博多拉麵別天神 (已結業)

又來到一間我經常會到的拉麵店🍜，這間拉麵店的選擇雖小，但每樣食物的性價比真的不錯！地方雖小但五臟俱全，店內坐位只有十個，但應有的設備都有，例如掛衣架等….拉麵🍜的配料都很多選擇，例如辣芽菜、蒜蓉、芝麻等…我最最愛的就是它的辣芽菜👍🏻辣得來又爽口🤤加在拉麵中這個口感真的很好👍🏻.小龍蝦🦞蟹子沙律 👍🏻在香港以這個價錢真的少之又少可以做到這個味道，蟹子脆👍🏻小龍蝦肉爽又多，不會只有滿滿的沙律醬！.餃子🥟外層算薄而脆身，可惜餡料不多。.豚骨湯麵🍜店內有一張小紙條細說了製作過程及配料，湯底以豚骨加純水製作，絕無添加味精，因此湯底乳白色，可惜現在比之以往的湯底清淡了。幸好流心蛋跟之前的都一樣，麵質還有彈口的口感！.蝦味噌豚骨湯麵湯底味道比豚骨湯麵濃得多，還配上櫻花蝦及粟米。麵質跟豚骨湯麵質一樣彈牙。

食過呢間拉麵店幾次，好耐無食，今日再黎食下。咁耐無食，原來而家用電子屏自助點餐，好方便。點完餐就可以坐啦！今日點了蝦味噌拉麵set, 呢個set 都幾多人食，一路都聽到有其他食客叫。蝦味噌拉麵 - 食到淡淡的櫻花蝦味，而味噌唔會太濃，豬骨湯唔會被蓋過，湯唔係好咸，食完都唔會口渴。麵係幼麵，麵質做得幾好，個人黎講覺得好岩食，十分唔錯。餃子 - 日式餃子的味道， 餃子煎得幾好，唔會煎得太乾，食落都juicy有肉汁。

近排大食妹都幾鍾諗食面，是日lunch 同同事去左別天神整番碗拉面🍜別天神店面其實唔大，大概我七、八個位左右，多起人想食就要俾D耐性等下位喇店外面有自助販賣機，同日本街鋪拉面鋪一樣<別天神套餐配小龍蝦蟹子沙律$105>大食妹叫左個喇天神套餐，小龍蝦蟹子沙律細細份，已經食到五六粒小龍蝦，彈牙爽口，撈埋蟹子同沙律醬真系perfect match 池豬骨濃湯純正，食得出真材實材用豬骨拗足七，八粒鐘所得的精華，食七飲埋湯底都唔會覺得口喝叉燒兩大塊厚切，半肥瘦，無大食妹妹討論的肥膏面算系幼面，大食妹平時食開粗面，貪佢好咬口，呢個幼面底偏硬身，都幾好咬<蝦味噌套餐配餃子$115>同事order 的蝦味噌套餐，配四隻餃子，皮薄餡靚，一咬D汁就爆曬出黎，正大食好試左同事一啖湯底，有淡淡的蝦味，蝦味增湯底係豬骨濃湯惹味大食妹就鐘意豬骨濃湯多啲，同事就鐘意蝦味噌有陣鮮味，口味唔同各花入各眼

最近有點煩，連聽歌的品味也轉了！常 loop 的熱播三甲有 林奕匡的這首「有淚多好亅， 歌詞很有意思，很感人，很合最近的心情。。。感動人的副歌：原來我眼睛需要傾出淚提示我 人生種種知覺也安好 沒有失去抬頭有曙光所以珍惜淚陪伴我 回顧美醜哭笑冷暖興衰。。。🦉今晚的晚餐，亦想吃得簡單點！ 就在舉棋不定之際，想起了這家在銅鑼灣告士打道， 位置隱蔽、但我覺得可以感動人的湯麵小店。。。其實這家日式湯麵名店。。。沒有太多食物選擇。。。 其實我今天也沒有太多心情作選擇！ 再者，它設有自助買票機， 在你心情好或不好的時候 ，都可以輕鬆、簡單、衛生、方便，自主地選擇想吃什麼， 最重要足無需要和其他人有任何的不必要溝通 。。。絕對是今天不想說話的福福郎點餐的懶人恩物！我和朋友一行二人點了以下的東西：豚骨湯麵豬骨濃湯的味道，真的可以令人再三回味， 亦是這家店舖感動我的原因。。。可能就是「專注」！只做湯麵、只有兩款湯底選擇！！麵條不是那種很彈牙的種類， 但店家的這款麵線 咬下去韌度剛剛好， 給我一種「很實在亅、「很踏實」的感覺。。。 感覺就好像在屋企吃一碗平實的湯麵的感覺，很舒服、很平靜！再者，店家哥哥淥完麵

