十和田 (已結業)

今日好想食丼飯，喺附近搵左呢間十和田試下～感覺比尖沙咀分店新淨，食物質素都唔錯！枱面有綠茶粉自己加水，加分！火炙左口魚邊丼，好驚喜，原來跟埋海膽！一黎到已經聞到好香火炙味，左口魚口感好正！油感滿滿～而且有好多塊！夠哂食，飯底經過調味，讚！男友人食海鮮丼，嘩～有超多款式嘅刺身，有大大粒帶子，新鮮嘅拖羅蓉，海膽，甜蝦，魚籽等等，抵食！另外試左個竹筴魚刺身，指定要點酸酸地嘅柚子汁食，好夾，刺身好新鮮，好好食！個炸雞件都好出色！炸得香脆，點沙律食好正！

今日友人帶我哋嚟到新蒲崗 Mikiki 搵食, 試吓喱間佢哋拍拖嚟食過嘅日本餐廳。7:00pm 左右去到, 唔使等位, 指定動作之後就由店員安排入座。 一坐低, 店員就遞上一張印有 QR code 嘅熱感紙, 我哋一行四人各自喺自己手機落 order。 P san 點咗個雜錦魚生丼, 入面有三文魚、 吞拿魚、 玉子燒、 青瓜、 酸薑同蟹子, 淨係料已經好豐富, 三文魚好肥美, 食落口有甘甜魚味, 吞拿魚方面, 一啲都唔腥, 仲好有魚味, 雖然係全部切粒唔係片, 但每粒都好厚, 再加上喺滿佈一片魚生海嘅下面, 係好有誠意嘅赤醋飯, 啲飯粒粒分明, 但又唔會太黏笠同太軟, 而味道方面, 有些微嘅醋酸味再加少少鹹鹹地, 無平時咁寡, 令味道更有層次, 再配埋酸薑, 令人更加開胃唔會膩。      而我喱個係火灸左口魚邊丼, 初時睇手機落 order 時, 有懷疑過上面嘅係咪海膽, 結果嚟到嘅的確係海膽, 而且仲好爽唔會一 pat pat, 但入面又有少少 creamy, 味道方面, 好甜而且唔會腥, 香港嚟講咁嘅價錢, 質素算係唔錯, 而且份量唔少, 足以過吓口癮, 喺海膽下面嘅, 就係左口

屋企附近日本餐廳唔多，今次就去咗譽港灣入邊食～ 叫咗刺身拼鰻魚飯 ($118)跟餐有茶碗蒸同埋麵豉湯，呢個價錢有咁多野食真係好抵，茶碗蒸仲要好高質😍 七件刺身都好厚好新鮮，食埋鰻魚飯係好飽好滿足，鰻魚汁同珍珠米飯一齊食好正☺️壽司餐 ($98) 呢個套餐超級抵食☺️ 有齊9款壽司，新鮮又夠抵食😎又有吞拿魚又有甜蝦，仲有油甘魚等等，最鍾意就係有炙燒左口魚邊壽司！入口即溶亦且有好重既油份，做到入口即溶嘅效果😍

