十三少 (已結業)

好耐無食酸菜魚，自從以前隔離間台灣鋪執左都無行附近，今日無意中發現原來開左間酸菜魚，一於解下癮入去試下先。餐廳員工好有禮貌同係咁幫我地換碟同加水，服務認真一流涼拌土豆絲切成幼條既土豆絲淋上辣油，少少辣辣地又唔會太辣，口感好爽口食落唔似食緊土豆咁麻辣老豬手鹵水好入味，同埋豬手夠哂淋，豬皮一D無毛都無，事前處理得好乾淨，味道好正，愈食愈麻，呢碟份量好足，有好多件豬手，最後真係太麻頂唔順要叫支豆漿解辣十三少酸菜魚滿心期待既酸菜魚，仲可以揀唔辣岩哂我，職員仲話個湯係每日用新鮮魚煲，入面有菇、羅白、窩筍等配料，都好大盤下紅糖糍粑食飽都要食甜品，暖暖既糍粑點上唔太甜既紅糖，煙煙靭靭，外脆內軟，好好味

十三少酸菜魚真係好出名，愈開愈多間真係無得頂, 而最近行經香港仔，見到呢度都開左間新鋪，唸著食好D,就來試下呢間。香港仔呢間位置雖然偏僻，但都不乏客人特地來這裡食飯，餐廳仍然係超級旺場。我們點了一份二人套餐，首先唔少得出名的十三少酸菜魚，另一個菜就點麻婆豆腐，小食蒜泥青瓜，甜品紅糖糍粑，這樣一份下來，加一也不用$400， 香港仔食個飯也算划算。酸菜魚一貫口味，侍應同我們講要先飲湯，因為係鮮魚湯，而鮮嫩的魚肉加上酸菜的開胃，撈埋個湯可以多添碗飯，大大鍋夠二至三個人食，正啊。麻婆豆腐我就覺得無得彈，好耐未食過咁正宗的麻婆豆腐，呢度既水準簡直超班，麻麻辣辣也是極度開胃。紅糖糍粑估計也不是到處都能吃，看上去有賣相，面頭瀋左好多紅糖粉，糍粑夠熱辣辣夠煙韌，口感十足，真係不一樣的甜品。大家喜歡吃川菜加酸菜魚的，就記得來十三少酸菜魚啦。

今日去謂語香港仔非常出名呢間酸菜魚食晚餐，當然就是這間13少啦，門口有啲難搵因為喺大街小巷仔入邊，入到去的裝修很時尚，，我點了我最喜歡吃的水煮魚，麻辣多皮蛋及四季豆，水煮魚10分好吃，真的很有大陸的水準，魚肉很滑，份量也不少，指天椒很多未到調得很好粉皮也很爽，皮蛋是晶凝通透的不像普通的，乾扁四季豆又很有水準只是略嫌斯太多。疫情底下冇得返大陸就唯有在這些很地道的四川餐廳止一止咳，希望可以快啲通關啦！

十三少主打酸菜魚 / 水煮魚，雖然地點唔算太方便，但環境乾淨寬敞仲好光猛，滋味2人套餐有涼菜、主菜、小菜連白飯合共$318，價錢都幾合理～涼拌土豆絲土豆絲好爽脆，每啖咬落去都索索聲，少少酸少少辣，整體味道偏淡，係一個幾清新嘅開胃菜。十三少酸菜魚個盤勁大，好有霸氣🤣 差唔多有20塊鱸魚片，兩個人都幾夠食，切得幾薄但完全冇骨，魚質好滑👍🏻 湯底酸辣香濃，好啱送飯。仲有其他配料，例如萵筍/菇，想食寬粉都可以另外叫～乾煸四季豆炒得好夠火候，又香又好食，辣得黎又唔會好辛苦，令人哋keep住想食。而且肉碎都唔少，啱晒我的口味😚

