博多拉麵 (已結業)

我咁大個人都未食過D 咁恐怖的日本野。今次都係第一次。星期日去食野，肚餓餓地…其怪啦…呢間野唔洗等…一定有估怪…但心諗，日本野差極都有個"浦"掛。點之…出事啦。我點左個牛肉煱定食…平時我都食日講，煱類的野都係水/湯加D菜同肉…如果呢D 都做得差…呢間野執得。點之我真係想食囉。個湯第一啖都幾甜…但飲多啖就覺得唔對路。點解甜得咁古怪既………好假喎……唔似菜味…亦都唔似牛肉味。真係囉命…我好辛苦先食晒D 肉...其實未實呢煱野之前我係食沙律…佢果個沙律，我食第一啖就罷左一邊…咩黎架…咁怪既D 味道…原完唔似食乜。好恐佈。我諗麵鼓湯係呢一餐最好的東西…但係佢係SPICY....囉...Orz ..好啦﹒呢間野咪叫我再去………又貴又唔好食……結果成個餐我好似冇郁過….....

尋晚收工之後同老公去咗沙田因為太肚餓, 所以行咗幾間餐廳之後去咗呢間拉麵食野我地要咗個涮牛肉火鍋 + 八爪魚丸 + 加州卷 + 煎餃子 一路serve 我地既小姐既service 都好好 食物尚算不錯份量非常既一餐醫飽咗我地只係最後既一件事就令到我地好失望我地叫咗埋單跟住有位女侍應過黎俾單我地張單$350.9我地俾咗$360跟住我地等咗超過5分鐘都冇人找錢俾我地跟住我地行去問另外一位侍應呢位侍應就同收我地錢既女侍應講未找錢俾我地但係我地見到收錢既女侍應係度埋緊數仲問佢同事: 要找幾多? 收錢既女侍應唔知要找幾多錢架咩? 跟住我地好嬲, 就冇理佢地走咗!我地唔係計較個$9.1而係佢地點解會唔找錢俾客人?我做server 時就算一毫子, 知道客人唔會攞返我地都會找返俾客人呢個係餐廳俾客人最後一個印象就係因為呢個印象令到我地唔會再去唉~

08年7月5日唔知咩事去左沙田 , 同小羊又無食o野 , 知佢like 食拉麵就去這間 (其實我想try 隔離pizza多d)好似係tea time , 一碗noodle + 小食 + drink , around $3x~ 6x叫左2個set , 一個choose壽司2件 ,一個choose 八爪魚ball , 壽司係3文魚同熟蝦 , 不過不失 , 八爪魚ball得2粒, 仲要勁乾...我地叫左2個麵 , 其中一個等左勁耐 , 吹左幾次唔唔多理你咁 , 湯係拉麵靈魂 . 可是...個湯好油同好"水" , 即無味.....後悔之選

行完IKEA之後去市廣場醫肚見附近都是食飽的店...同大佬唔係咁想食飽于是乎去食拉麵去到已經過了Tea time2個人拎住一大袋戰利品，況且人又唔多服務員竟叫我地坐係2抬客之間的二人座位會唔會迫得濟呢？又無位放野喎...都唔識轉下彎..我地二人點了京蔥叉燒拉麵($45)都幾大碗，夾了大佬一片叉燒吃...薄薄的...沒怎麼特別牛肉拉麵($48)上枱時的拉麵尚算熱辣辣，但如果再熱點就更加好...牛肉薄薄的...不太肥...拉麵都好味，但普通..都不錯喇八爪魚小丸子($38)依個真係好唔得喇...細粒之如仲淋patpat食得出的只是一團粉醬...仲差過小食店的$10/6粒服務方面呢~~只見服務員企係度我都叫個拎碗既阿姐幫我加茶咋因為d玄米茶幾好飲...飲左2杯就叫左2次...店舖面積又唔算大，客人又唔多依d服務今時今日唔得架！

今日早左放工... 番到新城巿好似咩都試過, 唯獨係呢間劣評如潮的未試! 食過之後, 果真係名不虛傳!!!我同honey叫左兩個拉麵定食... 其實揀的時候已經有所掙扎! 點解日式拉麵會有鮑片? 又或者點解會有菜肉雲吞??? 搏多拉麵真係咁特別架咩????肥牛拉麵: 牛肉好鞋... 其他的感覺好即食麵feel!!!吉列豬扒拉麵: 多謝晒!!! 吉列豬扒的確有麵包糠... 有炸過的痕跡, 可惜上檯時係唔熱的.. 成個豬扒面都係淋的... 炸粉已經變左做淋左的麵粉!!! 咁都賣得???? 好明顯係一早炸定, 放響個熱爐上保溫... 好快餐店feel!!! 如果係咁, 不如唔好分開上啦, 放埋入個碗度會冇咁覺囉!!吉列蠔: 呢個更加奇怪... 蠔係採用左煎蠔餅的蠔仔一隻... 然後用左大量的炸槳! 蠔的size同別府的差三倍!!! 勁!!!煎餃子: 呢個不得了... 食得出可以響一田度買的.... 一包12件果d!!!到埋單的時候~ 侍應拎住我的$200.... 響收銀機前玩左10分鐘... 埋來時... $149... 即係找番$51啦~~ 哈哈哈.... 佢竟然只係拎左$50.4....

