十八夢

营业中

休息中

由餐廳相片已覺得場地食物都好吸引到親自品嘗過後更覺食物嘅色香味俱全（老土都咁講🤣因為係事實！）擺盤都好靚☺️負責人更向我哋介紹佢哋有間🐟🐠房😍好似去咗水族館咁好浪漫💕求婚成功率會大幅上升仲可以因應客人需要播片Staycation求婚都播唔到片仲可以轉其他主題夜晚除咗有live band仲有其他跳舞表演好有heart同多元化作為客人好想俾大家知佢哋嘅用心今次lunch有幾道菜有啲菜掛住食唔記得影🥹-蟹肉意大利飯呢個係新鮮鮮甜食過某啲餐廳啲蟹處理唔適當會腥飯嘅口感適中因為有試過其他煮到似冇水粥咁-豬鞍肉質剛好唔鞋口希望餐廳保持水準同有heart🌈✨

難得咩都想試下，所以就上網找到呢間餐廳，交通都算方便，而且環境都好舒服開揚，大家經過附近都可以來試下。❤️🔥蟹肉 • 三文魚籽 • 忌廉汁義大利粉食材都好豐富下， 主要既蟹肉好鮮味，加埋佢既醬汁，味道好豐富，我地第一次食，覺得好好食，我地都想食多次。❤️🔥烤伊比利亞黑毛豬鞍架 • 無花果蓉❤️🔥食到我哋非常滿足👍🏻❤️🔥烤厚切美國頂級上西冷扒 (180g) • 紅酒汁，煮得非常入味！西冷口感軟嫩，肉味香濃，外脆內肉嫩，口感豐富，而整體來講，絕對擁有色香味俱佺‼️❤️🔥❤️🔥輕煎八爪魚• 野莓沙律•熱情果醬汁，沙律係比較營養豐富既一道菜， 八爪魚切成小塊，加上一些熱情果醬汁味道好正宗！總括而言，店員彬彬有禮，食物質素高，我地都好高評價。

今日來到呢間餐廳食野，整體嚟講，雖然價錢唔算特別平，但係價錢合理，重點係食物真係有質素，對於今餐嘅體驗非常滿意，遲啲應該會再同屋企人一齊嚟食飯🙆🏻♀️✨法式香草汁浸鱈魚 • 大蜆 • 米形粉料都幾多，同埋好香，👍鱈魚非常香口，肉質好鮮味，非常好食。大蜆鹹鹹地甜甜地，食到停唔到口。👍🏻油份亦恰到好處，一家大細都啱食。蟹肉 • 三文魚籽 • 忌廉汁義大利粉👍同一到菜式，有三種口味，可以食道鮮甜既蟹肉，鹹香既三文魚籽，忌廉汁義大利粉味道酸酸甜甜，非常開胃。非常有創意。 👍輕煎八爪魚• 野莓沙律•熱情果醬汁正呀！熱情果醬汁呈膏狀，野莓味道濃鬱，沙律份量相對較多，微微酸口味挺開胃。配上晶瑩剔透嘅輕煎八爪魚，賣相非常吸引。非常有風味！

上網見到好多人推介，呢間新派法日餐廳，餐廳廚師曾在法國，意大利及日本等做大廚，並將歐洲多國菜的精緻及日本菜的大眾化融合，成為餐廳主打西、日混合菜，估唔到咁有驚喜！ 法式煮大蜆•香草汁 呢個大蜆真係要讚，鮮甜美味之餘，一啲沙都無，而用香草汁去煮可以蜆嘅鮮味帶出，味道層次升級🫰🏻🫰🏻🫰🏻季節刺身盛(2人前)刺身真係令人畢生難忘，攞碟好靚，分量剛好，唔多唔少，而刺身好鮮甜，種類好多，樣樣都有啲，例如有蝦、帶子、拖羅等，各有特式。特別一提，拖羅真係好好味，佢有天然魚油脂嘅甘香，入口即溶，魚味香濃，拖羅控真係唔可以錯過👏🏻👏🏻👏🏻蟹肉 • 三文魚籽 • 忌廉汁意大利粉三文魚籽同蟹肉都十分鮮甜，意粉沾滿咗忌廉汁，而忌廉醬汁非常creamy同好多，汁比較厚身，做到掛汁效果。意粉比起一般比較煙韌有彈性，呢個口感一試愛上🫶🏻🫶🏻🫶🏻烤厚切美國頂級上西冷扒 (180g) • 紅酒汁牛扒面烤至微焦, 上枱好香燒烤味, 肉味較一般牛扒濃郁，味道香濃，完美脂肪比例亦帶出西冷嘅美味同豐富的口感。另外，菜都絕不馬虎，全部都新鮮，有原隻薯仔、甘筍、菜等等，好足料👍🏻👍🏻👍🏻

