博多拉麵別天神 (已結業)

一直都聽到有人推介別天神拉麵。咁岩發現原來佢有分店喺紅磡。今日丫女係附近學嘢，放低佢即刻去試下。店舖唔大，唔多位置，不過座位同座位之間都幾寬躺，都坐得幾舒服，去到時已經開始多人，坐低之後出面直情已經開始排隊等位，建議大家唔好喺午飯時間去食，早少少去攞定位先。我叫左個別天神拉麵套餐。一碗拉麵同四隻餃子。價錢$105都唔算平。雖然啲嘢食都幾好食，但係如果比我再揀，我就覺得試一次就可以了。拉麵，湯底幾濃味，不過唔算太咸，超中意食流心蛋。面嘅份量都唔算少。拉麵有咬口，真係幾好食。餃子有四隻，上枱時有點涼了，熱少少會好啲，可能係因為食完拉麵咁濃味嘅嘢，再食餃子覺得唔係幾夠味，爭少少甘。