影片
更多
2019-04-18
58 浏览
自從調咗去新蒲崗上班後，已經有接近兩年無返過嚟總部，趁這天要來北角上 Seminar，下課後，決定先到區內逛逛，然後再去附近吃點東西才回家。沿著渣華道往前走，喺「日本城」旁邊發現這間「南洋麵屋」，見門外的木架放有餐牌，走近細看，原來餐廳主打東南亞菜，有海南雞、叻沙、冬蔭功、檬粉類同多款小食可供選擇，而且價錢頗經濟，幾十蚊已經有交易，一於內進試試。餐廳位於渣華道市政大廈對面，店內地方不大，屬小店格局，但設計富心思，牆身上掛有色彩繽紛的畫作和裝飾，富東南亞風味。餐牌設計得非常精美，尤其是那些菜餚，拍攝得栩栩如生，令人食指大動。另外凡惠顧餐牌上的所有食品，都可以用半價點飲品，非常抵食。一個人吃得不多，一菜一肉，再加杯飲品，已經足夠。先來的馬沙文咖喱牛腩 ($68) 以托盤呈上，牛腩可以配白飯或印度酥餅，選了後者。成品上桌時還附有冬瓜湯，湯品微暖，入口清甜不膩。牛腩大約有6 件，份量不少，而且燜得火候十足，入口極軟腍，食落啖啖肉。至於配料方面就有薯仔、洋蔥同紅椒。咖喱汁香味四溢，辣度不強，味道毫不攻鼻，反而帶濃烈的椰香，十分好吃。印度酥餅新鮮出爐，外脆而內煙韌，牛油味很濃，用來蘸點咖喱汁吃，非
自從調咗去新蒲崗上班後，已經有接近兩年無返過嚟總部，趁這天要來北角上 Seminar，下課後，決定先到區內逛逛，然後再去附近吃點東西才回家。沿著渣華道往前走，喺「日本城」旁邊發現這間「南洋麵屋」，見門外的木架放有餐牌，走近細看，原來餐廳主打東南亞菜，有海南雞、叻沙、冬蔭功、檬粉類同多款小食可供選擇，而且價錢頗經濟，幾十蚊已經有交易，一於內進試試。
餐廳位於渣華道市政大廈對面，店內地方不大，屬小店格局，但設計富心思，牆身上掛有色彩繽紛的畫作和裝飾，富東南亞風味。
餐牌設計得非常精美，尤其是那些菜餚，拍攝得栩栩如生，令人食指大動。另外凡惠顧餐牌上的所有食品，都可以用半價點飲品，非常抵食。一個人吃得不多，一菜一肉，再加杯飲品，已經足夠。
先來的馬沙文咖喱牛腩 ($68) 以托盤呈上，牛腩可以配白飯或印度酥餅，選了後者。成品上桌時還附有冬瓜湯，湯品微暖，入口清甜不膩。牛腩大約有6 件，份量不少，而且燜得火候十足，入口極軟腍，食落啖啖肉。至於配料方面就有薯仔、洋蔥同紅椒。咖喱汁香味四溢，辣度不強，味道毫不攻鼻，反而帶濃烈的椰香，十分好吃。印度酥餅新鮮出爐，外脆而內煙韌，牛油味很濃，用來蘸點咖喱汁吃，非常美味。
馬拉盞炒貴妃苗 ($48)，貴妃苗非常翠綠養眼，幼嫩新鮮，加上用馬拉盞炒，鹹香惹味，令人吃不停口。
食完飯飲番杯咸檸檬七喜 (+$13) 成個人爽曬。雖然這晚吃得不多，但兩款菜式都做得不錯，睇得出店主很用心去經營，而且店員亦很隨和有禮，服務態度很好，絕對值得支持。
张贴
