十三姨 (通菜街)

营业中

休息中

有次放工7點幾黎到已經排緊長龍，是日週末十二點半就完全唔使等位😄餐廳裝潢仿古，深色木檯、木板凳、太師椅配上仿燈籠造型既吊燈都好有古色古香既感覺，喺通菜街算係異類。檯面仲有迷你木屏風比人拍食物照，好細心。手撕雞拌雞油飯 (大) $48 - 成碗食落有啲乾，唔係好覺有雞油，熊生話麻麻地，仲要叫左大碗都唔夠飽😅十三么 $66 - 配料有手撕雞、雞叉燒、溏心蛋，麵底則係粉絲拼米粉。依Menu指示，先試啖湯，幾鮮甜；飯後冇口渴，應該冇味精掛？擠左青檸汁、加左甜醬油又唔同左味！最喜歡既食法係夾一住麵落匙羹，加小小湯同炸蒜，一啖食晒佢☺️ 除左麵，仲有幾件腸粉，係就係特別，不過感覺唔多夾呢。手撕雞索左湯撈粉食好好味！雞叉燒都唔錯，每片都輕輕炙燒過，唔鞋👍🏻 我時不時都會食到親戚由鄉下帶番黎既自由放養有機雞蛋，蛋味好濃、冇腥味；今次食落依度既日本無激素雞蛋，就好似同普通蛋冇咩分別呢。雞飯有待改進，雞麵可以再戰。不過食完要買野飲同雞蛋仔加餐🌚

好耐冇黎女人街食 諗著睇下有冇新鋪啦 如果冇就同朋友食譚仔見到呢間十三姨 裝修幾特別 入面又幾多人應該唔會伏啦😝餐牌唔多選擇 不過都岩食嘅 一人叫一碗試下餐牌寫麵可以轉粉絲喎 少見呀 仲有唔想食澱粉質又可以轉四蔬 都幾體貼每位比左一杯茶，個茶包好多茶葉👍🏻叫左碗雞义燒，料都幾足上菜時有埋檸檬比你擠汁配黎食台面仲有自家制辣椒，都幾辣！正嘅配菜又多，蒜香好濃，有我鐘意食嘅芽菜仲有跟埋糖心蛋😋食落仲發現有3粒腸粉 好新奇😂熱鍋上所以邊食邊出汗件雞义燒燒過都幾香，算滑，幾好食

👁‍🗨 十三么 💲66自四月開張後名氣一直高企既十三姨，星期五晚去到都排左半個鐘左右👉🏻👈🏻本身其實想叫手撕雞伴雞油飯，但係隔離檯啱食緊呢個飯既人兄聽到我同朋友既對話後，面有難色咁奉勸我地叫其他粉麵，所以我諗諗下改左要十三么😳😅呢個手撕雞連雞皮，帶有炙燒既味道，可惜份量比較少，而雞叉燒就有少少肥，但嫩滑香口🐔溏心蛋唔係特別流心，始終比唔上日式拉麵店既🤣仲有芽菜、新鮮蔥、炸乾蔥、滑溜腸粉，不過銀針粉唔算多🙈至於湯底會比較清，平時食開淡口味既我覺得還好，如果重口味人士未必滿意個湯，檯頭有秘制甜豉油、辣椒青醬等等，可以自行加調味💁🏻‍♀️🔛 整體評分（7/10）

表妹話哩間舖最近係網上好熱，所以約我一起去試一試，哩間舖係女人街旁邊，我地雖然無去過，但都好快搵到，唔難搵。我地排隊幾分鐘就有位，坐低環境幾好，坐低就有熱茶。然後我們就點了兩個十三幺，同埋一個手撕雞伴雞油飯。等左十分鐘來左一碗十三幺，跟住我地霖住等埋一齊食，所以就無食住，然後再等了十分鐘，其他台比我們後來的都上了，我們就叫服務員催單，然後再過十分鐘，我地再催，居然話無落到單，然後補落單，跟住飯來啦，跟住居然又來問多次我地頭先係差一份咩麵。我地唯有食住等，碗麵好多油，但味道唔錯，賣相都幾好，碗手撕雞伴雞油飯真心好食，唔係特別油，蔥花加手撕雞加炸蒜再加雞油，真係無得頂！雖然味道幾好，但講真，我本身都肚餓，等咁耐都算啦，我催幾次單你先同我講漏單，我都真係嬲嬲🐷，所以，哩間野無下次

