劉森記麵家 (桂林街)

营业中

休息中

今日午間在黃金附近, 本來想去鵝記大王, 但因為人多關係, 結果去了劉森記.黃金附近有很多"記", 有容記, 英記, 新合記, 炳記牛牛, 仲有劉森記.但劉森記是我較少光顧的一間. 主要覺得並不起眼. 午間附近選擇很多, 晚間又不想只光顧麵店.今日我跟從主流, 叫了蝦子撈麵, 因為怕齋食無餸撈麵, 於是叫了個淨雲吞.舖面姐姐先來蝦子撈麵, 如很多人覺得, 很多蝦子. 亦如一般撈麵, 伴以一碗上湯. 雖然個撈麵並不令你有"嘩"一聲的感覺, 但細嚐下卻洋溢蝦子的香味. 而麵身很乾爽, 沒有油膩或梘水的味道. 很好吃. 看過舖外的雜誌報導, 原來是老闆每天用竹昇打出來. 平凡中見不平凡.淨雲吞約有七至八粒, 有蝦肉及豬肉, 雖不像食開的沾仔記咁有啖啖肉感覺, 但豬肉卻帶出蝦的鮮味, 是很傳統的做法, 用料應該很新鮮, 咬落亦沒有"散收收"的感覺, 但略嫌偏咸少少, 未知是我的個人口味, 還是師傅落料重了手. 但整體是不錯.看報導劉森記以前是在外的大排檔, 記得約在十年前, 亦有光顧過黃金外的檔口, 但已忘記有沒有幫襯過了.看餐牌原來麵店創自1955 年, 算來今年是50 年, 已有半個世記了

蝦子係多，真係好多。整體來講，係成個蝦子撈麵都好大份量。如果一個人食的話，可能食到一半就已經到頂。水鮫好正，蝦：肉：肥係4：4：2。另外加左額外的新鮮蝦糕汁，簡直係120分。黑柏葉本身無味，全靠大地魚湯吊味。可惜凍得快，一凍就腥腥地。所以我就比較鍾意麻辣湯底煮的黑葉。鵝腸爽，仲好健康，一滴膏一滴油都無…唔洗多講啦我，邊個唔知我最膏興？無就…no comment 喇。總括來講，蝦子撈要食，扣底就會無咁飽。水鮫大推介，雲吞應該都唔爭得去邊。無試過都推。黑柏葉同鵝腸就因人而異，仲有其他牛腩豬手就……上集無既，下集啦，下集會試咖喇。

今晚專誠同男友黎食蝦子雲吞撈, 我諗我吾洗再詳細形容碗麵架啦!只系想比反個"讚"既食評佢.^^...

5月27日，13:30午間路過深水涉，便乘機一試這店(酸蘿蔔^m^)。進店二話不說，便叫牛雜麵，店有禮貌地說：冇牛雜，牛筋腩好唔好？當然好啦(又瘀左^m^)。湯底：清。配料：通菜、菜心和蔥花。牛筋腩：柱候牛筋腩，又淋又入味。麵：爽而無鹼水味。辣椒酸蘿蔔：味道和口感，與永華相若。(但比不上兒時，姨婆醃的爽脆和入味)亞姐們很有禮貌，日後會再試蝦子撈麵。

個女店員好好禮貌, 當然唔止呢個原因, 仲要有好o既口碑我先至會揀呢度, 叫左個雲吞蝦子撈, 真係好多蝦子, 上檯時巳聞到陣陣蝦子味, 雲吞係一口尺碼, 食落唔係太味精o個種, d麵都唔錯, 唔過硬又爽口, 最緊要係冇鹼水味, 仲有放係檯面任食o既酸蘿蔔, 配撈面食都好好味。

d蝦子鋪滿哂0係面~仲有d麵好爽~仲同蝦子既味好夾好快就可以清空一碟好食過元朗好到底仲有d 阿姐好nice

之前辣椒女看到KC說這裡的蝦子撈麵，好掂！已經心思思話想來,今晚便來一試.我們叫了弛名蝦子撈麵,雲吞水餃麵,通菜和南乳豬手麵.弛名蝦子撈麵- 一來到,真係嚇了一跳,禁多蝦子,竟然可以鋪滿麵上,蝦子味很香濃,麵質很彈牙,沒有梘水味,可惜我們放於最後才食,比較上凍了一d.雲吞水餃麵- 雲吞只係普通雲吞,唔算太好;水餃比較上好d,可惜d蝦肉唔多新鮮,如果唔係就很好了.南乳豬手麵- 南乳味一般,唔夠濃,豬手又唔夠,很一般.腐乳通菜- 可能是當造,很新鮮很好味.d腐乳醬放了少少蝦子,令食起來個更加香口.

