十里洋場 (已搬遷) 新店位置

同事升職請食飯，嚟到呢間淮揚菜餐廳，環境好靚，枱同枱之間有距離，氣氛唔錯。首先上嘅前菜有煙燻蛋，上菜嘅時候會先蓋着，然後響大家面前拎起個蓋，會有啲煙飄出嚟，視覺效果好靚。同事訂咗一個東坡千層，將東坡肉造成一層層嘅效果，味道好好，入口即溶。除此之外松鼠桂魚都係值得推薦嘅菜式，呢道菜嘅擺盤好重要，炸左之後條魚嘅姿態，頭同尾都應該向上先係一條合格嘅松鼠桂魚XD，而佢係做得到嘅。抵讚！每一樣菜式都好精緻，最緊要嘅係佢係好睇又好食，我會向大家推薦呢間餐廳。