好多人推介話位於銅鑼灣十八夢嘅餐廳好正，而且喺網上面評分好高，裝修暗黑有情調，係一間新派法日餐廳，今日就嚟一次究竟☺️❤️烤伊比利亞黑毛豬鞍架 • 無花果蓉❤️黑毛豬鞍肉顏色好粉嫩🐷，肉質軟淋且好juicy，但絕非一般以鬆肉粉醃製而成的軟性，入口肥而不膩，配合無花果蓉，有種清新嘅感覺😆👍🏻❤️法式煮大蜆•香草汁❤️大蜆超靚，超級大粒，肉較厚身，肉質鮮甜又結實，用法式煮再配合香草汁，啖啖都充滿香草獨特嘅味道，真係令人好食到停唔到口😋👍🏻❤️日式鱈魚片❤️呢個擺碟唔錯，幾岩打卡，鱈魚片口感豐富，味道香濃，配合廚師嘅特製醬汁，越食越想食😍👍🏻總括而言，餐廳嘅性價比好高，環境同氣氛好好，侍應服務態度友善，食物係大師級嘅水準，會推薦更多朋友😆

呢間位於銅鑼灣嘅餐廳，真係行過路過，唔好錯過，因為客人除了來到呢度可以享受高級餐飲體驗，仲同時可以欣賞包羅萬象的藝術文化，真係無得頂，以下係我地享受過嘅食物：1️⃣烤厚切美國頂級上西冷扒 (180g) • 紅酒汁一上枱已經已經肉香撲鼻，睇落有完美脂肪比例，食落塊去口感豐富，肉質厚實，肉質細嫩，肉味濃郁，味道香濃。而肉色呈粉紅，牛味香濃。2️⃣蟹肉 • 三文魚籽 • 忌廉汁意大利粉三文魚好新鮮，粒粒晶瑩剔透，而且顏色鮮豔，輕輕一咬就會「啵」地破裂在口中，流出充滿海味、鹹甜交織的卵汁，再配合蟹肉同忌廉汁意大利粉，果種creamy同鮮味真係令人回味無窮。3️⃣烤伊比利亞黑毛豬鞍架 • 無花果蓉豬鞍架肥肉比例適中，肉味濃郁到滿瀉，就好似係豬中的和牛級數，加上用烤嘅方法特別可口，一試難忘。4️⃣輕煎八爪魚• 野莓沙律•熱情果醬汁 八爪魚新鮮軟嫩，配合野莓沙律加熱情果醬汁酸甜酸甜，美味開胃。

銅鑼灣人氣高又有質素嘅十八夢餐廳，一直念念不忘好想再食多次！上星期終於抽到時間嚟嘆呢到嘅美食😍今次一共叫左以下三款美食💫⭐️烤厚切美國頂級上西冷扒 (180g) • 紅酒汁⭐️蟹肉 • 三文魚籽 • 忌廉汁意大利粉⭐️法式香草汁浸鱈魚 • 大蜆 • 米形粉⭐️烤厚切美國頂級上西冷扒 (180g) • 紅酒汁美國頂級上西冷扒肉質確實非常有咬口，而且又好多肉汁，厚切嘅份量真係令人食完好飽，但又忍唔住要繼續食！⭐️蟹肉 • 三文魚籽 • 忌廉汁意大利粉蟹肉同三文魚籽本來就係絕配，加上細滑忌廉汁，意大利粉非常掛汁！⭐️法式香草汁浸鱈魚 • 大蜆 • 米形粉雪白嫩滑的鱈魚同大蜆入口就有香濃的法式香草汁味道，調味做得非常之好！

