初見

营业中

休息中

今日提早放工去食餐好既這間初見創作料理的門面裝橫很吸晴😚室內樓底有兩層打通咁高好有空間感人氣NO.1既石燒香草吉列牛，賣相非常吸引❤刺激食慾❣熱石非常高溫，要小心燙手。每邊燒幾秒已經OK，最後燙一燙四邊，外脆內軟，難怪叫吉列牛。牛肉無根，配上香草味好夾呀😋厚道大小切得剛剛好，一口一塊非常滋味。蟹籽三文魚刺身丼一上枱，未黎得切影相已經俾老公偷食左一塊三文魚刺身，因為太肥美啦😍仲好新鮮驚喜的是白飯加了日本飯素，味道豐富炸芝士餃子釀雞翼炸到脆卜卜，而且啖啖肉好開❤呀，大滿足

今日同朋友去荃灣搵好東西食，睇openrice見尼間好多好評，又距離愉景新城只係5分鐘左右既路程就入去試試。舗頭裝修幾清新，一入就見到幅green wall，令人感覺幾舒服。不過冇諗到平日晚飯時間都坐滿人，略嫌坐位相距比較近，人多想慢慢坐下傾計都唔方便。餐牌選擇唔算多，同朋友各自簡左火鍋，一個特上牛肉什菜鍋配味噌湯同什錦海鮮什菜鍋配龍蝦湯。加左一個套餐$35，有兩片吞拿魚兩片三文魚，一碗湯同埋一杯花茶。刺身都新鮮冇雪味，味噌湯同花茶都中規中矩，未叫有驚喜。主菜火鍋係配飯，亦都可以加$8改配烏冬或者拉麵，牛肉什菜鍋個湯底對我黎講有少少淡，本身以為醬汁會係燒肉汁或者芝麻醬，不過比左個酸酸甜甜既汁，食落好開胃好上引，加埋牛肉送飯一流。朋友叫既什錦海鮮什菜鍋都好好味，特別係個龍蝦湯底，好鮮好入味，用黎撈飯女仔成碗飯都食得曬。尼餐好飽，食得好滿足，價錢合理而且免加一，臨走見隔離檯叫左石燒香草吉列牛都好吸引，下次會再去試一試。

人生若只如初見，路過有緣便進來了，餐廳裏面的裝修很有日式餐廳的風格，而且上面還掛着一部電視，電視機播着日本的節目。整間餐廳給人一種很舒適的感覺來到日本餐廳感覺一定要嘗一嘗和風料理。初見特製仙氣壽司拼盤仙氣壽司拼盤一上桌的時候，是很夢幻的煙飄出。難怪叫仙氣壽司拼盤總共有七款壽司和蝦刺身，蝦刺身口感肥厚鮮甜，讓人回味無窮。吞拿魚和元貝壽司，鮮甜得讓人高舉拇指日式叉燒自家製豚骨拉麵拉麵的口感爽口彈牙，叉燒脂肪比例相當均勻，另外豚骨濃湯，入口每一啖都食得出廚師的心思。 感覺是一間性價比挺高的日式料理餐廳

香草吉列牛牛肉都算幾重牛肉味，但吉列炸外皮唔算好脆，而且唔太食得出香草味，吉列牛整體來講都小小失望，食過其他餐廳更好味嘅吉列牛。壽司上面嘅刺身係厚切嘅，望落去好吸引，食落都幾有口感，最好食係赤海蝦蝦，帶子都幾鮮甜，飯又唔會太大舊，但係壽司就冇得單件選擇，必須要叫拼盤，而且要$148得七件，性價比來講唔算太高，但d乾冰係幾適合打卡既。

