北海道牛乳蛋糕 (莊士倫敦廣場)

营业中

休息中

咁啱喺佐敦買完野又有啲肚餓，見喺大街新開左一間賣蛋糕同撻嘅鋪頭又有位可以坐，就一於去試下門口見到有板會寫住唔同嘅蛋糕係幾時新鮮出爐，一去到就可以食到新鮮滾熱辣嘅蛋糕除左蛋糕之外仲有唔同嘅撻同批賣，有甜有鹹，每樣都唔貴，而且賣相好吸引我地睇到心大心細，最後叫左個啱啱出爐嘅原味北海道牛乳蛋糕，玫瑰伯爵芝士撻，紅桑子朱古力撻原味北海道牛乳蛋糕蛋糕超級鬆軟，口感棉滑，雞蛋同牛乳嘅配搭啱啱好，蛋香唔會蓋過左牛乳嘅香味，而且甜度適中，食落唔會有負擔玫瑰伯爵芝士撻上面嘅忌廉充滿香濃嘅伯爵茶味，而撻嘅中間係芝士，茶味同芝士好夾，食落唔會膩紅桑子朱古力撻呢個撻上層係朱古力下層係紅桑子醬，朱古力味超濃郁，配埋酸酸甜甜嘅同紅桑子醬食好清新白汁錦爽雞批食左咁多甜嘅撻想食下啲批，雞批嘅酥皮好重牛油香味，裏面嘅雞肉棉滑又有白汁忌廉嘅香味，性價比好高

天秤座生日月係會一直食蛋糕架啦~ 今次試下這款沒有忌廉的鬆軟牛乳蛋糕，吃到蛋香牛奶香又唔會滯！除了北海道牛乳蛋糕之外，店內還有多款唔同蛋糕和鹹甜撻仔，我試左幾款都好有驚喜呢！位於彌敦道上的蛋糕店，我成日搭巴士都會經過，一直都好想試下，生日要食蛋糕剛好有機會。店名叫北海道牛乳蛋糕，主打當然係各種日式牛乳蛋糕，除了經典原味仲有唔同口味，飽飽滿滿的看起來很可愛呢！除了牛乳蛋糕也有牛乳撻，選擇非常多呢！行入去仲有更多蛋糕選擇，卷蛋和泡芙都好厲害的感覺。現場設有少量座位，忙裡偷閒想吃一點的話，可以坐低慢慢嘆。蛋糕種類出乎意料地多，大部分都係日式風格，掛住日本的話可以止下咳。現場吃的話仲可以叫杯日式咖啡飲下添。特濃流心芝士蛋糕 HK$110本來想試下原味先既，不過店員話芝士用左芝士粒、芝士片和芝士醬三重芝士，聽起來異常吸引，所以我揀左芝士蛋糕。這款蛋糕吃起來口感超鬆軟又無負擔，不會甜又不太鹹，吃到雞蛋牛奶香氣，都幾適合小朋友食添！入面的芝士又比我想像中少 XD 不過我諗太多又會影響蛋糕的鬆軟度，所以中間有芝士提味已經好夠。酸乳酪芝士撻 HK$22我好鍾意這個吃起來有像 Cream Cheese 感

次次見到呢間店都好多人排隊🧍🏻‍♀️🧍🏻‍♀️🧍🏻‍♂️🧍🏻‍♂️，堂食都要有緣先有位坐，決定外賣幾件cake俾屋企人試下～北海道牛乳原味蛋糕🥛🎂 $100食落去蛋同奶味好重，有少少似芝士蛋糕。口感較一般蛋糕實，冇咁多空氣～沖繩紫薯撻💜 $22紫薯味較甜，底下係芝士撻🧀茨城栗子撻 🌰$25粟子好香，同tart之間有層類似麻薯嘅嘢～玫瑰🌹伯爵茶芝士撻🧀 $25好精美，伯爵茶可以解到少少芝士嘅濟～

我成日經過呢間蛋糕店都被比佢地吸引，今日約左幾個FD食飯順便就買埋過去當甜品一齊Happy Share佢哋嘅蛋糕同埋甜品種類真係好多，款款都想試首先我就要咗個流心芝士蛋糕，一切開芝士流出黎，好濃芝士味個蛋糕好鬆軟，芝士控岩哂另外就叫左佢地暢銷既泡芺，牛油味好香，裡面有吉士忌廉同埋滑忌廉兩種忌廉合埋一齊又香又滑除咗泡芺之外，仲叫咗抹茶同埋紫薯撻抹茶味好香，D Cream好滑，紫薯撻唔會太甜，又有啖啖紫薯肉下次要試多幾款！

