博多拉麵別天神 (已結業)

行完街後，就在附近找間食店食野，今次選擇了我最愛的日式拉麵，去了阿士厘道的博多拉麵別天神. 一直也想試下期間限定的蝦味噌豚骨湯麵, 可惜已經無供應，所以我就點了豚骨湯麵. 可以配餃子或者小龍蝦蟹籽沙律. 我地每人點一款. 枱上已放有各款配料, 醬汁, 食用餐具, 茶和紙巾, 非常細心. 小龍蝦蟹籽沙律. 碟旁放了幾片紫菜. 紫菜尚算脆身. 沙律內有龍蝦仔，肉質幾彈牙和爽口，而且當中混入蟹籽，多了一份卜卜脆. 餃子. 外層帶少許微脆, 內裡的餡料也不錯, 若多汁一點就更好味. 拉麵上枱. 首先飲個湯, 豚骨湯夠香濃, 入口帶有少許黏黏的感覺, 飲完也不覺得口渴. 义燒是偏瘦多一點, 入口也夠腍身, 啱晒唔太鍾意肥肉的我. 溏心蛋食拉麵我一定要食. 蛋黃算夠流心, 我會一口一啖. 麵是偏向幼身, 麵質軟硬適中. 配料是木耳, 幾爽口, 而且份量也不少, 混入麵一齊食, 雙重口感.

雖然看到餐牌後有點失望，不過有時沒有選擇都是一個好處，少煩了一樣東西。那麼就一心一意吃豚骨拉麵好了。*別天神套餐($105)點了一個套餐，比起分開點會平$5。套餐有一碗麵和一個小食。-豚骨湯麵麵質很爽口，和一般的拉麵有少許不同，帶點竹昇麵的口感；湯底不會太咸；伴有大量的木耳絲，很爽口；還有拉麵的伴侶－溏心蛋，蛋黃偏橙紅，有很厚的口感；叉燒比起平常吃到的瘦。-小龍蝦蟹子沙律平常拉麵店都只有餃子做小食。這個沙律雖然看上去很普通，但是味道很夠，可以咬到中間一粒粒的蟹子和小龍蝦肉。卷上紫菜食真的一流。*餃子六隻($35)餃子皮薄，餡多，皮煎得脆且乾身，不會太油；而餡裡的豬肉比例比菜少，所以沒有平常吃的肥膩，多吃幾隻都可以！

好耐無遇過簡潔menu 2選一 一係豚骨一係蝦味噌 不過個晚去到蝦味噌暫時吾供應 選擇困難症都無埋-別天神套餐 $105一個豚骨拉麵一個小食 豚骨湯底都幾鮮 整體所有配菜都不錯😉 之中最愛溏心蛋 流心程度ok又吾會漬得太咸😊 叉燒帶甜味 肉質軟腍 都ok 嫌太清淡 仲可以自己加七味粉同埋辣芽菜變做辣湯添😆 我鍾意佢既辣芽菜😋😋 食晒就剛好飽 滿足既😌小食揀了龍蝦沙律 配左6塊紫菜 夠晒送沙律😏 沙律帶芥末味 帶點刺激😼 龍蝦肉都爽彈 加上少少蟹籽口感 好鍾意😻

吃拉麵的朋友都知道，現時香港很多拉麵店都是由本地香港師傅去煮食，所以現在店舖裡的日本師博都不是太多拉麵店的優勝點，而係當中拉麵的質素！今次放假和男朋友在尖沙咀附近就來到這家別天神試試看！全間拉麵店只有兩款拉麵選擇，有選擇困難症的朋友就非常適合你！與男朋友一同點了兩個套餐，豚骨拉麵套餐和蝦味噌拉麵套餐豚骨拉麵湯底濃厚，麵質幼身很有彈性，當中糖心蛋可是非常好吃，但男友略嫌叉燒較瘦相對乾身，但我卻非常喜歡這種叉燒！蝦味噌拉麵大部分與豚骨拉麵相似，但湯底上較香濃蝦味十足，喜歡蝦湯的不妨一試！餃子相對普通，感覺不像自家製小龍蝦蟹子沙律十分出色，滿滿的蝦肉與紫菜配搭，更令沙律醬的油膩感減低，必試！總結，別天神是一間不俗的拉麵，相比很多著名的拉麵店也不算太差，所以有機會在附近的朋友也可以走走一嚐

坐下了後，看了看，便二話不說地選了別天神套餐來醫治一天辛勞的工作，作個安慰！拉麵來到之前，讓我看到了一張令我感動萬分的說明，湯料是100%真豚骨之餘，不含味精是重點！喝了拉麵湯口渴是多麼慘痛呢，感動看到此聲明！二話不說的拉麵來了，加了一隻溏心蛋，蛋不會太咸，蛋黃也不會太乾身，口感新鮮，拌點湯汁，不錯之選！豚肉不會有太强豬肉的味，對豬肉味比較沒有好感的我也認為味道不錯，不會太肥，容易入口也不老，至於整碗精華，相信真的是那無味精的湯！我可是整碗都喝光了，只是相信了😂骨髓味及鮮味，都能發揮出來！在沒有味精情況之下，此作真屬不易！再來是餃子，皮脆內熱，不會是放至多時的產品，口感是新鮮出爐，不會像放了好久般。小龍蝦蟹子沙律，也是好評之作！重點放在料足！本來期望不大，卻吃到啖啖肉，不是hea住做！而且沙律不會太酸，令蝦和蟹子帶著沙律走進味蕾！

