劉森記麵家 (桂林街)

营业中

休息中

上個星期黎左呢度試,住0係深水步既我都未試過呢度出名既蝦子撈添...聽講呢度剛重新裝修完, 唔怪得咁新簇簇啦!~我點了豬手墨丸蝦子撈, 男友點了牛腩水餃蝦子撈。d豬手冇乜肉, 唔夠腍, 墨丸就正, 夠彈牙!男友個牛腩勁腍同入味!!~再講呢度個招牌蝦子撈, 第一啖咬落下真係好正!d蝦子好香, 好好味!! 又多蝦子!! 好味過澳門的王枝記好多!!!~ 不過由於有冷氣同好快吹凍, 凍左既蝦子撈麵味道就大減, 又硬又乾。所以食蝦子撈一定要趁熱食!總括來講都幾好食!! d送略少, 而附送果碗湯應該有味精, 飲左既話會好快覺得好口渴!!~少飲為妙!!~p.s. 呢度的阿姐態度好且好有禮貌, 抵讚!!~

今日又想食撈麵，當然最佳選擇又是劉森記了，一入門口，見到菜單上印著薑荵撈麵只收十二元，每加一樣餸只需四元，心想：假如我剩要牛腩撈麵已經要廿二元，但我叫一碟薑荵撈麵加牛腩豈不是只需十六元，更加好食，更加抵食？是取巧了一些，不過在好奇心驅使下，便照落柯打．麵來了，晒士很大，很多薑荵，牛腩亦有七至八件，味道是一貫的好，但心中不禁想：究竟要收多少錢呢？食完出去俾錢，呀姐話廿二蚊啦，我便問：薑荵撈麵十二元，每加一樣餸四元，不是十六元嗎？她說如果咁計，我邊有得做呀？我現在只計你牛腩撈麵．當下我覺得無所謂，便照俾．但始終覺得大有問題？假如我錢包內只得十六元豈不是要報警解決？牛腩撈麵在菜單上不錯是廿二元，但郤不包括薑荵，那麼薑荵便是免費的，我便是佔便宜的一個了．我覺得店方如有必要有另類收費來應付另類的菜式要求的話，應該預先聲明收費，以免爭執，否則應照各大超級市場的做法，計較低的收費．而不應臨時老作一些菜單上没有明列的收費．所以今次要在服務上扣分．

去鰂魚涌函館食拉麵之前，下午先在深水埗辦理一些事情，兩點幾先到深水埗，想先吃一點東西才辦事，之前已預定到劉森記試一試它的蝦子撈麵，深水埗不太熟路，略找一會先發現劉森記在黃金附近。劉森記的舖面比想像中細，但幾乾淨企理，又夠光猛，環境比一般雲吞麵店好一點，不過到街坊麵店都是以吃為主，不用有太大期望。到達時全店只有兩位阿姐，一位在包雲吞，另一位在麵檔，也不多說話，叫了一碟蝦子撈麵($22)。我就坐在麵檔對出，看著阿姐將麵即叫即煮，感覺很捧，不一會麵煮好上檯，分量幾多，賣相討好，麵是滿滿的一碟，蝦子也是極多，佈滿了麵上，伴碟是四五條通菜，外加一碗清湯。個人習慣，先把麵跟蝦子拌勻，吃了一口麵，麵條沾上蝦子，進口是滿嘴鹹香，麵不會過軟或過硬，不太濕，十分有口感，也沒有鹼水味，個人來說是對了口味，因為蝦子分量夠多，不怕最後幾口會沒有味道，可以放心的吃個痛快。之後喝點湯，湯清清的不像有很多味精，反而通菜味道太淡，縱是煮得爽口也不太討好，不過頗欣賞加上通菜令整體更豐富的做法。埋單廿二，比一般麵店是貴一點，但質素是真的不賴，如果經過的話是可以一試的水準麵店。

我每次去到必食XX蝦子撈麵加一支汽水。麵老闆話係自己親手拉，無鹼水味!相片是蝦子牛腩撈.<br />p.s. XX 可以是水餃，牛腩等.讚!

