劉森記麵家 (桂林街)

营业中

休息中

早幾日終於去過呢間舖度食麪, 各位果然無介紹錯, 呢間舖頭細細既麫檔真係不錯, 果日我地兩個人吃左一個炸醬撈麪+牛根撈麪+細白灼鵝腸黑柏葉, 其實個炸醬撈就麻麻地, 但係其餘兩樣都做得好出色, 真係好值得一試.

這位食友覺得不夠薑葱是沒有問題的,請看其他食友的報導都知這店的阿姐十分友善,服務至上,你要加的話,是絶對不會托手睜的.假如你覺得碟頭不夠喉的話,可以叫雙併或三併，每樣餸只要加四元，份量不少，十分抵食．

一向都好憎食廣東式的麵，因為好怕陣鹼水味，每次見到麵舖我都彈開九丈遠。不過今次，因為之前見呢度食評話好食，所以都決定去試一次。點了個薑蔥黑柏葉撈麵，麵本身就真係無鹼水味，彈牙得來又唔係太乾，又唔會話纏埋一住分唔開，不過整體來說起埋都入很口先啦，因為撈麵都係好難整得好的！薑蔥就好唔夠，得果幾條，對我呢d 好薑蔥的人來說真係好唔夠。不過碟麵就細左少少，唔夠飽肚。

下午四點多,又去劉森記食水餃牛腩撈麵,這間店有些怪,雙拼時,水餃有時三隻,有時兩隻.正在埋頭大吃之際,有人大聲問:老友,啲麵好唔好食呀?當下以為遇到熟人,抬頭一望,是一位陌生的乾廋阿伯.我問道:啲麵你打的嗎?他說:當然，唔係邊有咁爽呀?由頭食到尾都咁爽架.我說:最好的是沒有梘水味,我時時來食的．他很自豪的說:當然啦.之後他便行開打點其他,不久便離開,我想是收工了.不過幫襯了咁多次,出品都無失準,緣來掌門人時刻監控品質，又向食客收取回應，是一家對出品負責的食店，可靠可靠．

第一次食蝦子撈麵, 仲拼埋個水餃, 水餃好大隻呀, 料都好足~三位朋友分別叫o左黑柏葉蝦子撈麵, 水餃雲吞撈麵, 同埋鵝腸雲吞湯河粉~試o左佢o地o既黑柏葉, 勁爽口~鵝腸都好爽口呀, 不過我比較鐘意食黑柏葉!!酸瓜好味道, 好開胃~阿姐好有禮貌, 真係食都食得開心d呀~不過就唔覺得乾淨, 因為成日都有蚊飛o黎飛去...

每次路過黃金高登,一定會去劉森記幹掉個水餃同個黑柏葉撈麵,才叫功德圓滿.水餃材料足,大大隻,好爽口.黑柏葉撈麵,黑柏葉爽,撈左豬油的麵線,天下美味.不過係要叫到先落,你唔叫,就唔會落.而家d人一聽到豬油就走夾唔斗,實屬少見多怪,偶爾食一餐半餐,食唔死人的.

今日黎食午飯同朋友仔叫左豉油王蝦子撈麵,芥蘭加腩汁同水餃蝦子撈麵豉油王蝦子撈麵～真係好多蝦子o係面,麵彈牙亦無乜鹼水味,可惜唔多夠豉油味,同上既湯幾清,好少我會飲,但今次竟然飲完一啖又一啖芥蘭加腩汁～叫左佢走油,但見到廚房淥完又跟手加左油,唯有即刻提番要走油,幫手落單個阿姐聽到即刻入去幫手再沖一沖d油先再加腩汁!芥蘭新鮮大條,加完腩汁仲附送左牛筋一件,即時試左味,好淋同香,好味!心想定下次要點呢個!水餃～水餃大大隻,有蝦,冬菇,筍同少少豬肉,皮係薄既雲吞皮,好滑味道都好好,果然係另一個招牌菜阿姐服務好好多謝前多謝後味道又好同朋友仔講定要再食可惜...........................................半個鐘之後我同朋友仔先後起左好多小紅粒粒又痕又腫最大可能係d蝦子出事想食既朋友黎之前真係要想清楚因為本身我地兩個都無皮膚敏感既問題架!!

