十三少 (已結業)

今日同老公去香港仔搵嘢食，在一條隱蔽的巷入面，地方夠大，坐位寬闊，今日食午餐，都多人食。午餐餐牌都有好多選擇，亦都可以單叫，午餐價錢唔算貴，叫咗一個酸菜魚米線，一個口水雞飯。米線就沐咗d，個人唔太鍾意，但酸菜魚係好食嘅，份量亦都足。口水雞亦都好食，夠辣又唔會遮蓋到雞味。跟餐有一碟仔小食，係涼拌青瓜同土豆絲，亦都好食，送熱或冷菊花蜜，轉其他飲品只需要加少少錢，下次會再試吓其他。香港仔崇文街15-17號華利大廈地下功夫點心後面小巷入去

香港仔很隱蔽的街街巷內發現了十三少酸菜魚與家人一起進食晚餐😉環境算乾淨企理，當天晚上人不多，上菜速度正常小菜也夠香夠惹味酸菜魚魚肉肉質嫩滑，鹹淡適中，不配飯吃都可以酸酸地少少辣辣地突出魚的鮮味份量都算多很開胃大盤菜花椰菜花軟硬適中，不會太辣，但今次有點鹹，不配飯還可以，但配飯會更佳椒鹽粟米椒鹽粟米香口惹味燒粟米保持粟米粒的水份，咬落好Juice，而且好香甜，椒鹽中和粟米嘅甜味，味道啱啱好

朋友知我鍾意食水煮魚特登帶我去食十三少 😃餐廳環境寬敞 座位舒適 食物選擇都幾多除左水煮魚，酸菜魚都好出名 餐前小食有碟脆豆 咸咸地幾好味用花生🥜當筷子托 好特別🐟十三少水煮魚🐟魚肉份量好多 好大片 肉質好滑 好入味配菜有寬粉、青瓜 索哂麻辣醬汁 🐔口水雞🐔雞肉非常嫩滑 麻辣味好香口好入味唔算好辣🥚椒麻皮蛋🥚皮蛋流心 醬汁好香 唔算太辣點埋醬汁好好味 紅糖糍粑黑糖味好香 表面有好多黃豆粉 糍粑口感煙韌有咬口 食川菜必點甜品

我以前好鍾意食呢一間，夠酸又平，入面嘅裝修都好骨子，白雪雪好啱打卡。但係自從我個friend嗌呢一間嘅外賣，喺個盒度見到有隻曱甴，我就有心理陰影冇再食過呢一間其實都想像到衛生麻麻哋，因為開喺條巷仔附近仲要係近垃圾站，個地下濕漉漉嘅。

今日天氣熱得辣，不過一入到餐廳，涼爽嘅空調令人立即舒服咗唔少，都幫呢個食物探險加分唔少。間餐廳裝修簡潔，幾張木桌，一面牆掛滿咗湖南風景嘅畫，好有種異地的感覺。個肚子已經咕嘩嘩叫，趁住我哋等菜嘅空檔，我哋開心傾偈，憶起以前嘅趣事。呢個時刻真係好溫馨同埋幸福。首先上嚟嘅係酸菜魚，一大鍋湯湯水水，啖啖魚肉鮮美，配埋酸菜同各種香料，味道豐富。湯底微辣開胃，一啖落肚，啱啱好，食埋啲白飯，真係超級銷魂。接著嚟嘅椒麻皮蛋，平時可能覺得平凡，但試咗先知道特別吸引人。一顆顆滑滑嘅皮蛋，沾埋香脆嘅花生同辣椒碎，外脆內軟，食落有驚喜口感。個味道真係唔得了，一啖接一啖，停唔到口。

我最近去了一家餐廳，點了他們的招牌菜口水雞，讓我感到非常驚喜。首先是口感，這份口水雞的口感非常棒，醃料入味，麻辣爽口，讓人回味無窮。而且醬汁的配方也非常獨特，加強了整道菜的風味。然而，份量比較少，讓我有些失望。但是，餐廳的環境非常好，裝修精美，氣氛舒適，讓整個用餐體驗更加愉悅。同時，服務也非常好，服務員態度友好，耐心細致，讓人感到非常舒適。總體來說，這家餐廳的口水雞味道絕佳，環境優雅，服務出色，是一個非常值得推薦的餐廳。如果你喜歡辣味食品，這道口水雞絕對能夠滿足你的味蕾。

