十三姨 (通菜街)

营业中

休息中

琴日放左學就落左旺角食野，經過女人街見到十三姨，menu d野都吸引到我地，就一於試下，果然無令我失望。一坐低，店員就比左蝦片我地食，非常香口！個人好推介手撕雞雞油雞，望落好似細細碗，但份量十足。佢仲會比埋秘製撈飯既醬汁，可以自己調節口味。同埋，十分香口，佢落左炸蒜片，雞油，好惹味。仲會包一杯汽水，好驚喜既係樽裝汽水。唔知點解次次見到餐廳用樽裝汽水，都會好加分我朋友就叫左個叉燒陽春麵，佢都會有提供for麵既醬汁，叉燒夠大塊又入味，我同朋友對呢間餐廳評分好高！

經過見到裝修幾特別，就入去試下。一座低就送上小食，原先以為係蝦片，但食落覺得有啲淋咗就冇再食...呢度食嘅主要都係雞同埋都有啲串燒可以揀，餐牌上面嘅選擇唔多。試咗炙燒雞叉燒湯粉絲，一上枱湯頭都幾清淡下，配料有芽菜椰菜等等。雞叉燒喺其他店鋪比較少見，食落肉質幾嫩，老闆話係用慢煮方式烹調，熟咗之後再燒返個表面👍🏻如果覺得味道唔夠濃可以加啲招牌辣醬同埋甜豉油。份量女仔就就岩岩好，偶爾想食清淡少少嘅話都係一個唔錯嘅選擇

整店裝修橫有特色，令人驚喜。食物亦夠地道，食材在坊間亦不常有，例如有腸粉形狀的粉麵，多年在在屋村粉麵檔食過就沒再講過。湯底味道亦足夠，有淡口有濃味，自己選擇。配料選擇不選多，但味道不錯，行開行埋可以一試。

餐廳環境寬敞舒適, 喜歡其充滿中國風的桌椅。十三姨辣椒醬由青辣椒配秘製醬料而成。辣椒堅辣, 適合喜歡挑戰辣的人士。主食飯麵各有三款, 我選了炙燒手撕雞粉絲湯配珍珠飯。因為喜歡吃粉絲的關係, 特意要求珍珠飯改粉絲, 即粉絲加底。落單完畢, 店員奉上鐵觀音和蝦片各一杯。鐵觀音以獨立茶包泡茶, 甚有誠意。令人眼前一亮的是盛滿蝦片的金杯, 感覺有點少女夢幻, 有點驚喜。蝦片放久了依然卜卜脆, 把蝦片稍微索湯, 是另一番風味。餐飲點了雪碧, 雖然店舖用的是紙飲管, 感覺如紙飲管都可省去, 更為環保。主食到了, 份量可不少。有手撕雞, 椰菜絲, 葱花和腸粉。不知何解, 店員錯把粉絲改米粉, 為免更換做成浪費, 便算了。喝一口湯, 雞味濃郁, 滴上檸檬汁, 即時為雞湯提鮮。後悔把珍珠飯改為加大粉底, 當泡飯食, 應該相當不錯。腸粉吸收湯汁, 滑滑溜溜。雖然雞湯有雞油, 但不膩也不渴, 好味程度可一滴不剩。串燒一串只售$12, 便點了一串雞腎。雞腎沾滿味粉, 爽口味美。食時有點論盡, 弄到枱面都是味粉, 有點不好意思。

「十三姨」💕是我經常去的於旺角一個的小食店，完全出類拔萃的私房菜的味道, 🍜餐牌上有照顧OL最喜愛的低卡輕食選擇💕簡直是大愛💕價格也很好。那個清雞湯不含任何味精，很有家的味道。邪惡的＂老闆娘鵝肝煎蛋飯＂實在是太好食了。但是只能夠淺嚐，🍜🍜糖心蛋加手撕雞伴雞油飯加上自家辣椒醬，好食到有點感動😭可惜太肥了，不能多吃。只可不停吃他們非常出惜的配菜。木耳加鹹蛋黃醬是我的最愛，花雕啫哩蕃茄也非常出色💕💕

#十三么 🍜 ($66) (3/5)十三么其實有手撕雞、雞叉燒、糖心蛋既粉絲拼米粉🐥 雞肉質算軟淋🤤 但無咩味🤣 而且個湯底偏油🤔 食完有點口渴😳-#手撕雞伴雞油飯 🍚 (大/$48) (2.5/5)手撕雞係不錯🐥 份量算多☺️ 但個雞油飯好淡味🤔 要靠醬汁調味😳📍旺角通菜街1M-1T號華發大廈地下C號舖🚇 油麻地站A2出口