Try once is enough ~ Go to have Ramen with a friend...she insist Japanese noodles...Sitting down here in this shop...Had a beef shabu shabu set - so soBeef Noodle set - not very good, the beef is over cooked...The food is so so, not that great and no need to come back....

晚上7點多, 不用等位? 有點奇怪, 不過算啦, 相比隔離既pizza店, 真係遠觀吧...入座2人位, 有點奇怪, 好似靠邊站咁...點了秋刀魚定食, 需時比較耐, 要等上20分鐘, 相比起我的海鮮喬麥面, 真係耐d喎~秋刀魚定食黎喇, 有漬物, 有魚 + 一大個飯(但係男朋友好似唔係好夠飽, 但佢之前食左少少我既面同送咖喇...)魚: 少少燶啦, 不過叫做好味, 唔會話過淋喎~飯: 只係暖既?漬物: 一般, 無得話好唔好食...食飯時, 男朋友見到table底有『小強』!!!唔係呀fa!!! 真係快d食完快d走...埋單都要等2分鐘! 有無攪錯?

兩個人@沙田新城市已經揀到冇咩好揀了，不如取其穩陣(初時@@")覺得係A1出品，應該有保證(卦)......傻佬個豬扒拉麵比起九月尾吃的Arena豬扒差一段距離，人家鬆軟好多@@"而我既餃子皮太Lum身，另外隻餃子豉油做咩咁早氣落定呀？好似我咁要脆皮既點算@@"（我就係D唔點豉油既人@@")猶幸個牛肉鍋燒烏冬還夠熱=]同埋牛肉都夠腍*不過真係冇咩特色.....回憶，都係屋企附近以前既雪國沖繩好@@"

今晚同男朋友落到黎沙田~唔知有咩好食~去到第三期見到間博多拉麵~形式好似好特別~因為係個開放式既地方~我叫左個牛肉鍋烏冬~好好味呀~d湯底好正~其實服務態度都幾好呀~我要熱水~同個烏冬炸野分開上~佢地都會呀~都唔似你地講既咁差呀~今日食左一百六十幾蚊~都ok呀~下次我地會再黎食個烏冬呀~男朋友都話呢到幾抵食~咩都有~環境同一般既餐廳唔同添~

同現代原始人一樣，今晚諗住食好o的，就去新城市廣場看似好好食o既博多拉面食下，埋單加埋一總共$117.7，畀o左$120，等o左好耐好耐好耐都無人找錢，都唔係為o左o個兩個幾咁執著，純粹覺得正常o既服務好應該找錢，但呢間舖頭o既人好似覺得幾蚊唔係錢，唔需要找錢咁，我最後認唔住問其中一個唔知叫ping定pine o既女侍應：你地好似仲有張單未找錢喎! 佢畀o左個臭臉我之後問我係咪要張單，我要張單做咩?????? 我就話：你地好似仲有幾蚊未找! 後尾佢拎o左一堆好散o既毫子過o黎我就一粒都唔漏咁拎走，佢仲要好差態度咁蓋埋本o野走o左去。真係唔會再幫襯!!! 咁o既價錢加一換o黎o既係一肚氣!!

前日同fd黎食dinner黎到諗住事但喇就揀左食拉面點之呢間野差到咁點菜果陣想將個餐個烏冬轉做拉面點之要加$10有無搞錯ar! 加成10蚊咁多!!最後都叫左豬扒拉面配餃子另外個fd就叫左泡菜豚肉拉面配壽司我個餐等左好耐先至上又唔係落漏單叫個人幫我地追下,,點之果個人聽完就算服務態度超差我個fd食左成大半我碗面先至上有無搞錯!先講我個豬扒拉面同餃子塊豬扒細塊得好緊要..仲要好多炸粉...個湯都ok la到個煎餃子喇好細粒...個皮又"淋"晒煎餃子喎....唔係應該脆脆地ge咩!?到朋友果個泡菜豚肉拉面同壽司泡菜太酸..又唔辣...d豚肉好肥!!肥到五花腩咁到個壽司一上碟,見倒同幅相唔同,幅相有3舊佢就得2舊...咁都算喇見倒舊wasabi...真係細粒到....洗唔洗咁"孤寒"呀..?壽司我就無食但從朋友口中得知真係唔掂佢話好唔新鮮..物價高脹都唔係咁呀..!?個餐要成70-80蚊但質量只係值20-30蚊叫人下次仲敢黎食咩..!?