今晚約左男友睇戲，時間有點趕，只可以食碗拉麵，即時諗起別天神，好耐無食它的樱花蝦拉麵la!店子小小的，大約有十多個bar 枱位置，平時多數是我一個人來，今天同男朋友來可以叫2款拉麵一起share拉麵汁，蒜蓉，辣芽菜和七味粉齊備，可以自行調製特濃或特辣的口味每一次來我都叫同一個set, 就是蝦味噌拉麵+小龍蝦蟹籽沙律$115, 今次可以叫多一set豚骨拉麵+小龍蝦蟹籽沙律$105, 其實set餐可以揀餃子，但小龍蝦沙律實在太美味，一定可以和別人分享所以每人一個唔使爭小龍蝦蟹籽沙律~有大量鮮甜的小龍蝦和卜卜脆的蟹籽，加上沙律醬混和少少芥末造成球狀，再用脆卜卜的紫菜包住食，真是極美味，口感亦非常豐富，正蝦味噌拉麵~未食拉麵前先喝一口湯先，湯頭有非常濃郁的蝦味，好稠！好像所有蝦的精華落於其中，好滋味每碗麵都有大量的樱花蝦，葱花和粟米，令湯的味道更突出糖心蛋嬌豔欲滴，令人忍不住要一口吞落肚麵質偏爽，吸左湯的精華後更美味豚骨拉麵~超濃白湯以100%豚骨和純水用壓力鍋長時間熬製，不加味精亦無乳製品成份，加上大量葱花和木耳絲，湯頭充滿豚骨的香濃，非常鲜甜每碗拉麵都有2片豚肉，肉質腍中帶爽口，帶有肉香

銅鑼灣的拉麵店都有幾間選擇，其中別天神除咗夠近我公司，味道都係好唔錯的，所以今日又來食。食物選擇唔多，麵只有兩款：豚骨湯麵（ $75 ）和蝦味增豚骨湯麵（ 85 ）。兩款麵都可以加$30加小食變套餐，可以揀餃子或者小龍蝦蟹籽沙律。好耐冇黎食，而家已經發展到在店外有一部落單既機，只需自己在螢幕上點選食物，付款就可以。而家仲做緊JCB卡優惠，可以無限次免費添加面底，但我覺得一碗麵的份量已經很多，除非你兩個人食一碗麵，唔知可唔可以呢？食物好快就到，豚骨拉麵湯底夠濃，基本上不用落其他調味料，奶白色嘅湯底加有流心蛋、叉燒、紫菜、木耳條和蔥花，好香。面質好彈牙。而蝦味噌豚骨拉麵，一樣充滿濃郁香氣，配料仲多咗粟米和一堆櫻花蝦，份量好多添！湯底仲多咗一份鮮蝦嘅甜味，所以我自己鍾意蝦味噌多啲。兩款小食亦各有特色，小龍蝦蟹籽沙律配以五片脆脆的紫菜， 夾住好有口感的沙律黎食，十分美味。餃子唔算煎得好脆，但配以酸酸甜甜的醬汁，一樣吸引。餐廳座位只有十多個，格式似傳統日式拉麵店，有時午市時間都要排隊，可見口碑幾好。每兩三個位之間，就放左拉麵汁、七味粉、蒜蓉、芝麻、辣芽菜等配料，仲有指示教你點樣制造隱藏口味，不過

每次搭車經過都見到呢間拉麵店, 今晚終於的起心肝專程走到去銅鑼灣搵佢開餐｡門口放左部自助買票機, 買左飛就可以入去坐定定等食｡所有座位都係 Bar 枱位, 枱頭仲貼有好多增添口味嘅小提示｡別天神套餐別天神套餐即係豚骨湯麵 + 半熟蛋｡ 湯底嘅豚骨味超級濃郁, 拉麵質感唔會好淋, 食落仲係有咬口,拉麵配料木耳、蔥粒、叉燒 & 紫菜｡ 塊叉燒肥瘦適中, 上枱時會用火槍再輕輕炙燒, 口感軟腍｡蝦味噌套餐蝦味噌套餐係蝦味噌豚骨湯麵 + 半熟蛋｡ 湯底有濃郁嘅蝦味搭配層次鮮明嘅味噌豚骨湯, 令味道更加突出, 表面仲放左一大堆櫻花蝦添｡餃子餃子底部煎到好香脆, 外皮夠薄, 咬開仲有肉汁流出｡

