影片
更多
2018-10-06
154 浏览
十三姨在女人街旁的食店。很久沒在女人街覓食了，今竟然一個雞油飯吸引左我去。其實女人街兩旁都有好多選擇，有啲都開左幾十年，以前成日都幫襯。而十三姨呢，就比較近登打士街個邊。本身以為係小店，但入到去都覺得裝修唔錯，環境算舒服。一坐低就俾左兩杯熱茶，每杯都有個茶包，味道清香。另外，竟然有餐前小食，係炸蝦片，估佢唔到。我地叫左一個飯，一個麵。飯呢就揀左手撕雞伴油飯（大$48）本身我就好重口味，但係香港唔係多地方專整雞油飯。之前去越南食過，好想試下係香港搵返呢個口味。個飯來到，都幾香，除左手撕雞，重有炸蒜同蔥伴飯，炸蒜味道合格，但唔算係勁好食。但由於我太重口味，所以拎多左炸蒜，服務算唔錯。服店員有叫我地配合個醬油，我倒左少少試，似壽司醬油，覺得唔特別夾就無再用。食到底就會見到有雞油係碗底，唔怕肥其實可以一早撈！至於麵我地揀左十三么，即係有手撕雞、叉燒雞，糖心蛋再配粉絲拚米粉。呢合種配搭令我想起馬來西亞啲福建麵，麵底玩兩溝。上麵時係熱辣辣嘅鍋底！先由湯底講起，係濃味，但唔算話一試難忘。而糖心蛋尚算合格。手撕雞、叉燒雞份量足夠，反而麵底令我有驚喜，因為兩者都係較為幼身嘅麵，兩者混合又出奇地夾，即使我
很久沒在女人街覓食了，今竟然一個雞油飯吸引左我去。
其實女人街兩旁都有好多選擇，有啲都開左幾十年，以前成日都幫襯。
而十三姨呢，就比較近登打士街個邊。
本身以為係小店，但入到去都覺得裝修唔錯，環境算舒服。
一坐低就俾左兩杯熱茶，每杯都有個茶包，味道清香。
另外，竟然有餐前小食，係炸蝦片，估佢唔到。
我地叫左一個飯，一個麵。
飯呢就揀左手撕雞伴油飯（大$48）
本身我就好重口味，但係香港唔係多地方專整雞油飯。
之前去越南食過，好想試下係香港搵返呢個口味。
個飯來到，都幾香，除左手撕雞，重有炸蒜同蔥伴飯，
炸蒜味道合格，但唔算係勁好食。
但由於我太重口味，所以拎多左炸蒜，服務算唔錯。
服店員有叫我地配合個醬油，我倒左少少試，似壽司醬油，覺得唔特別夾就無再用。
食到底就會見到有雞油係碗底，唔怕肥其實可以一早撈！
至於麵我地揀左十三么，即係有手撕雞、叉燒雞，糖心蛋再配粉絲拚米粉。
呢合種配搭令我想起馬來西亞啲福建麵，麵底玩兩溝。
上麵時係熱辣辣嘅鍋底！
先由湯底講起，係濃味，但唔算話一試難忘。
而糖心蛋尚算合格。
手撕雞、叉燒雞份量足夠，反而麵底令我有驚喜，因為兩者都係較為幼身嘅麵，兩者混合又出奇地夾，
即使我係本身唔鍾意食米粉但都覺得唔錯，再吸埋啲濃湯其實係幾好味。
店員有我地試下個秘製辣醬，我有試過，係幾辣，但係我就比較鍾意食原味。
埋單一百四十幾連加一，唔算特別平，但係間唔中行過旺角諗唔到食咩都可以食下！
张贴