在D.park行過荃灣廣場去睇戲時路經此店，感覺幾好，便入去試試店內空間感很好，很闊落，坐得很舒服看了一輪餐牌，發現這裏是做新派日本菜，我看中了牛肉鍋而朋友看中了漢堡牛肉鍋同漢堡好像不是同一店的菜式，但偏偏這店又有特上牛肉雜菜鍋配味噌湯- 湯底超濃，好重味噌味，而大量蔬菜令湯帶多了一點清甜，牛肉勁高質，配埋自家製醬汁，味道再提升日式燒餅汁和牛漢堡配炸薯條-燒餅汁同和牛這兩樣日本食材以漢堡嘅方法在日本餐廳出現，一點違和感也沒有，而且和牛漢堡肉，肉香而多汁，炸薯條Suntory The premium malt’s-朋友話幾抵飲所以叫左罐，配漢堡，比想像中夾

2019年10月5日（星期六）餐廳名字好特別，帶點文青feel。生意好，過咗午飯時段依然要等位。入座叫咗餐，忽然聞到隔鄰枱烤肉香噴噴，更加覺得肌腸轆轆，期待自己午餐早D送上枱。照燒豬軟骨拉麵（ $58 ）濃湯豬軟骨炆得夠淋、好入味。糖心蛋糖唔算好「稀」，依然好好食赤蝦三文魚刺身當套餐（ $68 ）赤蝦超級大隻、厚切三文魚、蟹籽、玉子同蟹柳樣樣新鮮又肥美，米飯軟熟滲著陣陣醋香大蝦櫻花蝦雜錦海鮮拉麵($68)有圖為証，海鮮配料豐富，蝦肉烤過更香口用料新鮮、食物味美選擇多，初次幫襯已覺得好吸引

友人想食日本野。。佢推介呢間周日中午，都好多人。。我地好彩有張4人枱。。坐下吾夠3分鐘。因隔離枱走，店員禮貌地請求我地調去另一張較静的一枱，等在外面的八人可坐埋一齊。。店員安排非常貼心，抵讚我地四個人叫咗四個午餐炸魚薯條。。雖然吾算日本菜，但都好好味，魚好乾身，沙津菜用日式汁，中和炸野油膩，正魚生丼，魚好鮮味，配 壽司醋飯,一流蟹，海膽丼，蟹膏好濃味，蟹肉鲜味，配合海膽，色香味滿分(唯一要彈係個蟹蓋疑似reuse)。。其實冇需要用。。主體已滿分牛肉粒好重牛味，配菜亦好味飲品亦算多選擇，但要彈，佢地仲提供膠飲管。。。要環保。。走飲管啦吾該

去到香車街，想食嘅食唔到，但飯都係要食。本來午餐搞到變下午茶，見佢第一間轉下午茶餐牌，價錢合理，又係名店，值得一試。是日花茶，餐飲冷熱都有，選了是日花茶，以為係嚟一壺，唔係都煲好，結果只係熱水上放幾塊菊花，完全出唔到味，入口有小小辣口，應該有啲香料。鐵板什錦海鮮炒飯，依間出名係牛，但得湯麵先有，其餘都係刺身同海鮮，當然都有咖哩飯，小食，但想食炒。鐵板，仲以為出塊石板嚟自己炒梗麻煩，好彩唔係，兩隻大蝦較明顯，其餘有蝦仔、蜆肉，魷魚，大量蔥花，飯粒粒分明，部分被炒得脆口，唔油，帶有鹹味，唔似普通鹽，係帶有海鮮類嘅鹹香，唔係鹹魚，亦無鯹味，份量又足。炒飯上完全感受到廚房嘅技術，難怪晚市梗多人。雖然出名係牛，店內亦都貼有好多有關牛嘅廣告，但係依個位置，依個價錢，生存到梗耐果然唔止簡單。

