劉森記麵家 (桂林街)

📺YT: Man爆少女事緣係有位同事話我知去親深水埗都會同老公食蝦子麵 而且佢非常推介(因為一定食得飽岩哂我🙈而且好味)所以特登放假試食🤩專程試蝦子面嘅我當然叫所有野食都加蝦子啦蝦子冬菇牛筋腩撈麵蝦子冬菇黑栢葉蝦子菜心淨雲呑蝦子冬菇牛筋腩撈麵上枱份量超大…鋪滿蝦子係面冬菇比我預期中大粒🙈調味好味但如果更入味的話會更開心🙂牛筋腩不得不讚…超大反差2樣睇落都好似好靭🙂點知食落完全唔係預期中咁靭同鞋踭個人覺得蝦子冬菇牛筋腩撈麵比較咸反而蝦子冬菇黑栢葉冇咁咸黑栢葉冇乜特別所以我會揀試其他而撈麵湯比我想像中少大地魚味🥲蝦子菜心係好出色菜會帶返啲蝦子鮮味雲吞就唔太推介雖然蝦算好大粒但味道有D誇🥲好重鹼水味…查看更多

排左劉森記十幾鐘就入座，叫左雲吞蝦籽撈麵同魚皮。蝦子撈麵，麵質順滑，配上蝦籽更添獨特風味。再食雲吞，內餡鮮美每一口都能感受到鮮香的層次，讓人忍不住多吃幾口。再加上炸魚皮脆卜卜，依餐性價比好高！…查看更多

今日下午專程坐巴士過嚟呢間位於深水埗桂林街玩劉森記食麵，順便食下佢個蛋媽很鍾意食既水餃。大慨開店無耐到店，已經枱枱都坐滿人，咁我唯有搭枱，坐低望望個餐牌，双拼撈麵$58蚊三拼$66蚊。人手落單點了個蝦子牛腩水餃撈麵，單寫$66蚊？問一問店員原來蝦子當一個餸，所以我嗰碟係三拼撈麵嚟。要多一支樽莊可樂。牛腩入味有幾件略嫌乾咗少少，水餃出色有水準，爽口足料味道口感一流，好好食。不甚欣賞蝦子，咸咸的味道，麵爽彈有水準。整體滿意，不日再試其他。[米饭]口味：🥚🥚🥚🥚🥚[薄荷]环境：🥚🥚🥚🥚[服务铃]服务：🥚🥚🥚[糖果]性价比：🥚🥚🥚…查看更多

呢間由細食到大嘅劉森記，裏便所有款式都食過晒，佢嘅冬菇、牛筋、牛腩、全部都有入味又淋。平時鍾意食蝦，但係係唔鍾意食雲吞嘅我都覺得佢好雲吞好好食🤤每次嚟到都會叫蝦子雲吞牛筋撈粗麵，個湯要多韭黃😝飲兩碗先夠🤭 蝦子滿滿好似唔使錢咁😂牛筋又大大件😍仲有酸蘿蔔都好好味👍🏻👍🏻 以前鋪細細，好迫，坐得好辛苦。以家新年之後裝修咗，地方更加闊落，有新又乾淨👍🏻仲見到好多外國人過嚟食。❤️❤️❤️…查看更多

成日聽到呢間店啲蝦子麵好出名，今日就嚟試下，叫咗個“牛筋牛腩蝦子撈麵“， 先講牛腩牛筋，非常入味同炆得淋，麵條上鋪滿蝦子非常香， 入口彈牙，撈麵跟嘅“湯”有韭黃放面，味道清甜。其他驚喜有枱面任食嘅酸蘿蔔， 辣椒醬有風味。埋單＄58略貴，但味道確實不錯。…查看更多

來深水埗買東西，每次都好趕時間，今次經過就不如就吓😅這是深水埗的老字號麵店，有兩間距離都近，分別在桂林街和福榮街。👍推介美食👍：蝦籽撈麵是鎮店美食，還有免費醃蘿蔔任吃🤤我點了豬手湯麵，豬手鹵得非常入味，外皮爽彈；湯底濃郁有膠質，偏濃味。蝦籽雲吞撈麵，竹升麵麵質彈牙，唔錯👍 雲吞有大地魚味，略嫌湯水不夠熱，偏淡。#深水埗 #深水埗美食 #foodies # hkfoodies #雲吞麵 #竹昇麵 #劉森記 #粉麵…查看更多

早幾日去左劉森記(桂林街果間)，叫左個薑蔥黑柏葉鵝腸蝦子撈麵，黑柏葉變左又黑又白、甚至白晒嘅牛柏葉😰。我問亞姐:”點解黑柏葉變左白柏葉？”亞姐回答:”一批批來貨唔同。”以前食開嘅黑牛柏葉變了樣。…查看更多

今日出深水埗買電話卡，心血來潮想食雲吞麵，結果就揀咗間老字號劉森記麵家🤩醃蘿蔔-天氣炎熱，冇咩胃口，食咗醃蘿蔔即刻開胃醒神，一定要試😜招牌水餃-我入到鋪頭見到每枱都有人食水餃，所以叫來試下。一上枱，粒粒水餃都勁大粒，蝦又爽口，但係包得有啲鬆散都食得出餡料好味，如果紮實一點更好。蝦子鵝腸牛肉撈麵-喜出望外，鵝腸勁爽，牛肉又霖，面有爽口，又冇鹼水味😍下次都會再食多次😃…查看更多

