十侍 - 棉花糖A5和牛壽喜燒專門店

营业中

休息中

棉花糖和牛壽喜燒咁特別，專登和鐘意食和牛的朋友來吃，旺角地鐵站過來都十分方便。 壽喜燒2人餐，自家制壽喜燒汁加上棉花糖做成醬汁，待應會問要生定熟點，我們2人都要叫了生點的鹿兒島A5黑毛和牛西冷/肉眼，牛質軟熟牛味幾濃，入口有點即溶感不錯。食完待應會加一點水開始煮野菜盛合。 季節野菜盛合， 入面勁多菜，豆腐，仲有蟹柳。食得壽喜燒當然配隻日本雞蛋最正，臨尾再加返個真打稻庭烏冬好滑身好味道。 這裡也有自家cocktail今次試了用人參，冬蜜，苿莉制成的飲品，來到會加上煙燻效果好靚，而且仲有陣陣香味好特別，飲落去人參味都濃，但有少少甜香，再等一陣煙燻味完結就嗅到苿莉。酒精濃度都有9度，不過勁易入口。 這裡的串燒都幾吸引就叫了幾款，仲有一個保溫的爐，放上去保持溫度不錯。 牛舌厚切保留到肉汁，嫩滑帶微燶的雞頸肉。不想食肉也有素拼串(秋葵, 蓮藕, 冬菇)，我就特別喜歡蓮藕好爽口又有燒微燶感，再配個白飯最夾。

旺角新店有串燒 壽喜燒 精緻的雞尾酒以及多款日式威士忌/ Gin / 燒酌 /清酒有高級居酒屋的感覺 環境舒服有格調 最喜歡一入門口的特色燈籠擺設✧串燒必食推介- 牛舌 $52 選用牛舌心 超嫩又juicy 一定要試 - 鰻魚 $48 必食必食推介 encore了兩轉- 珠蔥豚肉卷 $42✧炸流心蛋 $38✧壽喜燒 二人份量 $898 選用鹿兒島黑毛和牛A5 充滿油脂 自家製壽喜燒醬汁加落棉花糖 吸睛又好味 ✨必食推介香濃豬骨湯底手打稻庭烏冬 ✧ 蝉 - Semi (Whiskey base) 成份有十侍whisky配日本梅酒 生薑黑糖柚子烏龍茶 味道香濃 生薑茶味回甘 Alc：～18%✧ 花火 - Hanabi (Shochu base) 配以蝶豆花 荔枝酒 檸檬及椰子水 香甜清新 甘甜荔枝及椰香回味 Alc：~11%✧ 遊ぶ - Asobu(Shochu base] 配以山葵 青瓜 青森林檎及檸檬 微辣口感 酸甜清爽 我非常喜歡 Alc：~9.5%✧練 (Gin base) 香濃的紫蘇葉味 滲出少少cranberry果香味 非常適合女士飲

🔺 十侍 - 棉花糖A5和牛壽喜燒專門店 (旺角)🔻一人前壽喜燒-A5和牛-野菜盛合-日本雞蛋-自家製壽喜燒汁第一次買火鍋外賣返屋企食，疫情真係試到好多第一次，佢個盒面會有個code 比你教你點整呢個棉花糖壽喜燒，非常貼心～主角A5和牛口感入口即溶，牛味濃郁，好想食多幾塊😍野菜盛合入面材料新鮮，望落份量，但整出黎絕對夠食。日本雞蛋開出黎新鮮又大隻，壽喜燒當然要配生雞蛋❤️📍 十侍 - 棉花糖A5和牛壽喜燒專門店 (旺角)旺角豉油街21C號Station 21 1樓

