博多拉麵 (已結業)

上次母親節既時候同屋企人去食左,餐廳個design都唔錯喇,不過無卡位既=0=||我叫左個肥牛拉麵,因為我鐘意食牛肉多d,不過d肥牛唔算好,勉強過得去,都唔及打邊爐食果d肥牛好食既=0=d拉麵呢...有d舖既拉麵係粗既,有d係幼既!都唔知邊種先係正宗...不過呢間就揀左幼既,有少少"un硬"地~d湯都唔得既,好鬼鹹呀!!如果你地要去食,就記得叫佢唔好整到太鹹喇!!

五月十四日(星期三)距離老公仔生日仲有兩大日!!!!預祝老公仔生日快樂先~~雖然真係早左~希望佢會喜歡生日的安排~唔講咁多住,到時再講!^^今晚做完gym之後,食d light d 既野先!本身諗住食滇家菜,不過食2人餐都會好full,都係下次先啦~經過呢度,就試試啦~我叫左咖哩牛肉烏冬,咖哩味不夠濃!肥牛比較少同埋老左d,有根既,烏冬只係一般貨色,當然沒有curry bee的水準!而老公叫左海鮮烏冬奄利!佢o個個唔錯,不過我覺得奄列唔夠滑,仍然懷念緊在日本食既apple tree既滑奄列呢!!都算唔錯,唔多人,坐得幾舒服~!同老公可以傾下"公事"!

其實上次(第一次又係最後一次)去呢間所謂日本拉麵專門店已經係去年底的事。不過,最近行過該店,又勾起不愉快記憶,唔寫唔得。兩人吃了叉燒拉麵及炸蝦拉麵各一。相信好多人都知,食拉麵number one重要的是湯底。麵都未食,我就試一啖湯。然後就經已無哂期望啦！日本拉麵專門店竟然有味精湯飲！D麵... 唉~ 我自己去超市買味千回家再云開miso soup一定好食過佢啦！雖然好鬼肚餓，1/3碗我都食唔落(真係要向貧窮無野食的人講對不起)。最後二人要再去附近一間正常的食店，吃一餐正常的。Thank god.

行過好多次沙田,都有諗過去食今晚唔知食咩諗住去試下衛生差一坐底紙巾和快子被一粒飯痴實左支辣油又漏晒出泥野食差叫左兩個我地認為最穏陣0既拉面一個好似博多叉燒拉面一個咩咩黑豚肉吉列豬扒拉面仲有跟壽司同餃子首先係吉列豬扒,因為d湯浸住一半,食落淋gigi,普通野湯底有少少鹼水味,都唔係大問題餃子還可以但係d叉燒,又乾又韌,用快指一夾就散隻蛋一d誠意都冇,只係熟蛋半隻跟住係sushi,三文魚係'鯹'0既,我本身好鐘意食sushi亦成日去唔同地方食,但未食過一舊咁難食0既...跟呢舊三文魚可以話係多舊魚服務差waitress都好似好趕咁放野食落抬大大力抺抬條布又周圍fing埋單果時收左錢後乜都冇講過就走開,一d禮貌都冇最好飲係杯茶．．．我呢一世都唔會再去博多拉面

上來寫食評時，見到這間餐廳居然有如此多的劣評，都嚇了一跳；因為我最近食過也不覺得那麼差呢，還有點懷疑是否同一間餐廳，但地址和相片又真是同一間噃。我是星期日中午去試食的，因為趕著去上堂，但又想食些比快餐好一點的；當時門口沒任何人排隊，一入去便有位。點了個豬軟骨拉麵套餐，值得一讚是那杯即磨咖啡，十分香濃，令人精神一振。套餐包兩款壽司，分別是腐皮和最簡單的青瓜蝦柳壽司，味道ｏｋ。至於主角豬軟骨拉麵，湯底不錯夠濃味，豬軟骨也入味，唯一是拉麵煮得太稔了，不夠彈牙；整體來說，也不如劣評中形容得那般差。

星期日同gf行過, 見冇乜人等就試下啦~叫左兩個set lunch~一個係天婦羅定食~另一個係網燒牛肉定食先黎天婦羅~ 都叫做熱, 但味道一般最怪係0的飯唔熱既~ 只係叫做少暖~等左都好耐先黎網燒牛肉定食呢個完全唔掂! 0的牛肉又係唔熱既~唔係即燒都唔緊要~至少要熱ma!豌飯又係「暖」既!點解咁差都仲咁多人食!?

16/4/2008晚上同男友去呢度食拉麵之前冇睇過食評,原來咁低分!食左...豬軟骨雞串拉麵+餃子吉列豬扒拉麵個湯底幾好味豬扒有點"un"服務都唔錯不斷有人自動添茶價錢略貴而且要消費$150以上先可以用credit card

今晚到新城市廣場shopping!原本好開心,但去左間不知所謂嘅地方,食物質素差!!!! 要左1個叉焼拉面同乜乜鳥冬,D湯好咸,食完后飲左两大杯水還覺口渇...太過份!!!!回家食杯面好過!!!! 到左埋單$147,我俾$150後等左好耐都無找錢,想點呀!有加一呀!仲要我俾小費太過份,一點也不值呀!不知所謂!!!大家要小心!!不要上當!!