由於太想食日本嘢，又唔想食一啲大集團的，咁啱去開新蒲崗，喺呢個商場，想搵間坐得舒服嘅餐廳，不如就呢一間啦安排入座之後，其實除咗餐廳環境，佢嘅用具感覺都幾日本㗎，而客人就可以按自己嘅喜好，使用抹茶粉，調教自己喜歡嘅抹茶，幾好味㗎事不宜遲，真係介紹吓佢拎咗啲食物先，佢同大集團最大嘅分別就係，佢唔會好單一化，或者好友程式化，意思係佢呢度嘅食物款式都幾有個性，例如呢一個 火炙壽司拼盤，佢就包括 5款魚生在內，例如左口魚及蝦等等除咗魚生新鮮，大家可以見到佢嘅飯係用上油漬飯，所以食起嚟，更有味道，但係又唔會有種唔喜歡嘅感覺呢一個係平成卷，上面有晒我同朋友都好鍾意食嘅食材，包括三文魚子，吞拿魚蓉及海膽！卷嘅當中就用上青瓜等等嘅配料，成個卷物嘅味道非常濃郁，食起嚟好實在好滿足，而當中嘅材料都係非常新鮮，呢一個係非常出色的卷物！手卷都要試一試嘅，我哋就揀咗比較普通嘅挪威手卷，當中包括大量嘅蟹籽，松葉蟹絲及蟹柳絲等等，由於外層嘅紫菜非常新鮮，配合埋入面嘅新鮮食材，口感同樣地非常豐富，就算只係一啲普通嘅食材，都令到呢一個手卷變得不平凡呢個我諗係呢間日本餐廳其中一個招牌菜式，佢係三色丼，可以見到呢三個飯都係有

黑洞久唔久都會嚟十和田食晏午市套餐平均只係$100出頭 相當抵食而且套餐仲包湯同蒸蛋 好豐富黑洞鍾意呢度嘅蒸蛋夠滑身中間有蟹柳 日本魚蛋同白果-以下兩款丼飯係黑洞每次黎都必食雜錦魚生丼（ $108 ）雜錦魚生款式豐富有三文魚 吞拿魚 玉子 魷魚 三文魚子而且粒粒厚切 真係一d都唔頹壽司米仲係赤醋米 酸度啱啱好 好開胃-香蔥吞拿魚腩丼（ $118 ）黑洞稱佢為「肉餅」飯面層吞拿魚腩蓉份量多到好似一塊肉餅一啖飯一啖餸 絕對冇問題黑洞鍾意佢軟綿綿嘅口感入口啖啖魚油香味 大滿足

十和田@新蒲崗mikiki爆炸份量多的三文魚親子丼就是這一間之前已經嚐過尖沙咀分店的三色丼，依舊念念不忘裡的丼飯便索性再來過二訪，完全是無後悔。餐點種類超多，手卷小卷，各式壽司小食也有單點丼飯，Mikiki 分店座位也多，坐得舒適。單點了兩款丼飯三文魚親子丼飯和火炙魚生飯（秋季限定）米飯先用赤醋調味，三文魚份量超多，肥美新鮮，每一片也滑滑的直接滑進咀裡。三文魚籽也飽滿新鮮，在咀裡爆發後的味道難以用語言形容。至於火炙魚生飯（秋季限定），款款刺身都用槍燒過，帶子， 牡丹蝦， 三文魚，吞拿魚，海鰻等等，火炙過後吃得出不同海鮮的魚油香。新鮮厚切，這點超加分。意猶未盡，還點了吞拿魚小卷，無可挑剔

之前都試過係尖沙咀十和田總本店食晚飯質素都算唔錯 好記得個打卡三色丼今日放Lunch行過mikiki發現原來有分店咁就一於試下Lunch set啦.《吞拿魚腩海膽丼》海膽都幾足料 目測都差唔到半板海膽肉質鮮甜嫩滑 海膽不能錯過另一主角是吞拿魚腩 好鬼肥顏色粉嫩 入口即溶.《海貝丼》雖然賣相差少少 無海膽咁吸引但其實嗰塊紫蘇葉下邊都遮住左啲料既有帆立貝 赤貝 螺片仲有點點三文魚籽.兩個set會有包基本麵豉湯同埋茶蒸碗

