十里洋場 (裝修中)

今晚提前慶祝母親節,之前食過覺得唔錯所以帶屋企人來食.一坐低職員熱情招呼,上茶同開胃小前菜.睇左一陣menu,我地點左8,9碟餸.等菜期間細心欣賞店內有心思嘅擺設(但冇影低😆).可惜今晚冇Live聽,細問下得知係星期一,三先有(希望聽完冇記錯😬).餸菜陸續送到,必提嘅係煙茶皇煙燻三黃脆皮雞,職員上菜時揭開蓋傳來陣陣煙勳味,脆皮雞入口非常鮮滑🤤,記憶中已好耐未食過咁滑嘅雞啦😍.其他餸都唔錯,進食期間職員頻密地幫我地換碟,好細心.最後食左個滑溜原桶黑豆腐花,為呢餐晚飯劃上一個完美句號😁😁😁😁

約了好久不見的朋友見面因為大家都剛放工，正值hungry mode, 所以都無影相素鵝: 上檯仲係暖身，入口唔鞋，平時我無叫的，但又幾好食脆鱔: 好味， 酸酸甜甜的雲吞雞湯: 呢個反而比較一般，無咩特別，偏鹹松子桂魚: 魚都脆口，d醬汁都唔錯蜜汁火方；好味唔係死甜炒菜: 個味都ok 炒年糕: 都唔錯，但同樣偏鹹煎小籠包: 全晚最期待! 果然值得期待，雖然個皮同蒸的比就厚d，但都幾好味甜品: 棗泥鍋餅 都係暖暖的，唔會太甜其實成餐嘢都係不過不失，除咗個煎小籠包比較期待外，其他都ok..雖然唔算驚喜，但其實食物水準都平均ok 裝修其實唔錯，但唔知係咪樓底矮，有d嘈嘈到落單都要落幾次。。。

食上海菜要搵食的地方好難， 細個的時候食369已經覺得好開心好好食，自從觀塘間369執咗笠之後，我好少發現有上海菜係好食的。 但這間店畀到我一點點的驚喜。熏蛋可用色香味全, 一上菜有煙的視覺, 而中間有魚子及流心蛋黃, 味道很配合東坡千層寶塔係一絕, 外型已經攞足分, 重要是切成一片片用包夾起食不油膩而香味滿口上海醃篤鮮最初都怕好咸, 但飲了湯, 是鮮而不咸個人最推薦東坡千層味道: 充滿上海情懷環境: 優雅 衛生: 乾淨 服務: 尚可 抵食: 偏貴

首次光臨，主打淮揚菜的呢間餐廳畀阿叔👨🏾第一感覺就係裝修真係幾靚✨，好高級，好有格調，而且服務員🤵🏻服務好好，笑容滿面😄，值得加分。.朋友介紹一定要食 #黑松露珍珠燻溏心蛋🥚 （$68/2隻），今次食家果然無介紹錯，煙燻味🌬好香，上菜時仲專登焗住上，一開蓋，燶燶嘅煙燻味即時聞得到。蛋開半，蛋黃流心😍，面頭加上小小黑松露，十分惹味。🤤.#東玻千層寶塔 （$288）其實係新派梅菜扣肉，五花腩肉🍖切得好薄，砌成金字塔⛰，包住梅菜，只睇外型，絕對要相機📸食先。最鍾意用包夾住食，中和番腩肉梅菜的濃味，可惜一碟只得4個包子。.#碧綠圈子 （$128）即係豬大腸🐽配草頭菜🥬，第一次聽/食草頭菜，口感個人覺得有啲似豆苗，幾好食，大腸味道香濃，好肥美。🤤.成餐飯仲叫咗#上海小籠包 （$75/5隻），賣相、味道都只是一般，不過不失，未夠其他菜式咁吸引！🥴

難得同家人出街食飯，便到銅鑼灣利園十里洋場試一試。家中有老人家及小朋友更有在外國回流的親戚，我們便一試餐廳中的出名小菜，煙燻松露蛋、煙燻燒雞、龍蝦炒上海年糕，味道一流，不失為傳統上海菜。侍應服務態度一流， 頻頻會幫手換骨碟，裝修及燈光氣氛一流，雞尾酒飲品也出色 ，切合餐廳主題。 當晚有懷舊金曲表演，家中長者非常陶醉， 當然如果你要有寧靜環境、唔喜歡音樂，請不要於表演時段訂枱， 或可以訂走廊的卡位。價錢亦相宜，會再次光臨。

