燒牛舌👅💬厚薄適中，充滿油脂分佈，熟嘅程度剛剛好，鬆軟唔太韌，仲配上麻油汁幾特別🤤.🥢燒茄子🍆💬櫻花蝦嘅燒汁配襯下，提升咗燒茄子🍆嘅口感同味道，茄子攤平烤嘅情況，肉身連皮都變得相當腍，超掂😳

Having visited 古今 in CWB, I said yes without second thought when my lunch partner suggested this 古今二 branch in Kwun Tong. It was located in a factory building. Interior renovations were such a big contrast with the factory building outside. It was quite Japanese although less so compared with the CWB one. Their long list of creative Maki Rolls was their selling point. Apart from these, they also offered sashimi, sushi, salad, appetizers, grilled dishes, tempura, rice etc.Maki rolls were a must.

今日返工返觀塘，經同事介紹先知就觀塘的美食～鋪名好易記叫做「古今二」，同事果然無介紹錯，食完的確覺得幾好味😋前菜整個健康沙律先，是「龍捲風沙律」，底下鋪滿新鮮爽脆的生菜，中層有中華沙律，頂層是蟹柳絲和蟹籽，配合燒汁及千島醬，超！好！味！網燒牛舌：牛舌厚厚一片好有口感，黑豚荔枝卷串燒，燒得好香，咸咸地的豬肉片配甜甜地的荔枝肉好夾～荔枝都中和左豬肉本身的油膩感，驚喜😊青龍卷：牛油果同鰻魚好夾～彩虹卷有青瓜、蟹柳作為餡料，上面是三文魚、吞拿魚及牛油果，好清新辣妹：炸蝦卷同吞拿魚蓉的創新配搭，又幾好味😋

餐廳除了提供了有好多選擇，除了有刺身壽司等，還有很多不同款式的卷物，名字很有趣，配搭新鮮。花多眼亂，點了數款食物試一試。日式天婦羅。炸得脆口，而且皮不厚。炸蝦大大隻。秋葵外面脆，入面保留濕潤。一口紫薯很甘甜。三文魚頭湯鍋。足料，份量多。 除了三文魚頭，還有很多配料。蘿蔔等配菜都很鮮甜，三文魚肉也不少。胡椒味重，秋冬暖身一流。點了兩款卷物。圖左面是“蜘蛛”，右面是“忘不了您”。蜘蛛紫菜飯包住了炸軟殼蟹，牛油果，青瓜，蟹柳。炸軟殼蟹鬆脆，牛油果和青瓜平衡了酥炸感。忘不了您芒果在最頂層，包住了炸牛肉和芝士。賣相吸引。卷物有著芒果的甜酸感，好清鮮的感覺。

我係第一次喺官塘工廈食晚飯，朋友帶我嚟，好得意😆，工廠樓上，竟然有一間日式餐廳，一推門進去，已經有唔少客人，幾熱鬧。朋友點菜，我哋一齊share：日本温室南瓜沙律（$ 55）都幾大份的南瓜沙律，配上車厘茄，蟹子及蛋黃醬等，南瓜很creamy，健康好味。日式天婦羅（$ 85）有大蝦、紫薯、茄子及蝦肉釀秋葵，剛炸起，熱辣辣，炸漿很薄很脆口。最後就係呢到嘅人氣壽司卷，啲名好過癮😆：綠野仙踪（$ 98）：左邊有黃色水密桃粒便是，裡面有蘋果、八瓜魚、飛魚子等。富士山（$ 88）：中間就係富士山，由鰻魚、牛油果、脆片同理好多蟹柳絲而成。蕉魔（$ 98）：有香蕉、芝士、炸牛肉、牛油果。每款都幾好味，廚師好有心思，用不同食材創造不同壽司卷，除咗色彩繽紛，口感亦夾。我最鍾意係綠野仙踪，水蜜桃粒令整個口感加添了清新🌱，是我喜歡的味道。

是日午餐Chloe 姐想食日式野 又唔想食刺身同生既食物（因為戒口）又要近近地最後搵左呢間古今二 朋友都黎過 口碑唔錯既見到個餐牌都好吸引 卷物及壽司pizza 都想食為左唔浪費 都係叫左啲套餐同小食試下先卷物餐：個餐可以揀2款卷物 有生既有熟既我本身好少揀鰻魚 因為好怕有細骨 今日膽粗粗試下 又真係冇骨 味道都唔錯鰻魚軟滑加炸蝦香脆 唔錯炸雞配咖哩蛋包飯 咖哩好香 味道都ok 熱辣辣上架雞塊外脆 入面都軟滑唔會好乾如果飯內多少少蔬菜🥬粒就仲好呢個餐係卷物配烏冬卷物又係揀兩款 真係岩晒想食多種類野 花心既朋友 味道都唔差其實仲叫左 壽喜燒 同另一卷物餐 但冇影相仲叫左餃子🥟（味道ok)同 章魚小丸子🧆P.S章魚小丸子係炸果款 外皮硬。有啲油膩唔係燒 唔岩我胃口所以麻麻地 唔係日船果款

之前去過銅鑼灣分店食卷物之王古今2因為實在太好食所以encore去觀塘總店試.🍄日式麻醬豆腐沙律豆腐好凍又滑又香好似豆腐花撈埋個麻醬 跟啲沙律菜 好清新🍄串燒黑豚荔枝捲串燒外面係黑豚肉入面係荔枝捲埋一齊再燒咬入去啲荔枝滲曬啲汁出嚟帶出咗黑豚肉嘅香 感覺清新 味道獨特日式豬頸肉串燒豬頸肉整到好冧好軟 個燒汁好好味 啖啖肉又夠大粒🍄卷物金龍捲 入面係炸蝦外面係三文魚炸蝦脆卜卜卷埋一齊 好香口火山 入面有青瓜牛油果蟹柳帶子有四樣主要嘅材料口感好豐富有唔同嘅味道 真係整到一個好似火山咁嘅狀態東京爆趣 其實蟹柳三文魚卷兩隻都好新鮮 紫菜仲脆卜卜.雖然喺工廠大廈入面 大裝修非常之靚行輕工業風 座位舒適 除咗幾日可以試下食刺身👍👍

約咗朋友喺觀塘食飯，佢問我想食乜嘢，我話想食日本菜，佢就帶咗我哋呢間喺工業大廈裏面嘅餐廳😁我哋叫咗幾樣嘢share😋$88嘅「富士山」、$98嘅「綠野仙蹤」、$98嘅「蕉魔」：呢啲全部都係壽司名字，應該都係自家創作，三款壽司全部放喺一個碟裏邊；「富士山」上面鋪上大量碎蟹柳、再加咗啲薄脆，下邊放加咗黑白芝麻嘅壽司飯；「蕉魔」上面有條燒過黑黑哋嘅香蕉，幾香，上面仲加咗雞蛋醬；「綠野仙蹤」上邊有小粒桃同大量雞蛋醬，裏面好似有啲牛油果；基本上全部都幾好食，絕對係新派壽司🍣😋$85嘅「日式天婦羅」：脆漿好薄好輕，有蝦、茄瓜、紫心番薯、秋葵等，全部都幾好味😁$48嘅「網燒牛舌」：牛舌好厚身，有咬頭，好牛味，仲燒得幾香😋呢度嘅新派壽司真係幾得意幾好玩，係一個有趣嘅體驗😁😋