北海道牛乳蛋糕 (莊士倫敦廣場)

营业中

休息中

今日行經北海道牛乳蛋糕，聞到好香既新鮮出爐蛋糕味。餐廳內有堂食位，裝修有小清新感😀1.靜岡抹茶忌廉紅豆撻 $25表面既忌廉唔會太甜/膩，忌廉下有一舊煙韌既麻糬、紅豆、蛋糕、撻皮，層次豐富😀2.紅桑子朱古力撻 $25紅桑子醬底，同濃滑朱古力交融，酸酸甜甜！😋撻皮薄而酥香👍🏻3.玫瑰伯爵芝士撻 $25同樣地，cream唔會太甜/膩，有淡淡既玫瑰同伯爵茶味，同芝士撻好配合😋4.班蘭蛋糕 $100淡淡既班蘭味，蛋糕質地好綿密，好似食緊蛋白咁，仲有濕濕地既感覺，食完都唔會口乾！👍🏻👍🏻😋😋總結：整體既甜品唔會太甜👍🏻蛋糕質素都幾好。😀

成日行過都聞到好香嘅蛋糕味今次終於忍唔住 幫襯咗啦我哋揀咗一個特濃朱古力蛋糕玫瑰伯爵茶撻 抹茶撻 同蘑菇芝士雞批朱古力大大個成家人食都食唔晒入面係好濃嘅朱古力味仲夾住有朱古力碎真係滿足晒我想食甜品嘅慾望玫瑰伯爵茶撻上面嘅cream好綿密估唔到玫瑰同伯爵茶都幾夾因為食得太飽所以留返個蘑菇芝士雞批聽日放嚟做早餐呢個雞批食完要早餐晏晝真係唔使食飯因為入面好足料 食到淡淡的蘑菇同埋芝士就算個雞批第二日再翻焗都一樣咁好食

這間分店 設有座位 買撻或者蛋糕之後可以坐低吃 又有水提供 自助斟 方便又輕鬆 買個撻可以坐低慢慢食 乾淨企理 真係唔錯 行到攰又或者等人末夠鐘 想食少少嘢就最啱 唔使下下都麥當勞kfc咁悶

公司附近有呢間蛋糕店，見經常都好多人黎買，所以試吓。見到北海道三個字已經覺得夠吸引首先佢個Menu係有好多款選擇，無論蛋糕同Tart，都有超多口味揀。可以留意番佢個出爐時間表，咁就可以買到熱辣辣嘅蛋糕。買左特濃朱古力蛋糕，份量超級大，新鮮出爐所以夠哂熱，蛋糕嘅質感偏濕，所以食得出實嘅感覺，不過又唔會太硬，都有蛋糕嘅軟熟感。成日都食Pie & Tart嘅雞批，而家終於有新嘅選擇。所以試咗佢嘅錦爽蘑菇芝士雞批同照燒牛肉芝士批，沖繩紫薯撻。特別一讚佢個牛肉批，我諗佢係免治牛肉嘅感覺，牛肉味好濃，而且個酥皮係超級鬆，唔係好多舖頭可以做到呢個質素。雞批食落去都仲有雞粒，所以口感比較豐富。紫薯撻就賣相已經好吸引，中間厚厚嘅紫薯，味道非常之濃郁，令人超級掛住日本🥰。整體而言，佢價錢都算比較親民，下次放工可以試吓佢其他蛋糕同撻。

