十下火鍋

呢排氣溫驟降，又系邊爐時間啦🍲十下二人精選套餐 | 每位HKD358睇落好似好少野，但最後原來食吾晒嫁！價錢系貴，同平時任食邊爐差好遠，不過質素真系無得彈！淨系個湯底都值呢個價啦！/湯底四選一，我地簡左#火瞳花膠魚肚雞湯 ，超級足料！魚肚好爽口，花膠都好大舊。雞有半隻，肉質吾鞋口👍🏻👍🏻 仲有魚翅添啊🙀店員會先裝一碗湯比我地飲，然後撈起隻雞入廚房比師傅切件比我地食，之後就開始打邊爐啦！/1️⃣十下三寶滑：最中意系#咸蛋墨魚滑 ，好香好有口感👍🏻👍🏻；#馬蹄牛筋滑 都好食，不過就辣既，個後勁都幾勁😂吾食得辣就留意啦😂2️⃣蒜味香腸：幾juicy，但個人比較中意燒多過用黎烚🤭🤭3️⃣三星蔥醬爆貢丸：一樣好juicy，食既時候小心爆汁😂4️⃣脆炸魚骨：炸魚皮就聽得多，魚骨真系第一次見，炸到好香脆，呢舖真系骨都可以食埋🤣5️⃣寬冬粉：好有咬口，煮完吸晒成個湯既精華，不得了！比較難熟，所以要煮耐點。6️⃣蔬菜拼盤：有粟米、冬菇、白蘿蔔、娃娃菜同生菜，都好新鮮。7️⃣蟹肉蟹粉餃：好遺憾，番到黎先發覺比漏左呢個🤦🏻‍♀️🤦🏻‍♀️ 試吾到😭另外個餐會每人跟一罐野飲，當然都可以加錢要其他，我地就加左十蚊要左個洛神花茶。甜甜地帶少少酸

今日好開心, 同新朋友一齊去打邊爐間鋪叫十下, 一聽就知係打邊爐啦(恰下恰下)佢裝修好有趣, 係走7，80年代路線, 舊香港感覺開頭都無留意, 食食下先發現佢一直播緊d 好懷舊嘅金曲(我唔會話我識ga, 我好後生ga 咋!!).四個人叫左兩份二人精選套餐,食完真係飽到一個點,圖中所見係二人鍋加四人配菜份.🔹龍蝦鮑魚海鮮鍋 每位$358(另加$40)我地揀左呢個湯底, 除左覺得應該會好好食之外，個賣相亦相當吸晴，大大隻龍蝦開半，相當有氣勢!! 結果唔止好睇， d 海鮮令個湯底好清甜, 唔係平時西式龍蝦濃湯個隻味，係海鮮自身餚出黎既鮮甜味，配料都好足，有鮑魚，海螺又大大粒, 好多蜆，帶子，仲有少少蕃茄提味，隻龍蝦好好肉地，成個湯底好滿意！.🍲調味料 (免費)十下嘅調味料唔搞太多花樣, 但應有嘅佢都有, 有炸蒜, 生蒜, 芫茜, 葱花, 辣椒特別少少有 醋, 麻油, 同胡麻醬(茶壺先係豉油, 唔好倒左支醋黎當豉油呀).🍲十下三寶滑三個滑都好好食, 配搭好新穎得黎，又係用返啲中式傳統野mix, 佢地分別係:臘腸鯪魚滑 - d 臘腸令到d 鯪魚滑多左一種油香味, 感覺幾有趣咸蛋蝦滑 (大推薦😍😍

