古今二 (The ONE)

营业中

休息中

.聽講呢間餐廳有幾間分店，環境好舒適☺️最啱約朋友聚會🍻 仲咁啱被編排坐到卡位🤩睇menu見到餐廳嘅菜式有好多選擇，有壽司、刺身之外，仲有好多特色嘅卷物、串燒、鍋物、天婦羅～.▪️紅粉佳人 $118 • 6/10呢款係推獎嘅特色卷物🥇賣相好吸引！！辣味吞拿魚、辣味三文魚都好惹味😋入面仲包住牛油果同蟹柳～.▪️海老天婦羅卷 $62 • 8/10炸蝦口感非常脆🍤加咗芝士增加成個卷物嘅滿足感！！唔好以為細細舊，食食吓其實都幾飽🤭.▪️日式麻醬豆腐沙律 $88 • 9/10個沙律一嚟到，我哋都忍唔住「嘩」一聲！！會唔會太大碗，太足料🤭🤣豆腐滑嘟嘟～ 有濃郁嘅豆味，加埋日式麻醬超級開胃！😋沙律菜同蕃茄仔都好新鮮，仲有蟹籽、飛魚籽、芝麻喺面，仲比我發現咗中華沙律原來係咁好食！！推薦👏🏻👏🏻.▪️鹿兒島豚肉蘆筍 $45 • 8/10蘆筍好味，完全冇渣！！值得一讚👏🏻豚肉嘅口感不錯，同蘆筍好夾🤭.▪️鹽燒白鰻 $38 • 9/10白鰻燒得好香，勁厚肉～ 仲熱辣辣😌咬第一啖juicy到爆汁！！口感紮實、豐厚，充滿魚油嘅香味🤌🏼加埋檸檬汁嘅點綴🍋 滿分！

呢間日本菜菜式特別 每次經過都絕無冷場 呢日嚟試下佢嘅水準😙東京爆脆🍣 $98好精緻嘅外形 味道都令人回味無窮餡料有吞拿魚同蟹柳 少少蟹籽增添口感比一般卷物味道層次豐富😇宮崎味鹽牛舌串👅 $32即叫即燒 上枱仲熱辣辣火喉剛好 好有口感 香口滋味😋鹽燒白鰻 $38皮香肉鮮 絕無異味 我都冇再落檸檬好幸福嘅味道呀~ 串燒都好高質 推薦🍢櫻花蝦原條茄子燒 $88香氣撲鼻 醬香四逸 櫻花蝦佈滿整條茄子🦐櫻花蝦咸香味好惹味 茄子多肉嫩滑🍆龍卷風沙律🥗 $88用料豐富 包括蟹籽 蟹柳 脆脆 生菜🥬清新爽脆 口感滿足加上微微wasabi辣嘅沙律醬 好開胃😉

今日同個friend係 the one食飯，就簡左呢間環境唔錯既日本野古今二佢地既lunch set有好多選擇我地叫左一客雙拼卷物 $88👍🏻👍🏻揀左加州卷同埋鰻魚牛油果卷份量好足 加州卷超多蟹籽 配埋青瓜同蟹柳夠哂清新 鰻魚牛油果卷好足料 配埋個鰻魚醬好match另一客叫左日式鰻魚蛋包飯 $98👍🏻👍🏻賣相好靚，鰻魚有3塊大大塊，配上滑滑既蛋包飯，好滿足午市套餐仲配麵豉湯及飲品👍🏻👍🏻凍飲都係加3蚊咋