你還記得初次上學，初次遇上自己喜歡的人，初次出行，初次見工感覺嗎？滿滿的幻想及期待，令你我再三回味!今次荃灣“初見“日式料理就比我有呢種感覺。一打開餐牌就令你有種期待感覺~想知道會有咩食物。今次我地叫左初見香草吉列牛定食。香草包住牛肉，配上熱石板自己去煎熟牛肉。一邊煎牛肉香味就滲出來牛肉汁在石板上跳動。食落去牛肉就好似某朱古力一樣只溶係口不會溶係筷子感覺。完全有初次體驗感覺。可能我真係第一次試。必食糖心蛋平時食蟹籽津就多，想不到今次手切青瓜蟹籽沙津完全不同。青瓜條不像平時的青瓜絲了，但食落一樣爽口及清甜。每條粗幼一樣師父刀功了得食日本料理點會唔叫拉麵~送上枱初次見到真係難以形容。乳白的湯中浸滿了肥瘦適中叉燒，紫菜，糖心蛋及荀。味道豐富湯底清甜。

住荃灣嘅我，呢排都鍾意係附近搵食。今次去咗屋企附近嘅「初見」。其實平時間中都路過，不過就冇特別留意。前晚，老公提議食日本野，又唔想行到太遠，就入去食吓先。入去坐底，店員放底餐牌，話個餐牌係新嘅。打開，新餐牌整得幾靚，好多食物都好吸引。我哋叫咗。。。炸和風甘栗薯餅：個人獨愛薯仔製成品，叫咗兩件試吓。味道甜甜地，有粒粒栗子係入面。外皮脆薄。安格斯牛肉豚肉湯拉面：冇諗過會咁多牛肉。真係勁多。牛肉夠薄夠淋身，仲配有好多海帶。初見香草吉列牛：可以自己燒，好特別。牛肉質素高，就算燒得耐咗，肉質都仍然軟熟，唔會韌。最後，特別想講吓隻半熟蛋。拉面同牛都配有蛋一隻，好味到不得了。生熟度剛好，超入味。估唔到屋企附近有間寶，遲吓又再去試埋其他款式先。

今晚去咗福來村探朋友，探完之後同老公經過呢間餐廳，見到呢間餐廳裝修好特別，同埋有得食我想食好耐嘅石燒吉列牛🔥我哋就入咗去，7點幾餐廳差不多坐滿曬人😆門口好光猛，一行過已經被佢嘅吉列牛深深咁吸引住🤤我哋叫咗石燒香草吉列牛拼溏心蛋配白飯和照燒汁豬軟骨自家製豚骨湯拉麵🍜加35元可以跟餐配飲品，南瓜湯和刺身😋南瓜湯好creamy和充滿香濃南瓜味🎃刺身有2塊三文魚和2塊吞拿魚，2款刺身都好新鮮，要讚吓餐廳係用即磨Wasabi，食起上嚟更加好食😋照燒汁豬軟骨自家製豚骨湯拉麵🍜豬軟骨炆得好淋🍜拉麵好彈牙😍自家製豚骨湯好香😋食得出冇落味精👍🏻拉麵仲有半隻溏心蛋，溏心蛋好香蛋味🥚蛋黃真係有流心嫁，超好食😋我最期待嘅石燒香草吉列牛拼溏心蛋配白飯終於嚟啦😻自從上年係日本東京食過之後都好想再食🤤今日終於比我食到啦🥳🎉🔥石燒板上有一舊牛脂，可以讓石燒板上有油，唔會係燒牛時黐住塊石燒板💗好細心👍🏻吉列牛嘅外層黐住薄薄嘅一層香草🌿吉列牛鮮嫩粉色嘅肉質和油脂分布平均😻睇見都曬流口水🤤將吉列牛放係石燒板上煎大約幾分鐘就食得，吉列牛外脆內軟，牛味好重，超級好食😋食完一塊急不及待要食多一塊，配埋好香嘅日本米白飯食，咁就唔會