去到尖咀餓餓地 見到有拉麵鋪 最岩獨食佢個餐牌係木製 好特別本身都知佢個蝦味噌好岀名 不過我去食個陣已經賣晒只好叫番豚骨湯底既套餐同埋呢到係叫餐就要俾埋錢既其實係日本食過拉麵都知 日本拉麵鋪都係有冰水自己斟 呢到雖然無冰水 但係就有麥茶同水俾你揀無漂白既筷子 好似用佢會食得健康d😂個麵好快就黎到見到有成隻流心蛋已經流晒口水不過食麵之前緊係試下啖湯先湯底好濃厚 佢個麵係直既幼麵好爽口 中意食硬麵既我覺得個口感好正到個流心蛋 一睇都知流心 好好食 又入味跟餐個餃子唔記得影相 雖然餃子係即煎 不過唔夠脆 有d扣分想有唔同口味既人可以跟住呢張紙去調味Ps: 鋪仔細細 只有十幾個位 用bar枱形式既座位真係好有係日本食拉麵既感覺比平時d 大型日本拉麵店更有日本既味道而且呢個價錢食到呢個質素既拉麵 我個得扺食

同朋友食lunch 隨便食左呢間位置係港晶隔離 非常明顯中午時分去人流唔多 6個人去食好快有位佢係先付款形式點完餐就直接比錢我同朋友們點左豚骨拉麵 而我就加左雞蛋講真 味道真係令我好失望雖然我本身因為好鍾意食拉麵 對拉麵好有要求但我其他朋友冇咩要求都覺得唔好食食完係簡直不可再嘅感覺首先拉麵勁似米線 好幼 但唔似米線嘅口感 超級「林」可以話完全唔爽另外叉燒方面完全唔滑 十分「鞋」口感覺似煮到不能再煮嘅叉燒😑而雞蛋方面我本來抱有希望 但完全唔入味只係做到流心嘅效果到最後嘅湯底全部朋友都用一個字形容 ！鹹！食完會好口渴🌚總括係我地唔會再食呢間野

一行4人尖沙咀食宵夜 見有間拉麵鋪 細細間 全木枱 好有日本feel 就試一試佢有2種湯底揀 我見佢有蝦做湯底4個都第一次見 緊係要試一試啦叫左4個蝦味噌豚骨湯麵套餐 小食有幾款 我地就揀晒小龍蝦蟹子沙律蝦味噌豚骨湯麵湯底好香蝦味 加上豬骨既濃郁 好鮮味麵軟硬適中 彈牙 溏心蛋好味 流心只欠叉燒 有點硬 又老 唔夠肥肉 好干小龍蝦蟹子沙律呢個食落口 第一個反應係 好得意wo龍蝦肉 蟹子 加上Wasabi同沙律醬 好夾呀配有紫菜可包住黎食另外枱上都有辣芽菜....等你自由發揮如果個叉燒好食D 我滿足到唱歌

在門外看到裝潢已感受到那股日本風味點了客豚骨拉麵套餐，選了小龍蝦蟹子沙律 $105先來沙律，小龍蝦多到每一啖都吃得到，夾著紫菜吃，特別美味主角到，端來時香氣四溢，湯底非常濃郁, 麵質都不錯，雖然偏軟一點！糖心蛋也非常好，很入味！有芝麻生蒜蓉予客人自助調配唯獨叉燒就乾和韌了點，老實說這方面是有點失望沒有時間限制及長長人龍而又好吃的拉麵店實在難得！另外一提，一大壺冰茶任飲，超美味沒有加一，抵食

早早約好的姊妹聚會，帶姐姐來到尖東吃好西。登登登✨✨ 博多拉麵別天神，舖頭蠻有傳統日式拉麵店的韻味。L字型的座位設計，向着師傅坐師傅即叫即做，來一個蝦味噌拉麵套餐，連一碟餃子。豬骨湯底香濃味美，沒有油膩感的，櫻花蝦則微咸的，增添湯的鮮味，有大塊叉燒，肉質很腍，香蔥、大粒甜粟米，還有半流心的糖心蛋，正。任加的配料之一‘辣芽菜’，爽脆帶微絲辣，加入拉麵份外惹味，Fill都Fill左兩次啦！餃子亦煎得金黃，咬落香脆亦會有肉汁流出，一D都唔dry。套餐份量剛剛好，我一個女仔都吃得哂！滿足也！----------------------------博多拉麵別天神Address: 銅鑼灣告士打道277號地下3A號舖Tel: 3488 2693Time: 星期一至日: 12:00-15:30; 18:00-00:30Balance: $115