呢間北海道牛乳蛋糕終於開左分店啦，好開心!! 佢每日嘅出爐時間都唔同，有好多唔同口味。 一出爐就吸引小人龍，行慢兩步都會冇晒。 今次俾我買到特濃朱古力蛋糕!! ,真係無令我失望啊, 好好味!  係食得出有陣陣北海道牛乳味，本身加上少少朱古力碎碎,增加左口感 like!跟住仲買左廣島檸檬芝士批，清新嘅檸檬中和左芝士的濃郁, 所以真係忍唔到口。而且 賣相好靚，食落好香芝士味，好滑。最後試左個照燒牛肉芝士撻，原來牛肉同芝士可以咁夾, 而且非常足料，又唔會厚皮, 個皮都唔易散。

行街經過已經聞到陣陣蛋香味，蛋糕同批都係現場烘焙，唔同款式有唔同嘅出爐時間，外面有玻璃櫃展示各式各樣嘅蛋糕同批，入面都設有幾張木桌方便客人堂食。特濃朱古力蛋糕($110)，身為朱古力控嘅我一定要揀朱古力味。外觀唔花俏，一咬好鬆軟，有奶香再配上濃濃嘅朱古力味，中間仲夾住流心嘅朱古力餡。沖繩紫薯撻($22)，20幾蚊有一個咁靚嘅撻係平常之抵，除咗平同靚，食落亦都好高質。上面嘅紫薯淡淡唔太重，好香滑，撻底非常鬆脆。紅桑子朱古力撻($25)，寫住係新出一於試下，如果成個都係朱古力會有啲膩，加咗酸酸甜甜嘅紅桑子，解膩之餘仲令口感升華。照燒牛肉批($22)，一拎上手就好燙，真係新鮮焗起。外表焦脆焦脆，入面嘅餡料非常豐富，係牛肉洋蔥同蘑菇，份量十足，食一個已經好飽！

係附近食完晚餐經過見到長長人龍八卦睇下 原來做緊半價優惠咁抵 即管試吓咩料子穩穩陣陣 㨂左個原味牛奶蛋糕口感一般般 唔係話好鬆軟少少偏硬 半價黎講係抵食揀左個抺茶同伯爵茶撻茶味濃 賣相佳 半價既話 值得再試

經過餐廳已經有陣陣蛋香味，店內放滿每日新鮮出爐既蛋糕，仲有多款甜、鹹撻等，選擇花多眼亂。叫左特濃芝士蛋糕($110)，靜岡抹茶忌廉紅豆撻($25)，玫瑰伯爵芝士撻($25)，廣島檸檬撻($22)。芝士蛋糕圓碌碌，一打開就好香蛋味，仲有濃濃芝士味。蛋糕用左三重芝士，混合3.6牛乳製作，所以味道更濃郁。一大個好抵食，切成8件，每件既size都大過切餅左右添。蛋糕按一按好軟綿，仲會升起，好fluffy。而且橫切一件，見到半熔芝士，而成個蛋糕都混合埋芝士製作，口感更勝一籌。另外仲有好多非常靚既甜撻，新出既抹茶忌廉紅豆撻d cream好澎湃，擠花成一個小山丘，灑上抹茶粉點綴。忌廉超濃抹茶味，奶香中和左抹茶既苦澀味，成個撻好creamy。而個撻皮曲奇脆身既feel，凍食一流。價錢仲要親民添，食完好有飽足感。尼款既忌廉加入玫瑰、伯爵茶，玫瑰味較伯爵茶味突出，所以好有花香感覺。而伯爵茶就改變左忌廉既顏色。值得一讚既係，每件撻上面既cream食完都唔會覺得膩，反而好幼滑，係甜而不膩。而忌廉底層仲有芝士層，芝士帶少少鹹香味，配合撻皮食，有多一重享受。鍾意檸檬既朋友就唔可以錯過，因為檸檬既酸甜味非常突出，檸

當日中秋行到累累地入了呢間食件撻❣️我地有啲肚餓～叫了涷撻，泡芙 同埋兩件熱撻😆店內有自助斟水～大家記得食完要自己掉垃圾🥰富士金寶蘋果批第一口好香玉桂味～蘋果唔會煮得好軟身～味道都正常唔錯👍🏻錦爽蘑菇芝士雞批食了一口好驚喜～好濃牛油味～內餡煮得好香～用白汁煮蘑菇，芝士，雞肉真係好夾仲加了少少黑椒煮～更香～重要熱㷫㷫❣️靜岡抹茶忌廉紅豆撻紅豆煮都好軟身～抹茶忌廉好香茶味～淡淡茶香❣️鮮忌廉吉士泡芺牛油皮同酥皮既泡芺～好酥軟但又有脆脆口感～入面仲唧到好滿香滑既吉士忌廉～唔會太甜💓P.S.如果下次只可買一件食～一定買雞批～之後就泡芺😝平時食開其他店既雞批都唔會有呢個感覺～撻同批個皮望落好硬咁～但入口好鬆脆👍🏻這間店好用心🥧