「十三姨」是黃飛鴻電影的角色，由大美人關之琳飾演，而來到旺角女人街這裏，十三姨便是一家專賣雞湯麵的小店。據餐紙上的介紹，十三姨的湯頭具南洋特色，在六十年代已經營麵店，輾轉之間把獨特的Soto Ayam秘方流傳到這代。什麼是Soto Ayam呢？其實就是印尼菜中的雞肉湯，配料見下文介紹。近兩年來拉麵及越南河當道，專做印尼雞湯麵的可以說是只此一家，未免帶些期待。十三幺以雞肉為主的湯麵取名十三幺，頗具本地特色，實情卻是南洋風味的Soto Ayam。先嘗一口湯底，雞湯味不太出，反之是丁點咖哩湯和椰奶味，可是整體來說比較稀，放檸檬汁及甜醬油會稍為好一點。後來跟著店家推薦加入秘製青辣椒，怎知弄巧反拙，味道變得又奇怪又辛辣，不加更好。配料方面則有雞叉燒、手撕雞及溏心蛋半隻，未見特色，附帶的芽菜、炸蒜等亦沒什麼提味作用。粉麵類型可以自己配搭，有供應銀針粉是驚喜之處，始終坊間已越來越少。老闆娘鵝肝煎蛋飯一開始認識十三姨這家餐廳，也是因為見到此「邪惡之物」，我更稱它作「升級版頹飯」。其實這飯不過就是煎一煎蛋和鵝肝，配些炸蒜蔥花，非有什麼特別烹調方式或調味。只能說蛋是煎得好，其餘的就普通罷了，毋需期望過高。

十三么🍜🍜～～～～～～～～～～～～～～～～～～‪旺角難得有充滿中式味道嘅食店‬👍今次試左十三么。材料包括手撕雞、雞叉燒、糖心蛋、粉絲拼米粉。Fusion味濃嘅Soto Ayam湯麵, 即係印尼嘅經典麵食, 雞湯係用龍崗雞，連埋番茄、石栗、香茅等10幾款香料. 第一啖先品嚐湯底原味，然後可再按個人口味加入檸檬、甜豉油提升味道，嗜辣之人更可品嚐擺放喺枱上嘅自家製十三姨辣椒醬。經灸燒過嘅手撕雞好香口，有啲位更有少許焦脆感，層次豐富。另一亮點在於湯麵中居然有腸粉粒，既有咬口. ～～～～～～～～～～～～～～～～～

手撕雞雞油飯 ($48) + 65慢煮蛋 (+$12)評分：8/10.見到有人去呢間隱藏係女人街小巷嘅餐廳食雞油飯。個飯真係非常之惹味嘅 😍 唔會話食到成口油淋淋咁，但係有炸蒜絲送飯好香口 😋 手撕雞嘅份量比較少，不過碗飯份量都幾多吓。其實睇完 Menu 後發現其實呢到嘅招牌菜係手撕雞湯麵而唔系飯 (寫到明飯係配角 😅) 但我覺得其實飯可以食到雞嘅精髓一樣有佢嘅特色。反而隻蛋真係吹大咗。其實不過係溫泉蛋一隻，要加成$12 感覺俾人徹底 lurk 水咗。

十三姨係女人街一旁既食市，唔難搵，由地鐵慢慢步行十分鐘左右就到。同朋友兩個人黎食，點左以下菜式：1. 鵝肝剪蛋飯2. 十三么- 雞肉叉燒&手撕雞麵3. 柚子梳打3. 黃牛食物水準都好好，特別既係，無諗過$108既鵝肝飯真係好同張相一樣咁大塊之餘，入面仲真係煎到有流心。不過如果唔選擇同朋友share 黎食，可能食哂一個就太飽太濟。另外飲品都好特別，黃牛係芒果味雪糕加忌廉，甜度適中，但個人就覺得食野時又要飲哂全杯真係太多了。至於柚子梳打，佢其實係好普通既配搭，但佢竟然可以提供成樽鹽俾你自己慢慢倒，包你倒到岩口味為止！鍾意食鵝肝既朋友不妨來試試喔！

