十里洋場 (裝修中)

昨日做冬，去咗銅鑼灣Lee garden食。一心諗住做節一定無乜好嘢食。點知又俾我發現到好嘢。一入餐廳，高格調感覺，完全唔似平時食嘅上海菜。環境尚算寬敞，不過人多關係有點嘈。侍應服務好好，夠細心。我們一行十幾人叫咗好多餸，上餸時間掌握得幾好。唔會上得太快，又唔會等得太耐。重緊要D餸夠熱。頭盤叫左脆鱔，香脆不油膩黑魚子燻蛋，蛋香十足黑松露素鵝，一般，唔夠黑松露味主菜叫咗好多未能盡錄，圓蹄肥香而不膩，黑蒜牛肋骨嘢味鬆化。河蝦拼黄金蝦，一碟滿足哂大人同小朋友。最鍾意係個雞汁蘿蔔，係出面未食過，D蘿蔔入晒未，一D渣都無。整體嚟講，D餸真係算高水準，不過唔算正宗。值得推介。

個仔逢星期六要去上面試班，12點就落堂。銅鑼灣咁多嘢食所以就冇book到餐廳，今次去咗十里洋場一入門口就同我哋講一點鐘要還枱，我哋ok冇問題嘅。於是就坐低咗個卡位，梳化都好舒服 我哋好快叫咗嘢食，上菜速度亦極之快!😱服务员個態度都幾友善，但係都係正常上海菜。全個午餐最驚喜最好食居然係個揚州炒飯!!! 🍚 另外一樣我哋覺得好有水準嘅就係個醉乳鴿 🐦食得出個大廚好有工架，浸得好入味呀歡樂嘅時光過得特別快，唔經唔覺已經差唔多一點。跟住就會開始有唔同嘅服務員吹我哋埋單 💰，但係最緊要係我哋order咗個甜品15分鐘都未到終於1點20分先出現!但係已經畀佢哋吹到頭都暈我哋用五分鐘食曬碟高力豆沙 因為實在太急所以連相都冇影呀!!!😤😤😤

呢日同十一月之星慶祝生日我就提議食呢間十里洋場之前同過幾個女仔黎食覺得價錢唔太貴而d野食又幾精緻今次多人黎就仲可以嗌多d野食添打電話黎卜枱只有6:30同8:30選擇而6:30入座8:00要還枱其實都有少少趕我哋嗌左七味餸一個飯個人認為最值得推介嘅係佢嘅黑松露糖心蛋每兩隻蛋起計兩隻就$68隊到埋口邊會即刻聞到好大浸煙味入口嘅感覺都好滑個人認為係必食!呢個蟹粉扒玉液送飯都一流但係就細份咗少少另外都想介紹一下佢嘅砂鍋雲吞雞侍應會分埋先上我哋帶一隻雞都分到兩大碟而且隻雞切都好細份方便我哋夾整體來講呢間餐廳服務都唔錯但係切餅費係段位計每位$18人多反而唔抵

今日睇返煙雨濛濛呢本小說，搞到心思思想食上海菜🥢上網睇到賣相好精緻好似好好食咁，就二話不說黎左呢度。餐廳裝修得好有氣派，聽講係以三十年代既大上海裝潢作為藍本👁先介紹呢度熱門前菜 — 黑松露珍珠燻糖心蛋賣相係幾好幾吸引，不過煙燻味有d重，唔係太岩我食啦😶嗜酒如命既我又點可以唔叫醉雞食呢😝酒味就夠喇，不過d雞就麻麻地滑，口感一般。相比屋企樓下間平價上海菜，有d遜色啦😶松子魚又係我既至愛🤤😍條魚比我想像中大 (2-3人份量）性價比高👍🏻👍🏻魚炸到金黃色好鬆脆，配埋酸酸甜甜嘅汁，好開胃，不知不覺已經食左兩碗飯😌餐廳食物款式好多，樣樣都想試，可惜今日得兩條友食又唔可以叫太多。下次一定組隊黎開飯喇🥢🥢🥢

Shanghainese for dinner! Snack they provided once we were seated.Bean-products. They called it fake chicken. Well, not anything like chicken but taste nice. Soup was the Shanghainese ham with bamboo shoots and bean curd.Creamy as you can tell from the white white soup. Must had been cooked for quite some time to get this far. Sweet and nurturing!Not very sure about it’s name, but it’s like some veggie broth with crab and rice cake. Tasting a bit ummmm wired to me.Chicken noodlesVery thick broth

we ordered the hairy crab set menu and that's all we got after 1.5 hours! very disappointed given the price they charge.

