南洋麵屋 (已結業)

上次行經呢間新開嘅小店，見佢個Menu又幾吸引，有越南、泰國同新加坡菜，選擇多，絕對係開飯之選！餐廳環境寬敞、夠光猛簡潔。店員姐姐仲好好笑容同招呼。泰式炸春卷，上枱時仲熱辣辣好脆口餡料也以木耳絲、 粉絲為主，脆而不膩， 清新香口，大人細佬都鐘意招牌海南雞飯，飯煮得油而不膩，雞肉又香又滑！招牌自選湯粉，可以自由配搭湯底配料同麵類，我就揀咗冬陰公湯底軟売蟹摻摻真係一個crossover麵食，湯底唔算太辣，淡淡嘅冬陰公湯味，越食越惹味！馬拉盞炒貴妃苗，用小鐵鍋上好有鍋氣，貴妃苗鮮菜味道甚濃，好清新又夠新鮮翠綠，再配馬拉盞好香口兩口子食到飽飽，叫埋兩杯野飲每人才是$130左右，最後店員姐姐仲送上小甜品，真的很滿足

做完運動就嚟到渣華道附近食晚餐！今晚揀左呢間南洋麵屋❤️❤️🌟入面有成2層！枱又多大夠闊，幾舒服下！ 另外就係價錢算抵食，平均68蚊就食到一個main🐣 咁我地就揀左個軟殻蟹撈檬($68)🦀🦀 d軟殻蟹都幾多，炸得都幾好，唔太油！配檬粉食都幾有咬口有層次😇 另外叫左個肉骨茶餐($68)😚 入面嘅肉非常入味又好淋，做到肉骨分離嘅！個湯都幾濃郁，有藥材香味🙂湯配飯食又幾match😍小食叫左個蒜蓉牛油雞翼($58)🤪🤪非常重牛油味，好多蒜味好香，撈飯又係好正，小小蒜粒夠脆脆😋😋

自從調咗去新蒲崗上班後，已經有接近兩年無返過嚟總部，趁這天要來北角上 Seminar，下課後，決定先到區內逛逛，然後再去附近吃點東西才回家。沿著渣華道往前走，喺「日本城」旁邊發現這間「南洋麵屋」，見門外的木架放有餐牌，走近細看，原來餐廳主打東南亞菜，有海南雞、叻沙、冬蔭功、檬粉類同多款小食可供選擇，而且價錢頗經濟，幾十蚊已經有交易，一於內進試試。餐廳位於渣華道市政大廈對面，店內地方不大，屬小店格局，但設計富心思，牆身上掛有色彩繽紛的畫作和裝飾，富東南亞風味。餐牌設計得非常精美，尤其是那些菜餚，拍攝得栩栩如生，令人食指大動。另外凡惠顧餐牌上的所有食品，都可以用半價點飲品，非常抵食。一個人吃得不多，一菜一肉，再加杯飲品，已經足夠。先來的馬沙文咖喱牛腩 ($68) 以托盤呈上，牛腩可以配白飯或印度酥餅，選了後者。成品上桌時還附有冬瓜湯，湯品微暖，入口清甜不膩。牛腩大約有6 件，份量不少，而且燜得火候十足，入口極軟腍，食落啖啖肉。至於配料方面就有薯仔、洋蔥同紅椒。咖喱汁香味四溢，辣度不強，味道毫不攻鼻，反而帶濃烈的椰香，十分好吃。印度酥餅新鮮出爐，外脆而內煙韌，牛油味很濃，用來蘸點咖喱汁吃，非