秋風起，又到了打邊爐的季節，是晚約了幾位吃貨「十下十下」。餐廳裝潢以八十年代屋邨作主題，充滿懷舊風情，大伙兒一起圍爐吃火鍋特別有氣氛。這次點了二人精選套餐，湯底四選一，最後我們投票選出火瞳花膠魚肚雞湯。套餐已包含各種特色配料，例如蒜味香腸、三星蔥醬爆貢丸等等，相當豐富。先呷一口湯，雞湯湯頭濃厚得很，帶點漿口的感覺，有住家的味道。店員會將原隻雞切件，想不到肉質仍能保持鮮嫩滑溜！三寶滑包括辣椒馬蹄牛筋滑、鮮打鹹蛋黃蝦滑及臘腸鯪魚滑，全都是每日新鮮製作。牛筋滑軟滑得來帶點爽口，且帶一股辣勁，頗有新鮮感。鯪魚滑混入臘腸增加口感，很有港式風味。魚骨炸得金黃香脆，放到鍋中淥幾秒就可以吃了！不過始終比較熱氣，不能吃太多。響鈴較為腍身，有點失望呢......我對這裡的豬腸粉念念不忘，所以今次另點了一份。憑經驗得知腸粉淥幾秒就要撈起，要不然會糊掉了，變得軟趴趴。腸粉滑溜得來帶點爽口，帶有陣陣米香~同行友人也感到嘖嘖稱奇，原來腸粉可以用來打邊爐！

依度嘅裝修充滿懷舊氣息,啱晒而家開始轉凍嘅天氣同一大班friend圍住打邊爐。二人餐份量好多,食到最後飽到我捧住個肚走。湯底我揀左烤花生沙嗲濃湯同我東北酸菜白肉鍋湯㡳。我好鍾意個東北酸菜白肉鍋湯㡳,裏面有大量嘅酸菜同白肉,而且滾極肉質都唔會靭。最令我有意想不到驚喜嘅就一定係十下三寶滑,唔同味嘅滑都內有乾坤。蝦滑有鹹蛋,牛肉滑有馬蹄同辣椒,鯪魚滑就有臘腸,夠晒創新。脆炸魚骨脆卜卜,無論係就咁食定係用黎打邊爐都甘正甘香口,依舊有脆嘅口感。牛白胸膀油雖然全塊都係脂肪,但係店員教路只需要煮下卓8秒就食得。口感一口都唔油膩,而且仲好爽。三星蔥醬爆貢丸咬落裏面嘅蔥油瞬間爆出黎,D蒽油,而且貢丸亦夠爽口彈牙。冬瓜茶啱晒一路打邊爐一路飲,感覺上會冇咁熱氣。

懷舊香港風裝修加埋高級食材打邊爐係咩玩法？今次試咗個十下二人精選套餐(每位$358)湯底其實都好夠飽，我哋揀咗火瞳花膠魚肚雞湯補吓，配菜就包十下三寶滑、蒜味香腸、三星蔥醬爆頁丸、蟹肉蟹粉餃、脆炸響鈴、脆炸魚骨、寬冬粉同蔬菜拼盤。湯底真材實料，花膠、金華火腿同魚翅份量都唔少！配料最精采係蟹肉蟹粉餃同寬冬粉，蟹肉蟹粉餃超足料，鮮味爆燈，脆炸響鈴加寬冬粉配落個湯底，索晒啲湯汁，補到上心口！三寶滑、蒜味香腸同三星蔥醬爆頁丸表現都一流！醬料盤應有盡有有啦！整體上，無失望嘅地方，抵讚！

終於試了我期待已久的十下火鍋啦！這裡的裝潢非常懷舊，舊式電視、舊式雪櫃、舊式摺椅、舊式餐具...完全是香港人的集體回憶，環境滿分！而且這裡不停播著80/90年代的經典廣東歌，還播到我偶像的偶像梅姐的歌，也是我的愛歌<心債>😍返回正題，我們點了二人精選套餐。湯底選了龍蝦鮑魚海鮮鍋！龍蝦鮑魚新鮮不在話下，你看看圖中的帶子、螺、蜆殻，超級多!!(但這些殻只是其中一部分而已。)另外還有魷魚仔、蕃茄作湯底，如此足料，難怪湯底真的非常鮮甜👍🏻眾多配料中最令我印象深刻的是三寶滑。辣椒牛筋滑加了馬蹄，鯪魚滑加了臘腸，蝦滑加了蛋黃。這是我第一次吃這樣的配搭，非常特別。這些配搭比平時吃到的更香、更有口感！其他配料如蒜味香腸亦不俗，脆炸響鈴仲正，食下去有種似蛋的腐竹或是豆香味！魚皮非常香脆，而且份量很多，結果我們吃不光🙈三星蔥醬爆貢丸真的非常多汁，我吃第一粒和第二粒時都不慎咬到爆汁彈到朋友😂蔬菜拼盤是出乎預料般大盤，非常豐富：生菜、娃娃菜、冬菇、白蘿蔔，還有應該是表面抹了牛油的玉米，可見店方處理食材時的一時不苟。寬冬粉亦同樣一大籃，放進火鍋後吸盡了火鍋的海鮮精華的鮮味😍總結就是一分錢一分貨，