今天想吃熱騰騰的東西，看見似樣便走進去。先送來一杯熱茶，一看內裏是三角形茶包，入口茶味甘香，是好的開始。突然又送來裝飾不錯的蝦片，友人吃完，囗感不錯，脆脆的。我點了十三飛，內有牛腩粒，肉質淋和入味。安格斯牛片，不會韌 ，牛肉味濃，有三大片。塘心蛋水準不容，旦黃流心，旦白滑嘟嘟。米粉入味 粉丝吸收了牛湯精華，好吃。配菜有芹菜粒、芽菜、腸粉粒。湯底牛味濃，正合我愛吃牛的我！友人點了雞絲陽春麵。温度比牛米熱，雞湯特濃，雞絲份量適中，配合椰菜絲一起，是秋冬暖胃的好選擇。

首先裝修係好有心思，淨係杯茶已經唔hea，仲有炸蒜片小食餐牌上食物名都有心思，朋友愛食牛，所以叫十三飛，而且有安格斯牛，我就叫十三么有雞。 星期六2點不算多人，可能我哋坐緊門口，老闆娘返黎見到就好主動幫我哋移開檯面多餘既既調味，仲好無架子咁介紹我哋食佢地自家辣椒醬，麵一上檯我馬上打開辣椒醬綠色好少見點知一試有驚喜，好特別醬唔油，辣得黎唔會好口渴果然無介紹錯雞叉燒好出色好正，第二度食唔到，湯絕對無味精好好飲，糖心蛋無得嘆朋友食安格斯牛好正好爽，讚下粉絲+米粉好特別，份量好夠好飽肚好滿足，員工都好殷勤幫我哋加水，非常有誠意一定要encore

早前在順德試過十三姨私房菜，實在好吃得難以忘懷。經過旺角的小巷，竟然也有一家叫十三姨的食店，心中興奮，難道在香港也能再嘗到十三姨私房菜的味道？仔細看看菜單，不是呢，是一家以麵食及飯為主的餐廳，不過裝潢別緻，於是一直把它收藏在我的想吃名單中。今天與中同聚會，就提議一起去嘗嘗吧。七時多到達，已有一群群食客在門外等候，大概半小時後我們便入座了。剛坐下店員便送上炸蝦片，好讓我們在等待期間解饞十三姨的食物都頗有特色，我點了炙燒手撕雞湯粉絲。先說湯底，對我而言，湯底味道豐富濃郁，帶有咖哩味道，很上癮。也嘗了口朋友的牛肉湯底，更是充滿濃濃的牛肉味而雞肉頗有驚喜，帶有炙燒的香味。較特別的是每碗麵都附有三條腸粉卷，雖不知其用意，但挺特別的。餐廳的調味料亦別具心思，例如較濃稠的甜醬油、獨有的十三姨辣椒醬，放進麵裡拌著吃也十分合適，不過味道較濃烈。炙燒手撕雞湯粉絲 $60總的來說，我和朋友都覺得可以再來一吃！

難得一見的餐廳，由餐單至食物製作配料看得到的誠意，湯頭如家作，并且維持一定的水準。是本人的心飯堂。奈何最近中午堂食叉燒雞飯，竟由微波加熱，仲要過度加熱，十三姨其實可以更加尊重自己製作的菜餚。

晚上放工同朋友約喺旺角食飯，一於試吓呢一個近期網上超紅嘅鵝肝飯一坐低已經送上自家製炸蒜片，老闆娘仲介紹話係早上炸好，比普通蝦片更加惹味，食唔停我哋叫咗三樣嘢食，鵝肝飯，串燒，涼拌蔬菜串燒雞軟骨同串燒雞腎一般串燒雞軟骨都會有啲乾，但呢個好Juicy ，香料粉味道都好特別鵝肝飯鵝肝煎得超香脆，亦都10分肥美唔係乾爭爭嘅鵝肝，加埋啲配料食真係超級好味，絕對對得起呢個價錢涼拌蔬菜清甜又唔會太淡，用來配鵝肝飯剛剛好呢一間十三姨睇得出佢真係好用心製作，由餐具到食物都睇得出老闆娘對食物嘅熱愛，絕對可以一食再食