📍古今二呢間壽司舖應該唔少人都食過，出名特色創意卷物🍣近排係尖沙咀再開分店🤩裝修風格有別具日本特色🇯🇵環境舒適又寬敞，坐得非常舒服😌🥗日式麻醬豆腐沙律 $88以前菜黎講，份量認真多😆日式麻醬同豆腐一齊食，簡直係perfect match! 大量既麻醬淋係豆腐上面，仲有量超多既飛魚子、蟹籽🦀、車厘茄、黑芝麻同沙津，好豐富！😝🕷️蜘蛛 $103外型真係成隻蜘蛛咁🫣主要係用炸軟腳蟹、青瓜、牛油果🥑同蟹柳製成嘅一個壽司卷，材料好足😌軟腳蟹炸得好香脆，唔會炸到乾咗😌仲熱辣辣添！外面亦都淋咗醬汁，味道就酸酸甜甜～😗🎆煙花 $108以三文魚同吞拿魚為主😝三文魚有特別調製過個味道，所以食落偏辣；而吞拿魚蓉配脆片同蟹籽竟然有意外驚喜！佢哋嘅味道好夾，口感有啲脆口🤩吞拿魚同三文魚食得出係新鮮，如有豐盈飽滿，大推呢款壽司卷！😆出色出色！🍤秋葵蝦肉天婦羅 $78秋葵就平時食得多，幾鍾意食佢嘅質感～但秋葵裏面釀蝦肉就真係好少見，先講天婦羅個炸粉夠薄，唔會好厚同覺得好油；而蝦肉咬落係幾爽口既，同秋葵嘅味道配合得好好😆🐽鹿兒島黑豚荔枝卷串燒 $32鹿兒島黑豚肉既肉質鮮嫩且多汁，逼晒啲油脂出嚟🙈裡面包住粒荔枝，味道幾甜

今日尖沙咀係the ONE行街…搭lift時見到古今2張poster…原來不經不覺開左成10年…poster仲有介紹下古今2個名既由來都幾得意。朋友話不如又黎試下…因為第一次去古今2都係同呢個朋友…去懷緬下呢間店有大玻璃採光…比其他店感覺開揚…舒服睇餐牌見到好經典roll乜龍勿龍🤣🤣…不過今次試下新野雜錦刺身沙律…呢個有三文魚…tuna…八爪魚撈左個辣汁既沙律…微辣…食完好開胃東京爆脆…紫菜roll…一咬落去入面脆卜卜燒牛舌…呢個牛舌切粒燒…牛舌好彈牙燒鱔…鱔好肥美…脆脆肉彈牙龍捲風…面頭放左我估薯片既物體…幾特別又幾機…roll入面有芝士同鰻魚同以前比較水準都keep到👍🏻👍🏻…而家仲多左好多其他選擇

👌🏻幾個星期前造訪過呢間居酒屋，印象比較深既係佢地有不少自家設計過既新奇卷物，係其他日菜唔會試到，而卷物味道又的確幾美味而又特別。今次行經 The one，決定一試尖沙咀分店既水平 🤪👅 東京爆脆 ( $ 98 )新奇既卷物，紫菜飯卷包裏住蟹柳條及香烤過既吞拿魚，味道十分豐富，魚鮮及紫菜味先後呈現，而卷物之上既蜜黃色醬汁為卷物增加咸香及辛辣之風味 🌀🌀👅 龍卷風 ( $ 72 )Fusion 意味既卷物，飯卷包裹住鰻魚及芝士 🧀 入口馬上有濃郁既芝士味道襲來，加上芝麻粒粒同脆脆片，極具玩味 👾👾👅 柚想蝦你 ( $ 108 )而柚子果肉粒粒、生菜、蘋果、蕃茄、牛油果等做蔬果作沙律底，加入生蝦刺身及蟹籽做主角，再以柚子汁調味，清新怡人既沙律 🍎 ☘️🥑 🍅👅 鹽燒白鰻 ( $ 38 )肥厚既白鰻串燒，碳燒逼出油脂，口感紮實豐厚而魚味突出 🐟🐟.👅 鹿兒島黑豚荔枝卷串燒 ( $ 32 )味道獨特既串燒，燒豚肉片包裹住一粒爽甜荔lp枝，烤肉味與果香之清甜兼得 👍🏻▫️◾️▫️◾️▫️◾️▫️◾️▫️◾️▫️◾️▫️◾️▫️古今二 (The ONE) (尖沙咀)📍尖沙咀彌敦道100號The ONE 5樓502號舖#mooo

