北海道牛乳蛋糕 (莊士倫敦廣場)

营业中

休息中

今日經佐敦站行過彌敦道聞到一陣好香既蛋糕及牛油香就比呢間蛋糕店吸引左過黎.店內有自家工場即製蛋糕或撻類.特濃朱古力蛋糕蛋糕輕盈濕潤,入口好軟綿又唔會過膩.朱古力味香濃但唔會過份甜膩而且蛋糕內帶有粒粒半溶既朱古力粒令味道更濃郁.新鮮室溫食同放完係雪櫃出黎既味道同樣香甜,蛋糕唔會因為雪過而變得乾硬.香橙朱古力撻撻底牛油味香而且撻底唔會過厚,入口酥香.面層既朱古力底下帶一層帶清香既橘皮味,酸酸甜甜再配上濃香幼滑既朱古力平衡返種甜膩感.紫薯撻一捲紫薯蓉山上加上一層忌廉而且帶有一片金箔.紫薯蓉帶淡淡紫薯甜味,入口香綿加上忌廉後整體更滑.撻內亦帶一層吉士,creamy香滑帶蛋香.蘋果金寶撻帶住一層層由牛油麵粉疊高既塔,入口牛油味醇香而且酥香鬆脆.內裏帶住粒粒酸酸甜甜既焦糖蘋果粒及提子乾,配上牛油撻相當配搭配又唔會過膩.

呢間北海道牛乳蛋糕啱啱開始試業，但由於之前路經時已聞到好香的烘焙蛋糕的味道，令人不得不食指大動！之前已幫襯過幾次招牌酸芝士撻和玫瑰拿鐡，覺得已超越大部分同行的水準，簡直係誠意之作！加上價錢實惠，同Pxx & Txx相差無幾,但其實已經係網紅打卡之作昨晚和朋友和她的小公主在附近食晚飯，醒記起小公主前日生日，突然忽發其想,將精緻美味的蛋糕變成她的3⃣️歲生日禮物🎁幸得善心盡責的職員朱古力的協助，順利為小朋友舉行了一個簡單又好味嘅生日party🥳小朋友尋晚好開心，手舞足蹈咁，衷心感激各位的參與🙏🏻

中午跟朋友吃完午飯，還有點手尾需要回到家中繼續完成。路過這間甜品專門店剛巧出爐，被味道所吸引，便決定買一些與家人分享。店內也有不少的位置可以堂食，還有咖啡等飲料。特濃流心芝士蛋糕 - $110日式芝士蛋糕有濃郁的蛋香奶香不在話下，質感比起美式芝士蛋糕相對得鬆軟輕盈和柔滑細緻，毫不膩口。這款特色蛋糕的底部充滿特濃的芝士，更有少許流心效果，若用微波爐翻熱應該會更加惹味。不用冷藏，於室溫即可，可存放兩日。酸乳酪芝士撻 - $22中央的酸乳酪芝士有點像半熟芝士，質感半溶化，入口細膩即化，有點乳酪的酸味。曲奇餅底很鬆脆，充滿牛油香味。芝士蘑菇豚肉批 - $22有點像香港傳統的雞批，不過換成日式的餡料。餅皮酥脆散發豐腴牛油香，皮少餡多，滿口也是肉。

好耐以前喺旺角已經見過呢間北海道牛乳蛋糕，嗰陣一路想試吓啲撻，但每次經過都太飽冇試到。今次同幾位朋友經過佐敦嘅時候，發現原來呢度都有呢間北海道牛乳蛋糕，仲要有位坐添，就即刻買返幾個撻同個蛋糕share住試吓啦。玫瑰伯爵芝士撻$25芝士撻上面有玫瑰伯爵味嘅cream，一路食一路感受到玫瑰花香同埋伯爵嘅茶香，當然唔少得就係芝士味啦，多重味道，好味。廣島檸檬撻$22檸檬撻酸酸甜甜好清新，食極都唔厭。同埋呢度啲撻普遍都好大件，每人食一件其實都飽。沖繩紫薯撻$22係芝士撻上面再有一大堆紫薯同埋creamy嘅忌廉，紫薯蓉有好多，超級足料，又唔會好甜食呢個真係唔會唔飽。特濃芝士蛋糕$110呢個蛋糕拎出嚟之後，我先發現原來比我想像中大件，目測起碼有八吋嘅直徑，超級抵買。蛋糕入面有起碼兩種唔同嘅芝士夾心，食落芝士味好濃。蛋糕嘅面層亦都有一層焗過嘅芝士碎，真係話不愧為特濃芝士。