黃竹坑返工真係冇啖好食, 最近都係要出香港仔. 但係都好彩香港仔都有間十三少食~本身一開始都唔知開咗間十三少, 跟住見到好大個廣告話轉角行二十三步就到, 跟住就即刻數住係咪二十三步, 點知又真係🤣平時都係叫開lunch set嘅口水雞同麻婆豆腐, 今次就trytry佢啲酸菜魚, 就嗌咗個滋味二人餐😌 🍲十三少酸菜魚佢上到嚟嘅時候我心諗, 今晚唔使食飯啦.. waitress上餸嘅時候好貼心咁話個湯係煲好耐嘅, 趁熱飲咗個湯先. 咁叫到我哋梗係飲啖湯先㗎啦. 果然係酸味十足~ 而且都真係好多好多魚, 有時幾中意食下酸菜魚或者口煮魚係因為啲魚真係特別滑啲又啖啖肉, 覺得開心~ 🥘麻婆豆腐呢個餸我已經食咗無數次, 覺得唔係好辣, 撈飯一流!🥚椒麻皮蛋呢個真係第一次食, 兩個人食咁大碟皮蛋都係第一次, 中意食蒜嘅朋友真係有福la, 因為佢都好重蒜味~🧇紅糖糍粑其實食到好飽見到呢個係有啲驚, 但係佢呢個甜品又真係幾正喎, 紅糖唔係太甜, 幾啱我哋食~

十三少 餐廳位置唔算顯眼 係一條細街既後巷 室內同室外既裝修形成好大對比,雖然係後巷但餐廳既 環境乾淨, 同一般食中菜既地方唔同,裡面係用白色主調, 加上霓虹燈做highlight, 設計都係好modern,今次坐既係卡位, 都係十字鐵線凳加厚厚既cushion, 設計都係同餐廳裝修呼應 而且坐得好舒服。菜色方面,餐廳係主打酸菜魚, 食得辣既仲可以試水煮魚同麻辣香鍋涼拌土豆絲份量十分多, 爽脆酸辣, 比較偏重蒜味同醋味既土豆絲, 加埋蔥花香, 十分開胃好味, 岩晒重口味人士 酸菜魚 一放低就聞到滿滿既花椒同蒜香味 湯上鋪左菊花瓣同芝麻, 同出面既酸菜魚唔同既係會加入左好多炒香左既牛肝菌菇, 蒿荀 配料好豐富,嫰滑既魚片吸收左酸菜味, 味道係香濃酸辣同蒜味,而 魚片都切得好薄,但食果陣要小心D 會有少少碎骨,第一次黎所以叫左小辣試一試先,費事奶野,最後黎到都唔會好辣, 唔食得辣既人都可以食到而且辣之餘仲有少少麻辣既感覺,而鍾意食辣既可以挑戰更高級數乾煸四季豆四季豆份量好多而且爽脆 ,入面加左好多蝦乾, 豬肉碎同蒜, 炒得好香但一D都唔油膩 ,如果D汁可以再收得乾身D就更加好 紅糖

餐廳有啲難搵🙈要喺正街轉內巷再轉右行入去先見到🙈Lunch set十三少酸菜魚揀返個signature有得揀辣唔辣，我揀咗辣但都易入口，我諗佢有就返香港口味所以唔算重口味，同埋多蔬菜👍白蘿蔔、菜心，菇，但魚都有成7-8塊👍👍肉嘅質地同味道都好正常。幾抵食酸梅湯好甜😖😖土豆絲就蒜味重

今天朋友有事要到香港仔，之後我們再找吃晚飯的地方，人生路不熟，第一次來香港仔，在遠距離看見十三少酸菜魚大大個招牌，於是就問朋友有冇興趣食，朋友話佢都好奈冇食酸菜魚啦，就去試下。入到店裡，侍應安排我地坐卡位，店舖好光猛，感覺幾舒服，而且座位都好寬敞。餐廳有提供酒精消毒濕紙巾同埋口罩套，非常細心。前菜我地揀左椒麻皮蛋，皮蛋係金黃色，第一次食，賣相真係好靚呀，而且皮蛋係溏心皮蛋，口感嫩滑，帶點微辣。小菜我地揀左麻辣滷豬手，呢個煮得好夠腍，食落去啖啖骨膠原。麻辣度適中，而且花椒八角味好香。魚方面我地揀左酸菜魚，係用鱸魚的，湯底亦都非常豐富，有酸菜，青笋片，杏鮑菇片，秀珍菇，泡菜，野生椒，鮮花椒，干花椒，干辣椒和芝麻，而且魚份量亦都好多，鱸魚肉質嫩滑之餘亦有口感，酸辣度啱啱好，十份開胃。我地好貪心咁明明已經飽都加左甜品紅糖糍粑，因為甜品有第二個胃，而且我未食過呢款甜品，好想試。糍粑外表鋪滿黃豆粉，我地先試左原味，口感煙煙韌韌，之後再加埋紅糖醬黎試，紅糖醬真係好好味，我地之後食每條糍粑都點滿哂紅糖醬，有甜味之餘亦唔會膩，我地雖然好飽都好快就清哂。呢間酸菜魚性價比好高，而且坐得好舒服，侍應亦主動加水