利園地下圍板而知十里洋場存在，餐廳內較一般中菜暗但有情調，有現場live music（懷舊高級餐廳歌女路線）。想靜啲？建議訂座坐近門口位置。食環境食氣氛上海菜餐廳，食物中規中矩，台與台距離不錯，所以話女人食飯是要食埋環境的！松子魚：厚肉，但要快食，好快唔脆溏心蛋：一秒唔見
咗成碟，煙薰味夠香雪菜年糕：飽肚感＋
毛豆百頁：份量足
下次唔叫
招牌上湯浸蘿蔔：靚、嫩蘿蔔但價不在此
小籠包：皮唔夠薄，講完。menu 仲有好多款想試，環境太適合一班女人去，所以應該會再去多次！建議：4人以上，d餸唔細碟，2個人嘅話一個松子魚已經玩完。

環境是迎來流行的深沉色調配金屬邊, 有殖民色彩，同REFINERY 的裝潢同出一徹。有卡位和圓檯，地點方便，朋友相聚好地方。食味係傳統味道，不過係清淡版，即不是濃油赤醬的老上海味。 論精緻度，夜上海勝一籌。論味道，綠楊村傳統一點。3個人叫了不少菜式，有些是位上的。本人覺得小籠包最好，醉鴿都可以。松子魚正常味道，小白兔最失望。仲有叫了個菜同另一個甜品，都係中規中矩。成件事都係穩穩陣陣，冇驚喜，都冇驚嚇。不過整體是舒適滿意的。

十里洋場本身呢一個餐廳的名稱甚有故事性，店內裝修甚至有心思，挺有氣派。除咗適合一家人用餐，亦都幾適合商務聚會。同屋企人點左幾個係呢度嘅招牌菜，包括煙燻糖心蛋，糖醋魚，半隻雞等等，每一道菜的賣相都有帶菜館和酒店的氣派。味道都不錯。

今晚（24/2）太座與閨蜜新年飯敍，在OpenRice 找到這間淮楊菜餐廳，儘管試試。訂位時接待要求我們八時還枱，但餐廳要六時正才開始營業，即是用饍時間不多於兩小時，可能只有香港的餐廳(非放題)才會如此普遍地限制離座時間😪。我們點了黑松露煙燻蛋(味道多層次，煙燻味濃，上菜有心思👍👍👍👍)、脆鱔(一般)、酒糟肚尖(幾入味👍👍)、東坡千層塔(竟然最好味係裡面的梅菜👍👍)、回鍋肉(只是上海客飯水準)、小籠包(一般)、炒萵筍絲及楊州炒飯(兩者皆水準之作👍👍👍👍)、甜品是高力香芋雪糕(有特色👍)及高力豆沙香蕉(不俗👍👍👍)，我較喜歡後者。總括來說，食物不俗，服務亦很好；可是以這個價錢的餐廳，座位要算是擠迫了一點。

平日總是忙著工作嘅學弟襯新年有假期，專登抽空相約食飯兼派利是，地點由佢揀咗間方便佢泊車嘅「十里洋場」。上海菜館門面開揚，接待處擺出桃花及水仙之外，木造屏風亦掛上不少應節小燈籠，新潮中不失中國色彩。XO仔比店子開門時間早到，服務生明顯仍在忙碌準備中，不過未到六點已可埋位坐，咁就要讚吓。步入用餐大堂必先經過最闊落嘅皮櫈卡位。餐廳面積寬廣。兩邊擺出半梳化合併式散座。中央則排出兩行圓枱。小師弟訂位時早已講明會帶同兩位小朋友，中菜廳就安排好大人版及小童版嘅齊備餐具，另加鮮花點綴，感覺衛生，且十分周到。散點餐牌及飲品餐牌均屬厚本，主打菜式都附有彩色相片對應，首頁及尾頁仲印有卡通插圖，都幾得意。多頁餐牌可於官方網站搵到，小肥唯一想提嘅就係餐牌最後一頁有明確地列出茗茶、小食、額外切餅等收費詳情。餐前小食（$20/碟）：三款小食中小朋友最愛彩色代表嘅彩絲豆干，三個大人當然係俾佢一個人獨享啦！其餘因為XO仔怕辣就冇試，不過哥哥話都幾惹味醒胃。富貴糟肚尖（$108）：因為三口子都係第一次黎幫襯，為安全起見都係揀咗啲餐牌上有記認而又有彩圖嘅招牌菜式。透明碗內嘅所謂豬肚尖不單厚硬，肚身極為乾嚡，即使係用酒醃過也