係ig 留意到呢間火鍋店好耐, 其標誌性紅綠霓虹光管招牌, 舊式圓形木枱, 紅藍傳統碗碟, 實在好有70年代舊香港情懷. 最近天氣總算轉涼番d, 搵埋fd 黎試試順便打下卡散叫menu 唔少, 選擇都多. 選擇困難我地直接選左2人套餐. 分別有$358 同$288 兩款. 菜式大致雷同, 但最大分別係湯底. 前者湯底多用海鮮海味, 除左湯底亦可作靚湯飲用. 而湯料亦可食用, 一湯三用. 而後者就有牛肉, 平衡一律決定滋補d order 個火瞳花膠魚肚雞湯.先上左調味tray, 醬料都好齊全. 醬油用金色大茶壺裝住, 貫徹懷舊路線😆落完order 好快就上齊菜, 臨食前影個大合照. 湯底呈乳白色, 一滾即可飲用. 入口香濃, 而且足料無欺場. 大大片花膠一煲都有7, 8片 (最後飽到食唔哂🙈), 雞有半隻, 再加上唔少魚肚. 咁多料難怪湯咁美味飲左2碗湯總算捨得停手. staff 見狀會主動幫忙夾起舊雞到廚房切開, 方便食用雞絕對係另一個驚喜, 原以為煲完湯, 肉質會好鞋, 都不抱太大期望. 但雞肉好嫩滑! 比起出面某些店舖切雞更嫩, 而且肥肉唔多, 連雞皮食亦無往常咁heavy 同咁有

有幸受邀去十下試食火鍋，一入內就感受到濃濃懷舊香港的味道 ， 無論佈置、裝潢、座椅擺設，明顯地店主花了心思佈置成舊時香港餐廳的面貌。我們點了一個龍蝦鮑魚海鮮鍋的套餐，湯底濃郁美味，值得一讚，外面其他餐廳不會有的味道，火鍋入面材料十分足料，一大隻的龍蝦，撈不完的蜆 ，還有其他的海鮮。十下三寶滑很好吃，臘腸鯪魚滑、鹹蛋黃蝦滑味道配合得好好。蒜味香腸也十分不錯。整體來說火鍋足料，味道濃郁特別不是因為我試食而寫好說話，火鍋的確不錯

呢排涼涼地 打邊爐自自然然變左晚餐首選😏十下二人套餐 $288一位十下麻辣湯底 一上枱就聞到濃烈嘅麻辣味😍蕃茄鮮魚湯底 滾左一陣就可以食左條魚先🤤 介紹下幾樣我覺得好正嘅俾大家😏1️⃣十下三寶滑 分別係臘腸鯪魚滑 馬蹄牛肉滑 同 咸蛋蝦滑極力推介呢個俾大家😍 好有口感 配搭亦非常好 味道有層次👍🏻2️⃣牛白胸膀油係脂肪呀 油香好重🙈輕輕淥五至十秒 口感爽口3️⃣脆炸魚骨同炸魚皮類似 索汁之選🤤4️⃣陳皮魚蛋淡淡陳皮味 魚蛋細細粒 都幾彈口☺️💕呢到環境好懷舊呀 仲有好多金曲聽 我邊聽邊哼歌☺️