佐敦開咗間北海道牛乳蛋糕店，門面好光鮮，仲見到員工喺度整蛋糕，睇落好新鮮～ 除咗一個咁嘅蛋糕之外仲有唔同既撻類同埋泡芙，仲可以有座位即場品嘗.北海道原味泡芙超巨型，大大裡面很多奶油，直接吃，可以當雪糕而忌廉餡香濃幼滑.酸乳酪芝士批，幼滑嘅酸乳酪同芝士比例岩岩好，唔會太黏口而牛油曲奇皮夠香酥.冰鎮檸檬吉士撻，牛油曲奇皮配上酸甜清新又細膩的檸檬饀，好岩炎夏，冰凉酸甜，食多多都不會膩.流心芝士古早味蛋糕上層有D芝士粉，雖然其貌不揚但帶有濃濃蛋香而口感係軟熟得黎有D扎實、奶香味濃郁、咬落啖啖咸香芝士拉絲，好邪惡

依家係旺角經過必定留意到，今次開到黎佐敦😍見新開啲野食岩岩出爐就黎左買😎行近啲先知原來所有野食都不停甘keep住整😍所以買到熱辣辣既撻一啲都唔奇🤪.🥧照燒牛肉批 $22店照極力推介😍個皮係帶有酥皮feel🤫個牛肉極大舊🤪最重要‼️係啲味好夠，唔會話好鹹，不錯.🥧金寶肉桂蘋果批 $25肉桂味都幾重，蘋果粒粒都有好多，好足料😇.🍰北海道芝士蛋糕 $110蛋糕好鬆軟😻帶有少少濕潤‼️芝士沉咗係底😂但整體來講都好夠鹹香味😎

係尖沙咀行完街，打算搭巴士返屋企之際🤩我既視線俾呢間主打用3.6北海道牛乳製既蛋糕店吸引住，結果就入去買左幾件返屋企孝敬下倆老🤣玫瑰伯爵撻（$25）最上面既cream好滑，好香伯爵茶同玫瑰味，下面既應該係加左芝士既撻面🤩酸酸甜甜，有種加左檸檬既感覺，餅底鬆化，重牛油味且微甜💕食完都冇咩罪疚感 ✨外賣返屋企建議雪返凍d先食金寶肉桂蘋果批（$25）批面既粒粒好香脆，中間既蘋果粒有淡淡既肉桂香，好香甜👍🏻而牛油批底同樣鬆化照燒牛肉批（$22）食到有芝士/燒牛肉粒/洋蔥/火腿，帶胡椒的微辣，而且中間d料係有少少creamy，應該係因為加左花生醬，都幾香，外層酥皮好鬆化👍🏻特濃流心芝士蛋糕（$110）蛋糕好濕潤，中間既流心芝士微咸，配上甜甜地既蛋糕，好正👍🏻就算買左返來幾個鐘，都仲係流心咖🤣叮返熱一定好正💫 蛋糕店入面係有堂食咖，好岩行街行到攰時入去tea一tea

同朋友行街行到咁上下🛍 路過呢家蛋糕店💁🏻‍♀️好多蛋糕🍰同撻🥧吸引左我地既眼球👀之前都唔發覺呢間蛋糕店 新開的🎊但原來入面仲有得坐🪑chill下涼下冷氣🌬飲下咖啡☕️tim架👍🏻較為吸引我地既 就當然係岩岩出爐🔥既酸乳酪芝士撻🧀想話尋找返當日北海道🇯🇵之感覺🤤(希望)門口Cashier位💰仲不定時會擺方唔同口味既蛋糕🍰可供試食架😋🧀酸乳酪芝士撻 $𝟸𝟸比起芝士撻🧀多左d(好少)酸乳酪味 令到成個撻更有層次感 唔會太過’流’唔似得平日既芝士撻 淨係得芝士味咁悶🧀唔錯唔錯😋加上新鮮出爐 無得輸呀👍🏻☕️𝙲𝚘𝚏𝚏𝚎𝚎 𝙻𝚊𝚝𝚝𝚎(𝙲𝚘𝚕𝚍) $𝟹𝟾🍵𝙼𝚊𝚝𝚌𝚑𝚊 𝙻𝚊𝚝𝚝𝚎(𝙲𝚘𝚕𝚍) $𝟹𝟾👆🏻2杯奶味都好夠📍北海道牛乳蛋糕 (佐敦) 佐敦彌敦道219號莊士倫敦廣場地下G03號舖⃯…⃯…⃯…⃯…⃯…⃯…⃯…⃯…⃯…⃯…⃯…⃯…⃯…⃯…⃯…⃯…⃯…⃯…⃯…⃯…⃯…⃯…⃯