相隔3個月又泥過，平時甚少同一間餐廳短期內食兩次，朋友想試，就訂左離大廳比較遠既卡位。原因係當晚會有live band，坐大廳多數係大枱，而且會比較嘈，坐卡位岩岩好，聽到歌又唔怕嘈上次食過好味既有兩樣，其中一樣係溏心蛋另一樣係蝦仁蟹粉唔洗介紹，一定好食。另外仲點左3樣野同白飯。百葉十分大碟清清地，健康又好味砂鍋雲吞雞侍應會分開隻雞同湯，湯既份量大約6-7碗，隻雞就放係枱面。小籠包👌🏻原來餐前小食（第一張圖果碟瓜）同茶位加埋都差不多$90上次泥真係冇留意到，大家如果人多就要有返個心理準備加$1xx🙈

環境優雅、食物質素很有水準、尢其是茶熏雞及豬肚尖好入味、下次一定再試別的菜式、服務態度理想、價錢也很公道是一間值得再去的餐廳、希望永遠維持水準或更進一步，祝客似雲來。

《Fusion．淮揚菜》適逢媽咪生日🎂平時食西餐。今次去間中菜..之前已經食過一次。覺得唔錯..就帶屋企人黎試下😊 音樂同環境都充滿懷舊上海既感覺🎙 就連個廁所都好別緻🗿 屬於一間精緻既淮揚菜~💰$68黑松露珍珠燻溏心蛋 (兩隻)一上菜🛎就見一個玻璃蓋罩住, 打開個蓋..碟內既煙就漫延出黎...店員好細心…知道個個要相機食先📸 就連開蓋既動作都係慢既..配合得好好😂軟心既溏心蛋配上香濃既黑松露珍珠..好惹味*💰$292 茶皇煙燻脆皮雞 (半隻)呢味脆皮雞一聽就知同燻溏心蛋既制法一樣..用玻璃蓋罩住D煙🌪脆皮雞肉好嫩滑…雞皮都脆脆🐔煙燻味都重。💰$292 迷你八寶葫蘆鴨 (四件) 需預訂八寶鴨做法精緻🦆底部係墊住鴨既蘿蔔..比較硬身! 鴨皮內釀入鴨肉及糯米等各種材料，最頂部放左鴨舌👅鴨皮煙煙韌韌..口感特別。💰$68 蟹皇大湯包 (每件) 需時二十分鐘似大版既小籠包...可能因為要裝住滿滿既湯🥟大湯包皮比一般既厚小小...附上一枝飲管用黎飲湯用。⚠不過小心..因為真係好夠熱.。蟹粉味道唔太夠重!!不過熱辣辣食係好味既😊..……………………👧🏻肥妹小編...................

在電視看見上海銀行廣告，見到餐廳好靚，我要寵幸佢，在openrice尋尋，原來在利園。從門口穿過3度omega型門框(其實係庭園式牆框)，前面暗暗燈光，彷彿走進時光隧道，隱約聽到大上海歌聲，我自然啍着周璇的夜上海，夜上海，不夜城……大廳上最吸引是一束黄色鮮花，在幽暗環境中，特出其光芒，做成對比；高雅洋式酒吧在中式餐廳，特顯往日上海風華。桌上枱布，厚厚軟軟，白白滑滑，雙手壓上去特別舒服。先來前菜酱肉鬆茭白$20，質感似露荀，酱咸味適中，加些肉鬆，吊起甜味女兒红醉雞$108，名子幾靚，想像你好酒，酒咸中帶甜，有梅味，酒香，雞皮薄爽脆，少脂肪，雞肉嫩，有雞味家常餅$56，我以為係葱油餅，三角形薄身，燶一點，空心，葱不夠滿，芝麻香，面脆，凍後皮煙靱。脆煎灌湯小籠包$60，雖瘦肉多但都滑，汁多。上星期大班獨個兒來，約3時，客人較少，清淅聽前音樂歌聲，令人醉，今次等到2點半，歌曲當然有蔡琴，婉轉低迴，磁性浪漫，我又發夢！還有，女廁獨立房，關門後，隔絕外間聲音，歌聲更立体更環迴，用JBL,正,點解得2格，多些，我咪可以吾出來！