今日收工時間同朋友經過北角街市附近，發現開咗間南洋餐廳，睇個環境幾好， 價錢都合理，索性入去解決埋晚餐！地面光猛，樓底都好高， 環境幾舒服不局促。睇下餐牌， 選擇可以非常彈性， 湯底，配料同麵底任選， 有d 似南洋版車仔麵亦有其他主食小食提供， 夠曬多選擇。我就點左最愛既喇沙摻摻配海南雞， 朋友就點左肉骨茶， 再加個炸蝦餅同咸檸七。喇沙摻摻配海南雞估唔到除左主食海南雞， 其他配料都夠哂多 會有豆卜，魚片， 蛋同生菜。湯底好濃郁， 蝦味， 咖喱味， 奶味三樣都有， 同唔會太辣， 忍唔住食完麵都畢黎飲海南雞就係凍上， 反而冷盤有冷盤既好， 雞肉好嫩滑， 一d 都唔老， 凍食比熱食更加彈q , 好味 有埋菜墊底， 都幾有美感（菜我就建議熱食好）朋友既肉骨茶， 一上枱已經好香藥材味更配上有軟骨既肉， 我忍唔住偷吃左幾口。 湯底唔苦， 咸同甘甜味適中， 食到豆卜完全索哂湯底精華。 湯底配飯好好撈飯。 豬肉都一d 都唔吝嗇， 比左幾大舊， 我同我朋友都食唔哂最後黎左炸蝦餅， $58 已經有大大碟， 好抵食。（估唔到有咁多）炸到好爽脆， 配上彈牙蝦滑， 熱氣都食左好多件食落去完全冇粉漿， 全部都係彈

身為大中華區嘅子民，對南洋嘅好奇/愛好從來都無減少過，你見賣東南亞美食嘅餐廳愈開愈有就知啦。就算喺北角呢啲住宅區都有南洋好西食呀！顧名思義，呢度係食星馬泰越印尼美食嘅。打開menu，發現選擇多多。先點個春卷嚟食吓先。上枱熱辣辣，炸得鬆脆，啲餡料偏越南風，清清哋，唔會太滯。之後有搵啲湯粉嚟食吓。既然咁多選擇，何不貪心（食）到盡？湯底嚟個泰式冬蔭，至於麵就嚟個星馬摻摻，跟住配料就要越式炸軟殼蟹。食雞飯無話一定要飛去乜門或者乜box，而家就叫一個泰式海南雞飯。雞夠滑，飯夠油香，不錯噢。南洋餐，食菜唔飛天都要盞，今日仲勁，有貴妃添。貴妃苗平時都係食蒜蓉多，但原來同馬拉盞都夾到喎。食飽飽，好nice嘅侍應姐姐仲端出椰汁大菜糕，成件事好完美！

呢間係一間環境幾清新既新加坡菜小店，超近MTR，行分半鐘左右就到，好方便！裝修都幾靚，我同一個朋友被安排去卡位坐，見到店內都有幾個人一個人去食，可以對牆食，幾自在！餐牌好得意，好似本書仔咁。南洋肉骨茶配白飯因為朋友非常之鍾意飲肉骨茶，所以好快就決定左叫肉骨茶配白飯，一上菜已經聞到好香藥材味，即刻飲番啖湯先，飲落係唔會辣，而係好濃郁既藥材味🤤即刻令人回想起喺新加坡飲嘅肉骨茶😛海南雞叻沙米線我見到店內唔少人都食叻沙，所以都跟機叫左個叻沙米線，海南雞係分開上。我覺得海南雞點左個醬好好食，好少骨，可以將D雞一啖擺落口。海南雞下面有好多菜，令我呢餐食得更健康！我好鍾意Ｄ魚片，爽口彈牙！檸檬薏米水任何食物加飲品都係半價，朋友叫左杯檸檬薏米水（半價$13），有落埋冬瓜同檸檬，酸酸甜甜咁幾好飲，而且入面都幾多薏米架😆係好好嘅飯後飲品！泰式奶茶我就叫左杯泰式奶茶，好濃既奶味，成杯野好滑，亦夠晒大杯！總括黎講，我覺得呢間餐廳好乾淨，坐得舒服，晚飯黎講價錢合宜，值得一試。