ig : foodxshel好耐冇食過酸菜魚，唔知點解越熱越想食辣🙈於是就去左呢間係香港仔嘅川菜館。我地叫左個二人餐 ($348): 涼菜：涼拌土豆絲 (7.5/10): 土豆絲粗幼適中，咬落十分爽口，配埋上微酸嘅醬汁，非常開胃小菜：川式口水雞 (8/10): 雞肉質地實淨嫩滑，口水雞汁夠辣夠香，蒜蓉，花生碎同蔥花令佢更惹味主菜：酸菜魚 (8.5/10): 一上碟已經覺得份量十足，入面有大量酸菜，加上花椒，辣椒，蒜頭同芝麻，令湯底層次好豐富。魚肉鮮嫩啖啖肉，萵苣同雞脾菇索晒啲酸菜魚嘅湯汁，忍唔住要食番碗白飯，加啲湯變湯飯仲正甜品：紅糖糍粑 (加$28, 8/10): 糍粑外層沾滿黃豆粉非常酥脆，入面嘅口感好軟糯。點少少紅糖糖漿，可以更加帶出糍粑嘅糯米香整體而言，餐廳食品有水準，價錢合理，裝修簡潔有特色，環境闊落舒服，值得一試！💰人均: $207

之前去開香港仔就上網睇吓有咩好食 佢真係開得好隱蔽 揾咗好耐呀😂lunch嘅時候都見到佢爆滿 好多學生幫襯🤤🤤🤤咁我都叫咗個酸菜魚飯 黑糖糍粑 仲有炸子雞！一上枱已經聞到好吸引 酸菜魚份量都好多 仲要冇咩過 魚片都幾香滑👍🏻👍🏻👍🏻仲有糍粑 好好食 黑糖係自己點😂甜度自己决定 真係會食唔停口🤩🤩🤩

今晚和朋友一行四人去食,地點在一條好隠蔽的巷子,入面的座住很舒適,職員服務態度良好,那碟酸菜魚,盆子很大,內容豐富,我們選不辣的,但湯很好味,魚肉入口即溶,有些驚喜,另外話梅骨又味道酸甜適中,肉質很好,另外配一味炒窩筍絲,送飯一流,值得再去.

突然之間好想食辣嘢，但又唔想食啲咁刺激嘅嘢，呢個時候食溫和得嚟兼具酸辣感嘅酸菜魚就最啱喇😚 今次去咗十三少試吓佢哋啲酸菜魚，一嚟個碟超巨型，但佢唔係淨係得個碟大，而係連酸菜魚嘅份量都好多🙈 店員建議食魚之前先飲湯，個湯雖然望落好似好多辣椒，但其實冇咩辣味㗎😯 味道係酸酸地好開胃，飲落喉嚨好舒服🤭好味到我哋每人都各自飲咗一碗湯先開始食魚～其實酸菜魚嘅靈魂在於湯底，個湯底鮮味真係加好多分，而且個湯加咗好多芝麻同炸蒜，撈飯食一流👍酸菜魚除左有酸菜同魚之外，仲有萵筍同菇片，吸曬魚湯嘅精華。魚肉方面十三少特別選用嫩滑又少骨嘅鱸魚，魚肉大大塊肉厚又滑溜，食到咁上下飲啖湯又開胃返🙈 所以我咁愛酸菜魚嘅原因係因為有三重享受，分別係食魚，飲湯同湯撈飯，三者係咁loop都係一種小確幸嚟㗎😆由於我哋嗌嘅係二人套餐，所以同場仲有涼拌土豆絲同麻婆豆腐，涼拌土豆絲集香辣同蒜香在一身，土豆絲切得比較厚身，所以好有口感， 而且好脆身食到索索聲，我好鍾意‼️而麻婆豆腐都幾辣下，豆腐嫩滑但係夾起都唔容易散開，個醬汁好濃稠，愛重口味人士必叫～

其實做唔到個capacity 就唔好接外賣啦！堂食既等左40分鐘又冇，外賣仲要不停出，催極都冇，垃圾餐廳，坐左勁耐都冇，全部客枱枱都催，極差堂食體驗！勸大家唔好再幫襯！