淮揚菜在香港不屬罕有，但也不常見，一雙手也能算清有幾多間。可是，年頭的時候卻有一間大打清淡輕盈的淮揚菜餐廳開業，除了傳統味道外，她們還加入了不少新意，揉合了傳統及新意兩者，打造出這間十里洋場出來。 餐廳的設計非常典雅瑰麗，採用月式拱門的設計，並以木地板配合金屬屏風來重現昔日芳華萬代的老上海風格，加上老上海的歌聲，令客人如痴如醉般置身在昔日的繁華氣氛當中。 先由開胃的前菜開始，十里香蔥雞有著香蔥的清香，雞肉嫩滑得很，加上醬油的鮮味，剛好不會蓋過雞的肉香，恰到好處的調味，占苗十分喜愛此道。 接著而來的是黑松露珍珠溏心蛋一直以膠蓋蓋著，一打開時，一股濃郁的煙燻香氣湧出來，十分誘人。溏心蛋帶著微微燻香，與黑松露珍珠同吃，層次感十足。 溏心蛋的燻與蘇式燻魚的燻雖是同一字，但做法卻南轅北轍，皆因此道不經煙燻，而是炸完再浸泡或泡煮，待其吸收醬汁的精華。吃起來香脆鬆化，外層掛上恰到好處的醬汁，既有鬆化的一面，也有咸甜的一面，灑上炸過的薑絲後，滋味無窮。 前菜中要數最矚目的是原隻花雕醉紅蟹，酒香怡人，鮮味十足，令人完全停不下手來，差點連醉酒汁也要喝光才罷休。 此時，充份顯示出淮揚刀功的一道出來了，它

相隔了約半年後，又和小友的契媽見面了....相就她到她工作附近的地方吃飯見個面。差不多每一趟和她約會開餐，吃的都是西餐或東南亞嘢。今次就決定"創新"一些，揀一間中菜店來嚐吧....利園內的食店，大部份都是走高格調的路線。這店，當然也並不例外....儘管餐牌上的菜大多收費不便宜，我想動輒這一餐都應要使過千吧....但難得跟好友兼小兒契媽見見面聚聚舊，也亦應不吝嗇腰間錢了....菜當然由我發板點。知小友最喜歡吃水晶肴肉，來這一味當前菜小食，固之然是首選....這裡的肴肉做得不過鹹，頂頭啫喱層充滿膠質，和肉一樣跡近入口即化，味道甚佳，難怪小友一吃便是半碟了....小兒契媽曾來此吃過，大力推介這裡的燻蛋，也就依她意思點了兩隻，開邊後一人半只，剛剛好....這燻蛋上桌時，碟上蓋著一個大蓋，白煙從碟邊不斷飄出，可算是極盡浮誇之能事。接著來，便是嗅到一大咲的煙燻香....蛋黃上放了一小撮松露，但松露之霸道味卻遠遠不及那一咲smoky taste。這半隻蛋，可說是我近年來吃過最重煙燻味的滬式燻蛋。蛋白不見死實而蛋黃亦夠"流"夠甜香，確是不錯....是夜點了幾道跟豬有關的菜，眼前的紅燒獅子頭，便是其一.