同事升職請食飯，嚟到呢間淮揚菜餐廳，環境好靚，枱同枱之間有距離，氣氛唔錯。首先上嘅前菜有煙燻蛋，上菜嘅時候會先蓋着，然後響大家面前拎起個蓋，會有啲煙飄出嚟，視覺效果好靚。同事訂咗一個東坡千層，將東坡肉造成一層層嘅效果，味道好好，入口即溶。除此之外松鼠桂魚都係值得推薦嘅菜式，呢道菜嘅擺盤好重要，炸左之後條魚嘅姿態，頭同尾都應該向上先係一條合格嘅松鼠桂魚XD，而佢係做得到嘅。抵讚！每一樣菜式都好精緻，最緊要嘅係佢係好睇又好食，我會向大家推薦呢間餐廳。

老爺生日，都想帶佢去食餐好嘅，舒舒服服，就試左我foodlist嘅其中一間中餐廳。一入到去，燈光暗暗地幾有氣氛，裝修都好別緻，好寬闊，絕對唔係櫈貼櫈，起碼有返私密度傾計😂野食方面，叫左必食嘅煙燻黑松露流心蛋，真心正，佢有個蓋蓋住上枱，再喺我地面前開蓋，見住d煙都幾治癒😂 其他野食都幾好，above average!食到中場，仲有live band唱經典懷舊金曲，最估唔到嘅係佢竟然知道我地有人生日，仲唱生日歌，都幾驚喜！

太好啦~Lunch終於可以更多選擇～雖然銅鑼灣都好幾間素食店，不過都係一d坐唔耐嘅小店，所以Business Lunch通常都要食d多肉少菜嘅餐廳......移家唔洗煩啦~連佛跳牆都有純素版😍😍😍羅漢佛跳牆($188)改用雜菇、銀杏、栗子等食材，取代雞、鴨、豬等嘅肉類，食落口冇咁油膩，清得黎又夠睇頭蓑衣黃瓜($88)先唔講味道 (因為我冇得食🤣)，淨係睇刀功，已經嘆為觀止，每片青瓜切到唔夠1mm，但係做到刀刀不斷，片片相連，要切幾多年先切到😲 (弱弱的我，連批蘋果皮都未試過一刀到尾....🤷🏻‍♀️) 

裝潢高雅，服務周到，估不到價錢沒有想像中貴。上海菜是我的至愛，約了同學們新春前團拜，早來的團年飯。小籠包必選，湯汁滿溢，皮薄餡靚，即叫即製小心熨嘴喔！雞汁蘿蔔不要以為普通菜式，賣相非一般，蘿蔔清甜多汁，滲入了雞湯的鮮味。蜜汁脆鱔皇夠鬆脆，蜜汁不會太甜膩，恰到好處，佐酒小食。砂鍋雲吞雞要了半份己足夠五六人份量，湯底鮮甜美味，雲吞餡料飽滿，煲過的雞肉仍然嫰滑，好好飲。甜品高力豆沙採用了芋茸，混入香蕉，比起平常吃到的紅豆茸少了一份又甜又膩感覺，超正。

上次講過這裏環境音樂俾我發夢， 呢度要比錢嗰隻，8:30pm後有位。黑松露珍珠燻糖心蛋$68， 煙薰味重，蛋黃 啫喱狀有黏性， 黑松露珍珠增加矜貴性， 味道我都係鍾意蘇浙同鄉會。金釵銀絲$142，雞湯好濃味，豆腐絲粗中帶幼，似豆干，又無咁乾硬，浸入雞湯及金華火腿，鲜味足，有數粒河蝦，爽口回鍋肉$128，無想像中肥膩， 椰菜甜椒爽口，熟度適中，豬肉肥瘦比例是我喜，爽脆，叫咗少辣，味道不太咸，有鑊氣味😊最正係白飯，粒粒晶瑩， 好似有臘面，米香，軟帶 煙韌聽舊歌，繼續發夢，做個多情女人……舊愁散不盡 新怨上心頭一篇篇自己想，一聲聲自己問愛也深，恨也深……