十里洋場 (裝修中)

[🇭🇰香港- 銅鑼灣].終於有得食大閘蟹啦🦀推介大家食呢個豐富嘅大閘蟹宴,有”清蒸大閘蟹”,”生拆蟹粉鮑魚撈飯”,”蟹皇翅”,”鮮蟹粉賽螃蟹”...蟹粉好鮮甜,最正都係食原汁原味嘅清蒸大閘蟹,裡面勁多蟹膏😍除左食物質素高,餐廳夠闊落,坐得舒舒服服,個蟹宴仲要做緊promotion,加埋服務費每位都唔洗HKD450!超抵!.🔻🍽 十里洋場📌 地址: 銅鑼灣恩平道28號利園二期101號舖.#tummysready #tummysreadytoeat #tummysreadyinhongkong #tummysreadyatcausewaybay #tummysreadyforseafood #tummysreadyforchinese

之前終於同朋友試到，我地夾埋嗌咗5個餸。前菜，我地叫咗三個，有手撕雞，脆煎小籠包同埋燻溏心蛋。個手撕雞真係一定要試吓，佢D配料好多，雞絲份量都足夠，D配料同雞絲加埋個汁一齊食真係好夾，非常好食同埋開胃。另外個脆煎小籠包都好有驚喜，個底係煎過嘅非常之香口，同普通蒸小籠包完全唔冋，同埋肉汁都好濃，非常推介。個燻蛋都唔錯，有淡淡嘅煙燻味，同埋個蛋黃都算溏心，上面亦都有黑松露，味道同口感都非常豐富。 主菜就有茶燻脆皮雞同埋上海粗炒。個雞嘅味道非常特別，雞肉好有茶香味同埋肉質都非常嫩滑，完全唔乾同老，另外茶味都滲哂入雞肉到，十分推介。但係上海粗炒就比較普通，無咩特別，味道好正常,下次應該唔會點。整體嚟講，所有菜式都非常出色，之後一定會再嚟食過，試埋其他特色菜式！🤤🤤

🌹被網上朋友圈吸引下，星期六去了十里洋場食疫情價套餐，$298買一送一！幸運地有座位，我們訂了11:30 ，到達食店時已有客人進餐，原來因為疫情沒有晚市，所以提早開門，疫情之下生意真難做。🌹我們選了298餐，落餐不久食物很快便上枱，每款食物未食完，第二款又來，個人覺得比較急促好似是趕時間的，未能慢慢品嚐，這個不是太好！🍽5🌟為滿分💯迷你佛跳牆😋🌟🌟🌟🌟小籠包、春卷、鍋貼🌟🌟🌟脆皮煙燻乳鴿😋🌟🌟🌟🌟雙冬小棠菜🌟🌟🌟酒釀小丸子🌟🌟（個人不喜歡這個，如果多一項可選就完美😆）個人評分5💙為滿分💯食物💙💙💙服務💙💙💙環境💙💙💙衛生💙💙💙抵食💙💙💙回頭率💙💙雖說是$298二人收費，實則要收茶位$40及餐前小吃$20，另再加一小費，結單$$423。

前菜:醉乳鴿-醉雞就食得多,醉乳鴿真係第一次食,幾特別好入味,呢碟係兩隻份量.黑松露珍珠煙燻糖心蛋-煙熏味唔太重,因為我唔鍾意好重味所以呢個啱晒我,最正係真係有黑松露喺隻蛋上面㗎上海醬蘿蔔-好爽口好入味花膠螺頭燉雞湯-幾香,感覺好養生招牌糯米炒大清蟹-重點推介呢個真係超好食,我平時好少食飯,但係我竟然食咗兩碗,糯米飯同平時嘅做法唔一樣,好入味啊,配蟹食簡直一流,下次一定會再嗌呢個食,食到舔舔脷!蟹粉炒江蘇河蝦仁-河蝦配蟹粉啱晒鍾意食蟹粉嘅我,唔需要飛去上海都食到啦.紅燒獅子頭-一如以往嘅獅子頭冇話特別出色.酒釀小丸子-同平時有d唔同,就係有唔同顏色嘅,不過味道都係一樣,好食.但係我唔記得咗影相.估唔到外賣返屋企食都一樣咁正,下次一定會再食呢一間,比我想像中好食.

