博多拉麵 (已結業)

今日同朋友食左個set lunch的天婦羅烏冬加壽司壽司得兩舊,重要係唔多鐘意食的墨魚壽司反而天婦羅都幾多,兩隻蝦,重有三樣其他的天婦羅味道都ok,有飲品加埋一,六十幾蚊都可以接受的

上星期四去食, 真係好唔掂!拉麵: 好味烏冬: oksushi: 啞色, 似塑膠, 極不新鮮, 嚇一跳.員工態度: 差價錢: 70蚊(不值, 最多值20蚊)

由於昨天是情人節，晚上七時多新城市好多食店都要等位，唯有博多不用等太耐，於是便試下新野，結果...是我唔會再去囉。當晚我點了一份$98元的和風定食，每晚都係由餐廳決定這份便當的食物，咁好喇，我咪問待應囉，d態度差到爆，又唔記得，求其係袋望下紙咪答你，佢指有一款食物係銀鱈魚，跟住我想想才落order，之後第二個待應落單時又答我當晚定食有款食物係鰻魚，我話剛才的待應話係銀鱈魚喎，佢話唔係，真係唔知信邊個，我兩樣都ok，咁咪叫囉，結果係鰻魚，真係靠估...老公叫左網燒牛扒定食，牛扒好難食，正如前幾段有食客指係用鬆肉粉一樣囉，求其用d汁伴碟，又唔係網燒，佢收成$102架，等左半個鐘這份牛扒才到，唔信的可以去試吓，當你試完有一樣感受呀...我有問佢地取意見表，但係表格上只有公式化的問題，完全冇公司的電話、email、fax等聯絡方法，只可交回給餐廳，咁我咪冇交，交番俾餐廳，佢地高層及公司都唔知架喇，開頭都唔信點解咁多人俾咁差comment，現在信了...大家唔信去試下喇...

9:00p.m.唔係咁肚餓,諗住食碗拉麵算數,要咗兩套餐.豬軟骨拼雞串拉麵配餃子.正宗博多义燒拉麵配壽司.豬軟骨夠入味,但軟骨未腍.雞串同餃子冇特別.义燒有三片,略肥.壽司唔新鮮,唔好食.好奇怪,一碗拉麵$45,套餐只不過多兩件壽司或兩隻餃子,但要$65,咁即係$10隻餃子或$10件壽司?又唔係有餐飲.唉!蠢咗啦!真唔抵!早知散叫啦!Sorry呀!小輝!

上星期五我同個friend一齊去博多拉麵食午餐大家食過都話好味﹗個日下午去到已經有好多人食緊...雖然我地係第一次食...見咁多人幫襯..我地又去湊下熱鬧睇過餐牌...又好多選擇喎...唔似其他餐廳咁下晏set定晒得4至5個餐...有成廿幾個餐揀...每樣都好似好吸引人添...真係好想樣樣都試下坐低之後...就有杯暖粒粒既茶...飲落又暖又香...有好香的麥味...午餐未黎..我就已經飲左兩杯喇..我叫左一個和風便當....嘩..都估唔到有咁多野食..有杯好濃麵豉湯啦...有好清新既薯仔沙律...有一份雪魚..味道甜甜地...好似同d蜜糖一齊煎咁...好特別~有一牛肉炒雜菜...有菜食健康d...另外仲有刺身食....當然唔少得既就係白飯一碗啦..不過我改左轉要一碗烏冬..咁凍天氣..食碗湯麵會暖d嘛最後餐飲叫左一杯橙汁....好飲食完真係滿足晒...d野食又靚又好味...最緊要係食得飽嘛...果度d侍應姐姐態度幾好...我多多要求都冇嫌我煩..咁有耐性...好野﹗

睇番大家對呢間野既拉面都劣評但其實我認為例如咖哩烏冬讚歧烏冬豬扒定食都好好食最好食就係咖哩烏冬, 極有日本一流水準, 味道剛剛好, 又唔係出面個d 勁稀, 夠哂味讚歧烏冬都好好味, 一個烏冬最高境界就是愈簡單愈睇得出個烏冬好唔好味, 最重要都係湯底, 呢個湯底唔多味精, 同日本地道烏冬湯底極似, 食完好似去左日本食一樣價錢其實真係唔貴, 又包野飲, 食物size 都唔細, 都係6十幾蚊埋單已經計埋加一, 睇番依家日本餐廳個價差唔多啦最欣賞就係凍奶茶, 因為係西式紅茶沖成既奶茶, 而唔係港式奶茶,因為日本人都係飲西式紅茶沖成既奶茶.本人認為日本料理+港式奶茶既配搭係最9唔搭8...