小弟喜歡試新野，今晚就在北角渣華道90號地下試試新開張約5個月的南洋麵屋美食。南洋麵屋近北角地鐵站和書局街，交通方便，遊人如鯽。餐廳地方寬敞，佈置簡潔，牆身有大小掛畫，感覺新鮮，環境舒適，而且還有閣樓雅座。南洋麵屋主打南洋美食，有一本像小圖書的餐牌，外型美觀吸引，印刷精美。南洋麵屋有多款飯類，如泰式海南雞飯、泰式豬手飯、馬沙文咖哩牛腩配飯或印度酥餅、南洋肉骨茶、菜類、招牌自選湯粉、撈麵/撈檬、小食、沙律、甜品和飲品等等，選擇豐富。坐下叫了泰式海南雞飯，半價追加椰汁冰，另叫了一客小食焗蒜蓉包。泰式冇骨海南雞飯套餐配例湯和油飯，海南雞經上湯浸熟，雞肉嫩滑入味，雞皮肥美，不覺膩口，雞味豐富，配上醬料，更加惹味。油飯夠亁身夠油水，飯粒晶瑩剔透，飯香撲鼻兼有嚼口。例湯熱燙，入口潤喉。小食焗蒜蓉包一客有4塊，雖然大塊兼厚身，一樣焗得金黃鬆脆，加上陣陣牛油蒜香，熱辣辣的焗蒜蓉包，吃不停口。半價追加的飲品椰汁冰，椰子味濃郁香甜，冰凍解渴。最貼心的是餐後還有精美好味的小甜品泰式大菜糕奉送。南洋麵屋的食物水準不錯，而且都是街坊價，真是經濟抵食。

只從係銅鑼灣翻工之後，發現港島區真係好多野食😂甘岩係附近收工就搵左個friend去搵好野食。呢間餐廳既裝修好靚，坐得亦舒服，真係幾唔錯。2個人都叫得幾多野食，2個主食，1個小食同2杯飲料。主食分別叫左軟殻蟹撈麵同豬脾飯。軟殻蟹份量都ok，炸得好香脆，都幾唔錯😂撈麵反而冇咩特別，但甜豉油好夠香。豬脾飯超正，豬脾d肉好嫩，d肥肉撈飯好香！佢配既汁係酸酸地，同豬脾好夾叫隔離枱個喇沙超香超吸引，下次一定要叫！小食叫左個串燒，豬同雞肉都十分嫩滑，亦算大件，食落有好香既炭火味，真心正！同個沙嗲醬係超杰身，又夠香，正！飲品叫左個泰式奶茶配雪糕，雪糕好似係椰子味同泰式奶茶超夾！呢個combination幾好🤣另外個杯要左熱羅漢果茶，飲落超舒服亦唔會太甜。

一個人去北角順便食個快飯，但我唔會因為咁而委屈自己嘅。喺渣華道街市遠處就見到呢間裝修清新系嘅星馬菜，乾淨企理，一於去食個肉骨茶先～一入餐廳已經有好熱情嘅姐姐歡迎我，仲好細心見我怕凍叫我坐另一個位唔好對住風口位。☺餐牌印到成本故事書咁，好得意。📕其實好多嘢想試，但一個人得一把口，唯有淨係叫咗個肉骨茶配白飯，滋補一番。肉骨茶份量都算多，唔算藥材味好重，啱晒我。第一啖飲啲湯就覺得非常之甜，好正！👍🏼重點係啲豬骨🐷好淋好入味，又有啲軟骨位感覺好多骨膠原😂加配飲品全部半價，為返十幾蚊，叫特飲真係起抵！因為叫咗個熱辣辣嘅肉骨茶，所以配返杯芒果🥭沙冰涼一下。🥶估唔到都非常真材實料，應該係真芒果整嘅，非常解渴，CP值高！👍🏻食完野，姐姐仲送咗件椰汁大菜糕🥥甜品，味道不過不失啦，但呢份誠意呢個價錢絕對抵食！🥳