見到佐敦呢間開咗冇耐嘅餅店，裏面的食物也是由日本原材料製造，賣相都幾精美，價錢都合理，我哋就買咗個蛋糕同埋幾件凍餅返屋企同屋企人一齊食。店舖外有個黑板，會寫住蛋糕嘅出爐時間我哋先決定買一個濃朱古力蛋糕味道都唔錯，唔會太甜，適合做早餐或者茶點朱古力味道十分香濃，亦帶有橙嘅香味，橙同朱古力嘅味道配合得非常之好。靜岡抹茶忌廉味道都幾重，配合埋軟綿綿嘅紅豆粒，都幾好味。呢個比朱古力撻會清新一點。喜歡食沖繩紫薯的話，這個係很好嘅選擇。紫薯嘅份量好多好足料，甜度適中。店舖內其實仲有坐低食嘅位置，感覺都幾舒適，環境都幾寫意。另外，收銀處旁邊亦都有新鮮出爐嘅蛋糕試食。顧客可以品嚐下自己鍾唔鍾意買一個口味嘅蛋糕再決定購買。本身今次都想食下鮮奶撻㗎, 不過好似已買得太多🤣留待下次再嚟幫襯啦

佐敦新開嘅呢一間北海道牛乳蛋糕店，唔知係咪因為新開張，超級多人排隊，而且入面仲有得坐，等人或者行街行到攰嘅話，入嚟食返個小蛋糕，或者撻，都舒服晒啦！呢度嘅蛋糕唔似出面嘅古早味蛋糕，反而係比較creamy chessey嘅口感，比較軟身，味道都好重！我自己就買咗呢一個佢哋招牌嘅芝士牛乳蛋糕，入面嘅芝士係流心咖，芝士味超級重，成個蛋糕8至10個人分都得，真係好抵食！我自己都買多咗一個撻黎食，因為見到真係好吸引，呢個靜岡抹茶忌廉紅豆撻，個人好鍾意佢嘅抹茶味，係苦苦甜甜嗰種，抹茶味亦都唔會蓋過啲紅豆味，個撻底都幾好食，牛油味好重！

今日經過佐敦，發現了呢間新開主打用北海道3.6牛乳製造既蛋糕，經過門口已經聞到陣陣好香既蛋糕味，令人留哂口水。呢間旺角都有分店，但只供外賣，而佐敦呢間係可以堂食，內裏似cafe咁。蛋糕同撻既款式好多，睇到花多眼亂。門口會擺放住蛋糕新鮮岀爐既時間，好細心，入面係開放式廚房，見到個師傅係全人手製造。店員服務都好好，會主動介紹招牌款式，推薦左我地試流心芝士牛乳蛋糕，價錢好抵，都係$100左右，但個size好大個，食落好軟熟，充滿蛋香，仲建議我地可叮返熱或焗熱個蛋糕，口感更佳，整熱左真係有流心效果，更突出芝士咸香味，好好食，果然無介紹錯！另外要左紫薯芝士撻、抹茶紅豆撻、同玫瑰伯爵茶芝士撻，每款賣相非常吸引，撻皮夠香脆，值得一試！