慕名而來，訂了星期四晚六時半，下班去一試十下的二人精選套餐－－火瞳花膠魚肚雞湯。十下位置非常方便，與時代廣場一街之隔。永光中心，乘lift 至2樓即達。鋪內充滿八十年代香港屋邨情懷，除左打邊爐之外，呢到環境都充滿新鮮感，多了一層氣氛，成班聚埋打個邊爐都特別唔同feel。一論調配好醬汁後，係時候揀食咩，見menu嘅卜卜蜆煲、龍蝦鮑魚海鮮鍋都好吸引。但今次，食住滋潤嘅雞湯火鍋先。火瞳花膠魚肚雞湯： 每人$358 。火鍋配料丸料、疏菜為主，以配合和突出花膠魚肚雞湯的味道。而配料則有8款之多，分別有十下三寶滑、蒜味香腸、三星蔥醬爆貢丸、蟹肉蟹粉餃、脆炸響鈴、脆炸魚骨、寬冬粉和蔬菜拼盤。花膠魚肚雞湯，材料非常足之外，原隻雞燉起、d魚肚仲好大大片添。飲落仲帶點當歸味，非常棒！十下二寶滑： 辣椒馬蹄牛筋滑、臘腸鯪魚滑和鮮打鹹蛋黃蝦滑。三滑之中最愛牛筋滑，軟滑之中食到爽口馬蹄，口感不錯之餘，還有陣陣回辣味。好棒。而臘腸鯪魚滑，加了臘腸，對我來說，也算是頗新穎的組合。整個滑雖然加了臘腸，但沒想像中那般重味和油膩。蝦滑則不過不失。蒜味香腸、三星蔥醬爆貢丸：蒜味香腸台灣腸滾了十多分鐘也沒帶爆裂開， 也一貫的

當𨋢門打開，己深深感受到七十年代獅子山下舊香港的感覺。破舊的紙皮石寫着十下火鍋，進入去前還先看到一對門神在守護著大門口，音樂正在播放陳百強的舊歌，配合萬壽無彊的碗碟，一切都感覺回到過去。醬料(免費）金色水煲載着豉油，另外一樽是麻油和醋，還有葱、莞茜、蔴醬、沙茶醬、蒜蓉 、炸乾葱和辣椒。自己因應個人喜好，調配自己的醬料。十下二人套餐(@$288)湯底有五款，可以選擇一至兩款，我們選了： 養生豆乳火鍋、蕃茄鮮魚鍋。養生豆乳鍋內除了有養生的中藥材外，還有鴨血和冰豆腐。蕃茄鮮魚鍋內有蕃茄、冬瓜和一尾煎香再放湯的魚尾。大刀手切本地牛肉👍👍👍👍牛肉切成薄片，新鮮有肉味，入口嫩滑，味道鮮甜。牛白胸膀油👍👍👍👍👍這個其實是牛肩膊的脂肪，不是很多地方有得吃，切成小薄片，放入熱湯內八至十秒，口感爽彈，與一般肥膏的口感截然不同，滿口牛肉脂肪香味，值得一試。十下三寶滑👍👍👍👍三寶包括：辣椒馬蹄牛筋滑，臘腸鯪魚滑、鹹蛋蝦滑。辣椒馬蹄牛筋滑 - 爽彈新鮮的牛筋滑，加入馬蹄粒和辣椒粒，有牛肉鮮味，馬蹄的甜味和辣椒的辣味，很特別。臘腸鯪魚滑 - 鯪魚肉加入臘腸，味道更加濃香有臘味的香氣。鹹蛋蝦滑 - 蝦滑加入甘香的鹹