這間店主打使用北海道3.6牛乳製作甜品，店內真的充滿蛋香和奶香，甜品種類選擇很多(蛋糕,各種凍撻,熱撻,泡芙,還有飲品) ，要注意的是只有佐敦分店設有售賣飲品和堂食位置，如去的是旺角分店就只能外帶了喔!特別推介的是廣島檸檬撻，檸檬味道入口微酸，檸檬芝士入口帶有奶滑感覺，而且非常creamy，帶清新感覺。

收工行去坐車既時候路過 見到新開同埋蛋糕櫃放出黎既蛋糕好吸引 忍唔住買左一個北海道牛乳原味蛋糕同兩件檸檬撻返去試下 北海道牛乳原味蛋糕味道同質感較普通 沒有什麼驚喜 可能因為見到第一眼覺得好似好好味甘 但食落又無想像中好食 所以有少少落差 蛋糕裏面略嫌硬身左少少但就重雞蛋味 普通雞蛋糕 沒什麼特別 檸檬撻反而檸檬撻有驚喜 檸檬撻嘅餡夠酸配返個撻皮就岩岩好 中和左果個油膩感 即刻開胃左 本身怕肥淨係諗住食半個其他分比屋企人食 但食完半個忍唔住再食多半個 讚👍🏼 除左檸檬撻之外 有幾款望落都好吸引同評語都唔錯下次有機會再試下🥰To-Eat list: - 香橙朱古力撻- 酸乳酪芝士撻- 蘋果批- 芝士磨菇雞批

📍北海道牛乳蛋糕📍💡佐敦收工見到好多人排隊，我都走去排一排試一試佢先🐥玫瑰伯爵茶撻 有淡淡既伯爵茶香，玫瑰味就唔多覺，下面係芝士撻，撻皮好香脆，感覺唔會好漏，成件事係好夾🐥靜岡抹茶忌廉紅豆撻 望落去成個綠色賣相好吸引，估係好重綠茶味，當然冇令我失望，驚喜係中係有麻糬，夾埋個芝士撻底，口感又豐富左🐥北海道牛乳原味蛋糕 要試緊係要試個最簡單既先，蛋糕有蛋香同濃濃牛乳味，而且都大個，質地濕潤，但冇想像中好味

位於佐敦的北海道牛乳蛋糕，是一間以乳製品為主題的甜品店。店家的食物全用北海道3.6牛乳製作，牛乳蛋糕日賣近200個，人氣旺盛，非常誇張呀! 品牌在旺角和佐敦匀設分店，店內都設有大型透明廚房，客人能看到師傅們製作蛋糕，不停散發出香甜的味道呢~而佐敦店更設有坐位，大家可以即買即食，更加滿足哦。 店內的所有食品，全部沿用日式製作方法。每一款的賣相都非常吸引，蛋糕大大個，鹹批焗得金黄，加上價錢相當貼地，深受大眾歡迎。 北海道特濃芝士蛋糕 $110 聽說要用20個蛋製作的牛乳蛋糕，傳來超濃郁的芝士香氣呀! 蛋糕鬆軟可口，濕潤軟綿綿，中間更有芝士夾心，香濃美味，值得推介! 照燒牛肉批 $22 白汁錦爽雞批 $22 鹹撻的賣相接近完美! 金黄飽滿的撻面，令人口水直流。內裡有滿滿的餡料，超級有誠意呀!日本茨城縣栗子撻 $25 選用日本茨城縣栗子製造的甜撻，栗子蓉稠密厚重，內藏一粒麻糬，超有驚喜。撻底香脆美味，好好吃呀。

As it is my family member’s birthday, therefore, I went to get some desserts to take home for the celebration. Once I arrived, the shop offers many variants of desserts, ranging from cheesecake to savory tarts, and they all look really evil (evil good). After taking some time in what to order, I finally come to my decision and ordered Pork Cheese Mushroom Pie, Fresh Cream Custard Puff, Lemon Tart and Green Tea Cream Red beans Tart. The puff contains really soft and smooth cream. The lemon tart w

今日行經北海道牛乳蛋糕，聞到好香既新鮮出爐蛋糕味。餐廳內有堂食位，裝修有小清新感😀1.靜岡抹茶忌廉紅豆撻 $25表面既忌廉唔會太甜/膩，忌廉下有一舊煙韌既麻糬、紅豆、蛋糕、撻皮，層次豐富😀2.紅桑子朱古力撻 $25紅桑子醬底，同濃滑朱古力交融，酸酸甜甜！😋撻皮薄而酥香👍🏻3.玫瑰伯爵芝士撻 $25同樣地，cream唔會太甜/膩，有淡淡既玫瑰同伯爵茶味，同芝士撻好配合😋4.班蘭蛋糕 $100淡淡既班蘭味，蛋糕質地好綿密，好似食緊蛋白咁，仲有濕濕地既感覺，食完都唔會口乾！👍🏻👍🏻😋😋總結：整體既甜品唔會太甜👍🏻蛋糕質素都幾好。😀