2-7-2005 1545今朝行完出兼去長沙灣做下research，終於都了SSP，唔想食車仔麵、粥、炒粉麵及他國菜式，只想食這裡的蝦子撈，順便加埋炆牛筋。圖中所示，蝦子份量好多，撈埋一齊還可以齋食，牛根在映相前俾我食左一舊，縱使下面有可以用來省鑊既菜，都要點一點葉生菜全走。麵用老抽撈，並不太乾身，好適合我的口味；牛筋有些幾淋身，但亦有的就有少少硬身，不過整體上都不差。隨撈麵送來的湯，幾鮮甜，應該有落蝦頭及蝦殼黎調味。本來想叫多枝可樂，但要戒口同埋飲埋從山下載落黎既冰水，唯有等下次，埋單36蚊，值得一試。

強裝過後的劉森記，地方乾淨左，燈光猛左，但味道就好似淡左，最後，仲要出動到辣椒醬先夠味。$26碟撈，有個會飲得晒的湯。麵本身煮的時候撈埋汁，無打埋一舊，仲有重汁。 係咪同題目好似好無關呢？又係又唔係啦，咁岩今日食豬手撈，咪諗係你羅。

前幾日去買d電腦野,順便黎試下今次第一次黎食,所以叫返大部份朋友都話唔錯o既野食!因唔食蝦子,所以叫左個豉油撈麵,食落去覺得油左d同唔係好夠味!!!另叫左碗淨雲吞,食落感覺唔錯喎,唔會好似食豬肉丸咁,蝦同豬肉o既份量都幾好同食到各有各o既味道出黎,幾好!!!

今期又大食o左，竟然11:30pm 主動搵friend出去食宵夜~ 朋友就提議o黎依度喇~ 我一向都唔鍾意撈麵，好似好乾咁~ 但依度o既蝦子撈麵，好香好好味，我竟然一陣間就成碟食晒~ 再加個淨水餃，一碗5隻，好多料，好咬口，好味~ 加一個罐頭裝檸檬茶同一支Fanta，埋單$47~ 抵式呀!!另一好處係外面拍得車o架(如果仲有位o既話)~ Photo album:http://community.webshots.com/album/385661949lAFIZk

尋晚12點幾返屋企途中覺得肚餓, 就同朋友來深水步搵食. 不久之前經過見佢仲未執好, 今次終於可以試試. 見門口貼了飲食男女關於蝦子撈麵的介紹, 入去就立即叫來試下. 果然係幾香! 蝦子幾多, 麵亦夠幼同乾身, 亦幾好咬.加幾條生菜, 貶下眼就食完一碟. 雖然比薑蔥撈麵($12)貴$10, 亦冇肉食幾齋下, 但都幾滿意.

睇到gum 多食評話劉森記蝦子撈面正，今特去試試。叫咗個牛腩拼蝦子撈面& 水餃雲吞面。牛腩拼蝦子撈面-- 牛腩炆得好入味，又唔"un"；面身好爽，DD梘水la；蝦子雖多，但好咸、唔係太大蝦子味！水餃雲吞面-- 水餃比雲吞香，好多料，幾新鮮！服務阿姐態度抵讚，有反應又好口。

今天心思思又想食蝦子撈麵,惗起劉森記可能已經裝修好，立即起步，果然見到煥然一新，全部食具用具都換過，連我上次食評扣分的竹筷子也換上新的黑膠筷子，可見從善如流，鋪頭細細，但服務依然很好，禮貌和親切，付款時又多謝又拜拜ｏ落單時就算遲疑不決也沒有半點不耐煩ｏ又肯介紹食物ｏ很多自誇服務好的店子也無此等級及耐性ｏ食物方面，也如一貫的滿意，叫了豉油王蝦子撈麵加牛腩，蝦子咸香不在講，牛腩很淋，入味，又滑，不黏牙，麵爽口沒有梘水味，正ｏ

今天又口痕，想去深水步吃豉油王虾子撈麵，豈料離遠已看見拉上了大閘，心想不妙，以為好像酒樓般無故執笠，行近一看，原來是內部裝修，由今天至廿一日為止．各位食友敬希垂注．

這裡的麵質未夠perfect, 稍腍...但好懷念超巨的牛丸...唔知仲有沒有呢?

我之前成日去架.因為我覺得佢唔只一樣好味..樣樣都好平均..水餃,雲吞都幾好...佢仲有牛拍葉(係用黑拍),同鵝腸面...兩者都係好有口感...我常食既...加埋佢比既辣油..good...另外其實佢d面都ok好架..雖然都有少少'簡'水味..但幾爽口...佢個蝦子磱都好多人食架..^^

encore 劉森記，唔係食牛腩豬手，而係屬高危的炸醬麵。炸醬除一般肉絲外，仲有罐頭磨菇。味道唔係大好味，但就好香。撈埋雲吞，有兩粒又反而放湯。加埋今次飲的係忌廉，$25就搞掂。食完之後…一如住績，實會既肚痛，點解…點解胃食的我會敏感酸野…