今晚同fd食拉麵，返屋企寫返個食評，一睇之下，有成四十幾個劣評，睇左少少食客意見，佢地又寫得冇錯喎！今晚我order左個吉豬拉麵set，係配壽司，壽司真係...求求其其，你見過三角形嘅三文魚未？我仲以為佢比左片三文魚旗添。我碗吉豬仲慘，朋友叫道：「乜得半塊吉豬？」原來因切件關係，有兩件已經於湯中浸死左lu.....，撈返上水面....好似浮屍兩件，皮浸透，發脹啦，邊有吉豬係林patpat架？咁大間店，咁都慳隻碟？點解唔用碟去另外盛起佢？朋友隻炸蝦亦唔見得好好多....因為都係喺湯中浸死左！唉...仲要一set收80蚊！真係劣評有因！

第二次幫襯，印象中頭一次吃這裏的冷麵質素是可以的。天氣炎熱，今次同樣想吃冷麵，選了大和芋冷麵定食，配兩件壽司。落單姐仔問我要赤麵還是烏冬，我選了赤麵。之前已試過這種將醬汁直接淋在麵上，而不是冷麵乾身，醬汁分開上的食法，所以上桌時並沒有感到意外。墨魚和三文魚壽司是OK的，但冷麵則很淡，配料有一隻天婦羅蝦，蛋絲、飽片絲和蟹柳絲等。最奇怪是有一“辟”狀似上海年糕的白色糊狀物體；並且下了生雞蛋(應讓食客自己決定是否加)，邊吃邊想：回家吃公仔麵好過。一向愛吃麵的阿仔也不吼；最後飢餓的我竟也吃不完，只好任由那糊狀物體和剩餘的麵留在碗內。浪費了$76元(未計加一)事少，了胃的quota事大。另reception完全沒好客之道，我在門外看餐牌躊躇是否幫襯時，她只是盯著我一言不語，講句招呼都得？講真，若不是位處沙田新城市這旺地，周不時有新客“杠”入去；都幾難做得住。

都係因為懶搵野食, 又行到累, 先入去試下.點知, 難食到喊!!!!叫一左個set, 真係白痴左, 要成$63一set, 加左$20, 成$10一隻餃子, 有咩野咁貴, 點知都係雪藏既, 仲要凍既...個豬扒麵, 塊吉列豬扒放左入湯, 已經林哂, 仲要勁厚粉, 最衰既係d 油"益"既, 好難食, 仲要得4塊...真係完全有俾人呃既感覺...平來都好少寫食評..食今次真係食到好嬲, 所以一寫!!

超差勁﹗Black Listed﹗服務差~ 明明間鋪大把位都要迫人坐近門口位，我o地要求坐入面，侍應卻板起口面極無禮貌的說：入面都係呢o的位架啦﹗餐飯食咁耐都無加過水，要出聲先叫加過一次，但都係要等好耐先加囉~~~ 收碟時撞到客人唔講對唔住~~~ 叫埋單就9 秒9 好快手，不知幾有效率囉﹗講到食物，一時無為意叫o左set，但極搵笨，散叫一個拉麵$45，但套餐多兩年壽司咁大把卻要$65，即係$10 一件壽司，咩質素咁巴閉呀﹖~~~~ 原來係垃圾質素﹗﹗另一個牛肉鍋烏冬set 跟餃子，餃子有4 隻，但賣相差劣，而且凍o既，烏冬就不過不失咁啦﹗食完真係成肚氣，以後都唔會幫襯佢呀﹗

3月9號去左哩間野度食，發現有三大宗罪足以令我black list哩間"博多拉麵"!!1.價錢：平時d餐廳多數係套餐平過散叫，但係哩間正正反其道而行，係散叫平過套餐既，套餐仲要係冇野飲o添，70幾蚊個套餐只係main dish加兩件cheap cheap sushi or兩件餃子，仲要係唔好食o個隻(d餃子係凍既!!)2.質素：叫左稻亭烏冬套餐，但係絕對食得出係普通烏冬，唔爽口唔彈牙，唔值70幾蚊，同埋有被騙既感覺...3.服務：哩個絕對係一大死穴，d侍應叫極唔應，就算應你都係敷衍幾句就算，例如我問套餐會跟乜野sushi，個侍應用極快同極唔清楚既語句同我講"廚師定既"但係我真係聽唔清楚佢講乜，要再問佢多次至得...另外成班侍應冇野做就圍埋一齊細聲講大聲笑，極唔尊重食客同唔專家，而在場係冇manager睇住的...又貴又唔好食兼service差，唔俾劣評都唔得啦!

28/2/2008前排去左日本，今日同女朋友食飯，當係「補祝」番情人節。本來再三考慮試唔試呢間，但係由於懶，唔想行，結果就入左去食。兩個人，坐了一個很不舒服的位置。女朋友點了三色刺身定食，我點了博多拉麵，還另外點了清酒煮蜆。(本來想點餐，但差不多加$20 才有兩件壽司，算了吧。)女朋友的三色刺身，份量很少。刺身質素很普通，而那雞肉飯，雞一點味道也沒有。而我那博多拉麵，湯底咸得我不能接受。日本叉燒還可以，拉麵感覺很普通。單單是湯底，而令我覺得整個拉麵很難食。清酒煮蜆，很多蜆都有沙，還有兩隻沒有開口，實在不能接受。總括而言，我覺得拉麵裏的半隻雞蛋最好味。那雞飯內的蛋也不錯。很久沒有給這麼低的評分了。=.=

見到有咁多劣評，真係嚇一跳，其實我去過嘅拉麵都唔係太差，我本身唔愛吃拉麵，但朋友生日去嗰到食，order左叉燒拉麵，麵質都幾爽口，唔重梘水味，湯底亦鮮甜，仲order左一炸生蠔，熱辣辣，味道唔太差。