終於有時間打食評了！與朋友的聚會改了幾次時間，今次終於成行。老友話想食上海菜，係同事極力推薦下，揀咗呢間餐廳。餐廳環境幾舒適，座位唔會太逼，可能因為少左人出街食，嗰晚食飯嘅人唔算多，我哋分工合作，我就負責睇menu，佢哋就上網睇食評，睇下有咩值得一試。期間，餐廳經理亦都有行過嚟介紹佢哋嘅特色菜，最後我哋決定一人叫一個餸，再加佢哋推薦嘅嘢食。頭盤，黑松露溏心燻蛋，已經有驚喜。視覺嗅覺味覺一次過帶比你，侍應有提我哋相機食先，值得一讚。主菜係豬牛魚各一。走油元蹄，肥而不膩，正宗上海菜，肉質鬆化，食起嚟唔會嚡，屬水準之上。至於黑蒜牛肋骨，應該係創新菜式吧。黑蒜味重，牛肉味濃郁，肉質亦軟諗，深得幾位牛魔王歡心。龍鬚桂魚，呢道餸可以欣賞到師傅的刀工，魚肉亦新鮮嫩滑，味道唔錯。我哋都有叫一個蔬菜食，不過不失。最後我哋無叫飯面，淨係叫多個點心當主食，脆煎灌湯小籠包，對比起以前食開的蒸上海小籠包，呢個更加有佢嘅特色，上枱個陣仲聽到咋咋聲，值得一試。今餐晚飯，我哋無叫酒飲，因為朋友要揸車，我哋淨係叫茶飲，侍應都有經常過嚟斟茶，亦都有換碟。總括嚟講，呢間餐廳菜式有驚喜，侍應服務亦唔錯，適合家庭聚會，多啲人可

呢間餐廳出名食刀工， 所以試咗三個刀工嘅餸，一個係青瓜，好睇但唔好食， 一個係砌到好似 金字塔嘅梅菜扣肉，又係好睇唔好食，仲有個bean curd blossom soup，呢個好味，有層次，可惜都幾貴，$100一碗仔。小籠包好食， 皮夠薄，好夠肉汁，呢個一定要叫，仲試埋煎嘅小籠包，唔同風味，都係好食。 叫咗個牛坑腩，都唔錯，但得大約8舊牛， 唔夠食。最後埋單每人大約$350，以冇叫貴價嘢嚟講都算幾貴，未必會再幫襯。

我同男友早前celebrate anniversary, 大家太忙就隨便係工作附近找間吃晚飯. 我哋兩個人order 左半隻雞，一碟菜，一碟小菜及煙燻蛋小食. 落完單個女waiter（中年）同我哋講開支酒既話隻雞可減一百，我近期身體差左戒飲少左酒我就話不用了.之後呢個女waiter 送菜全程黑面態度惡劣. 食物質素除左隻雞，其他極為普通. 兩個人埋單差唔多1000. 喺Lee Garden 主要食環境同埋service, d咁既垃圾service同普通一般既食物質素，食完都背脊骨落. 性價比極低既餐廳.

見倒好多人話好難食，其實坦白講我就唔覺嘅。啲嘢嘅質素都ok，但我想講下我嘅用餐經驗有幾唔愉快。今時今日一間叫做high-end嘅餐廳咁樣嘅服務，真係好痴線！首先我係三星期前已經訂左630pm，我地6:32到達，因為同父親大人食飯！去到話搵唔到我booking，好彩我有confirmation嘅頁面俾佢，搞左一輪6:50坐低，話限時90分鐘，要8pm還枱，大佬你自己亂哂，仲好意思要計我630入座要我準時還枱？就同佢講返個情況啦，咁佢哋就話咁8點15啦。坐低之後風口好大，怕老人家凍親，所以就問可唔可以坐過一張，因為早嘅關係，仲有好多空枱。叫左staff黎，個staff就話，一係我幫你地熄左嗰個冷氣位，調枱有啲煩。但我哋驚之後如果餐廳有其他人話熱，一開返又吹倒我哋，就決定換。staff就嫌麻煩咁話，咁你係咪真係要換丫？係我就要同前台講，咁我要去問下先囉。期間已經係不滿我地俾倒麻煩佢地嘅口面。之後換左枱，嗱嗱林落單，期間waiter係不斷多次建議我哋叫紅酒及叫父親節餐，經過一番商討，因為餐入面某啲菜式唔啱食，所以決定散叫a la carte，職員係黑面同態度非常惡劣，好似覺得我哋好cheap，

在銅鑼灣與朋友聚餐，便找了一家環境較舒適的中菜十里洋場，比較適合聊天（但其實餐廳也挺吵）。餐廳附送的前菜有三種，包括了手撕雞，醃青瓜，豆腐。梅菜扣肉這菜式令人挺驚喜的，因為梅菜扣肉以一個小型塔的形狀上菜，在一片片的扣肉裏面其實包滿了梅菜，他還附送一籠四塊的夾包，讓整件事也非常完美。煙燻蛋非常喜歡這道菜，糖心蛋的口感讓人滿意，配以淡淡的煙燻入味。小籠包鮮嫩多汁，熱呼呼的讓人感到很滿足。牛油津白配雲腿符合一貫水平，有一種解油膩的清新感覺。

聽朋友講就聽得多啦十里洋場！今日終於去試佢哋嘅晚餐。餐廳位置喺銅鑼灣利園，無論地方環境都10分清潔，餐廳氣氛好似五60年代上海餐廳嘅裝修，令到晚飯氣氛變得特別有感覺。同普通五星級酒店的中菜廳比較也不遜色！侍應的服務也10分專業及了解客人的需要。價錢雖然昂貴但是值得去食，尤其係個佛跳牆，沒有偷工減料而且味道10分鮮甜！！！頭盤小食餐廳也花咗好多心思去設計，令到客人開胃左先去品嚐餐廳的特別推介！簡直係一試難忘，一定會再繼續去食！