呢間別天神拉麵賣既拉麵款式唔多，其實只係得兩款，但係都足夠吸引一眾拉麵既粉絲黎潮聖。豚骨湯底味道好濃郁，但係無味精。湯底有兩個隱藏食法，我揀左辣味，配合埋蒜蓉再配合埋辣芽菜，辣味提昇左幾度，十分惹味🤤麵嘅質感，硬度同埋粗幼，都恰到好處！呢個加左櫻花蝦嘅拉麵，意想唔到啲蝦味好出，同一個豚骨湯底竟然有另一種味道。另一個隱藏食法，就係將拉麵汁加埋蒜蓉，就變左特濃湯底。我哋兩個都嗌套餐，其實就係為咗隻溏心蛋🤤反而套餐嗰個餃子就麻麻哋。呢度位置唔多，而且個冷氣唔係好夠，下次都係冬天先嚟啦😅

每天返工都經過的，但總是沒有進去試，剛好朋友邀約放工後來過earlydinner,佢揀了這間拉麵店。這裡同日本的售賣方式一樣，要先在外面購票選好才進店鋪，可能時間還早, 我們是第一枱客人，座位不多但全部都可以看到做拉麵過程的bar 枱，店主還好細心在牆上高處加裝了衣架，方便客人掛外套及手袋，又不會阻礙客人這個真是要加分同朋友分別點了別天神套餐濃湯豬骨拉麵和蝦湯拉麵，套餐還可以選餃子或沙律，我們當然選餃子同龍蝦仔沙律各一可以分甘同味啦我的豬骨濃湯拉麵有兩大片叉燒肉質嫩滑，流心蛋名符其寶流心個湯底濃濃豬骨湯，又唔會過咸掌握得十分好，把湯飲清都沒有口渴所以一定沒有落味精，麵身彈牙又唔會黏成一團，我看到廚師是把煮好的麵，出力咁把水份揮走，我諗就是這樣啲麵先可以這麼爽。我都試了朋友的蝦湯，味道都好鮮甜，還 加上不少櫻花蝦相當吸引。煎餃子香脆的底配上湯麵正龍蝦仔沙律用紫菜卷著吃好好味，但記得要快食因為紫菜放耐左會軟唔脆這個壓力煲就是用來熬製濃濃的豬骨湯底在座位前還教大家，湯底可以因個人喜好有唔同配搭的佐料。特別一提現在麵店週年慶，儲印花還可以換領幪面超人物品真係一舉兩得不可以錯過機會

在銅鑼灣吃拉麵的話總是到登龍街的，很久之前在中環吃過這家的拉麵，味道不錯，原來銅鑼灣也有分店的。豚骨拉麵: 拉麵麵質雖幼細，但保持硬度，不會太軟腍易斷，保持水準。豚骨湯底香而濃厚。師傅以火槍灸燒過豚肉才上碟，豚肉夠薄，所以能做到微微的灸燒味。配料還有木耳絲、溏心蛋、紫菜及蔥花。另可自行加上辣的荳芽菜、紅薑、生蒜泥等材料作調味。通常日式餃子都偏油膩，但外皮煎得香口，入面餡料本身亦已醃了味，所以可不加醬油。

一向都係拉麵fans 的我們今日又出動食拉麵。呢間餐廳外邊睇好有日式麵店的感覺，一排座位對住廚師煮麵坐。用電子mon自助點餐，我好似係香港比較少見，好新奇。座位前貼左一個suggested 調味法👍🏻點左個豬骨拉麵套餐，有個小食,可以揀餃子或者沙律，我就揀左沙律，係蟹肉蟹子沙律，好好味，蟹子加蟹肉口感好好。拉麵黎啦！ 濃濃豬骨湯，煲到奶白色，好香！👍🏻👍🏻👍🏻义燒唔會太肥好正😋😋😋幼麵加上木耳好好味！😋😋😋😋麵煮得岩岩好，連埋湯好正呀🥰

成日經過見到佢嘅裝修咁日式宮廷feel，都好想入去試下啲拉麵，今次終於俾我試到喇🤤用出面部自動販賣機自己落單，選擇唔多，一眼睇哂有咩嘢食，最後叫咗佢最出名嗰set別天神套餐入去坐低，週圍都係日式木系裝修風格🇯🇵啲店員又喺正你面前邊煮麵，真係以為去咗旅行咁話咁快等5分鐘就有得食喇，個餃子啱啱先剪出嚟，出面金黃香脆，咬落去仲有啲肉汁添👅到小龍蝦蟹子沙律，唔算creamy，但蝦肉同蟹子粒好多，夾埋隔離啲紫菜片嚟食，口感豐富味道鮮甜，仲唔到沙律嘅食材都咁新鮮😳最後出場嘅係豚骨拉麵，飲咗一啖佢嘅湯底，香濃得嚟又唔油膩，越飲越上癮，果然冇嚟錯！🤙🏻 見到佢隻水汪汪嘅流心蛋，忍唔住一啖食咗佢哈哈🍳 而我本來就鍾意重口味，跟住佢嘅推介，加咗拉麵汁,蒜蓉,辣芽菜入去，調制咗特濃口味🤪 好少豚骨拉麵都可以有辣味，所以我瘋狂加咗好多辣芽菜入去，真係同佢個名一樣，別有一番風味，OI YI SHI😋 最值得一提嘅就係，平時大食嘅我，都覺得有啲飽，份量真係好多，食飽飽正啊😂以後大家想食拉麵，又有多間可以選擇喇，期待下次試埋佢嘅另一隻味🍤