（少有地）去接老公放工，坐船去北角碼頭。走到渣華道街市附近，看見一間似是新開的餐廳，便去試試這間星馬菜。裝修挺有風格，非常乾淨，是附近少有的餐廳類型。南洋肉骨茶配白飯 · $68老公點了他最愛的肉骨茶（配白飯），我則選了個叻沙，還加了個小吃軟殼蟹。肉骨茶煮得非常入味，湯底偏甜，很易入口。份量也算很多，老公都覺得飽。自選湯麵 · $68叻沙可以自由配搭，我選了配大蝦及較少地方能吃到的滲滲。叻沙湯底很重椰汁味，不算太辣，非常開胃。配料還有豆卜、魚片等等，也算足料。我們還點了非常邪惡的炸軟殼蟹，新鮮熱辣辣炸起，配上炸蒜等等，很惹味；而且炸得乾身不太油，值得推介！點任何食品便可以半價加配飲品，所以我們點了一杯龍眼水及芒果沙冰，水準不俗。最後店舖還送了每人一件椰汁糕，喜歡它不會太甜，作為二人撐枱腳的結尾剛好。

趁天氣好去左油街實現影相，古典的建築下人人都變成文青風女生。平時我同男朋友都鐘意去食街邊神級小食麥記，今日帶住個好斯文既既朋友食飯就唔方便。北角出站行一陣就到了。東區唔多東南亞風的餐廳，以價格作考慮的話絕對係廉價既好選擇。唐樓打通兩層的格局樓底高採光好，加上裝修新派都吸引年輕人到來。餐廳供應多國菜，當中應合香港人口味泰國菜比較多，沙律串燒椰青等等應有盡有。蔗蝦$58小食方面最抵食應該係小食拼盤，$108有四款小食。唔鍾意炸野亦有泰式、燒肋骨、生蝦生菜包等選擇。我地點左比較特別的小食，蔗蝦即叫即炸熱騰騰啊！竹蔗幼細所以包上既蝦肉都更多，咬開見到粒粒蝦肉。炸粉薄身，配埋甜辣醬好惹味，而且價錢好平。巴東咖哩牛肉$68想飽肚有喇沙冬陰功麵類同醬汁飯類供應，仲有肉骨茶套餐。咖哩牛肉配飯亦可免費轉酥餅。平時出去食酥餅都係一塊開四片，這裏竟然有八塊! 不同於傳統印度酥餅，唔會油淋淋軟到提不起來。酥餅有如千層酥般中間扑起呈空氣感，鬆脆不油膩。咖哩零辣度加入少少椰奶，無左辣勁依然香氣十足。而牛肉用左腩位，配酥餅容易咬開好夾。整碗咖哩有6-7件牛肉，再有2件薯仔，另附送泰式冬瓜湯，性價比非常高。雪糕芒果沙

臨翻大陸掃墓就同男朋友見一見面，食個靚飯🤤呢排好迷馬拉，新加坡既食物，就上網搵左呢間唔太貴既餐廳一試！值得一讚既係麵類提供好大自由度，可以自選湯底，配料，麵底等🤟🏻不過下次先試，因為今次簡左平時小見既撈麵❤️軟殼蟹撈麵 $68撈麵既麵底係油麵，個sauce有d似甜豉油，食落有d辣，唔算特別重口味，食落都ok不錯😁軟殼蟹唔算大隻，但都有肉！唔會炸得過火，相對有驚喜d🤣❤️豬脾飯 $68豬脾份量唔算多，但質素超高。肥膏令豬脾咬落入口即融，但亦唔會過肥，亦唔會出現豬毛既問題。醬汁偏甜，同酸菜一起撈飯食一流！❤️串燒 $58有4串，簡左豬拼雞。肉份量算多，十分juicy，亦有好香既炭火味。配上既醬汁係沙嗲醬，花生粒超多又夠濃郁！❤️雪糕泰式奶茶 +$16❤️熱羅漢果水 +$13❤️免費既甜點