每年我生日契媽請我食飯，本揀中環歷山大厦北京樓，打電話訂枱，去到無開，4月中先開，原來我打咗去鰂魚涌嗰間，怎算？其實想同佢食好些，因為限聚令，高级餐廳較難訂枱，座位少，想起此處，有得訂，拿拿淋轉過來。有新點心牌，多廣東點心選擇。女兒紅醉雞$118，同樣酒繼續醉，帶甜，雞嫩。賽螃蟹餃$57，淡味，蛋白餡欠蛋香，皮唔煙韌，腍，不晶瑩通透，白玉。韭菜煎盒子$54，香口，外層皮濃香薄軟，肉粒冬菇碎，韭菜唔夠臭。鮑魚火腿穌$57，外形似皮蛋稣，體形小巧，內裏鲍魚有幾多，自己想，配咸火腿蓉，一般。雪绵豆沙香蕉，$60，欠蛋香，反而香蕉香，豆沙唔太甜。老人家味覺巳退化，味道我認為ok,佢更覺無味。

friday night同gf去左cwb揾野食 依家因為疫情嚴重 都唔多人出街食飯 點知去到 好彩有 book同埋openrice單點食品有8 折 好多人食 不過2 個人都唔係叫到好多野食 必食推薦#1 係個煙燻蛋 有黑松露醬 成口都係煙燻味 前菜必食 好可惜想食雞汁羅白已經賣晒 必食推薦#2 係小籠包 一出黎個温度剛剛好 個皮夠厚 d肉汁多到 個醋唔係非常酸 配搭一流 然後叫左葱爆羊肉 非常濃既大葱加少少莞茜味 羊肉唔so配飯一絕最後仲有個紫薯波菜同雞燴面 就唔太特別叫埋個上海菜必食甜品 酒釀丸子 呢個出色 個糖水非常入味 仲有少少米通咁 同幾色丸子 有8折 2 個人先五百幾 好抵

農曆年後，疫情導致work from home, 肚仔都要餵，避免親密接觸，揀間高級，少人去地方，去利園此處，比起花樣年華，枱身濶些，枱與枱距離遠點。以為少人，都有3分1，1圍大枱，有人包廳房，在這個時勢，真是唔怕交义感染。三色前菜$20，以前無這麽多款，醬油黃豆，雪菜毛豆，咸酸菜豬耳，三款賣相高質、食又高質，咸甜總相宜，猶其猪耳有麻辣味。黑松露珍珠燻溏心蛋$34，上枱用透明圓膠蓋蓋上，打開雲霧飃散，樣樣都合水準，蛋黃夠糖心，魚子夠鮮咸，蛋白薰過難滑，煙燻夠燻，但無香氣，我個人貪，好加茶葉或玫瑰燻，咁就夠韻味!雪菜黃魚煨麵$68，最抵食足料，麵滑腍，湯有魚鮮甜，都係魚賜。蟹壳黄$54，夠香口，皮鬆脆，熱烘烘，以為係菜原来葱，青葱，有熱氣，我愛臭臭，估唔到係無肉，一般有肉！銀絲卷$42，不會失望，油光顏色，外脆內軟，黃金條，內有條條粗條，麵粉香，輕煙，咁就最好！香菇素菜包$54，白菜及菌碎，包彈彈，摺痕清晰，起身。3時last order,到達時間差不多，因趕住，所以叫多咗，食剩帶走，要帶honey寶貝口罩！俾手機銀包更重要！

食物環境一流，還有live聽，另氣氛更加好，可惜的是音樂稍為大了一點點！食物絕對是水準之作，小籠包，鍋貼，茶燻脆皮雞，流心蛋，可說是美味，不得不提雞汁蘿蔔，雖然有點濃味，但也是一絕！值得再去

朋友生日到此慶祝，點了臘月瑞祥淮揚蟹宴。天麻醉翁蝦：侍應先把一個玻璃鍋送來，內有鮮蹦活跳的蝦，然後把鍋拿到旁邊烹調。蝦肉嫩滑彈Q彈有酒香。城隍廟蟹皇翅：有蟹皇香味，翅湯濃稠口感好味道佳。酥炸蟹粉荔芋盞：有荔某芋香味但蟹粉香味不足，一般。瑤柱賽螃蟹扒菜苗：蛋白炒得嫩滑，豆苗也炒得可口。蟹粉桂魚絲：我們加了$688轉野生黃魚：黃魚嫩滑，味道不錯，不過吃不出和非野生的黃魚有何分別，覺得這$688加得有點不值。十里招牌青蟹：有糯米炒、麵醬毛豆年糕或女兒紅花雕蒸三種製法可選，選了糯米炒，蟹的味道好，糯米吸收了蟹的鮮味，也很好吃。桂圓杞子桂花糕：不太甜，味道清新，不錯。這套餐每位$738（另加一），即場填表成為會員有買一送一優惠，廚師烹調功夫好，值得一試。這店裝潢見心思，有情調，另有歌手現場獻唱，歌聲動聽，不過因顧客眾多，有點嘈吵。此外，侍應服務殷勤，很好。