我老豆唔只一次同我講想食酸菜魚okok，就帶佢試試呢間餐廳位於香港仔，地點都幾隔涉架但係我覺得食物質素都幾值得入去試今次叫咗個二人餐，樣樣都好大碟個人覺得三個人食都冇問題滋味二人套餐$318涼菜 - 椒麻皮蛋前菜就有得三揀一，我哋就揀咗呢款同平時嘅皮蛋好唔一樣，呢款皮蛋係少少黑色都冇橙色嘅蛋白晶瑩剔透，閃令令咁好靚食落唔會好似平時嘅皮蛋咁有怪味如果撈均，再點下面嘅辣油，麻味同辣味都會有主菜 - 十三少酸菜魚到主角出場，碟酸菜魚真係好大碟雖然呢一間冇寬粉，不過都有好多萵筍同埋蘿蔔兩樣都係超索湯嘅食材黎到嘅時候店員同我哋講個湯係用魚骨熬製叫我哋食之前飲番啖湯試吓，果然真係冇介紹錯係非常鮮甜，仲唔會飲完好口渴嗰隻魚嘅部份佢哋就用咗鱸魚，完全係啖啖肉少少骨都冇，但係又會好滑，連埋個湯一齊食好正小菜 - 乾煸四季豆四季豆炒得好乾身，好有鑊氣，夠爽口落咗蒜頭、辣椒，食落就更加惹味餸飯真係一流今次真係第一次三個餸都係辣嘅不過都辣得好過癮最緊要係留到一個好嘅酸菜魚印象比老豆講返個環境，其實都算新派，幾型比起一般嘅酸菜魚餐廳更加清潔同埋企理

今日我銅鑼灣食神又係微服出巡嘅時候，今日去咗13少。睇開我食評嘅人都知道首先講吓揸車先，揸車去崇文街後邊可以泊車，如果有位的話，落車就穿返出香港仔大街，橫街中間的橫巷，總之見到橫巷就望入去應該就係。個人感覺呢，第一眼比較神秘，咁我堂堂大男人，係唔會怕呢啲嘢嘅。一入到去感覺整潔美觀，裝修風格也切合餐食。都係講返餐先，港式川菜我食咗好多間，水準好參差，有啲一係太辛辣，不適合香港人口味。侍應生提議我試吓水煮魚，其實我食得辣嘅，咁就一於試吓啦。實在好食，也可以用招牌擔保，保證好食，鱸魚鮮翠，辣味剛剛好，麻味方面很過癮，在寫文章的時候會想都仲流口水。其他口水雞都好好食。主廚傳承的功力，值得一讚！如果飲品方面多一些選擇，咁就完美了。服務方面，侍應生和經理，努力又正面，那種氛圍，非常難得，都係果句好像我年青的時候，努力加油奮鬥💪🏻整體來講，在這附近，食佢應該都係一個唔錯嘅選擇！去之前我睇咗OpenRice的評論，極少中差評，以我10多年食評家的經驗好難做得到，要保持呀！

呢間酸菜魚其實聽聞咗好耐，今日終於同個朋友去試一試。因為都知道間餐廳幾有人氣，所以我哋就大概五點幾就去咗食。佢嘅位置好隱世㗎，係一條小巷入邊，但入到餐廳，環境明亮裝修都好優雅精緻。大部份都有卡位座位，坐得舒服。今日我哋就叫咗一份二人餐。13少酸菜魚 呢個嘅酸菜魚好好食，我哋要咗小辣，對於唔係好食得辣嘅人來講真係啱啱好，佢嘅酸道同埋辣道都好夠，再加上適量嘅花椒同芝麻，令到味道再豐富啲。另外啲魚都好滑，仲有啲萵筍喺入邊，而且成盆酸菜魚嘅份量都幾多。椒麻皮蛋佢嘅皮蛋係用咗黃金皮蛋嚟整，黃金皮蛋食落去係比較少皮蛋味，但比較重蛋香味，食落口係冇咁heavy。干扁四季豆佢都幾貼心有得揀辣或者唔辣，四季豆炒得幾乾身，同埋啲豆都幾新鮮。紅糖糍粑佢係炸到脆卜卜既糯米再加上花生粉，同紅糖，口感內脆外軟。