餐廳剛開業數月，裝修簡約清新，座位寛闊。餐牌設計幾創新，菜式選擇涵蓋星馬泰越，幾多元化。馬沙文咖喱牛腩配印度酥餅。泰式咖喱特式係椰奶較重，呢度嘅咖喱比我平時食到嘅更香濃。除咗椰奶嘅香滑，仲好香月桂葉同八角味，配埋洋葱、魚露嚟煮，味道又濃又香，好有層次。醬汁好多送飯其實好正，但對我嚟講都係油香十足嘅酥餅吸引啲。牛腩燘煮得軟腍腍同入味，仲帶住少少筋位，更加濃味。燒豬頸肉小食份量幾大，豬頸肉外層塗上蜜汁再燒，食落甜甜地，肉質爽口唔乾身。點埋泰式醬汁酸酸地就更開胃。跟嘢食叫嘢飲一律半價。呢杯芒果沙冰貨真價實，極之抵飲。雖然冰量唔多，所以偏向似芒果汁，但一飲就知沙冰完全用鮮芒果打成，鮮甜解渴，仲有少少果肉漿漿地嘅感覺。咁足料嘅舖頭真係不可多得！食到最尾仲送咗每人一件紅豆大菜糕，呢個意外驚喜令成餐更圓滿~

迷你版的餐牌十分吸引目光，菜式選擇簡而精，不論大路的冬蔭功粉面，以致巧手的串燒、蔗蝦等小食都有，而且價錢十分親民，相信是主打平民的巿場。凡是粉面只要一試湯頭就知餐廳的水準如何，這次當然也不例外，冬蔭功湯底配上油麵的質素如何?冬蔭功湯的酸味，以及傳統泰式香料的味道十分平衡，湯底的顏色十分討好，略嫌欠了一點辣度，湯頭似是真材實料，沒有沾上味精的虛假。油麵則是大路的出品，沒有驚喜之處，反而餸料點了帶子卻意外地鮮甜，雖不至於連殼帶子那種鮮味，但卻類似街巿海鮮檔一份多隻的貨色；特別之處是湯中發現「乾瑤柱」的身影，雖然較為細小，但入口仍然品嚐到獨特的咸香。油麵的份量基本足夠中等男士的胃口，主要原因是配菜的份量不算太足夠，幸好這裡的串燒等小食質素也不錯，不妨一試。泰式串燒可從牛、豬、雞中選揀其中兩款，這次點了豬和雞串，每款各有2串，份量充足。上菜之時已聞到串燒的香味，加上皮肉帶點燒焦的顏色，金黃焦香，十分誘人。雞肉串連皮燒的效果十分好，帶點油潤感之餘又能嚐到雞肉的質感，再沾上加入花生粒製成的沙嗲醬，味道更加豐富而極具風味。相反，豬肉串則稍為失色，肉身較為瘦削，燒製後更顯得乾身，如果能改以豬頸肉作食材

天氣開始熱同潮濕，自然心思思想食東南亞菜。既然叫得南洋麵屋，必然會試試喇沙。麵食不論湯底、餸菜定麵條都有好多選擇。湯底冬陰同喇沙，怕辣嘅都可以揀清湯；麵方面集南洋各國大成，金邊粉、油麵、拉麵...至於我就揀咗豬扒喇沙摻摻。喇沙湯底微辣，咖喱粉同椰奶比例恰好。唔計主菜豬扒，喇沙嘅配料已經好豐富，有多塊彈牙魚片，吸滿湯汁嘅豆卜...加上大碗摻摻，份量、味道都令人滿足~尤其係豬扒炸得乾身，香茅味突出，而且份量十足!Menu上面冇套餐嘅選擇，但點主菜、小食都可以用半價加飲品。比起普通飲品，我就強烈建議大家叫特飲喇，因為原價已經比坊間便宜，半價之後真係幾抵飲。我點咗雪糕紅豆冰(有雪糕同冇雪糕同價！)。有別於茶記嘅紅豆冰，呢度係用椰汁沖嘅，所以飲落會比較清甜。紅豆壓成蓉，質地更加軟，所用嘅豆比較細粒，但味道都唔錯。配埋士多啤梨雪糕，半溶後形成三色漸層，賣相同味道都昇華。喺泰國飲過都知泰式奶茶偏甜，但呢度因為聽咗客人意見而調製出茶、奶味較濃嘅奶茶，更啱我哋口味~餐廳座位闊落，店員都幾NICE，作為啱啱開業嘅小店水準唔錯~