香港仔嘅十三少地方非常寬敞 而且有唔少卡位 坐落好闊落～一嚟到會有一小碗酥黃豆💛非常脆口🤤試左三款菜式 味道都係偏重！適合重口味嘅大家😆———————————————🐟十三少酸菜魚 一見到嚇親 因為真係勁大個碗酸菜份量好多 所以湯底好夠酸👍🏻小辣比想像中冇咁辣爐魚厚肉夠入味！配料有唔少萵荀 非常爽脆🤤🌶️椒麻皮蛋同一般皮蛋唔同 外表係金黃色 非常靚✨質感似偏硬小小嘅啫喱椒麻味好夠 所以都幾開胃！🦀十三少蒜香蟹飯以上雖然係細size 但非常大份有叫酸菜魚應該夠3/4人食！兩隻蟹有滿滿蟹膏！🦀🦀舖上海量蒜粒 所以蒜味極重呀！🪷紅棗雪耳糖水飯後店員送上凍糖水味道清甜😋作為飯後糖水感覺清新唔膩～———————————————☺︎ 環境: 8.5/10 ☺︎ 服務: 8/10☺︎ 會想再食：8/10———————————————店家資訊✎ 店名: 十三少✎ 其他分店：元朗、樂富、香港仔、九龍城、西環、紅磡———————————————

4人餐 $634🐟酸菜魚 （+寬粉）超大碗，好足料，可以揀辣度，好好味😝，魚片大塊冇骨，唔腥魚肉鮮嫩，估唔到仲有好障配料：酸菜🥬、花椒辣椒🌶️、雞髀菇🍄、䈑筍、白蘿蔔🥕，湯底鮮味提升，唔油膩好送飯，建議一定要加寬粉🍜，寬粉晶瑩剔透，煙韌同酸菜魚湯底超夾👍🏻🥚椒麻皮蛋皮蛋用左金蛋，口感爽滑，唐心蛋黃，加左椒麻蒜蓉同辣椒油，唔會好辣😝🥔涼拌土豆絲土豆絲爽口，土豆絲加左花椒油，開胃又惹味，少少辣👍🏻🌶️辣子雞軟骨睇落好辣，但系唔辣，帶好少麻，最鍾意加左腰果😍，腰果加左好多分，雞軟骨酥脆香口👍🏻，份量多🍗川式口水雞白切雞加辣油，多辣油但略嫌唔夠入味同油左啲，面頭鋪左白芝麻，青瓜脆口但唔算入味，雞肉滑，相對上普通🥬鮮魚湯浸娃娃菜$68另外加左個菜，個人鍾意娃娃菜配酸菜魚，娃娃菜鮮甜，仲加左雞髀菇🍄😝.✨餐前有小食，脆口花生，枱面仲有檸檬水🍋，上菜快，好抵食，唔會好辣，cp值高👍🏻座位舒適闊落，餐廳位置隱蔽系巷仔入面

今日👦🏻同同事去左香港仔做野，做到11點幾收工就去食飯。👦🏻好鐘意食酸菜魚，所以就同同事去左【十三少】，試下佢個酸菜魚掂唔掂先。🌟酸菜魚米線🐟🍜酸菜魚大量酸菜，唔會過酸，對於唔太食得辣既我就簡左小辣。由於我簡左小辣，花椒都會落得比較輕手，相信對於唔太食得辣既朋友仔都算貼近口味，入口舒服，油潤但唔會好膩。魚肉份量多，最緊要係魚係去左骨，食落淡淡肉，魚肉都算滑，超級滿足，Lunch Set $70包前菜，飲品都叫幾抵食。

今日lunch去咗香港仔十三少食酸菜魚🐟之前食過一次，好掛住酸菜魚嘅味道啊！香港仔分店大部份都係卡位，坐得舒服😌約埋朋友一齊食就最啱啦先叫啲開胃冷盤先椒麻皮蛋有驚喜😋皮蛋切開，呈半透明狀態，晶瑩剔透配椒麻辣油🌶辣得嚟夠哂滋味，好開胃啊！十三少酸菜魚🐟一齊share嘅酸菜魚🐟夠哂大碟啊每湯羹都會有厚厚嘅魚肉鱸魚啖啖肉，而且冇骨，肉質嫩滑爽身仲有大量酸菜、菇🍄同蘿蔔片全部配菜都好入味，酸辣味超開胃啊另外我最期待嘅蒜香蟹飯🦀果然冇令到我失望雖然只係叫咗細份，但都好夠2至3個人食啊一上枱已經好香啦❤️蟹蓋旁佈滿蒜蓉粒同蔥花拌勻飯粒，啖啖都食到蒜蓉味店員預先將兩隻蟹打開入面都有蟹膏同蟹肉🦀每啖都好滿足，必食啊🤤🤤🤤