今日係尖沙咀剪完頭髮，返屋企前就行咗去隔離The One睇吓有乜嘢晏晝好食，今次揀咗呢間日式餐廳試吓。大約十二點鐘左右餐廳啱啱開門，所以做左第一位座上客，餐牌方面都有唔少選擇，單單係卷物就有幾十款，而且用 QR code 落單非常方便快捷。🥗 龍卷風沙律 ($88) : 實物非常震撼，份量勁大兜成座山咁，足夠四人份量，而且用料相當多，有蟹柳絲、蟹籽、脆片、椰菜、生菜等等 😍配上兩種醬汁，少少微辣之餘又有清新爽脆嘅味道。🍤 金龍卷 ($105) : 三文魚上面用咗兩款醬汁調味，配搭鬆脆嘅炸蝦同忌廉芝士，味道層次豐富，鍾意食炸蝦嘅朋友咪走寶。🧀 炸雞芝士卷 ($62) : 芝士卷口感又脆又嫩，脆片鋪滿成個芝士卷，而炸雞炸得恰到好處，雞肉嫩滑有肉汁。

今日揀咗間較熱門嘅日式餐廳，餐廳入面有好多唔同種類，包括丼飯、壽司、火鍋等出色嘅菜式，仲獲獎無數，令人值得一試。餐廳有多間分店，大家可以揀選啱心水嘅地方，去試一試🤪龍捲風由芝士、鰻魚、脆片組口，加上鰻魚汁增加壽司風味。另外，最出色嘅地方係每粒壽司入口都感受到濃濃的芝士味， 鍾意食芝士嘅朋友，一定要揀佢。秋葵蝦肉天婦羅秋葵完全冇任何苦澀味，好清甜味道，加上彈牙厚實嘅蝦肉，增加口感之餘，仲可以增加海鮮味。櫻花蝦茄子燒係又香又甜嘅燒茄子上，鋪滿密密麻麻嘅櫻花蝦，加上微辣醬汁，令到口感增加唔少層次感。東京爆脆心機之作，內層先用壽司包住吞拿魚、蟹柳，再經過油炸，最後再用壽司包住炸壽司，形成強烈對比，增加香脆可口嘅口感，配上蟹籽加蛋黃醬，大大加強爆脆嘅口感。十分有誠意。

之前都幫襯過呢間日式餐廳 不過尖沙咀呢間分店就係第一次嚟 所以可以坐到窗邊嘅卡位 環境幾舒適😉日式麻醬豆腐沙律呢碟沙律都幾大碗🥗 配料有沙律菜 豆腐 番茄仔 面頭仲有大量蟹籽同埋三文魚子呀🐟 胡麻豆腐配沙律幾清新 係呢一餐美好嘅開始海老天婦羅外層炸得好脆🦐 幾特別嘅係佢唔係普通嘅炸粉 而係一啲炸米 所以個形狀都會唔同 入面嘅蝦肉幾彈牙 而且幾有鮮味 隨住天婦羅附上嘅天婦羅汁入面仲有埋白蘿蔔蓉 點埋個天婦羅汁食就冇咁油膩啦🍤埼玉網燒牛舌呢個牛舌真係好值得推介👅 而且呢個厚度食落口都幾軟腍腍 一咬就斷 唔會好韌火山呢個係好值得打卡嘅菜式 因為上碟時店員會點火🌋 喺呢個卷物嘅四圍就好似火山一樣😙 卷物入面青瓜 牛油果 上面堆滿蟹柳絲 呢個真係好豐富 打卡一流呢間嘅卷物有好多唔同嘅選擇 好多都係呢間餐廳嘅特色 鍾意食日式卷物嘅一定要嚟食啊😎