食評】劉森記麵家 - 蝦子水餃豬手撈面 【食物質素】蝦子水餃豬手撈面真係冇得頂！麵條彈牙，蝦子味道濃郁，豬手煮得好淋，入口即溶，完全冇腥味，蝦子份量非常豐富。整體嚟講，呢碟撈面真係好滿足。  水餃入面嘅蝦肉非常鮮甜，質感爽口，咬落去有彈性。豬肉餡料夾埋蝦子完美結合，入面重有木耳，增加咗口感，味道鮮美。 【服務質素】服務員態度一般，有啲忙碌，但都算友善。上菜速度快，唔使等太耐。  【環境】店內環境比較簡單，但乾淨整潔。座位唔算多，有時要搭枱，但都係香港老字號麵店嘅特色。  【總結】劉森記嘅蝦子水餃豬手撈面真係值得一試，特別係鐘意食蝦子嘅朋友一定唔會失望。…查看更多

香港老牌麵店，招牌蝦子麵（桂林街分店)深水埗同一個地方有兩間分店福榮街分店姐姐惡啲，比較鐘意桂林街分店，姐姐有人情味，態度好啲招牌出色蝦子麵，好味！推介豬手，有2舊，大大仵有肉咬吓，夠淋好入味👍🏻雲吞得3粒，少左啲牛腩好淋夠入味每次都會叫佢既蝦子麵，平時第二度食嗰啲麵鹼水味好重，呢度唔會每枱仲有樽蘿蔔可以任食，清清爽爽好開胃蝦子併豬手雲吞，3併都係64蚊又平又好食，希望keep住水準平民米芝蓮食店…查看更多

店內有一張張很大的枱需要搭枱。於送餐時，姐姐給我的餐上有三粒冬菇，我以為冬菇是餐的配菜，我亦沒有留意到餐單可另加冬菇，因此並沒有為意姐姐送錯餐。直到同桌有加點冬菇的那位該男士發現他的餐少了冬菇向店員反映。而姐姐發現自己上菜時弄錯了，便跟該男士道歉，然后轉頭以惡的語氣跟我說 "你食咗人哋個餐" ，要我加翻八蚊。而我在細看餐單睇下發生咩事時，姐姐再次重覆"你食錯人地個餐，要加翻八蚊"。其實我不介意加$8試多一個餸，但姐姐的語氣極不友善，完全對自己送錯餐沒有半分歉意，反而惡人先告狀，好似我刻意食錯。唔想受氣既建議可以唔洗黎已 BLACKLIST…查看更多

午餐時候去劉森記，12點已經坐滿九成人，生意幾好。Order咗薑蔥牛肉雲吞蝦子撈麵同埋羅漢果水，撈麵其實質量還好，蝦子撈麵好好食，好多蝦子，撈麵嘅味道好粥，但係又唔油，雲吞都幾足料蝦夠爽口，，唯獨牛肉真係用梳打粉「乸」得太過分，完全冇晒應有嘅質感同埋味道，希望真係可以改善。羅漢果水雖然淡淡地，但係感覺幾滋潤解渴，跟餐加$8幾抵。另外，辣椒醃蘿蔔仍然免費任食，喺香港其實已經好難得。老字號始終都係老字號，點都係有保證嘅一餐。…查看更多

劉森記麵家，他們的炸醬撈麵簡直是絕世美味啊！一走進餐廳，就能聞到誘人的香氣，馬上讓你食指大動。先說說那麵條，煮得剛剛好，有嚼勁，每一根都能完美沾上那濃郁的炸醬。那炸醬可是餐廳獨家秘方，色澤鮮豔，味道濃郁香濃，一吃就讓人上癮！吃進嘴裡，那濃郁的豆醬和醬油香氣立刻彌漫開來，讓你為之迷醉。還有新鮮的蔬菜和豆芽，增加了口感，咬下去爽脆可口。劉森記麵家的炸醬撈麵份量絕對大啊！不管是一個人吃，還是和朋友分享，都能滿足你的味蕾，讓你吃得開心滿足。還有，他們的服務真是一流！服務員總是笑臉迎接客人，快速而親切地照顧每位顧客，讓你有種回家的感覺，真是溫暖又貼心。…查看更多

見網上咁多人吹捧呢間麵店，講到d麵超好味。今日中午就同細佬一齊去呢間麵店食嘢。鋪內人客唔多，只得十幾個人，因鋪內面積細，只放得幾張枱櫈。我同細佬都要同幾個人搭枱坐。仲要係膠櫈，坐得好迫，好唔舒服😟。我叫咗碗雲吞麵，細佬就叫咗個碟蝦子牛腩撈麵。先食雲吞，味道正常，但唔算超好食。麵唔太淋，又唔係特別爽口。湯底好淡。總之成碗麵好普通。唔好食🥵。根本唔值咁貴嘅價錢。細佬食果碟蝦子牛腩撈麵，話d汁超咸，牛腩又唔好食，食咗幾啖冇再食。總之，呢間麵鋪嘅嘢食其實好普通，絕冇網評到‘’天上有，地下冇‘’咁好食。水準麻麻。真係冇下次，絕對唔會再去食。普通嘢。☹️難食！…查看更多

$46蝦子撈麵：麵條夠彈牙，湯汁鮮美，撈麵配上煮熟嘅蝦仁，味道鮮甜爽脆，令人嘆為觀止。$54蝦子雲吞撈麵：咸鮮度剛剛好，雲吞肉質鮮嫩，蝦仁新鮮有彈性，湯汁香醇，令人回味無窮。…查看更多