十三姨．重口味飯📍星期五夜晚等左二十分鐘先入到😢 入到去一坐低就請你食十三姨蝦片醫下個肚 味道都係同一般蝦片咁 重頭戲黎啦！📍老闆娘鵝肝煎蛋撈飯 $108 （3.8/5)鵝肝好juicy😭！！一食入口好有surprise🤩撈埋隻蛋 每啖都好豐富 但食食下就會覺得好油膩 同埋愈食愈咸 所以建議撈飯嘅時候 唔好撈埋XO醬！ 咁樣應該會好好多！📍手撕雞伴雞油飯 大 $48 (2.5/5)Dinner黎講 呢個價都算親民 但味道就唔係好特別 同埋都幾油下😢 手撕雞又係好普通 呢個有啲失望😞串燒系列 $15 雞軟骨 小辣 （4/5)雞腎 小辣 (4/5)兩個串燒都好食！個人認為點都要嗌黎食！ 啲串燒粉灑落雞軟骨同雞腎又好味左！🤩整體黎講可以一試 價錢都唔算貴！一定要食鵝肝飯同埋串燒😋

之前身體抱恙，之前未能與友人吃這間旺角十三姨，昨晚剛好要到附近辦貨，一於試試它。二人點了手撕雞伴雞油飯($48，大碗)及十三么($66)。手撕雞伴雞油飯的雞絲質感不錯，肉絲夠粗，咬時會有少少鹹香；整碗飯的精粹為炸蒜及青蔥帶來的香氣，與雞油適當混合，減了膩感；飯質較硬，如更軟更好。十三么實為手撕雞、雞叉燒、溏心蛋，配以雞湯底的粉絲拼米粉。雞叉燒適當火灸，雞質嫩滑；雙粉滑溜，吃時竟出現腸粉，有驚喜；惟湯底較濃味，幸好附送的熱茶清新解渴。另外，餐前送的蝦片雖然有點油膩，但非常脆，非常邪惡。女人街中的上店，值得鑽進去尋尋覓覓。

十三姨在女人街旁的食店。很久沒在女人街覓食了，今竟然一個雞油飯吸引左我去。其實女人街兩旁都有好多選擇，有啲都開左幾十年，以前成日都幫襯。而十三姨呢，就比較近登打士街個邊。本身以為係小店，但入到去都覺得裝修唔錯，環境算舒服。一坐低就俾左兩杯熱茶，每杯都有個茶包，味道清香。另外，竟然有餐前小食，係炸蝦片，估佢唔到。我地叫左一個飯，一個麵。飯呢就揀左手撕雞伴油飯（大$48）本身我就好重口味，但係香港唔係多地方專整雞油飯。之前去越南食過，好想試下係香港搵返呢個口味。個飯來到，都幾香，除左手撕雞，重有炸蒜同蔥伴飯，炸蒜味道合格，但唔算係勁好食。但由於我太重口味，所以拎多左炸蒜，服務算唔錯。服店員有叫我地配合個醬油，我倒左少少試，似壽司醬油，覺得唔特別夾就無再用。食到底就會見到有雞油係碗底，唔怕肥其實可以一早撈！至於麵我地揀左十三么，即係有手撕雞、叉燒雞，糖心蛋再配粉絲拚米粉。呢合種配搭令我想起馬來西亞啲福建麵，麵底玩兩溝。上麵時係熱辣辣嘅鍋底！先由湯底講起，係濃味，但唔算話一試難忘。而糖心蛋尚算合格。手撕雞、叉燒雞份量足夠，反而麵底令我有驚喜，因為兩者都係較為幼身嘅麵，兩者混合又出奇地夾，即使我

見到各大社交媒體專頁都推介過嚟呢間嘢食好出名嘅手撕雞雞油飯， 有一日得閒就約咗朋友去試下。我係中午去到有套餐， 掙扎緊食雞湯麵定係雞油飯， 最後揀咗食手撕雞油飯。先講賣相，幾靚嘅，但食落去其實啲雞有啲乾有啲硬而且冇乜味， 碗飯食到最底好多油，好似油泡飯咁， 但食唔出雞油香，有啲失望。另外加錢加咗三片雞叉燒， 但極度難食好重灸燒味又凍冰冰，唔建議加。唯一值得一讚嘅係呢度個環境唔錯 ，幾古色古香， 而且會提供熱茶畀你飲， 如果真係好想試或者hea下都ok既。