博多拉麵 (已結業)

噚晚入到沙田, 諗住去返上次食過一次既博多拉麵啦....入到坐....睇下個menu....見到個二人餐都幾吸引喎...有湯啦, 有刺身既沙律啦, 有刺身啦, 有壽司啦, 有天婦羅啦, 有燒牛肉啦, 有八爪魚丸啦, 再加埋個烏東...價錢都係HKD238咋...見到好似有哂想食既野咁, 所以我地就決定左要呢個餐啦~味道唔錯呀..牛肉好入味...一D都唔"UN"...天婦羅脆卜卜.....隻蝦都好大隻架...刺身就一般啦...八爪魚丸就普通左D個烏東...正呀!!飽飽....總括黎講都算唔錯呀~

1) 食物不夠熱2) 職員冷淡 (唔加茶 / 傾偈 / 又食香口膠添...)3) 飲品杯底唔平, 我杯飲品會"自"轉4) 冇豉油5) 成日聽到員工叫 "一生一蛇", 請培訓一下正確的日本發音, 客人都會開心啲.其實好多方面都可以再改進下~

我一家三口日前去咗上址晚膳，坐落覺得D侍應服務幾好，當拉麵拎到嚟便順手放低部手機同一張單張係枱面，一睇D拉麵賣相欠奉，食落湯底唔夠濃，炒什菜同炒拉麵味道又過咸，想著快D食完快D走，埋單先放番部手機，已經一路食一路望著部手機係枱，點知埋單時老公就掛著比錢，我就掛著叫啊女收埋部NDS，就溜咗部手機唔記得攞，番到屋企發現時第一時間打電話去話無執到，但又話有D同事放咗工，叫我聽日再打電話去，於時我一連三日都有打電話去問，結果答案都係話無，但嗰日我起身離開張枱但又未走時已見到有一個侍應係到執緊枱面，嗰時枱面重有張單張，真係人嘅職業操守同品德????後記：手機雖然唔算新款但唔見咗有D心痛，不過最重要係手機入面D資料。唉！

地點係新城市底層既博多拉麵﹗其實行到來呢度無咩人可以選味千，不過又係貪新鮮出事了﹗晚餐定食有個麵又有0的小食都不算貴﹗工友點左牛肉鍋赤麵配兩件壽司而我就要左呢個有海鮮既寄世鍋赤麵配煎餃﹗滿心歡喜等食物啦﹗食左兩日白粥都真係好辛苦的呢﹗煎餃來了..........嘩，0的煎餃成隻湯餃咁，又凍又淋，似十足一隻已經煎左十幾年而放在碟上等人來要的食物﹗唔係呀嘛？個面就夠哂燶呀，不過0的皮已經開始軟哂仲要開始爛，我懷疑佢係咁易搵熱水灼一灼就攞比我食﹗我頂﹗﹗﹗呢0的似蒸爛左既小籠包似0的喎﹗大師傅﹗壽司兩件普普通通﹗主角來了，這是我是麵﹗湯底是麵屎味湯﹗件蝦天婦羅我已經高速放佢上碟上怕佢淋，點知發現其實唔係掂到湯的地方淋了﹗是成舊也淋的﹗不知又炸了多久呢？呢0的赤麵我都係第一次試﹗口感有如一0的不彈牙的冷麵一樣﹗真不明白佢點解要用湯煮，0的麵發鬼哂，形成一條條灰色的麵粉條，你有膽試我請你食一碗﹗入口像泥像粉又像沙..............最後，這是我離開前拍的麵﹗雞肋都不如，棄之沒有可惜，最多下次不來﹗陳宮見到都唔會介紹曹操食啦﹗0的麵好似掂都未掂過﹗走後我都有想想，其實是不是有人愛吃不彈牙，