喺佐敦食完嘢見到有間新開嘅餅店，佢叫做「北海道牛乳蛋糕」，舖面超大，門外有大大個蛋糕櫃，陳列出各式糕點，好吸引😍。小店並唔係賣近來開到成行成市嘅古早蛋糕，反而係主打北海道3.6牛乳蛋糕🥛，每日新鮮焗製，總共有六款口味可選，價錢由$100至$130不等。黃金鹹蛋芝士蛋糕($130)，🎂蛋糕好大個，估計直徑約有20厘米，而且仲夠哂高身，食一角都夠做早餐。蛋糕質感鬆軟，好重蛋味同牛奶味。🧀芝士雖則唔太強拉絲效果，但配合埋鹹蛋碎，滲透出淡淡鹹香，味道恰到好處，唔會過濃。金寶肉桂蘋果批($25)，呢類批其實一啲都唔細個，而且仲好足料。🍎頂層嘅金寶非常酥脆，入面充滿住爽嫩富士蘋果肉同提子乾，肉桂味好突出，再加埋吉士醬，正啊。我另外仲嗌左兩款鹹批，分別係🐮照燒牛肉芝士批($22)同埋🐔綿爽蘑菇芝士雞批($22)，兩款批嘅造型同味道都有啲似，店員好細心提醒我面頭有香草嘅嗰個係牛肉批。批層酥香，內裏就夾雜住好豐富嘅餡料，包括燒牛肉／雞肉、蘑菇、火腿、芝士以及洋蔥等，我認為牛批比較惹味。題外話，收銀處後邊就係糕餅製作工場，目測衛生情況良好，透明度高，食客自然食得安心👍。另外，我亦冇諗過小店設有堂食座位，行

Woohoo, 今次終於俾我就岩出爐時間買到佢嘅流心芝士蛋糕啦，不過見到仲有有好多唔同種類既蛋糕所以都一次過買左返去試個蛋糕芝士好好食，返到屋企用焗爐翻熱下就食得，鬆軟可口，唔會太膩，而且入面有芝士流心，味道夠曬濃郁。另外就買左兩個撻，包括香橙朱古力撻香濃既朱古力混合了香橙既香氣，味道剛好!唔會過甜，超級好味！同埋玫瑰伯爵茶撻，將玫瑰同伯爵茶放埋一齊，香氣清幽迷人，外面層撻皮拎到返屋企都仲有小小脆，開心開心

佢哋主打係用日本北海道3.6牛奶做食材，之前去過佢哋旺角店試過檸檬撻🍋同抹茶撻🍵，新鮮出爐真係好rich好好味，賣相仲幾靚幾有心思，依家佢哋响佐敦開咗分店啦🤩而且仲有咖啡☕️，有得坐低慢慢嘆😋👏🏻今次試埋佢新出品，日本3.6牛乳焦糖葡撻，又滑又蛋味香之外，個酥皮真係好正！層次分明做得出色👍🏻🌻另外鍾意食鹹點嘅朋友，可以試吓芝士蘑菇雞肉🐓同埋豚肉批🐷，材料都係從日本🇯🇵嚟架！好講究🤩

甜品定咸批?先生 我地有新鮮出爐既芝士甜品同檸檬撻有興趣可以試下? 簡潔有力既一句開場白,呢度係專賣甜品同酥餅蛋撻蛋糕既CAFE/蛋糕店買完可以坐低慢慢品嚐佢地既即焗美點 剛焗起照燒牛肉批 微微谷起,好飽滿好有精神 烘焗得好脆身,中間係照燒汁做既牛肉餡料微甜帶牛肉油香,加上厚身脆口既批皮,食落都幾有滿足感飽足感整體上水準非常出色,賣相吸引Hokkaido milk cake CAFEShop03, Chuang's Jordan Plaza, 219 Nathan Road評分7/10平均消費$30