這夜，相約了友人來到了十里洋場品嚐淮揚盛宴，淮揚菜是煣合了淮安、揚州、蘇州和上海等地的美食，食物十分的精緻。餐廳除了食物精緻外，裝潢方面亦非常的講究；以上海為藍本，將昔日的十里洋場帶到來現代。 閉月羞花 $70 先來一杯閉月羞花，以楊桃、芒果和蜜糖來製成一杯清甜的沙冰；芒果味濃郁，當中帶著楊桃的香，非常適合夏天享用。 十里香蔥雞 $198/半隻 最近都頗喜歡吃雞的，這粉香蔥雞以薰酒和花椒醃了一晚，味道都滲入了雞中；雞塊嫩滑，十分的美味呢。 黑松露珍珠燻溏心蛋 $68/2隻 溏心蛋從來都是很吸引的，這溏心蛋還加上了黑松露，香氣和味道都大大提升了；如此的美味，叫人如此抗拒。 蘇式燻魚 $98 從小到大，媽媽都經常做燻魚給我們吃的，這可讓我想起了兒時的回憶呢。鱸魚先以五香粉、紹興酒、鎮江醋等的材料醃好，然後炸香；炸香後再淋上酸甜的醬汁；燻魚外層香脆，肉質鮮嫩，非常的美味。 花雕醉紅蟹 $252/隻 真的要以心心眼來形容這份花雕醉紅蟹，花調味全都滲入了蟹中，美味＿得令人難以抗拒。肉質方面是很鮮嫩的，喜歡吃醉蟹的朋友絕對不能錯過。 松茸蟹鉗燉繡球 $108 吃過冷盤後，先來一個湯再到

夜上海、夜上海你是個不夜成！華燈起、車聲響歌舞昇平！20世紀30年代的上海是世界上最繁榮的城市，那時候歌舞昇平、夜夜笙歌，想感受箇中韻味及重溫往年的絕代風華！到十里洋場相信可以令人重回往昔時光！ 由十里洋場入口的大理石牆已感受到那般氣勢磅礡，滿期待走進這時光隧道！ 隨著圓拱形的入口兩旁是華麗絲絨凳卡座，再往前走便是主用餐區，座位比較親密但亦較熱鬧，貫徹繁華夜上海的氣氛！ 這夜人多勢眾我們被安座於廂房之中，聽著有特色的歌聲品嚐刀工卓絕的淮揚菜！ 店家設有多款Cocktail及Mocktail，我選了無酒精的閉月羞花＄70，以楊桃、芒果汁、蜂蜜調成，入口甜美又清新很好喝！ 先來放於法國設計師訂製的骨瓷上的前菜熱身，黑松露珍珠燻溏心蛋＄68/兩隻，用上鴨蛋來炮製成溏心蛋，用糖及龍井茶葉來煙燻，上檯還有煙霧效果，務求做到色香味俱全！ 蛋黃盪漾吸引吃下蛋香不俗，加上意大利黑松露珍珠令香氣倍增！ 十里香蔥雞＄198/半隻，選用肉質鮮嫩滑溜的廣東清遠雞，吃下皮爽肉嫩有雞香，配上炸香的乾蔥更見惹味！ 接下來是最精彩的花雕醉紅蟹＄252，先以白酒為紅蟹浸浴，再用女兒紅及紹興花雕以及多種

唔知道呢個餐廳係咪新開？呢見到評語比較少而且又有少少貴，其實我都帶着一個懷疑嘅態度。但係無辦法因為真係好近我要去嘅地方所以就貪方便揀咗呢度啦。來到呢度真係大驚喜！環境好靚，服務態度超好，因為我哋有一個BB要換片嘅時候，佢哋唔想我去到商場嘅育嬰室咁遠，特登開間房俾我。然後我見到隔離枱佢哋嗰啲花生冇掂過，跟住個侍應好主動走埋嚟話如果你唔食嘅話，我可以幫你收咗佢，咁樣就唔使浪費。當然我知道係唔計錢啦。其實喺香港能夠搵到一啲服務係 go extra miles 已經唔容易。講返食物方面同樣係好好我食咗一個黑松露燻蛋，黑松露鹽嘅味道恰到好處每一口都食到香香嘅煙熏味。個醉乳鴿真係排到好靚囉而且如果要整醉乳鴿，本身嗰隻鴿要好靚先得㗎。我哋仲食咗一個好特別嘅龍鬚桂魚，將個魚起肉變成一條條，好考功夫非常特別味道好好。尼間餐廳對我來講有少少貴但係我覺得真係好值得。佢哋係星期一同三嘅夜晚仲會有歌唱表演下一次我一定要去！