劉森記麵家 (桂林街)

营业中

休息中

見到咁多網友都讚好今日終於去試了~水餃蝦子撈麵水餃不錯~麵好彈牙,平時不吃幼麵的我都覺得好吃~不過$26 就略貴阿姐服務好好~今時今日要有咁既服務至得架嘛!!

前後來了劉森記幾趟，原來發覺未曾為她寫過食評，今次好壞都留個記念吧！記得幾次來幫襯，麵食裡的鹼水味時有時無，當然，越好生意鹼水味越重大家都明白，另外天氣太熱存貨盡量小亦是原因之一，但是否知道原因就要接受重鹼水味的全蛋麵，這裡有點相確。今次的水餃豬手撈麵仍是很重的鹼水味，要吃點酸蘿蔔來平衡一下，而南乳豬手汁亦只能起到些小援沖效果；南乳豬手當然夠晒入味，不要多，三小塊豬手筆者已足矣，再添上兩件好味的水餃，尚可取回部份因鹼水味重而失去的分數。但這是否意味著下次是要捨棄全蛋麵才可得到完美的評語呢？看著店員忙個不亦樂乎但仍態度親切，多謝前唔該後，絕沒因名店而自視過高，這種處客作風值得取回個笑臉一個。

響暴曬下，行左一段路，又問左兩個人先搵到劉森記，咁辛苦就係為左一嘗佢既招牌蝦子撈面。劉森記店面同其他廉價麵店差不多，不過都算乾淨清爽。我同阿姐講：「蝦子撈面丫唔該！」念住都冇走箋，點知等左一排另外一個阿姐竟然再問我：「你要雲吞面呀？」當堂無奈......再等一排蝦子撈面終於上抬，唔......覺得都係普通撈面姐，好就好在d面唔會太多，食面我就最驚食唔曬，今次神奇地食曬，好yeah!走既時候d阿姐勁有禮貌，服務都俾佢4分la!

11/6(日) 12nn星期天,約了友人coupon入Disney輕鬆一下,出發前同男友到此稍為填填肚子.12時左右到達此店,裝修後店子比以前企理得多.點了牛筋腩米$15,招牌蝦子撈麵$22.牛筋腩米---牛筋腩頗腍且入味,但湯底略鹹,米粉不算滑,水準一般!蝦子撈麵---不庸置疑的高質素,高水準!價錢大眾化,埋單$37,本來以為牛筋腩是雙拼$20,阿姐立時好緊張話"吾洗比咁多!單拼$15咋嘛!",而且講了不多5次"多謝"!非常稱心滿意的一餐!strongly recommended!!

呢度o的麵真係好好食呀！我食過呢度o既雲吞、水餃、牛腩同呢度最出名o既蝦子撈麵。樣樣都好足料，樣樣都好好食。而且價錢又平，真係值得去試。

難得一日同3位男性竹戰前出左高登一轉, 原本佢地想食維記, 但始終屈服左o係我對蝦籽撈的堅持下。於是一行四人去左劉森記。食左好多不同組合, 蝦麵聽人講一般, 水餃好似又係冇特別。我自己試過的, 蝦籽好香, 幾惹味; 牛腩都幾入味; 黑柏葉就有d硬, 最好吃的就係豬手, 好入味。不過... 整體弊病就係個麵, 太鹼喇! 係鹼到討厭的地步。就係因為呢碗麵, 我竟然變得"喂, 你嘅介紹, 窄窄地喎..."

同老公食過幾次,老公次次都係牛丸(好大粒),我就食過黑柏葉,南乳豬手,炸醬麵,樣樣都唔錯,而黑柏葉確係幾爽,幾特別!

依間野都食左好多次，蝦子撈係好好食的，雲吞水餃都好新鮮，夠晒爽口彈牙，不過唔知係唔係第二代老細功夫未夠，有d 日子佢落場d 野會好鹹！鮮牛麵都唔差！

同朋友黎食過幾次,次次都必食水餃,次次食都係咁爽口,d蝦又新鮮,d麵唔會有陣皂水味,好爽,抵食!

好味呀!蝦子又多又香.....包你夠撈成碟麵呀雲吞又大粒又鮮甜...差d 想叫多碗淨雲吞麵都好食...煮得好老字號真係老字號...正

今日同朋友過高登買野, 所以上網睇下有乜好食後, 選左呢間老字號。三點幾先去到, 我點左水餃蝦子撈麵, 朋友貪心d點左水餃牛腩蝦子撈麵- 水餃用湯上同蝦子撈麵分開, 撈麵份量唔多但蝦子份量好夠, 蝦子好香麵質都算得上彈牙爽口點少少醋會好味d, 水餃好大隻並足料有好多蝦, 牛腩入味但唔係好淋；另外叫左一碟油菜, 食到一半時覺得唔係好夠同埋水餃好好味, 所以再叫左碗淨水餃一齊食。阿姐見我想拎台上樽醃蘿蔔食, 即話比個碟仔我裝黎食, 都幾細心丫, 蘿蔔好爽辣辣地幾好味!

2人叫了:薑蔥黑柏葉撈粗,南乳豬手撈粗(+薑蔥),淨水餃+忌廉汽水一支.2個薑蔥撈粗都好好食,可能因為我勁鍾意薑蔥,而且我個豬手撈d薑蔥係免費的,所以食特別開心,不過d粗面就淋左少少,我喜歡硬d.佢地d南乳豬手又真係幾好味喎,但..只得三粒,唔係好夠喉...hehee.另外,個水餃一定要讚一讚,一隻水餃入面有3大粒蝦肉,真係好爽,好正.環境乾淨,服務不錯,落單個亞姐仲好好禮貌,每次同佢講"唔該",佢都會"唔該"番我....給她5分.

今日放假，決定計劃一個"小食之旅"，深水埗 & 旺角係本人認為香港小食嘅兩大重鎮，當然以這兩地點為目的地la..順便買俾女友食(因她很少去深水埗)..第一站就係劉森記，我已經幫襯咗佢差不多五六年la.有一排無去，今日專登選佢做第一站。一坐低首先就食佢D酸蘿蔔，水準依然...跟着order咗蝦子水餃撈..佢嘅水餃嘅水準，老實講係香港差不多係數一數二gar la..木耳夠哂多...真和味^_^蝦子分量亦夠，水準跟"好到底"有得揮...最重要係食得出有少許豬油(雖然仍厭不夠多)..但已經很滿足了..麵條亦夠煙韌及無乜鹼水味，比起"永華"不知好十萬八千里...埋單都只係$26...第一站算係一個好開始..跟住到第二站--- 坤記糕品

今天下午一點九來食午餐，只見門口人頭湧湧，要等位，而舉目所見，都是年青人居多，街坊郤甚少，和以往有所不同，想必是上網的識食人士，很多人叫虾子撈麵，似是熟客．好彩在下只是單拖，很快有位．叫了水餃牛腩撈麵，不用說這餐是滿意的．可惜人太多，坐得不舒服，食完便走．

拎完電話之後過左深水步搵食本來心思思又想食豬潤麵,但未試過劉森記就走過黎試下坐低叫左水餃+豬手蝦子撈麵爽口,無梘水味蝦子又多又香,d蝦子多到可以cover曬成個麵餅,勁水餃大隻,新鮮又爽口,足料,好味反而D豬手得兩小隻,攪到我到喉唔到肺檯上面樽醃蘿蔔好好味,我食左好多不過唔敢食醃紅辣椒,下次試下先我本身有皮膚敏感既,好在食完無後遺症姐~