專誠大雨滂沱去試那裡的蝦子麵，果然不枉此行，是我所吃過最好的o碟上的蝦子鋪滿麵上，咸香可口，跟著的上湯很清，味道濃香，飲完也有回味，碗底居然發現有一層蝦子，可見用料一點也不馬虎，麵本身不萛頂級，也萛爽口，沒有梘水味，亦萛彈牙，再試一碗牛筋麵，牛筋很淋，很入味，很滿意的一餐\\\ｏ至於服務方面，也是滿意的，收銀姐姐多謝也說了幾次ｏ可惜用的是竹筷子，是很清潔的，但要扣一分ｏ

2005年5月5日(星期四) 下午7時這間又是第一次光顧的食肆，叫了招牌蝦子撈麵加水餃和芥蘭。蝦子撈麵加2粒水餃($26): 整碟麵滿蝦子，散發出咸蝦香味，麵就爽口彈牙，好好味。至於水餃，浸了上湯來吃也不錯。芥蘭走油($8):幾嫩，份量也不少。

英文名唔知係唔係Attention. 可能想人地留意佢間舖啦, 定係老闆叫亞森, 食字都食得好勁.蝦子撈麵好似好食過黃枝記添呀. D麵無鹼水味. 正!真係可惜咁耐先劉森到呢間野...

去完長發買旦治,同男友系劉森記會合食lunch,要左碗鵝腸雲吞黑柏葉芥蘭麵$28;先講湯底---系普通雲吞湯,勝在夠清,男友讚不絕口!鵝腸:爽口!有肥膏,不油膩,正!雲吞(3粒)---細細粒都可以,但蝦可以做得再爽一點!黑柏葉---一般,不夠入味!尖沙咀"新蘭香"的較呢度出色!芥蘭---十分鮮嫩,甜,爽口!麵---冇水味,但不夠爽!服務:阿姐極nice!冇得頂!

難得星期六好公私兩清閒，獨自去左深水步入下貨。三點幾還未食飯，見都幾耐無來，就幫襯了。叫了豉油皇蝦子撈麵，加菜底。檯面仍是放著一瓶醃蘿蔔及青紅椒，如水記般，是一貫老式麵舖的風格。照例是麵未到已經吃了小半瓶，當中以醃紅辣椒最正，幾酸，有少少甜，亦辣，好正。撈麵是充斥著蝦子的鹹香味，豉油不多也不少，沒有過鹹，亦沒有討厭的甜味。坊間有些撈麵是一味靠甜，比起這個實在是低幾班；麵質爽身，沒有鹼水味，據聞是自家打製的原故；附送的上湯用大地魚及豬骨煲成，也夠味非常。招呼的阿姐服務好，幾時都充滿笑容。埋單26蚊，是不便宜，但吃到有水準的蝦子撈麵，也都物有所值，值得推薦。題外話：因為之後想去隔離食蛇，所以專誠叫了阿姐「扣底」。正常的撈麵份量不少，比圖示的大概多四份一。

行行下電腦展有人派<<深水步區飲食指南>>,跟住指南去左喱度食麵,據稱是明星食店.我地叫左冬姑蝦仁麵同埋黑柏葉,冬姑好林,好入味,但幾黑下.蝦仁好細舊, 同D相影出尼不成比例,但都幾新鮮.黑柏葉好爽脆,加埋D醬汁幾好食.價錢適中,但較小位,

識人係0個度做, 唔係手打環境衛生唔係咁好...不過味道都可以的

水餃好食,又有白蘿蔔任食,店員勁有禮,抵讚.