上次係尖沙咀食過一次十和田印象唔錯，今次係mikiki同朋友行街見到新蒲崗都有分店，雖然我個人貪新忘舊，但高質既餐廳重溫幾次都冇所謂 估唔到是日星期日都有一至五既抵食lunch set，上次試左壽司同穴子丼都好好食，今次就照要番壽司set 同雜錦魚生丼，每個set都會跟麵豉湯同蒸蛋；湯清清地唔會似一般日料店咁鹹，最欣賞個茶碗蒸，細細碗但又勁多料，包括白果、蟹柳和冬菇等⋯⋯真係羹羹有驚喜，蒸蛋夠哂滑，而且好香蛋味  壽司set（$98)一百蚊都唔洗但已經有11件壽司，同上次一樣水準高，壽司唔會一夾就散，食材都夠新鮮；大大碗雜錦魚生丼($108)賣相吸引，刺身份量十足，堆到山咁高，難怪之後食極都食唔完～刺身種類豐富，有鮑粒、劍魚、三文魚、 吞拿魚等的角切，魚生切得厚身大粒，咬落去口感十足，鮮甜美味，令人非常滿足

成日經過新蒲崗既mikiki, 都話搵日去行下，搵到今日終於有興致去啦。去到mikiki mall, 先搵地方食個lunch , 甘先有氣有力行。咦，呢度有間十和田，喺尖沙咀總店既分店，即係好掛住個雜錦魚生丼。朋友都無異議，就行左去攞位，星期日lunch 時間都算多人但都係等一陣就有位！呢度裝修一樣簡約舒服，而落單係透過QR code ，可以減少出錯，又有圖參考，好方便。今次我叫左雜錦魚生丼，真係魚生多過飯，刺身魚有幾款，有三文魚，吞拿魚等等，再配蛋，靑瓜同蟹子，好豐富。朋友叫左穴子丼，穴子即係星鰻，囗感有少少似平時食開既鰻魚，魚既分量都幾多，鋪滿飯既表面。午餐Set 有蒸蛋同湯跟，成個餐食完都好飽，要行翻多啲中和下先。

穴子丼🍚唔係周圍有，我今次就係十和田 order 咗呢個穴子丼試吓🤤！其實穴子即係海鰻，或者叫星鰻，係🌊海魚呢嘅。至於平時我哋比較常見大條嘅鰻魚係河鰻，係淡水魚。相比起河鰻，穴子體積會比較細條，所以啲肉冇咁厚🤏，亦少啲油脂💧，但就有海魚嘅鮮味🤤，而且肉質比較軟腍。🥰十和田呢個穴子丼用咗😋赤醋壽司飯，食起上嚟飯味會比較有👍層次感！至於啲穴子呢，份量🤩都算幾足，鋪滿成個飯面😍，而且燒到有少少🤏焦香，又香口又鮮味，不過就好似🔥燒得唔係好平均，但可以接受嘅。

好掛住日本啲嘢食，雖然宜家去唔到日本，但喺香港搵間日本餐廳回味下都好。檯面有綠茶粉提供，味道都幾香。先點咗一份三文魚三味壽司同一件甜蝦壽司。一份有兩件三文魚壽司，一件上面配上薑蓉，而另一件就配上山葵。刺身厚切仲長過底下嘅飯，肉質鮮嫩好鮮甜。剩底嗰件係火炙三文魚，魚肉燒得唔會太熟，食落多咗一陣油香味唔錯。甜蝦壽司嘅蝦肉有手指尾咁長，口感軟綿，甜味豐富，好好食。海鰻卷一份有六件，鰻魚肉入口鬆化，咬落無骨，清得好乾淨。中間有青瓜同埋玉子做餡料。三文魚親子丼好有份量，上層嘅三文魚切粒鋪滿成個碗，魚肉切得都幾大粒啖啖肉好正。三文魚籽晶瑩剔透，喺口中爆開散發出陣陣魚油味。底下嘅飯都係同壽司一樣用赤醋米飯，味道更加香濃。