請了半日假，番屋企等車的時候聞到隔離傳來好香的蛋糕味，忍不住要打包幾個回家。除了外賣，店內也有少量坐位，適合坐下享受一個下午茶或輕食。🔸北海道牛乳原味蛋糕 $100原個北海道牛奶製作的蛋糕道有好幾款，有芝士的、鹹蛋黃的，全部也很吸引。但第一次食，決定還是選原味，感覺這樣才可以試到該店的實力。蛋糕食落奶味濃郁，而且還充滿蛋香。蛋糕質感輕盈，濕潤適中的蛋糕不失口感，甜度不高。🔸玫瑰伯爵茶撻 $25上層係非常輕盈的伯爵茶味忌廉，伯爵茶味不是苦濃的那種，而且透著一絲絲茶香和甜味，下層是芝士撻，兩者配搭的味道不錯，雖然忌廉和芝士都是比較膩的食材，但這款撻出奇的不會太膩。🔸京都抹茶忌廉紅豆撻 $22賣相非常吸睛，就算味道不是我個人喜愛的，但還是比吸引了。抹茶味濃郁會有少少回甘，內裡有軟糯的麻糬，令整體口感提升，而且還可以減少濃厚感。紅豆份量不多，但可以增加少少甜度，中和抹茶苦澀。🔸廣島檸檬芝士撻 $22檸檬撻整體味道清新，酸味不高，芝士入口順滑，整體非常容易入口。整體價格合理，賣相也吸引，店員的服務也很好，包裝也非常細心。雖然是外賣，而且需要坐車才回到家，但食品依然完好無缺，值得一讚。

😋《北海道牛乳蛋糕》@hokkaido3.6milkcake 《北海道牛乳蛋糕》開咗分店，位置係莊士倫敦廣場地下，相當易搵，係佐敦站C出口行2-3分鐘就見到❗️呢間有別於旺角店，呢度有得堂食㗎，好適合約埋朋友仔👫👭一齊慢慢享受佢地嘅甜品️😋 ❗裝修都好岩打卡添🙈I▪️🅘🅝🅣🅡🅞🎂「斑蘭蛋糕」💲100排梗隊落order時，即場就已經可見到佢地新鮮製作緊唔同口味嘅蛋糕❗️新鮮出爐嘅熱辣辣蛋糕令成間鋪都充斥着蛋糕嘅香噴噴味道❗️由於佢地採用嘅牛奶係北海道特選3.6牛乳，令「斑蘭蛋糕」充滿濃郁嘅牛奶香❗️質感方面就好鬆軟，比普通嘅海綿蛋糕更軟綿綿，仲好有濕潤感，係我喜歡嘅質感❗️當然斑蘭嘅味道亦都好突出❗️🥧「葡撻」 蛋味香濃，甜度適中，質感細滑，有啲似食緊Creme Brûlée ❗️酥皮有層次感，鬆鬆脆脆的❗️食完又想再食多個❗️🥧「錦爽蘑菇芝士雞🐥批」 💲22超級足料，一切開就見到滿滿嘅餡❗️撻皮鬆脆又唔厚，內裡藏著雞粒🐔、洋蔥🧅、蘑菇🍄加上濃濃芝士，大大的一個真係令我好滿足☺️🧁「杯子蛋糕」 💲22/each賣相精緻嘅杯子蛋糕，送給家人吃最適合不過，因為細細件食完都唔會感到罪惡感🙊每件杯仔蛋糕都好鬆軟👍🏻🍋檸

行行下街聞到好香嘅芝士蛋糕味，原來咁岩撞正4:00新鮮出爐🤣買咗一個特濃流心芝士蛋糕，另外見到餐廳仲有好多唔同嘅批同埋Tart，所以多買多幾個返屋企同屋企人share！😆佢嘅日式芝士蛋糕都幾多味道，除咗特濃芝士，仲有鹹蛋😍斑斕蛋糕等等，都幾吸引！拎到返屋企仲係暖暖地，芝士係流心嘅，帶有鹹香唔會太甜，好鬆軟，好食！另外買咗伯爵茶撻，黑豚肉批同埋鮮奶撻，伯爵茶撻係芝士撻嚟嘅，好幼滑！白爵茶同芝士都幾夾！黑豚肉批係超級大個🤯20幾蚊都幾抵食，同埋個批做得好鬆脆，好香牛油味，食一個係超級飽，好想試埋佢嘅雞批🤣🤣