平時好鐘意去居酒屋食串燒飲下酒, 不過無得堂食之後就無食過串燒啦!估唔到呢到可以買到外賣串燒!!!!!唔好以為係燒完既外賣, 果D拎到番屋企已經凍冰冰唔好食, 餐廳竟然會比埋一次性既炭爐!好得意, 好簡單就砌到, 真係唔洗3分鐘就起到爐!!一次過放晒D串燒上去燒, 燒左幾分鐘已經有BI LI BA LA既聲音, 個爐岩岩夠放4串串燒, 牛舌好快就食得, 燒得太耐無韌架, 上面灑少少鹽做調味已經好好食!牛舌都幾厚切, 所以口感好好, 而且岩岩燒埋仲有少少脆口感覺, 好味!餐廳已經準備埋鹽同醬汁, 超方便!蔬菜燒到咁上下再加汁就OK!重點就係, 佢個爐唔會好大煙, 唔洗擔心整到屋企成屋煙!另外, 呢支自家出品既COCKTAIL相當有特色, 本身以為青瓜味會少少怪, 但原來入口好清新, 帶有甜味, 好好味!

由於疫情關係大家早已無法到酒吧消遣一段時間，居酒屋十侍卻偏偏於旺角逆市開業，除了招牌棉花糖A5和牛壽喜燒之外亦有少量小菜、串燒、炸物及主食，當然少不了多款雞尾酒、燒酒、啤酒、清酒等。這次雖然只是外賣自取但店內裝潢設計型格時尚，如果有機會堂食的話定必氣氛十足。外賣串燒提供即棄燒烤爐及碳可以自行在家享受燒烤樂趣，雞頸肉 ($38)、牛舌 ($52)及包括秋葵、蓮藕和冬菇的素拼串 ($58) 每款食材均相當新鮮。當中個人尤其喜歡牛舌，厚切口感爽彈而且油脂豐腴，簡單加上附送的日本海鹽已經無懈可擊，另有十侍自家製燒汁味道香甜適中。最出乎意外的是招牌雞尾酒同樣可以外賣享用，最新推出一系列雞尾酒以四季為主題，分別有《春季》遊ぶ - Asobu、《夏祭》花火 - Hanabi、《秋日》蝉 - Semi 以及《冬意》こたつ - Kotatsu，《夏祭》花火 ($166) 賣相最為吸引，有如星空一樣夢幻絕倫。

✨ 屋企燒串燒❣️開業不久的• 十侍✨•是間棉花糖A5和牛壽喜燒專門店。最近疫情嚴重，相信大家都甚少外出堂食。但作為foodie，依然想吃餐廳的料理，外賣就是個好選擇啦～ 今天我便要了一盒串燒與家人分享，串燒更包含爐具和炭，在家也能感受到正宗的日式風味。串燒有牛舌、雞肉、冬菇、蓮藕和秋蔥，份量不多，一人享用比較合適。牛舌厚切，雞肉軟身，不過因為開業不久，調味料未到貨，所以大家要自己撒鹽去燒。 我另外要了一款Cocktail，紫色迷人，非常漂亮。試飲價有85折呀。🇯🇵 #十侍  旺角豉油街21C號Station 21 1樓

十侍👻雖然佢地係壽喜燒專門店不過今次就試下佢地既外賣串燒佢地有個一次性燒烤爐拎返屋企都可以自己燒無得出去食都多咗啲樂趣😆.🔅串燒(蓮藕 冬菇 秋葵 雞頸肉 牛舌)✨個牛舌真係好正厚切得黎又大塊燒到佢啱啱好熟就食得估唔到自己燒都燒得咁好✨雞頸肉幾得意有少少好似豬頸肉爽既口感燒到金黃色咁無得輸啦🤣✨冬菇燒得比較乾身應該落少少水去燒就會再正啲✨秋葵燒到佢腍身健康之選配埋佢啲海鹽同埋自家製燒汁好唔錯既串燒🤩🔅十侍花火 - Hanabi Cocktail打卡一流既新款cocktail靚得黎搖一搖仲好似星空咁飲落好似有啲荔枝味甜甜地好易入口😚.整體黎講:串燒好玩 打卡一流😚.🎈十侍 - 棉花糖A5和牛壽喜燒專門店 (旺角)旺角豉油街21C號Station 21 1樓

