古今二 (The ONE)

营业中

休息中

古今二我已經食過幾次，不嬲都覺得佢啲創作卷物好食，尖沙咀呢間我未食過，咁啱同朋友去搵嘢食唔知食咩好，所以就去咗The One呢度食。好彩我哋早少少6:45去到，隔咗一陣已經開始排隊。🍙東京爆脆呢個係卷物，入面有吞拿魚同埋蟹柳，上面嘅醬有少少辣，但係其實夾埋一齊就好惹味。🥗龍捲風沙律估唔到都幾大碗，有蟹柳、中華沙律、脆脆同埋菜。呢個組合好難唔好食🤣仲有夾埋啲醬都係有少少辣辣地嘅。🍢鹽燒白鰻個肉幾厚身，燒得幾滑唔會太老，如果個皮脆啲會更好。🧄蒜香牛油燒帆立貝帆立貝大大粒又係燒得啱啱好。🍤秋葵蝦肉天婦羅聽個名好似有啲怪，但係呢個意外地好食過天婦羅嘅脆醬唔會太厚，齋食秋葵會覺得滑潺潺，但係加埋蝦肉就有蝦肉嘅彈牙中和返。