和家人在十八夢食午餐慶祝母親節，午餐過後就係非常精彩嘅魔術表演，魔術師係非常出名Louis Yan, 一個簡單嘅舞台，但係他就能帶給觀眾世界級嘅享受。食物有水準，魚生非常新鮮環境好有氣氛服務一流，可比美五星級酒店過了一個非常愉快嘅母親節

從未試過有咁差既用餐經歷！👎👎成份生日甜品未食，就收走左，返到嚟連張枱都俾左第二枱客坐。呢間餐廳有個女員工知道我哋未走，佢知道我哋行開左去食煙，竟然冇交低俾同事又冇溝通，通報一句俾同事，講低人客未走，只係行開左唔好收枱面啲嘢！只係有講低就唔會發生呢啲超低級錯誤。收枱面嘢食個員工又冇用腦，成個甜品幾乎未食過，唔會覺得有問題？茶餐廳啲阿姐見到枱面食物未食過既狀態，都會問同事個客係咪走左啦！定係佢哋啲甜品一向人客都覺得難食？唔食就走！所以不以為意？如果有用腦去做嘢，都應該會覺得奇怪問一句，呢枱人客係咪已經埋左單走左？醒目少少唔洗多，亦都唔會有咁低級錯誤！我哋返到嚟佢哋成班人竟然可以俾張枱布都唔鋪既枱，叫我哋坐多陣，呢啲就係佢哋有誠意同待客之道？👎個生日甜品未食，相都未影完，你係人客會有咩感受？簡直令人髮指。生日飯，令人客咁唔開心，就係佢哋餐廳既服務質素。。攪到咁，俾返張枱同食物個客係最基本處理方法，成間餐廳無一個人識處理，只係喺度卸膊！*茶餐廳都不如*不知所謂

在銅鑼灣打卡一間超靚嘅餐廳，有live演出好讚！食物我哋單獨選嘅～「海膽帶子他他」好濃嘅Wasabi味，帶子嫩滑，海苔幹薄脆，口感豐富。「泰式柚子蝦沙律」烤蝦夠大隻，柚子粒粒飽滿，酸甜好開胃。「帶子意大利飯」兩隻超大顆帶子，Q彈嫩滑，一啖都食唔落🤣🤣🤣。意大利飯用醬汁浸泡過，一粒粒嘅口感，超級入味。「烤乳豬百香果醬」烤乳豬外皮焦脆，裡面肉質新鮮多汁，一點都不膩。搭配嘅百香果醬都幾清爽，香香甜甜。餐廳氛圍幾好，當日是live band，兩位歌手唱功好棒，很會調動氣氛！

今時今日香港嘅餐廳，如果想突圍而出，除咗食物要做得好之外，仲要能夠令食客有一個與眾不同嘅餐飲體驗先可以🤨而今日到訪嘅呢間餐廳，正正希望可以為食客締造一個沉浸式嘅用餐體驗，從而滿足食客嘅味覺、嗅覺、聽覺同視覺😌：扒法國春雞 • 桃燒汁：雞肉燒得相當嫩滑，啖啖肉汁，值得一讚嘅係桃燒汁調味好好，又唔會搶走雞肉原有嘅風味😋：燒鵪鶉髀& 西班牙青椒：火喉完美，西班牙青椒水份仲喺入面無燒乾😉燒鵪鶉髀YUM YUM！！！：烤虎蝦&燒茄子蓉&蝦膏汁意大利飯：意大利飯軟硬程度適中，每粒飯都包裹住鮮香嘅蝦膏汁🤭：蟹肉橋麥麵沙律伴自家制胡麻醬：清新開胃嘅橋麥麵沙律，最啱天氣開始回暖嘅春夏天食用😌