估唔到旺角都有間咁好食嘅壽喜燒店！仲要標榜係用鹿兒島和牛，就梗係入去試吓啦！Order左個二人壽喜燒set，店員一開始會將棉花糖作為壽喜燒個底，然後就將一片和牛放落去煮10幾秒，中遊加左自家製嘅壽喜燒汁。另外，仲寫明係用蘭王雞蛋🥚打開隻蛋，蛋黃非常飽滿，呈金黃色，一睇就知係上等材料！之後店員會將7成熟左右嘅和牛擺係雞蛋碗到，成片和牛都掛滿蛋汁，食落去真係入口即融！絕對係真材實料！食完和牛後，店員會將野菜拼盤擺上個鍋到煮，蔬菜嘅份量非常足夠，而且亦非常新鮮，店員會將剩低嘅壽喜燒汁倒埋入去，然後再加啲水，中和返個甜度。最後，仲會配白飯/稻庭烏冬，再壽喜燒汁撈埋啲主食一齊食，真係零舍開胃呀！另外，仲嗌左杯白啤黎飲，飲落去好順口，唔會覺得苦，一啖啤酒，再加一片和牛一齊食，尤其舒服！最後，有興趣食壽喜燒嘅朋友，一定要揀呢間呀！餐廳位置唔太顯眼，可能比較難搵，想食嘅朋友可以上網睇下地圖啦～～

見到最近旺角station21新開咗呢間食棉花糖和牛既壽喜燒餐廳 就去左試下當去左轉日本🇯🇵🐮 因為暫停晚市 呢日就係午市時間食 唔需要等就可唔可以入座！ 餐廳裝修行日系風 仲有酒吧位Tim🍺🍶 我同朋友兩個人分別叫左個🍢串燒set 同棉花糖和牛壽喜燒🐄🍬 串燒好貼心會用碳爐助熱 令串燒keep住溫暖 唔會變凍晒～～ 一人前set 包左雞肉串 厚切牛舌 蓮藕 菇 秋葵！雞肉串好嫩 厚切牛舌啖啖肉 調味岩岩好 好入味😋 另外 燒蓮藕好爽口兼大舊！串燒仲可以配埋七味粉Tim 仲叫左杯熱情果mocktail 🍸我個fd就叫左個和牛sukiyaki🐮d牛真係好靚兼厚切仲好特別係用棉花糖煮🤣 好回味！好似真係去左轉日本🇯🇵咁 跟set 仲跟個蔬菜籃！食完呢餐真係好滿足 係抗疫之中既小小慰藉🤣🤣

旺角新開嘅十侍，以日本武士作主題，1比1嘅武士擺設、燈籠牆、加埋品味裝修同埋燈光，真係好有氣氛！十侍主打A5和牛壽喜燒，而炭火串燒同樣出色！外賣自取嘅話，店舖會提供one off嘅炭爐畀顧客，體驗極新鮮！炭爐組裝容易，跟埋嘅Quick Lighting Charcoal，用打火機點幾秒就著，而且冇乜煙，溫度仲Keep得幾好，真係冇諗過喺屋企都可以咁輕易玩到炭火串燒！牛舌 $52雞頭肉 $38素菜 $58 3款串燒會跟埋鹽同埋燒肉汁，燒蔬菜就落汁燒，燒肉就落鹽燒，操作簡單！厚切嘅牛舌可以輕易做到外焦內嫩嘅效果，而且味道濃郁，唔錯！花旗蔘蜜 House Sous Vide Infused $98店家自釀嘅花旗蔘蜜Cocktail，賣相精緻！雖然酒精濃度有18% ，但一啲都唔嗆！Cocktail入口帶溫和嘅花旗蔘味，仲有蜜糖嘅甜，味道相當討好，值得推薦！