我係佢開左冇幾耐已經食左...係超級唔掂拉麵口感差,難食, 湯底味怪sushi仲勁,我見到直程笑埋出黎好似發育不良咁, 難食難食都算最大問題係佢收人成70蚊味千都唔洗啦, 等我仲期望佢好食過味千,係好正統(就算唔正統都好好味)既拉麵點知連禾輋果邊既平價日本店都不如就算佢賣20蚊都食唔過!!!!貴、難食之餘仲要覺得佢d野食好粗糙,一d誠意都冇

今日想早Ｄ食晚飯，經過好想試一試,就同友人入左去我叫既博多拉面,义燒幾好食,面既味道都唔錯,跟餐有餃子,好好味,大隻又唔肥,十分鍾意友人既海鮮窩烏冬都好好食,係跟餐個壽司好似發育不健全咁,好細件個價錢係貴左Ｄ,如果有餐飲會覺得物有所值Ｄ服務ＯＫ,要既野都好快到

拉麵好難食麵又唔夠爽, 價錢又貴食完好口乾, 好多味精服務普通...感覺比味千更差

dinner set...完全唔得...真係分分鐘差左味千個d..員工態度真係唔多ok...set dinner加杯可樂都要$10..但野又唔係好食過人...坐位又唔好迫死人

星期日食lunch, 見好多人, 心稔應該都ok, 叫左黑椒豚肉拉麵午餐，黑椒豚肉好普通，麵質冇口感，唔彈牙，好似公仔麵煮得過熟一樣!! 另外點的吉列豬扒拉麵午餐，麵都係一樣難食，吉列豬扒冇味~~ 以後都唔會去!!

惠顧原因：見平時頗多人的，今晚七點前就去一試，模型也吸引彈：敷衍之作１。營養不良的壽司２。寄世鍋烏冬　　－＞同”港式”日式海鮮烏冬無異（青口，墨魚獅子狗魚蛋各一，仲有急涷魚手指一條）　　海老天婦羅有”腥”。。　　份量只是一般　　但烏冬口感還可以　最尾叫侍應拿餐紙，餐紙上竟然係”豉油漬斑斑！！！！！！好可怕，問題係個侍應係分明見到的。總結四個字：不知所謂

尋日同男友去沙田,打算搵下新城市新裝修之後有乜好乜啦,落到地下個層行個圈,初初睇呢間拉面無咩吸引力,睇個牌又好似無乜野食,又貴,所以睇完之後就走左。但去左西田個邊一轉之後,都係發覺無咩揀,又多人等位,男友最後話想試返博多(我地兩個都未食過),返去坐低唔係好多人,睇左個晚市定食,哇,價錢都幾貴架,最平都要成60蚊,仲要無包野飲,最後我叫左一個寄x窩(有海鮮,帶子,天婦羅蝦拉面或烏冬,我揀左烏冬配餃子,男友就揀左個牛肉稻庭烏冬有少少辣既配壽司,叫完好快就有得食,試左男友個烏冬,好味呀,烏冬又夠滑,仲幾彈牙,但壽司就唔得囉,好明顯係刺身同飯一早整好放左係雪櫃,成舊都係凍既,麻麻地,餃子我就無試,自己叫個樣呢,有隻生旦打左係個窩度,自己再打散佢做旦花,烏冬都未試就飲啖湯先,哇,個湯好夠味,好正,未試過d湯咁好味,一句講晒,我個個烏冬勁正,連男友都認唔住成日偷飲我d湯,唯一不足就係個天婦羅蝦唔係另上,黎個陣已經放左係d湯入面,"淋晒"試唔到佢d天婦羅得唔得。其實未至於你地講得咁差呀,可能係大家叫既野食唔同姐,侍應就麻麻囉,係咁向附近等收野,想飲多啖湯都唔得

最衰之前無睇個呢度...D 野真係好難食... 服務態度... 真係唔好講2 個人舊幾水食M 記好過

下午去,冇得簡只係有lunch set,問佢地有冇其他餐牌時態度勁差~應該係話一直都係好差既態度~你幫襯佢好似要佢做好多野咁~都唔緊要喇...點知野食其差...食過咁多日本野...依間真係最最最唔掂..仲要收咁既價錢~執左佢啦