男朋友鐘意食拉麵，沙田區又無乜選擇，見呢間未試過，但係見唔駛等位，就試一試啦。坐低都覺得有啲唔對路，八點鐘晚飯繁忙時段，竟然得四成滿。Menu上面最啱食嘅「豬軟骨烤雞串拉麵」竟然八點鐘就話賣哂，咁唯有叫咗一個「叉燒雲吞拉麵」同埋「吉列豬扒拉麵」，再加一杯橙汁同一杯凍檸茶。嘢飲嚟到，杯橙汁啲Size大概只得100ml，細杯都算嘞，仲要勁溝水，淡到不堪。後嚟要求店員換杯凍檸茶，waitress一聲唔好意思都冇，還要聽到水吧職員埋怨做乜要換，點知原來凍檸荼嘅味道都唔好得幾多。而且Waitress不論放低嘢食或嘢飲，永遠都就咁放低就算，攪到我同男友要自己喺狹小嘅枱上面進行嘢食大執位。老實講個「叉燒雲吞拉麵」尚算OK，至於個「吉列豬扒拉麵」就簡直令人扯火。豬扒又細又乾，啲炸粉鬼咁厚，肉就得少少，味道差得難以形容。啲粟米一啲味道都冇，連平時最愛食粟米的我都食咗唔係食咗好多。成個麵叫做合格嘅係個湯底，唔太咸清清吔OK。總結，無論食物質素、份量、服務態度、價錢合理度各方面都唔合格，呢間嘢真係就算免費都唔會再去，無謂搵氣自己受。特此寫上食評，免得更多人遭殃。

唔知邊知個同我講話博多d 拉麵好正宗, 但覺得幾貴一直冇試,上個禮拜見佢個下午茶幾平咁就試下la~( 未上黎check 食評所以我食果陣係冇偏見的 )我係試吉列豬排拉麵ge, 跟兩粒x魚丸同凍奶茶.d x魚丸有d 太林同粉, 麻麻地同埋好細粒..個麵都係有d 林, 但都幾多吓, 雖然麻麻地, 但好過味千成半碗都係芽菜..豬排冇另上, 又係林, 仲要浸住都唔夠熱.不過個湯底其實幾好, 冇味千咁勁味精, 全餐最滿意呢樣.不過臨尾好恐怖, 飲飲吓杯奶茶竟然有粒檸檬核 勁驚佢冇洗杯lor, 同個waitress 講佢話可能唔小心掉入去ga 啫, 一定有洗杯咁話喎...佢問我要唔要多杯..我都就飲完咁滯, 飽到死梗係唔要la...佢就咁就算lar, 冇offer any alternative 補償 - -" 有點兒嬲lor, 九折都好應該oY.不過個湯真係OK.. 如果o係沙田想食拉麵ge話都會試多次ge..

牛肉鍋烏冬好好食，唔係啲人講到咁差。不過壽司就死死地，好似整定雪咗好耐咁。而啲拉麵就真係麻麻，啲麵本身都唔好食。另外，吉列生蠔都唔錯。

今日我去沙田行街, 在新城市廣場最下一層找了一間日本拉麵店, 就是這間博多。我叫了一碗炸雞天婦羅烏冬, 本來諗住轉接麵, 點知服務員告訴我要加多$10, 我覺得唔合理, 所以冇轉, 最后都係要烏冬, 心諗要加錢先可以轉拉麵, 係咪烏冬好難食呢!等了5分鐘左右, 一碗熱騰騰的烏冬上枱, 味道不錯, 湯底清淡中又帶點甘香,不太油膩, 而烏冬質地好彈牙, 甚至比拉麵更好味, 更野味。不過有一個最大缺點的是天婦羅跟烏冬同一個碗內, 沒有另外分開, 令天婦羅浸在湯內, 變得唔脆及淋身, 口感不太好。不過這個下午茶包一個前菜(有三件壽司)及一柸餐飲, 都係$38 , 其實好抵食。如果餐飲叫奶茶, 仲可以自己調配甜味及奶味, 唔差。

到此餐廳吃過兩次, 食物質素參差, 像銀鱈魚超難食, 但牛肉鍋烏東就超好食, 我會為了吃牛肉鍋烏東而再次光顧.

與友人一齊去食博多, 本人覺得係非常普通! 問佢跟餐壽司係咩, 竟然話係師傅想整咩就整咩, 唔係呀話? 整著個唔岩自己口味既係咪有得換先?!!! 問佢餃子有幾多舊, 得兩舊, 10蚊1舊餃子, 我寧願番屋企自己整.....我覺得跟餐飲會好過跟呢d不知名壽司同餃子lo!!叫左個拉麵, 要加辣椒油同辣粉至好味d, 然後個芝士焗帆立貝, 簡直係令人失望!!! $42蚊得兩粒帆立貝, 仲要入面有d水.....當個waitress擺係檯度既時候我完全覺得被rip-off!!! 舉手想要添茶, 個waitress拎埋個bill過黎, 我都無話要bill, 使唔使趕客??overall黎講, 拉麵ok, 不過服務態度同經營模式都好有問題! 我一定唔會再去! 係完全唔抵食.....以呢個價錢我expect一d好d既服務態度同食物分量!