係旺角呢個鬧市, 想搵一個清靜, 舒適既地方唯有向”高空發展”, 比我搵到間穩世日本居酒屋🇯🇵大廈lift位係個後巷位置好穩秘@@, 入到餐廳, 整個感覺高級, 舒適而且帶點神秘感🤫1/ 串燒🍢(牛舌, 秋葵, 蓮藕, 冬菇, 雞頸肉) $128串燒價錢以每一款計算, 叫左以上串燒令肉同蔬菜類平均的, 炭燒同醬汁味重😋食材新鮮, 而上菜時有個炭爐係底令食物keep住warm👍🏾2/ 三得利頂級黑啤🍺 $88本人鍾情於麥味比較重嘅啤酒, 而今次亦專登揀黑啤因麥味重而且覺得配襯今次既串燒黎食比較合適, 而事實也的確如此😆一啖串燒一啖酒, 爽🍻**食野期間見到有只日式趟門, 原來內裡仲有間Private room!!😮而且裝修非常和風🎌, 好有feel, 疫情完左後可以三五知己入去Happy😆

黎到今年，晚市堂食都係繼續冇😩要出街堂食真係唔容易，當然要對自己好啲啦今日放早就同男朋友黎左依間充滿日本武士工業風格裝修既日式居酒屋食好西一坐低就有職員話比我地知每人會有一杯自家釀製既甜酒做"Welcome Drink"然後我地兩個人仲叫左個「二人前棉花糖和牛壽喜燒」，想試多啲野就再叫多幾款串燒黎食壽喜燒就食得多，但係加左自製既棉花糖就真係第一次😂感覺好新奇，好好奇到底係點😂上菜速度都算快，坐左陣啲串燒就已經上枱，個和牛串燒好好食！另外比較特別既雞頸肉串燒同人氣既芝士甜薯串燒同男朋友都覺得好好食！終於黎到我最期待既棉花糖壽喜燒啦！😍依個「二人前」包括左：1. 日本A5和牛片2. 日本野菜拼盤3. 十侍自家調製壽喜燒醬汁4. 日本蘭王雞蛋2隻5. 日本米煮成既白飯6. 即製棉花糖😆先係有專人幫我地煮溶舊棉花糖🍬然後到大大塊既霜降和牛🥩上到枱都係會有專人席前燒比我地食😋和牛既質素都好高，分佈均勻既油脂入口即溶，口感真係好似充滿油脂甘香既棉花糖咁，如果沾埋少少蘭王雞蛋一齊送日本米飯黎食，和牛味更加香更加濃郁更加滑同牛味更突出，真係好好食！美食當前真係好難忍口🤤最後連個野菜拼盤都比我地兩個食清

新年冇團拜，變咗提早慶祝情人節，冇計喇，第五波來勢洶洶，有得食好食喇。今年老公好有心思，搵咗間新開嘅居酒居，有好嘢食之餘，仲有好多自家製嘅特色酒。未食嘢之前，先有杯Wellcome drink，蝶豆花酒好靚呀我改咗佢個名叫紫晶酒。先嚟個喜壽燒二人前，和牛雪花均勻，入口鬆化，但估唔到最大驚喜係隻蛋，好有蛋香，真係靈魂所在。我一定要介紹佢隻蛋！豚肉白湯烏冬好似好簡單，但個湯真係好鮮甜濃厚，我哋無浪費㗎，清晒啲湯。呢個帆立貝啱晒啲芝士怪。牛舌夠厚，口感十足。呢個揚黑豚肉係我最愛，外層香口裡面juicy。燒鰻魚新鮮彈牙、勁好味。諗住叫豬頸肉，點知睇真啲係雞頸肉，咁稀有一定要叫喇！果然冇令我失望，好食！和牛就唔洗講喇，yum yum!嚟得居酒居點會唔叫酒呢！呢度啲酒好特別，如果唔係要揸車，我哋真係想試多幾杯。老公叫咗杯「十侍之森林」，貪佢個名夠威喎～結果係我飲多過佢飲，因為我好鍾意佢個柚子香味。我就叫咗杯Vedre，睇賣相都知好啱女士，個味好清新好提神（雖然我知咁形容酒好怪）。今次叫晒啲啱我自己口味嘅酒，真係唔好意思，鬼叫傻瓜明知去居酒居仲揸車出嚟咩，無得飲唔關我事。飲住酒唔覺唔覺食咗好多嘢，走