慶祝週年紀念，嚟到銅鑼灣登龍街V Point 6樓🍴十八夢Meta Stages，氣氛浪漫有情調🌹今晚更有專業藝術表演者表現，台上台下都非常愉快🎹🎤♟️Japanese Style Nacho 日式鱈魚片 ♟️作為餐前小食不錯，鱈魚片上面鋪滿熱熔芝士、蕃茄、酸忌廉，無傳統墨西哥粟米片咁熱氣，但口感更佳👅♟️Grilled Iberico Pork Rack  •  Apple Purée 烤伊比利亞黑毛豬鞍架 • 無花果蓉♟️黑毛豬鞍架油花紋理清𥇦，肉質細緻鮮嫩，表面煎得焦香香口，調味唔會過重掩蓋左黑毛豬嘅肉味，回味無窮👄♟️Roasted Asparagus  燒蘆筍♟️簡單調味，令蘆筍獨有嘅清甜更顯露無遺，燒完都仲維持翠綠爽口，沾醬或就咁食都可以💫

☑️銅鑼灣➖十八夢主打西日Fusion風，能完美地將西餐同日餐嘅烹調手法融會貫通，用創意同埋精湛嘅烹調技巧，做出一道又一道華麗別致嘅佳餚。🟰主菜🟰喜歡食雞嘅朋友，依道 扒法國春雞/桃燒汁 肉質嫩滑唔乾柴，桃燒汁酸甜開胃，喺一道非常不錯的主菜🎶擺盤精美有 烤虎蝦/燒茄子蓉/蝦膏汁意大利飯，虎蝦有彈性，茄子蓉質地柔軟，搭配濃稠哪蝦膏汁意大利飯，好睇又好食🎵想食日式可點 十八夢特選雜錦魚生丼，魚生種類多，新鮮有魚味，質素優良🔝🟰甜品🟰香脆蘋果金寶口感香脆，以蘋果為主要材料，淋上焦糖汁，香甜食落好舒服✔️另一款甜品 心太軟/雜莓雪糕 賣相一流，心大軟一切開流出朱古力醬，搭伴雪糕食永遠都係最佳組合✔️

喺Ig見到朋友最近去咗呢間靚靚餐廳食飯，影咗好多靚相，所以我都唔執輸，今晚著靚靚嚟食飯打卡💃🏻🕺🏾食物當然都好靚⭐️日式鱈魚片模仿墨西哥Nacho，好過癮嘅味道同口感，玩味十足！⭐️蟹肉 • 三文魚籽 • 忌廉汁意大利粉超精緻，蟹肉爆多，每啖都食到蟹肉同 三文魚籽，超開心💕⭐️烤伊比利亞黑毛豬鞍架 • 無花果蓉好有肉汁，煎得焦焦的，所以好香口💖餐廳環境果然冇令我失望，大堂嘅走廊好華麗，燈光配合得好好✳️內裡好有型，鑽石黑牆同投影喺牆上嘅星星，真係超好影📸

舊同學聚舊飯局，佢揀咗一間喺銅鑼灣嘅Fine Dine西餐廳，好期待😀適逢今晚有live show，氣氛好熱鬧，可以一邊聽歌一邊食飯😊｛輕煎八爪魚• 野莓沙律•熱情果醬汁｝輕煎過嘅八爪魚口感柔軟，搭配上清爽嘅野莓沙律同甜蜜嘅熱情果醬汁，味道層次豐富😋｛法式煮大蜆•香草汁｝大蜆肉質鮮嫩多汁，帶有淡淡海鮮味道，香草汁令成道菜味道更加濃郁🥰｛烤伊比利亞黑毛豬鞍架 • 無花果蓉｝採用高品質嘅伊比利亞黑毛豬鞍架，豬肉入口肥瘦適中，而無花果蓉為豬肉提供咗一個甜美嘅對比，中和豬鞍架嘅油膩感😋｛烤厚切美國頂級上西冷扒 (180g) • 紅酒汁｝厚切美國頂級上西冷扒烤得恰到好處，外焦內嫩，肉汁豐富，少少紅酒汁點綴更突顯牛西冷嘅肉味🥰