好搞笑的店名，令人諗起想當年既黃飛鴻笑傳。哩個店舖最主要係賣麵食，雞湯同牛湯底兩款選擇。我地今晚點了各一碗，起名十分搞笑，叫十三么和十三飛。十三么所有湯麵都是用燒紅左既鐵鍋盛住，但係我地覺得此舉雖然能保持溫度，但有兩個缺點，第一，會容易辣親手。第二，湯麵只到鍋既一半高，食起上來頗麻煩。講番碗麵，雞湯十分有雞味，但略嫌太油，只要跟餐廳既建議下點甜醬油的話，整個湯底味道就豐富好多。最有驚喜係炙燒雞叉燒，其實係將雞卷起再慢煮切片，非常嫰滑可口，仲有超香濃既炙燒味。而麵條係米粉拼粉絲，好中意兩種口感一齊食十三飛牛湯底相對地比較清甜，但係湯底下點甜醬油後，又再味道提升。驚喜又係來自配料，手切半生熟安格斯牛肉非常鮮嫰好味。實在可媲美不少有名的越南生熟牛河的牛肉。配上銀芽一齊食係非常無敵的配搭。麵條可轉陽春麵，但口感有d似河粉，不是煙韌的那種。這家店的湯麵都是用心思去做的，湯底很濃郁但比較油膩，不過都是值得一試的。

旺角人多車多地方細，人大了，冇咩特別事都唔係太想去，專登去搵食就更少，因為印象中有質素的都唔多。不過凡事無絕對。繼食過「好燒式」的串燒眼前一亮之後，今趟就到位處通菜街的「十三姨」，由於被擺路邊的檔販擋住，所以唔多起眼，但當日去都要排左一陣隊先可入座。佢主打湯麵，輔以兩款飯類同串燒。因為排隊時見到兩款飯的名稱已經覺得吸引，所以今趟就先不吃麵。老闆娘鵝肝煎蛋撈飯（$100）已經係全場最貴菜式，有3大塊好厚身的鵝肝、煎蛋、京蔥、炸乾蔥同XO醬。我建議先保留一塊鵝肝，然後將其他配料同飯撈勻，食的時候先再夾少少鵝肝一齊送入口，咁就更清楚品嚐到鵝肝唔到質感，味道更香。撈勻的飯被鵝肝油包圍住，加埋炸乾蔥的香口，京蔥同XO醬的微辛，仲有濃郁蛋黃汁，每一啖味道層次好複雜，但好滿足。手撕雞拌雞油飯（$35）的分量就冇咁多，材料亦簡單只得手撕雞、炸乾蔥、雞油同飯，但呢個比鵝肝飯更驚為天人。乾蔥固然係香的來源之一，混入飯粒的雞油更係畫龍點睛的神來之筆，香到不得了，已經顧唔到甚麼膽固醇呀肥呀之類，只想一粒飯都要食清。手撕雞雖然已變成配角，但都係嫩滑有質素的，呢碗飯，不容錯過。見到飲品欄有樣話梅可樂（$18），貪

其實由四月到依家都幫襯左不下十次，見證住初初唔多人食，到依家要排隊等位。不過唔知係唔係因為人多，食物質素稍微下降左😢不過味道都依然出色，比一般粉麵更得我歡心，寧願比貴小小都要食呢間。主打雞湯同牛肉湯。手撕雞湯米粉👆🏻十三么👆🏻我幾乎次次黎都嗌十三么，入面有齊手撕雞，雞叉燒，糖心蛋，粉絲&米粉，每樣份量都多，非常足料。雞湯湯底清甜，又唔會特別淡，配上椰菜咁食幾清新。手撕雞同雞叉燒經炙燒過，味道更香濃。上等牛肉湯麵👆🏻湯底比起雞湯更香口，但濃而不膩。我最鐘意安格斯牛肉，牛味濃郁，生熟度岩岩好，唔會好un。每次黎都一定要叫杯菊花蜜，清甜且冰涼解湯，夏天飲真係一流，但計埋服務費就略嫌價錢比較貴，食個粉連飲品都差唔多九十幾蚊😢-可能以前做得太好，近期食返十三么覺得味道稍微遜色左，雞湯味道冇以前咁香濃，希望黎緊會有改善啦，會繼續支持既😝