全店只供兩款拉麵選擇 1. 豬骨湯拉麵 2. 蝦味噌拉麵 湯既濃度 麵既䭃度都冇得揀 全由師傅決定1. 豬骨湯拉麵 整體黎講 好普通 湯底都幾濃 但以豬骨湯黎講 出面有好多鋪頭做得更好 呢間只可以算係不過不失 有兩塊叉燒 不過好'鞋' 好乾 反而隻溏心蛋最好食 2. 蝦味噌拉麵呢款出面唔常見 個湯底做得好出色 好香蝦味 應該係櫻花蝦 所以好鮮味 個湯好味到差唔多飲曬 不過兩個個麵底都麻麻地 太冧 一pat 冇咩口感 蹝咗個咁好既湯底😣另外用八達通比錢 每碗可以平$2 可惜當日得現金 落單既時候要俾埋錢 不過個店員冇找返錢俾我 我又冇醒起 走咗先記得

因為睇演唱會所以去咗尖東附近睇吓有乜嘢食，發現左一張新嘅拉麵店，所以決定入去試吓！一入去已經有啲驚喜，因為出嚟招呼我嘅老闆係日本人！之後我見到台上面嘅Menu都係用日文寫，不過好彩有圖有真相，而且亦都有漢字，所以唔會睇唔明白！係雞同鴨講嘅情況之下，我叫咗個蝦味噌豬骨湯麵，老闆仲問我要唔要餃子或沙律！雖然選擇唔多但勝在可以專心做好一碗拉麵！拉麵店一律都係BAR位，大約有十二個位左右！採半自助形式，枱上面有茶水可以自由斟！頭頂仲有一盒盒嘅紙巾！Bar枱上有好多唔同嘅配料，仲有拉麵汁、蒜蓉、紅薑絲、芝麻同七味粉！可以自由配搭自己鍾意嘅豬骨濃湯囗味！辣芽菜係老闆自家製嘅！牆上面亦都貼有口味推介，教你點樣去整一個合心意嘅豬骨濃湯！落咗order碗麵好快都到咗，等約五分鐘都唔使！我叫咗個蝦味噌豬骨湯麵，材料有叉燒、粟米、紫菜、蔥、我再追加左一隻日本半熟蛋！湯麵鋪滿櫻花蝦，味道鮮甜！再飲咗一啖湯，奶白色的湯豬骨味濃郁，還有點粘口嘅感覺，可見真材實料！正如牆上的告示，湯底是由100%豬骨製成，而且不含味精！我追加咗日本半熟蛋！滑嫩的半熟蛋，蛋味香濃！麵條係博多系的中幼麵直身細麵，個人認為硬度適中！叉燒

見到有評論話服務同衛生差，但係我去到又覺得冇乜野咼，個伯伯仲超熱情。全程不停日經加粵經夾雜咁同我傾計佢會好熱心咁過黎介紹點加配料，點食，個湯有咩好...仲教我日文！客人食完好快就收好檯面，走會好熱情咁同你say byebye。佢落單個下就收錢嘅，一收完仲不停多謝同鞠躬，好有之前係日本啲傳統拉麵店咁。講番食啦，唔似其他人香港食到出名嘅拉麵店(豕X同X蘭)咁有得自己揀，而且只有兩款湯比你揀，岩岩女神啲有親邊到話揀唔到，是但啦第一個一定最好嘅，重度選擇困難症患者。懶人之選(女神字)個湯冇上述拉麵店嘅湯咁濃，因為個啲我會叫最濃最重口味。不過仍然好過好多所謂嘅日本野/拉麵店。麵質岩岩好，不過份量少到有啲可憐五分鐘食晒。隻蛋真係超好味，入口即溶，我食個下對眼係發光嫁！佢隻黃係半熟，但係蛋白好似啫喱嘅口感，唔係半液體咁！正到一個點！

之前經過銅鑼灣店見好多人排隊，所以一直都想試，今次黎尖沙咀 try try一點半去唔洗等位，得兩三個客好快叫左豬骨湯拉麵，有得用八達通畀錢、仲減兩蚊（$73），贊拉麵好快到！先飲啖湯，好濃，但唔會過咸，仲要唔會口乾麵，無揀硬度，但我覺得係硬 gei，啱我叉燒，有兩片，完～全～唔～掂，好鞋好un，咬唔開⋯我食淨左一塊配料仲有木耳絲同蔥應該唔會再去了⋯

全店只賣兩款拉麵，其中一款是蝦味噌豚骨濃湯拉麵。以蝦湯作賣點的拉麵店不十分常見，這店的蝦味湯頭濃郁到不得不得了！如果想再濃郁多些，可自行加入少許拉麵汁（估計是昆布汁）和味付蒜蓉，乾咗成碗蝦湯，一定極滿足！但個人覺得加了拉麵汁會令湯底太鹹，而味付蒜蓉會蓋過蝦香。。。味付玉子做得很出色，溏心剛剛好，有點漿口的感覺，超正！至於麵條，是九州拉麵的幼麵，軟硬適中。這裡還有免費供應的辣味芽菜，但比較濕漉漉，不及長浜No.1的乾爽。。。