天氣開始涼啦～代表又可以十下十下😆 冬天最中意既活動就係打邊爐！ 一直都久仰十下大名好耐，終於有機會試啦☺️ 主打七八十年代，播住啲舊歌，用住啲復古餐具,好有味道👉🏿✨叫左個十下二人精選套餐 （龍蝦鮑魚海鮮鍋 ）另加 40💸 已包醬料同2罐野飲：）📌海鮮鍋十分足料，上至龍蝦鮑魚，下至蜆帶子類..海鮮鍋更加清甜，龍蝦夠彈牙又有膏😍帶子都好飽滿，用左滿滿既海鮮但一啲都唔腥架！食海鮮都夠晒飽😆📌套餐內頗多特色配料！個人最愛蒜味香腸😍係台灣腸既味道好好食👍🏿另外佢既十下三寶滑都好特別！蝦滑入面加左蛋黃😍食落有驚喜，蝦肉配蛋黃出奇地好食～魚肉又會加臘腸，牛肉丸加左辣椒馬提，脆卜卜又辣，好新奇🤤📌仲有個脆炸魚骨都係出面好小有既..好似魚皮喧但係更加硬更脆，口感👍🏿👍🏿中意食海鮮又中意打邊爐既你地快啲go go go 去十下十下十下啦😆

因為天氣轉涼再加上女朋友都想打邊爐就揀左銅鑼灣呢間「十卜火鍋」由於事前，已經看過食評，對食物款式大概都有印象。我地都留左兩位，晚上八時半，到達門口數分鐘已經安排好位置。先講環境，呢度既裝修，擺設，餐具都是以「舊式香港」為主，見到有懷舊霓虹招牌，鏡。連餐具都用番一d比較古色的配搭。一坐低，我地就揀左「卜卜蜆」火鍋湯底二人套餐再加上碟小的本地手切牛肉蜆數量都多，不是十多隻了事。鍋到左之後，店員建議可以嚐幾口湯，因放了少許辣椒絲，同清酒煮蜆差不多感覺。只是蜆的鮮味不夠甜個人覺得。店員稍後亦主動走黎幫手撈起蜆，另外用一個大碗裝起，防止蜆變得老身，非常貼心蜆數量不少隨後店員，一併將套餐內的餸菜連牛肉送上。由於太肚餓關係，並沒有遂一為所有食物拍照。😅二人套餐包括：十下三寶滑：有驚喜之作，牛筋配爽口馬蹄，鯪魚肉配有臘腸在內及蝦子，蝦滑配上咸蛋黃。唔知以前係真係有呢三種丸定係首創，創意度十足，味道都可以配合得幾好，讚👍🏻 9/10惹味香腸：香腸只有4條，不過咬落口，啖啖甜味既肉，配合打邊爐，有意想不到風味。 8/10 三星蔥醬爆貢丸：聽說三星蔥好像是台灣特產，蔥就好似無食到，但咬落，入面有餡，肉汁豐富

天氣開始轉涼，友人想，想去登龍街的「十下」，一齊烚吓烚吓夠熱鬧。 電梯一打開，八十年代的舊屋邨裝潢呈現眼前，滿載著香港的老情懷，也頗有家的窩心感覺。一大張圓枱，適合一大班人圍於圓圓一桌，聚在一起烚吓烚吓。 十下二人精選套餐 $358/位，四選一湯底，我們要了火瞳花膠魚肚雞湯，火鍋配料包括有十下三寶滑、蒜味香腸、三星蔥爆醬爆貢丸、蟹肉蟹粉餃、脆炸響鈴、脆炸魚骨、寬冬粉和蔬菜拼盤，也包2罐飲品和醬料費用，另加一服務費。 兩人，坐於靠牆的一張方枱。點菜後，侍應逐一送上調味料、湯底和火鍋配料。滿滿地，攤滿了一桌，好不豐富的﹗ 打邊爐，一般人都喜歡「混醬」。小妹，素來喜歡吃原味，不屑一看也﹗ 火瞳花膠魚肚雞湯湯底絕對真材實料，以滋補養生補氣的食材如原隻雞、火腿、紅棗、杞子、花膠和魚肚熬煮至乳白色，湯頭清亮不混濁。未開始打邊爐前，店員叫我們先搯一碗湯品進補一下。呷一口湯頭，味道鮮美，且含豐富膠原蛋白，滋陰養顏，女士必愛。 接著，店員會把雞隻切成細件，方便客人食用。 打邊爐的配料，有鮮爽健盈的蔬菜拼盤、蟹肉蟹粉餃隻、脆炸響鈴、 脆炸魚骨、寬冬粉、十下三寶滑、蒜味香腸和三星蔥醬爆貢丸