由於好想食芝士蛋糕就發現有一間新開嘅餐廳喺佐敦，一開始已經比佢個名吸引住。由於係一個日本狂迷嘅我哋❤️ 見到「北海道」三個字已經好有好感。見到佢哋嘅特濃芝士蛋糕🍰($110 原個蛋糕）非常之吸引，面頭已經鋪滿脆卜卜嘅芝士脆🥳 估唔到蛋糕中間仲有鹹芝士，少少留心，但係芝士味非常濃郁，好芝味呀連我老公咁高要求都鍾意食。而蛋糕嘅質地好鬆軟，好moist !食完一啲都唔口乾！ 另外佢呢度好多甜品都好吸引，叫咗個玫瑰伯爵茶芝士撻，伯爵茶非常清新，好夾芝士味，茶味香濃，cream 好滑🥰買相打卡一流！我哋仲叫咗個沖繩紫薯芝士撻$22 ，紫薯係健康嘅食物，成個芝士撻唔會太甜，芝士同紫薯味道好夾好balance👍🏼 $22已經有高級下午茶嘅享受 下次想試吓佢嘅原味3.6牛乳蛋糕🎂

有日經過佐敦荘士倫敦廣場，發現北海道牛乳雪糕店開了新既分店，上次買佢哋嘅斑蘭蛋糕是在旺角，近戲院那邊，但是呢間店舖除了可以買外賣回家吃之外，店內還設有數張枱及座位可供堂食，方便那些買幾個小pie同tart既人仕坐下品嘗。本想買黃金（咸蛋）芝士流心蛋糕，但係當日剛好賣完，店員話要等一個小時後先至再出爐，甘最後買了原味蛋糕，還附上一小盒鮮忌廉伴蛋糕。蛋糕好軟熟，好香甜，忌廉香滑不太甜，女士至愛！鮮水果甜點卷 - 忌簾軟蛋糕包住新鮮水果，Highly recommended😋靜岡綠茶忌廉紅豆撻 ，本人是綠茶控，撻底好脆，綠茶是香濃的，配上少少紅豆，賣相一流玫瑰伯爵茶撻，整個造型好有少女風，通常嘆伯爵茶既人一定要試吓買左好多，店員細心地用上一個厚實大紙袋裝上蛋糕及tart

性價比高自製CHILL TIME 之選 🍵係屋企用SPEAKER播下LOFI，一路食TEA一路飲花茶原來係好正。我地買左：富士金寶蘋果批酸乳酪芝士撻靜岡抹茶紅豆忌廉撻玫瑰伯爵芝士撻特濃流心芝士蛋糕註：🤩靜岡抹茶撻唔只賣相令，入面係有麻糬好驚喜！🤩雖然伯爵茶撻既芝士味唔算突出，但玫瑰花味好香濃，再配淡淡既EARL GREY味，配埋個花茶飲係好正架！🤩特濃芝士蛋糕既牛乳味好重而且蛋糕綿密，個蛋糕底有層流心芝士，層次豐富。🤩蛋糕店入面可以堂食，以木為主既裝修好和風，唔想自製CHILL TIME可以係鋪頭食！🤢個蘋果金寶雖然味道OK，但撻好容易散開，唔似食緊撻。🌟整體評分：4.042/5

之前係旺角已經見到就好想試，佢好多味嘅蛋糕，egg roll，仲有tart放哂係櫥窗，行過已經好吸睛🤣今次路過佐敦終於忍唔住手🤣🤣🤣門口有寫哂幾點咩蛋糕新鮮🤣好好，你可以就啱想食嘅係個段時間到就食到新鮮焗起嘅蛋糕😙佢同旺角分店有小小唔同！有得坐係入面食添👍🏼入面環境都好舒服，如果同朋友行到攰入去坐低涼下，食下蛋糕都幾唔錯！！你睇吓佢個櫥窗幾正🤣🤣🤣忍唔住手！特濃芝士流心蛋糕 $110佢係一大個，目測8吋size!!!!佢嘅流心同我想像有出入🤣佢原來係個底加咗好多芝士係度，有流心效果！都幾特別👍🏼份量來講，8人食都夠哂食！沖繩紫薯tart $12賣相好得！！！紫薯好好食，唔會好飽！！但tart好似芝士蛋糕又幾好食😋檸檬芝士撻 好清新！！啱晒夏天食！！而且賣相都見得下人！！媽咪很喜歡💕玫瑰伯爵茶撻My Fav!!!!最好食嘅一個！！佢個cream好濃Earl grey!!!!好鬼正！！！！！it’s like earl grey cheese cake🤣🤣🤣🤣🤣👍🏼😚