之前食過尖沙咀店，今次近近地去咗新蒲崗分店繼續食。最鍾意食呢度嘅茶碗蒸，貪佢夠滑同埋蛋味好濃郁。今次是海膽茶碗蒸，肥美嘅海膽鋪喺蛋上面，未食已經覺得好震撼。海膽好鮮甜，但唔會搶咗蛋嘅香味，各有特色。生松葉蟹腳壽司 - 好新鮮，食到一條條蟹肉絲，唔腥。三文魚手卷 - 三文魚肥美，$38有三塊，都幾抵食。唐揚炸雞烏冬 - 炸雞好Juicy，一啲都唔乾，唔使點沙律醬都好夠味。烏冬好彈牙，最鍾意個湯，係壽喜燒味。炸蝦卷 - 炸蝦夠脆，蟹籽都好爽脆。

呢間壽司店之前食過尖沙咀分店、新蒲崗分店比尖沙咀店出色。假日仲有午餐供應，午餐選擇亦都算多。有壽司、刺身、飯、熟食、烏冬類等等。叫咗午市壽司套餐$98，午市套餐包麵豉湯及日式蒸蛋。日式蒸蛋蛋夠滑、不過醬汁有點酸。麵豉湯夠濃郁，有海帶、腐皮。味道唔錯。壽司有大甜蝦、火炙左口魚、三文魚、吞拿魚、油甘魚、魷魚、魚子、蟹膏蟹肉及三件鰻魚卷物。鍾意去啲壽司用左醋飯。呢個價錢，性價比高。另外，叫左雜錦魚生丼$108，呢個比一般雜錦魚生飯好食，因為佢全部都係用腩位，有三文魚腩、吞拿魚腩、油金魚腩、帶子、鮑魚、蟹子，都非常豐富。呢個魚生飯，魚生仲多過飯，所以好正！

今日咁岩路過新蒲崗，就喺Mikiki食返個午餐。朋友話想食日本嘢，所以就揀咗去十和田度食晏。疫情下。十和田午餐時段人頭都好多，唔少返工人士食晏都揀十和田。.好彩都算嚟得早，唔使等位，就可以直接入坐叫咗3個lunch set。呢度店員會叫客人用手機scan QR code點餐，採用電子點餐。.-《刺身拼鰻魚飯-配蒸蛋、麵豉湯》鰻魚飯份量啱啱好，鰻魚厚度算有，口感較偏鬆軟，感覺吃起來會很過癮。醬汁的比例和味道也很好，飯也煮得很棒，確實唔錯。👍.刺身拼盤有甜蝦、三文魚、吞拿魚、油甘魚等。份量大，每一種刺身處理的都唔錯，不但沒有魚腥，也軟嫩好入口。👍.-《唐揚炸雞湯烏冬 -配蒸蛋、麵豉湯》.烏冬上面有一些海帶芽，清湯喝起來蠻清爽的 不會口味太重 ，烏冬則是我很愛Q彈口感。我其實很愛吃沙律醬，唐揚雞肉點日式沙拉醬口味。唐揚雞很扎實飽滿，使用雞腿肉，非常新鮮多汁，不過炸雞的外皮剛開始吃是有脆，接下來很快就變軟了。但係整體來講味道都好正，唔錯。👍.兩個餐都有配蒸蛋同麵豉湯自己個人好鍾意飲麵豉湯，朋友唔飲，我仲直接飲埋兩碗添😆

雜錦魚生丼😉$108魚生夠新鮮，而且夠厚身😊啖啖都食到三文魚同吞拿魚😋加上玉子、蟹籽同青瓜😄配料非常豐盛😛底下用上赤醋飯😌味香更濃，口感更醇厚👍吉列生蠔湯烏冬😎$78吉列生蠔有四隻😇新鮮即炸，香脆可口😚生蠔食落鮮嫩多汁☺️烏冬入口爽滑彈牙😝燒明太子雞翼🐔$46兩件雞中翼內塞滿明太子☺️脹卜卜，燒得好惹味😛口感豐富，無骨帶點微辣😋三文魚三味壽司🍣$38厚切三文魚，質感新鮮😚個人最鍾意火炙三文魚😏入口油潤，帶點微暖😊十和田 (新蒲崗)新蒲崗太子道東638號Mikiki地下G27號舖