本人對限量供應里樣野有莫名的興奮，見到都好想收歸己有🙈就因為里張紙，我。。我就決定左我的晚餐每人一個茶包，幾清新，應該唔係單一茶葉，加左三四次水，茶味🍵都好濃👍🏻望到隔離桌啲食物份量好像好少，所以叫埋串燒頂下肚（必須兩串起點）一串豬頸肉-好淋好入味💯一串雞軟骨-有少少硬，味道可以餐牌有教學，教大家點食最好味上等牛肉湯麵🍜最喜歡啲牛肉唔係全熟禁上，用個鐵鍋的餘溫，把牛肉慢慢吹熟，所以啲牛肉係剛剛好熟，而且非常軟❤️陽春麵我開頭以為係雲吞麵個款，原來唔係，係一般食台灣牛肉麵個種質地*里碗係男朋友點的，佢禁細食都話岩岩好咋，所以奉告各位男士，一係就叫多兩串串燒，一係就加$35叫多個雞油拌飯，如果唔係夠鐘還桌都未食得飽😅*有甜醬油同秘制辣椒🌶️可以自行為湯底調味，岩晒重口味人士，不過我個人覺得個湯就禁飲已經好夠味（食飽之後無口乾，應該味精唔多）但是如果真係加啲話，我喜歡💕辣椒🌶️多一啲*大家小心唔好加太多，因為裡面除左有指天椒外，重有泡椒，小小已經好辣嫁講到禁鐘意限定，無理由唔食佢地的炙燒手撕雞🐤🐣里個主打可能對佢期望太高，有啲失望😞湯底清得有點過份，連椰菜的甜味都無，真係要加甜醬油加辣椒先得👎🏻可

本身睇介紹見到，今日係開旺角特地去食下，見到介紹講$35,去到見價錢有少少出入，細碗$28，大碗$48另加一收費。坐底見裝修都幾有心思，個杯做到好似個木桶咁，幾得意，仲有店名係上面。其實呢度原來主要食湯粉👀不過lunch唔想食太貴，所以都係食本身吸引我黎食既手撕雞飯，因為一個湯粉連埋加一都要$60-70。我叫左個細既試，叫左走蔥😅好似少左d顏色無咁靚仔咁，可惜我不吃蔥。咁佢枱面有支專for手撕雞飯既豉油，店員有提示我地淋d豉油上去。飯係珍珠米，有d炸乾蔥咁既野，都幾香既，手撕雞食得出雞既鮮味，味道都夾既，不過如果雞絲多多少少就好😯另外試左佢個特製辣椒醬，係綠色架👀都偏辣似剁椒，如果唔食得辣就試一點點好喇💁🏻‍♀️同行朋友就叫左個大碗，其實都唔係差好遠咁。佢食完話唔夠飽😂下次會想試佢個鵝肝飯的說🤔不過等晚餐先食😂

正系到思考緊個世紀難題，今晚食乜好？就見到呢間新開既十三姨啦！(=ﾟωﾟ)ﾉ！裏面以中式復古做設計藍本，營造一種古色古香嘅感覺。坐低之後會奉上一杯茶，吾洗比茶錢架，因為呢到有加一服務費，應該包埋架啦。餐單種類吾多，以粉麵為主。飲品都比較特別，黑牛、話梅可樂等都吾系好多餐廳有得供應。小編叫左兩串串燒做前菜，一串 雞腎(hkd$15) 一串 雞軟骨(hkd$15)。燒既火喉剛好，但落得太多鹽，顯得比較鹹。 上等牛肉湯麵(hkd$68) 主要材料有安格斯肩胛牛肉、糖心蛋、陽春麵。味道比較清淡，但飲得出湯底系經過長時間餚製而成，加少少放置枱頭既秘製醬汁同檸檬汁，會入味一些！給小編感覺系幾特別的一碗麵♪(´ε｀ )！老闆娘鵝肝煎蛋撈飯(hkd$108) 系呢間店最貴既菜式。材料有匈牙利鵝肝、煎蛋、XO醬、蒽花。煎蛋以荷包蛋形式呈上，將材料撈勻黎食更香口更入味。而且鵝肝都有好多塊，絕無偷工減料，值得一試٩(˃̶͈̀௰˂̶͈́)و！

經過呢間鋪頭幾次，今次終於有機會試啦一坐低就比杯熱茶你，都幾特別，用立體茶包，茶味一般叫咗個炙燒手撕雞絲湯粉絲，賣相幾靚，仲跟一嚿仔檸檬，比你加落個湯到，冇咁油膩，跟佢指示先飲一啖湯，偏油左d，但個味幾清，雞味比較淡啲粉絲亦都偏淋，但唔會一pat，流心蛋唔錯，整體還可以啦。另外叫咗個細手撕雞伴雞油飯，呢個真心好食，個飯話伴雞油，但一啲都唔油，啲雞絲撈埋啲炸過嘅蒜同埋葱一齊食好好味，成件事好match，下次嚟要食碗大既。