影片
开饭介绍
主打多款传统韩国料理，设有韩烧烤肉区：五花肉、猪皮等夹生菜，真正韩式风味。芝士排骨年糕足料，芝士满泻。
继续阅读
营业时间
今日营业
11:45 - 23:00
星期一至日
11:45 - 23:00
以上资料只供参考，请与餐厅确认详情
呢间餐厅喺金巴利道交界位，喺个角位第二三间，好易揾，入到去有一排人参酒，都几壮观🌶️ 辣杂锦面 ($82)拣唔到食咩好，所以叫咗个杂锦面，开头惊佢好辣，但系其实佢系酸酸甜甜，食落好开胃，类似水冷面🐮 雪浓牛骨汤 ($110)饮一啖直头觉得充满骨胶原，奶白色汤超浓郁，有牛骨香，不过夏天食就会热咗少少，天冷饮就会暖笠笠🍙 紫菜包饭 ($66)紫菜馅料塞到满一满，简单但系好地道，如果自己一个人想简简单单，其实叫一个加个嘢饮都已经够饱，又健康。🥤 韩国饮品 ($18)另外都加左个韩国梨汁，缓和吓个辣面🤣
继续阅读
如果你晏昼四点钟会嚟我会由晏昼三点钟开始开心😝一行入餐厅就会见到小王子同狐狸嘅灯牌下面𠮶句韩文就系呢个意思真系有够浪漫如果下次约人去食韩国嘢唔好净系识去食炸鸡韩烧酱油蟹部队锅呢啲真系要人多先食得够爽人少少嘅话去间小店都另有一番风味～一落单就有前菜三小碟～泡菜芽菜翠肉瓜免费嘅前菜但几好食，似系阿妈整嘅感觉同埋有个好可爱嘅阿佐思唔知系咪老板嚟🤣铁板酱腌牛肋骨好大碟～系韩国腌肉酱食落口啖啖肉，另外仲有几旧骨垫底个泡菜豆腐煲入面仲有猪肉排骨同啲菜泡菜味好劲都几酸～要捞饭一齐食先搞得掂炸酱面超挂汁，唔系豉油味而系黑豆酱味好似有啲冬菇同荀丝同洋葱～啱晒夏天食两个人食呢个份量啱啱好～满足到韩国胃嘅！呢间南大门原来系尖沙咀有好几间分店一样系韩国人主理嘅小店～餐牌大同小异不过味道唔错，价钱份量亦都合理如果两个人想食韩国嘢的确系个唔错嘅选择
继续阅读
金巴利道同天文台道交界附近有好多韩国菜，见呢间店名系韩文，餐牌都有唔少选择，入咗去试吓，店舖唔算大，有两边座位都坐得好舒服，店员中文唔太叻，点餐都叫我哋自己写 Number落纸仔。点餐后店员送上三小碟韩式前菜，自家腌制嘅泡菜、瓜片同豆芽见佢用咗一樽樽人参酒牌喺卡位隔离做装饰，就试咗个人参鸡汤 $189 好大只鸡煮到好腍，近乎骨肉分离，佢并冇一大支人参，而系细细块人参片，头两啖饮落稍嫌唔够味，但饮到最尾开始浓郁，建议搞多两搞先开始饮会更平均另外叫咗个雪浓牛骨汤 $110 ，用牛骨煲嘅汤好鲜甜，有腍腍哋嘅牛肉薄片，个汤咸香送饭
继续阅读
今日咁啱经过尖沙咀门口见到一间韩国餐厅好吸引，于是忍唔住入去试一试！葱饼 🌿 呢间嘅葱饼真系无得输！外皮煎到金黄脆口，一咬落去「索」一声，入面啲葱多到爆，仲要够晒香，完全冇𠮶阵草青味。最正系佢个酱汁，甜甜辣辣，同葱饼夹到癫！不过要趁热食，冻咗会变韧，同阿妈煲电话粥咁难咬。 Seafood Pan Cake 🦑 个海鲜煎饼料多到好似唔使钱咁，每啖都食到鱿鱼同虾，仲有啲蔬菜粒增加口感。个边煎到脆卜卜，中间就软熟，点埋佢哋自家制嘅酱汁，真系停唔到口。部队汤 🍲 呢个部队汤简直系「大杂烩」嘅代表！肠仔、午餐肉、年糕、泡菜、即食面咩都有，汤底够浓郁，辣度适中，饮完成个人暖笠笠。最正系啲芝士溶喺汤入面，拉丝效果一流，邪恶到爆！不过份量真系多，两个人食都够，一个人挑战嘅话可能要打包返屋企。 炒粉丝 🍜 呢个炒粉丝镬气十足，粉丝炒到干身唔油腻，仲有啲蔬菜同肉丝增加口感。味道偏清淡，但系好啱我呢啲怕咸嘅人。南대门3号 (尖沙咀)尖沙咀金巴利道65-67号太平洋大厦地下3号舖
继续阅读
数日前同朋友去咗呢间韩式餐厅吃饭，食物都唔错，Lunch时间order咗之后，很快就上菜，我地笑说效率十足香港人，但望入去厨房，看见是一位韩国姨姨去炮制。我地三个人，点咗杂菜牛肉炒粉丝、海鲜辣豆腐汤、海鲜煎饼，大家share食。配料十足嘅杂菜牛肉炒粉丝，牛肉粒份量颇多的，加入咗黑椒碎，香味更突出。海鲜辣豆腐汤，橙红色汤底看似甚为辛辣，但食落去又可以接受，配上鲜虾、大蚬等，每啖汤配埋白饭甚为惹味。海鲜煎饼，口感似中式薄饼，里面是香葱、虾米粒。如果要找一个词形容，住家菜当之无愧。
继续阅读
您可能会有兴趣的...