尖沙咀The One美食匯聚，不少人喜歡下班後到這裡與朋友小聚覓食，這家古今二晚市時段經常有人在門外等候入座，可見人氣不俗。店舖打破傳統框架，以創新特色的卷物吸引到不少喜歡新意的食客。🥗 蟹柳沙律 $78蟹柳份量充足，底層沙律菜新鮮爽脆，上方有蟹籽、牛油果和車厘茄，沙律醬微辣開胃。🍣 龍捲風 $72一口鰻魚卷加入香濃奶香的芝士塊豐富味道層次，再撒上薯片碎增添口感，令人想多吃幾口。🍣 東京爆脆 $98外層被輕輕炙燒過，香脆的紫菜和米飯包著蟹柳及熟吞拿魚，上方加上微辣沙律醬及照燒汁調味，十分惹味👍🏻🍆 櫻花蝦原條茄子燒 $88原條醬燒茄子上面佈滿櫻花蝦，為單調的茄子增添味道，茄子燒過後外皮仍然保持少許濕潤，可以整條連皮進食。🐟 鹽燒白鰻 $38燒烤過的白鰻串魚皮香脆，沒有魚腥味，以少許鹽作調味，味道恰好。✏️ 另收加一服務費

放工同朋友聚一聚又想食輕盈D, 尖沙咀甘多選擇就最方便喇~ 之前都有朋友介紹古今二,見THE ONE 都開左, 甘緊係要試下啦~餐廳環境唔算大, 但我地坐嘅位置都唔算好迫~.2 個人叫左4 款野食, 全部都輕盈健康 🌸日式麻醬豆腐沙律以日式麻醬作為主調,好香好清新~份量都幾好大, 滿滿不同款式嘅新鮮爽脆沙律菜, 最估唔到係有我中意食嘅中華沙律, 有晒兩種唔同的口感; 另外表面鋪滿左蟹籽和三文魚籽,呢個配搭夠好味~ 沙律上件麻醬豆腐都好滑,豆味都好濃 🌸彩虹卷3款不同魚生配搭埋牛油果嘅卷物、有青瓜蟹柳, 用料同口感層次都甘豐富 🌸金龍卷外表夠晒色彩繽紛, 三文魚搭配沙律醬 炸天婦羅蝦配搭芝士, 但無油濟感🌸自家製玉子燒 居酒屋必叫item, 玉子燒邊燒到微焦甜甜的加上美乃滋醬，滋味提昇

古今係一件味道幾好、正常穩定登揮的日本餐金龍巻之前嚟，多數都係食佢嘅特色卷物：蜘蛛（炸軟殼蟹），今次就試吓金龍卷，其實就係炸吉列蝦為主，上面再鋪有三文魚嘅卷，味道就加咗黑醋沙律醬（？）同埋千島醬（紅色）調味。炸蝦都幾新鮮，咬落去博博，所以都幾好食。龍卷風沙律為咗食多啲菜，我哋就叫咗個沙律，但係冇諗到份量非常之足夠！可以三到四個人分，其實都冇問題。沙律汁嘅味道都幾開胃，酸味之中帶有微微的辣，可能因為落咗類似Tabasco嘅嘢（？ ）自家玉子燒（6件）玉子燒厚度有正常發揮，上面鋪有蟹紙，沙律醬，咁樣嘅味道，加埋其實都好難唔好食。另外，叫咗兩串串燒黑豚豬頸肉串燒(1串）豬頸肉我特別鍾意，，而且有多少少脂肪（半肥瘦），食完想再叫多一串😍鹿兒島黑豚荔枝卷串燒荔枝唔係成粒荔枝嘅，而係荔枝肉，有少少甜味，為豬肉帶嚟左少少新鮮嘅口感。