-十三少🍽-以前係大陸食骨酸菜魚覺得係人間美食😂但都有好多年冇食過lu😂冇意中發現原來香港都有間好出名食酸菜魚既餐廳就去試下🤣-🍽二人餐👫 $318-🥢涼拌土豆絲薯絲爽脆又夠凍😋雖然係話涼拌但佢係唔辣既😉-🥢麻辣鹵豬手呢個豬手不得了有成8舊😲仲要件件都好大舊🤣但勝在唔會太肥而又鹵得入味但麻辣味係慢慢辣出黎👍-🥢十三少酸菜魚主角酸菜魚😍唔食酸菜既朋友都可以叫水煮魚見隔離成盆紅卜卜應該都幾惹味😏酸菜魚湯係用新鮮魚煲既完全冇腥味👍魚片冇骨又好滑厚薄切得岩岩好😋酸菜魚其實唔算好辣但你咬中個d香料就唔同了🤣除左魚之外仲有萵荀/茶樹菇😋🤵🏽‍♀️另外都要讚下呢度d侍應係好有禮貌見你辣飲水會不停幫你倒水🤣-🥢紅糖糍粑 $28呢個必食！就算你幾飽都好一定要食🤣個糍粑炸到外脆入面個勁軟又煙韌再點埋個紅糖醬😋小編要俾100分🤣-🌟評分:🏅🏅🏅🏅🏅

原來香港仔都有好西！上網見到呢間好有style的川菜，裝修偏向文青style，價錢唔算貴，星期五夜晚獎勵一下自己！原來仲可以調整辣度！🔹🔹🔹🔹🔹🔹🔹🔹🔹🔹🔹🔹🔹🔹🔶二人滋味套餐$318需要加一🔶🔸椒麻皮蛋🔸選用左白皮蛋，咬落去更加有韌性，係我鍾意嘅口感，辣度啱啱好，味道濃郁！🔸十三少酸菜魚🔸上碟一大盤，份量唔錯，成兜都係魚🐟大滿足，不吝嗇酸菜令湯底酸味十分突出，魚肉質紮實，性價比ok！🔸麻婆豆腐🔸麻婆豆腐有驚喜！通常麻婆豆腐都係d豆腐都好紮實，但呢個豆腐超級滑溜！加上炒香的肉碎，食到無停！🔸紅糖糍粑+$15🔸同樣有驚喜！第一次食糍粑，原來內層係Q彈糯米，外層炸香，撒上黃豆粉，再沾紅糖吃！口感同味道都好豐富，好鍾意！

來到『十三少酸菜魚』，2人套餐似乎係必點，因為好抵食吖。十三少酸菜魚係重點，咁第一次來必揀酸菜魚而唔會點水煮魚，除此之外，椒麻皮蛋，口水雞亦都係我同朋友的選擇，仲有樣甜品亦係食川菜必點，你估係邊樣呢?估唔到2人份量酸菜魚係咁大份，足足够4個人嘆，酸菜好味，有佢獨特酸味但又唔會太過; 湯亦好味，待應話D湯係每天用新鮮魚出，够哂鮮味，還有鮮甜的鱸魚，實在好正，唔怪吸引了咁多街坊幫襯，佢位於後巷嘅小角落，但大街上有個好大的廣告牌指示都幾吸睛亦代領我來到。開估啦，我的甜品就係『紅糖糍粑』，這是重慶，成都地區的小吃，而呢两個地方我都去過，因此對佢情有獨鍾，長條形狀的粑外表金黄，内裡軟糯Q彈，更配有紅汁，好好食，亦令我諗起成都。

好耐冇去過香港仔啦，呢排好多朋友推介呢間酸菜魚，所以就特登嚟試吓啦，佢個門口有少少難搵，喺個巷仔入面，我同朋友19:00去到唔算太多人，裏面嘅環境都算闊落。我哋叫咗個滋味二人餐，加埋甜品有四樣嘢食，都係三百幾蚊，抵！我哋叫咗椒麻皮蛋，酸菜魚，口水雞，紅糖糍粑+$28先講皮蛋晶瑩剔透，我覺得比平時嘅皮蛋較彈牙。口水雞好香麻油味，雞肉嫩滑，辣度適中，而且份量好多！酸菜魚可以揀辣同唔辣，我哋當然揀辣啦，酸味比較重，辣味就啱啱好，裏面嘅配料有好多，佢哋嘅魚肉係用鱸魚，幾滑，大舊兼多肉，我哋兩個人食唔晒，但係好滿足。最後紅糖糍粑，呢個好正，佢哋即叫即整㗎，熱辣辣，煙煙韌韌。整體黎講都好滿意，唔怪得知咁多人食啦，絕對可以一試，仲要提吓佢哋嘅service好好，不斷斟水，換骨碟，佢哋仲有口罩袋，消毒濕紙巾提供，幾細心👍🏻