過江龍「別天神」，之前經過想食，但入面都無位。今日過開銅鑼灣，決定食早啲5:45 去實食到啦，但原來開6:00唯有附近行左陣~鋪入面只有十幾個位，好有日本地道小店風味。係門口嘅售賣機買左票先，然後俾廚師，就可以坐低等食~豬骨湯拉麵 - 套餐: $105一碗拉麵，湯底十分重要~ 而呢度湯底係用壓力煲長時間熬制，強調用上100% 豚骨及純水，絕無添加任何味精同乳製品。枱上有免費嘅拉麵汁、辣芽菜、七味粉、蒜蓉、芝麻，自己可以調制隱藏口味~奶白色湯底非常濃郁，入口膠質豐富，濃濃嘅豚骨香味。日本叉燒肉質唔算好肥美，但用上醬油煮過，非常入味 。拉麵用上幼麵條，入口爽滑彈牙。溏心蛋亦做得唔錯，蛋黃味道濃郁，配料仲有木耳、栗米、香蔥、紫菜。日式餃子 食拉麵又點少得餃子~ 跟餐嘅餃子一份有4隻，餃子皮薄，入面有豬肉同椰菜絲，煎得好香口。蝦味噌拉麵 - 套餐: $115蝦味噌湯底同樣非常濃郁。除左有2塊日本叉燒之外，仲有大量嘅櫻花蝦~~ 櫻花蝦令湯底鮮味大大提升，湯底變得更加鮮甜。小龍蝦蟹籽沙津 沙律入面好多小龍蝦肉同蟹籽~ 龍蝦肉彈牙、蟹籽卜卜脆，沙律味道好好。香脆嘅紫菜包住小龍蝦蟹籽沙津一齊食，啖啖小

雖然成日去銅鑼灣，不過哩間拉麵店真係第一次去。因為拉麵店開既位置，並非銅鑼灣中心地帶，所以平時行街都好少經過哩個舖位。哩間拉麵店細少，大約可容納十人，係傳統日式拉麵店格局。每個位面向拉麵師傅，感覺好地道。拉麵跟套餐會多4隻餃子，一隻溏心蛋同一份小龍蝦蟹子沙律。比起單點會更抵食。小龍蝦粒同蝦蓉蟹子混合。食到鮮香龍蝦味同龍蝦粒，有口感👍🏻。包住紫菜食，味道會更出。份量細細，好開胃既前菜。食拉麵當然要配餃子。哩個餃子皮唔會太乾，皮夠薄。濃郁豬骨湯底配上爽口彈牙既拉麵，剩係哩點已經令人食指大動。加上超級流心既溏心蛋，同薄切叉燒，真係冇得彈。另一款蝦味豚⻣拉麵。湯底味道就更加立體，除左食到香濃豬骨味，仲有好濃既咸蝦味。鐘意濃味少少既朋友，會比較喜歡哩個湯底。鐘意食辣既可以試下哩到個辣豆芽，少少一啖，已經好辣，夠惹味。

別天神拉麵店，裝修似足日本地道既拉麵店，坐bar枱，地方比較細卻別有一番風味。店舖並無玻璃門，相對冷氣比較弱，食起麵上黎都有少少熱。豚骨湯拉麵，湯底好濃味，唔係味精湯既感覺，係有好香既豬骨味，少少杰身，飲埋湯都唔會覺得飲完好口渴。 叉燒好大塊，有3塊都好足料。拉麵麵身比較幼，偏硬少少，唔會好易夾爛，對我黎講呢個軟硬度好適中。另外仲左個套餐蝦味噌豚骨拉麵 + 沙拉+ 餃子蝦味唔太重，反而個鮮味出d，配番落個拉麵到又幾夾。濃郁得黎唔油膩。餃子即叫即做，煎得好香口，餃子皮夠薄。食拉麵既好配搭。小龍蝦沙律幾好食，夾埋紫菜一齊食，外脆內軟，好有口感，似包飯團咁。拉麵份量都唔少，整體黎講覺得蝦味湯底幾特別，十分滿足。