#chuchu食在尖沙咀📍 古今二嗰日🐷唔太餓，就上左The one行下，食日本野居酒屋就冇咁滯！見到爆場就試下佢！之前都有聽過佢啲卷物好出名！就試試佢！💡 記得訂位先，🐷嗰日食飽差唔多9點都仲有人等位！—————————————————————❣️日式麻醬豆腐沙律 $88超級大兜！麻醬沙律一定冇死，點撈都好食！酸酸甜甜，開胃！面頭仲有超滑豆腐！最欣賞係有海量蟹籽、三文魚籽同番茄仔！健康之餘都多左份新鮮！同埋清新爽脆既沙律菜🥗，夠晒refreshing，用黎做前菜幾好.❣️東京爆脆 $98卷物係呢度嘅特色！紫菜包住脆片，入面有熟吞拿魚同埋蟹柳，加上辣辣哋嘅沙律醬，本身🐷唔太鍾意吞拿魚嘅腥都食到，仲幾鐘意！口感好豐富配搭特別！.❣️秋葵蝦肉天婦羅 $78有驚喜！🐷一向都鐘意秋葵個口感（好多人話變態🤣）釀左蝦滑會冇左咁滑潺潺同臭青嘅feel，可能會多啲人容易啲接受！.❣️雞胸軟骨串燒 $38🐷最愛雞軟骨，日本版就長啲！好有咬口！.❣️鹽燒白鰻 $38小心有骨！不過超香！燒到脆卜卜，入面啲肉都仲好嫩，好肥美，油香十足！—————————————————————不專業評分👅好味指數: 8/10 💰性價比

古今二我已經食過幾次，不嬲都覺得佢啲創作卷物好食，尖沙咀呢間我未食過，咁啱同朋友去搵嘢食唔知食咩好，所以就去咗The One呢度食。好彩我哋早少少6:45去到，隔咗一陣已經開始排隊。🍙東京爆脆呢個係卷物，入面有吞拿魚同埋蟹柳，上面嘅醬有少少辣，但係其實夾埋一齊就好惹味。🥗龍捲風沙律估唔到都幾大碗，有蟹柳、中華沙律、脆脆同埋菜。呢個組合好難唔好食🤣仲有夾埋啲醬都係有少少辣辣地嘅。🍢鹽燒白鰻個肉幾厚身，燒得幾滑唔會太老，如果個皮脆啲會更好。🧄蒜香牛油燒帆立貝帆立貝大大粒又係燒得啱啱好。🍤秋葵蝦肉天婦羅聽個名好似有啲怪，但係呢個意外地好食過天婦羅嘅脆醬唔會太厚，齋食秋葵會覺得滑潺潺，但係加埋蝦肉就有蝦肉嘅彈牙中和返。

好推薦這間尖沙咀高質日式餐廳💯 位於THE ONE，餐廳裝潢呈日式居酒屋風，環境氣氛好熱鬧，坐得舒服。店員服務質素高，一入座便送上熱茶🥰 食物創新 質素高，價格合理，長期滿座，請提早預約💖💖💖食評💖💖💖東京爆脆（卷物） ($98)✨ 吞拿魚、蟹柳推薦！好有特色的卷物😍 外表輕輕炙燒過 脆而不硬，裡面包裹著鮮美的吞拿魚和蟹柳，配搭醬料，味道出色。口感非常爽口，食唔停口😋 秋葵蝦肉天㷌羅 ($108)✨看似冇特別，食落好有驚喜😍 以秋葵和蝦肉為主要材料，外層裹上鬆脆的天婦羅糊，炸至金黃色。沾上醬汁 咬下去，口感酥脆，內裡的蝦肉和秋葵爽滑鮮甜，口感味道一流👍🏻鹽燒白鰻 ($38/串)✨好肥美！以鹽燒方式烤製，魚皮香脆，肉質鮮嫩多汁，口感十分豐富。滿口魚油香味，讓人一吃難忘，十分推薦😚 配上檸檬減輕油膩感