25-06-2008 打完風，又要返工；於放工後，求其選擇一間就腳的，於是選了『博多拉麵』。博多拉麵在開業時的口碑已很差，諗住都開了咁耐都未結業，應該有改善啦，点知都係非常失望！服務態度又OK 喎！加$5 有嘢飲係侍應主動提出，又有笑容，好。我們兩人選了兩個套餐:1.肥牛拉麵套餐, 有肥牛拉麵, 配炸小蠔, 加$5.00有凍檸檬茶；2.雲吞义燒拉麵套餐, 有雲吞义燒拉麵, 配壽司, 加$5.00有橙汁；上餐後就失望了！炸小蠔外表好但內裡有一泡冷水，應該是解凍不足，討厭！壽司就精致了，小到似是在超市的size 一開二，您地自已諗吓有幾大件；講到麵就更失望了！首先湯底有少少鹼水味，好彩味精不多；肥牛還可以，叉燒又乾又硬，雲吞內裡像粉頭，拉麵煮得太稔了，不夠彈牙，一pat 嘢。檸檬茶淡,無茶味，橙汁連菓汁先生都不如。好了，不再寫了，因為其他人已給了很多不滿的評價了，大家知就OK 啦！不再幫趁就是。

雞扒拉面..雞扒又硬又乾想點呀?!服務態度又差上菜乜都唔講就咁放d野上台又唔係平又唔係好食但又好多人等位食~以後唔會再去!!唔怪得咁多惡評啦

本人常常出遊，去過唔少日本的食肆，覺得呢間野唔係你地講到咁差囉，就我自己的經驗所得，日本人的口味係偏向濃味，咁呢間野，就我食過覺得係正宗日本湯底，而唔係味精湯囉，假如未去過日本試過ge你不妨去試下，我就覺得呢一間d湯係似日本ge湯底，我覺得這間店是配合日本人的口味，假如你是要品嚐港式的日本拉麵，我個人可以以人格擔保，你會覺得喊囉d野，有陣時唔係d野喊就係味精囉，講番個日啦，我食左個豬軟骨拉麵，本人覺得個湯底超正，同日本九州的湯底接近啦，之後豬軟骨都唔錯，夠入味。個套餐有包埋飲品同一客壽司，係兩件卷物加鰻魚壽司，卷物ok啦，有些少似太卷，鰻魚壽司也不錯啦，個杯即磨咖啡香濃幼滑，不過d waitress就可以再主動少少啦!

有一次我2:00早放學去左果度食,我想囉位,但係個女waiter見到我個"身形"就好資宜我係咪玩野,好灰氣錦問我"小朋友,你係咪真係一個人架",我話係.之後我入坐叫野都冇咩問題,埋單果陣就好唔gur錦又灰氣問我"小朋友,有冇錢比呀" 我心諗,你係咪salt架,冇錢我入黎把鬼,我果時火都黎埋,以後唔會再去tea time d面尚可接受,但係service就好唔得啦,間野算clean下午茶貴左d啦,我去其他拉面叫tea都唔洗咁貴

我今次係第一次寫食評, 因為真係唔想有人再受損失, 其實我知道而間嘢喺尖沙咀係有一間, 事關我好多年前(我諗有8-9年前)食過, 我唔記得叫咗咩嘢食, 不過好記得係都幾難食價錢唔合理之餘仲要味道又唔係好食, 自此之後我就BAD LIST咗佢上兩星期, 我老公突然好想食拉麵, 見到有E間嘢, 我都同佢講過唔好食架喇,...不過算啦, 我老公未試過, 咁咪就再試多次.... 今次佢叫咗個炸豬扒拉麵, 我就叫咗個烏冬....首先, 塊豬扒得半隻手板咁大, 食落去唔脆不特只, 仲要冇肉味, 好似唔知格咗幾多晚夜然後再叮番熱再拎番出黎俾人食, 個麵唔彈牙好"林", 湯底得個喊字....至於我個烏冬就好少少, 不過D麵都係唔彈牙, 湯底普通, 一D都唔值90幾蚊...我老公食到好嬲, 埋間果時一個仙TIPS都冇俾...真係好想E間嘢快D"汁", 起碼有機會開過第2間好食D嘅餐廳