﹝豬手撈系列之七﹞將兩隻鬼由大埔車左去黃金，晚上食得幾件雞一碗粥，當然有點肚餓，就趁夜晚果餐未吃，來食碗麵先。呢度裝修過後，光猛左又整潔左。叫了豬手撈，加碗油菜。未食麵，照舊是吃一埋醃菜，都寫過，這裡最好吃的，不是醃蘿蔔，而是醃紅辣椒，是又酸又辣，非常刺激，好辣的食友要吃多一點。當然是，專揀多辣椒籽的去吃才夠過瘾。這裡的是真正豬手，有骨有肉。南乳炆得夠入味，不會過腍，保留了豬手應有的膠質及口感，是吃了一件又一件的，還未開始吃麵。個人覺得，這裡的豬手，雖然不及釗記的味道豐富，但已可以跟麥文記相提並論的了；今天的麵是有點鹼水味，阿姐解釋是生意太好，擺唔夠耐。無所謂，唯有拿醃菜去中和一下，所以臨尾又吃了一大堆；份量充足，叫了「扣底」，都一樣咁多。雖然得一個阿姐在招呼，佢滿場飛，幾忙，但服務一點不差，拿麵去客人面前還不忘說句「慢用」，值得一讚。埋單30蚊，經濟抵食，亦好食及有水準，仍然值得推薦。

上星期日有事出深水,但係又要醫肚,就即刻想試下呢度d蝦子麵,我同男友分別叫了雲吞蝦子撈麵,鵝腸蝦子撈,真係唔錯喎,蝦子份量多,而且味道亦好香,好好味,鵝腸係白灼,冇乜特別味道,雲吞冇食,唔知味道,連送埋0既湯我都唔放過,雖然好明顯係味精湯一碗,但都飲晒,食完後,見上有樽酸瓜,即刻試下la,好夠酸辣,超正,呢樣野都係必食之一.

想去食好耐,終於搵到一日有時間去,叫左豬手蝦子撈,蝦子好香,都有唔小,感覺好正!!豬手有2舊,細細舊的,但味道都不錯.而且桌上的酸瓜十分好味,食麵一流!!!

特登去試佢0既蝦子撈，要咗牛腩蝦子撈，男朋友要咗雲吞蝦子撈加菜芯。幾香，好多蝦子，本身唔鍾意食生麵都覺得幾好味，不過啲麵一舊咁有啲難搞嘛，牛腩冇乜特別，雲吞ok，不過就咸咗少少。

I ordered beef stew noodles. Noodles just ok. But the beef stew/soup was too salty.

唉,永華又叫竹昇麵,劉森又叫竹昇麵,點解可以差咁遠!?永華廿九幾蚊碗雲呑麵,雲呑又唔係特別好,D麵仲死,唔爽又唔滑,浸耐D仲冧晒!中過兩次計,以後唔好叫我.劉森雖然個樣好鬼普通,但係D麵真係有水準.初頭爽,浸耐左都唔會冧patpat,都係好滑. 但係,好可惜,其他野就係一般D.雲呑水餃唔特出.係鵝腸,黑柏葉比較好,但係只要新鮮,都唔洗點用功夫.牛腩還可以.

見到咁多人讚d面好食,今日決定試一試,叫左個豬手撈,面就好爽口真係左簡水味,豬手就一般,都幾腍,但就冇乜南乳味,份量好多,叫左啊姐扣底都食唔哂,豬手有4大舊＄22低食,食到飽一飽。

上個星期黎左呢度試,住0係深水步既我都未試過呢度出名既蝦子撈添...聽講呢度剛重新裝修完, 唔怪得咁新簇簇啦!~我點了豬手墨丸蝦子撈, 男友點了牛腩水餃蝦子撈。d豬手冇乜肉, 唔夠腍, 墨丸就正, 夠彈牙!男友個牛腩勁腍同入味!!~再講呢度個招牌蝦子撈, 第一啖咬落下真係好正!d蝦子好香, 好好味!! 又多蝦子!! 好味過澳門的王枝記好多!!!~ 不過由於有冷氣同好快吹凍, 凍左既蝦子撈麵味道就大減, 又硬又乾。所以食蝦子撈一定要趁熱食!總括來講都幾好食!! d送略少, 而附送果碗湯應該有味精, 飲左既話會好快覺得好口渴!!~少飲為妙!!~p.s. 呢度的阿姐態度好且好有禮貌, 抵讚!!~