食完澳牛經過聞到勁香！忍唔住入去望，成個櫃都擺滿撻同蛋糕，花多眼亂😆，望兩望最後買左黎試！💸。Order左：3.6 牛乳蛋糕最經典既味，超大個！口感好鬆軟！食落有淡淡既奶味。檸檬撻鮮奶撻雞批🍋檸檬嘅酸味令成個甜品更清新，甚有水準。🥛個人好喜歡佢地既皇牌鮮奶撻，夠哂奶香！🥧雞批餡料幾多，有雞肉、磨菇，咬落入口鬆脆！門口有塊黑板list哂每日蛋糕新鮮出爐既時間，想食熱辣辣焗好出黎既朋友可以參考下！

酸乳酪芝士撻 $25 (熱)小編本身喜歡食乳酪製品，酸酸的，夏天夠哂開胃，即使遇上芝士撻，酸味中和後不太膩，咬一口，更有流心!!激推😻京都抹茶紅豆忌廉撻 $22 (凍)限定產品💚冷冷的紅豆和忌廉中和了抹茶苦澀味，屬於不太膩系列，內裡還有一個小麻糬，煙煙韌韌，十分新奇有趣～p.s. 此分店為自助cafe形式，可以閒聊小聚兼短聚😂各款咸甜撻供應（熱食）凍食有泡芺、甜撻室內裝潢不殘舊，且有點經典味道👇🏻👇🏻

呢間蛋糕舖性價比幾高，選擇亦都超多。佢有好多唔同種類嘅鹹點同甜點。我推介大家試下佢嘅撻仔同批。我推介嘅原因係因為撻嘅食材組合得好好，外型幾靚，味道幾好，但1件都只係大概25蚊到。撻有京都抹茶忌廉紅豆撻/香橙朱古力撻/新鮮芒果焗雪山撻/玫瑰伯爵茶撻/沖繩紫薯/廣島檸檬芝士撻，等等。批就有金寶玉桂蘋果批/ 照燒牛肉芝士批/ 蘑菇芝士雞批/芝士蘑菇豚肉批。京都抹茶忌廉紅豆撻改良版嘅撻比原本嘅紅豆撻靚好多。面頭有三至四個抹茶忌廉波波，中間有紅豆同麻糬，底下係香口嘅牛油撻皮。所有野好夾。好好味。金寶肉桂蘋果批蘋果粒微酸甜，大細適中，唔會細到唔知自己食緊蘋果，面頭嘅金寶脆面充滿牛油嘅香味。底部嘅牛油撻皮依然香口。👍🏻👍🏻錦爽蘑菇芝士雞批個批好聚手，好足料，係好好嘅早餐😂😂

最近朋友有啲唔開心，知佢鍾意食甜品，之前係佐敦返學，路經呢度聞到好香嘅蛋撻出爐味已經好想食，於是特登帶咗佢去呢間<<北海道牛乳蛋糕>>食甜品其實真係樣樣都想食，不過眼闊肚窄，於是點了4款食物同朋友分享…鮮忌廉吉士泡芙泡芙皮金黃香軟一口咬下立刻溢出香濃忌廉味，配搭微甜的吉士味，呢個配搭簡直襯到絕。3.6牛乳鮮奶撻新鮮出爐熱辣辣的奶撻，撻皮有牛油酥香味，十分鬆脆，濃濃的3.6牛乳鮮奶餡用叉拮有流心的感覺，喜歡香濃牛奶味必試。酸乳酪芝士撻同牛奶撻唔同，呢個撻食落帶有微酸乳酪味，加上濃郁既芝士香咸味，不喜歡太甜可以考慮這款。玫瑰伯爵芝士撻玫瑰花的香氣與伯爵茶的清醇融合在芝士撻中，中和了芝士膩感，加上忌廉放了幾片玫瑰花瓣和薄荷葉做裝飾，簡直有如法國高級甜點，朋友吃了覺得有幸福的味道。抹茶牛乳3.6牛乳兩款飲品也是用3.6牛乳沖奶味很香濃