好想食拉麵，見佢有 tea set 就入左去試下... 豬扒飽魚片拉麵 (唔記得 exactly 個名，總之係 b 餐) : 豬扒炸得幾香，但一般日式餐廳水準，脆槳好厚，肉質 ok ... 但好細舊，豬扒唔係好貴架姐，咁都要慳; 飽魚片都係現成貨；個湯底都叫幾濃味，唔算好多油.. 但衰在唔夠熱。 跟餐的八爪魚丸... 睇個樣都知唔掂. 一 d 都唔挺身，食落去係凍冰冰 + 林 pat pat 的。 青瓜卷: 呢個好難整得難食既.. 佢都 ok 啦。不過，佢好取巧咯。係 menu 張相.. 係連埋黃瓜卷一齊影架 ~ 即係張相裡面，係有青瓜卷 x 6, 黃瓜卷 x 6 ~ 咁我地見到佢 12 件 $22 先叫 ~ 點知上菜果時只有青瓜卷 x 6，咁 o 晒咀啦﹗之後問個伙計，佢話張相係一齊影，但兩樣野係分開賣... 個 menu 寫住係「青瓜卷或黃瓜卷」，所以兩樣野係分開賣咁話喎 ~ 嘩﹗你今次咁捉到我字塞，咪你叻囉.. 下次一定唔會再幫襯姐。總括黎講，食物質素一般.. 但又唔係抵食喎. 同埋 menu 事件令我對呢間食肆既感覺好差... 喊面就走唔甩架喇﹗

與友人到此午餐,二人均拿著大包小包,店內還有很多吉位,卻只給二人座位,扣分!如若滿座,本人當然明白.但若未滿座,這安排有欠細心.點了兩客午餐,餐飲想轉可樂,待應冷冷說:12蚊,我問:是另加12蚊嘛?待應態度有待改善.最後選了橙汁.吉列豬扒拉麵午餐配了壽司,但壽司水準太差,像中學生開聖誕party自家製那種,寧願這個餐沒有壽司.吉列豬扒,賣相味道皆一般,拉麵及湯底較好.冷稻庭烏冬午餐配了八爪魚丸,味道可以,友人後悔選壽司.天婦羅味道不錯,冷稻庭烏冬亦夠冷夠彈牙.總括來說,味道不過不失,但服務不佳,不欲再試.

今日同二家姐諗住行沙田睇傢俱，家姐好中意去博多到食佢個窩烏冬，所以去到新城市廣場行左一陣，等佢地2點半鐘嘅下午茶餐.....好鬼肚餓入到去二家姐叫左個"寄世窩鳥冬配炸蝦&壽司"，而我就叫左"牛肉窩鳥冬配炸蝦&壽司"，餐跟飲品，大家都叫左凍咖啡...開餐喇1)先黎2柸啡===>奶同糖水分開上，自己調教味道，經過上次經驗，今次好小心落奶(因為佢d奶同糖水比較濃縮)，今次整得成功d，味道ok2)跟餐壽司各兩件(墨魚拚八爪魚&墨魚拼饅魚)===>細件，味道不過不失，味道尚算新鮮，不過黎呢度唔係為左佢，所以對佢要求唔高，唯一係佢d碟唔知點解有水潰係度，好似嗱西左d咁3)寄世窩鳥冬===>即海鮮烏冬，連炸蝦放湯上，入面有青口、帶子、魚肉海鮮之類呀、菜&放面既生雞旦 牛肉窩鳥冬===>大家見圖，都係炸蝦，有好多牛肉，配d菜蔬，生雞旦等味道: (讚)烏冬---食落咬口有煙韌感覺，好味，所以每次黎都獨沽一味只叫烏冬，牛肉窩鳥冬d牛肉冇過熟，仲有少少紅，唔老夠嫩我中意，份量足夠，家姐仲問我做咩d牛肉好似食極都仲有咁，中意食牛肉既人會好滿足湯底就2個都一樣，而我呢窩就多左牛

新城市廣場真係愈嚟愈多野食...不過間間都好多人等位對於我呢個唔多鐘意等位嘅人嚟講,緊係揀間冇咩人又唔洗點等ga la...今次就揀左博多拉麵嚟試...喺出面揭過個餐牌...價錢唔貴...個樣又ok...咁就試下啦有其他晚市套餐,但我地叫咗個二人餐...二百幾蚊...有兩碗麵豉湯...蟹籽沙律... 刺身+壽司一碟....炸天婦羅一碟...薑燒牛肉鍋...燒八爪魚丸一碟...仲有日式炒飯一碟...麵豉湯:夠濃稠...味道ok蟹籽沙律:唔知點解有d咸...麻麻地刺身+壽司,燒八爪魚丸:一般水準...唔太特別炸天婦羅:炸漿唔算太厚...不過咬落口有d油薑燒牛肉鍋:牛肉唔鞋...又夠味...唔錯日式炒飯:同埋飯炒得太油...飯粒稍硬...另外可以加10蚊換特色飲品..不過冇換到...總括嚟講一般啦...試過就算...埋單連加一$262