北斗

营业中

休息中

初尝Omakase～～ 泰国餐厅林立嘅九龙城有间以简约木系设计嘅Omakase— 北斗，未入去已经感受到日本小店风。日本师傅住场，全程以英文交流。系语言障碍下都冇阻师傅嘅热情，佢每次都会介绍食材来源，建议食法。对于我呢啲初哥，真系获益良多。「斗」午市总共有咁多样嘢食：先付、前菜、汤、刺身、串扬、合肴、食事、甜品。渍物有红酒渍荞头同木鱼花酱渍蒜头。前者带微酸，好开胃。而木鱼花酱渍蒜头好脆口，唔讲唔知系蒜头。经过腌制，蒜味已经大减。前菜系好精致嘅北海道白虾肉配白子豆腐、炸泽蟹。白虾肉鲜甜。第一次食泽蟹，比我姆指仲细少，一开始仲以为系装饰。炸得脆卜卜，最惊喜系系细少嘅身体入面都有饱满嘅蟹肉。汤系鲷鱼杂菌汤，内藏大大片鲷鱼。第一个刺身系北海道带子。师傅用咗海盐同柚子皮带出带子清甜。第二个刺身系深海池鱼。面头有轻轻灸过，更加带出鱼油，而面头同时有芥末子，平衡左油腻感。口感方面鱼肉嫩滑。肥美嘅大拖罗用一片紫菜包住，轻轻放入口，好快喺个嘴融化到。鱼油脂十分甘香。生蚝卖相好吸引，喺大大只生蚝上仲有柚子酸汁同埋紫苏花。柚子酸汁更加带出淡淡海水味，完全唔腥。嚟到呢间舖头嘅名物— 串扬。第一样系炸日本青眼鱼