位於荃灣福來邨附近，路德圍後面，一行到去果條街基本上一眼就望到，唔會太難搵。環境方面食得都幾舒適，空間都幾大，平時晚飯時間經過都會見到出邊有人排緊隊等位，就算滿座，可以見到都唔會太逼😉-1️⃣ 初見香草吉列牛🥩 $128配白飯、糖心蛋⭐️⭐️⭐️⭐️ 依個係餐廳人氣No.1🥰所以一早就決定一定要食呢個，老實說同一般吉列牛冇乜分別，因為香草本來就唔係一種好有味嘅材料，只係一種香料，不過用到香草代替炸粉，真係食得冇咁熱氣，而又可以有食吉列牛既感覺，真係不錯👍🏻牛都好新鮮，就算我有一舊唔小心燒耐左都好，佢都冇變un！😚😚/2️⃣蒲燒原條鰻魚 $128配前菜、日式味素飯⭐️⭐️⭐️⭐️鰻魚真係極之長，好有咬口，一啲都唔係劣質、貪平個種，而且仲燒得好香，有陣炭燒味，鍾意食鰻魚可以試吓！/3️⃣軟殼蟹反卷 6件 $68⭐️⭐️⭐️⭐️一開頭以為佢唔會好似元氣嗰啲咁嘅size，點知都好大舊， 軟殼蟹都足料，味道也不錯😋-環境：8/10服務：8/10好味指數：8/10回頭率：8/10

🐽月見牛肉味噌鍋配白飯 $68牛肉既份量都幾多，仲有好多配料，例如金菇、日式魚蛋、蒟蒻、豆腐，娃娃菜同冬菇等，鍋下有個火熱住，食到最尾都係好熱辣辣🤩味噌湯底就正常，唔會話太鹹，如果覺得唔夠味，另外會有個醬比你點，點埋就岩岩好••••••••••••••••••••••••••••••🐽日式咖哩炸吉列豬扒配白飯、味噌湯 $68吉列豬扒炸粉唔厚，很脆，肉質亦都好鬆軟，咖哩汁濃郁🤤••••••••••••••••••••••••••••••午餐有好多選擇，有唔同既丼、鍋物、拉麵同意粉😆下次會再去試下其他，聽講個吉列牛同板燒雪花牛都幾多人食😍

全日免加一服務費。環境以日式簡約風格為主，注入充滿自然氣息的木造傢私和綠葉裝飾，營造出清新、舒適和自然的氛圍。牡丹蝦壽司盛合(10件) ($208)擺盤盡顯心思，以乾冰製作出仙氣逼人的效果，視覺效果豐富，賣相吸引。壽司端上桌時，冒出一縷縷的白煙，乍看一片煙霧瀰漫，營造出夢幻意境，令人忍不住拿起手機狂拍！絕對能滿足現今以手機先吃的客人們。蟹棒鮮甜多汁，咬下去啖啖蟹肉。牡丹蝦富彈性，鮮爽無比，餘味悠長。

今次黎到荃灣揾食，就揀中左依間幾有文青feel既日式餐廳。大約夜晚7點幾到(平日)，等左半個鐘先有位可以入，如果大家想試，就記得預先bk定位喇😉-見到差唔多枱枱都有叫吉列牛，我地都唔執輸trytry係咪真係咁正先🤔石燒香草吉列牛($118)份量都唔少喎，仲有隻糖心蛋同埋配左一碗白飯🍚。吉列牛外層係用左香草🌿既炸粉，食落微脆，感覺冇咁熱氣。吉列牛每邊燒十幾秒就食得，嫩口得黎又有肉汁，不過牛味偏淡🐮 隔離有2種醬俾大家dim, 送飯食係唔錯😋-另外仲嗌左個雜錦海鮮雜菜鍋🍲。好貼心咁跟埋樽七味粉，雜菜鍋揀左跟烏冬，湯底係龍蝦湯🦞，不過就冇乜味，海鮮尚算新鮮🦑，蝦🦐冇痴殼，食落唔霉，唔會有腥味，最鐘意食三文魚，好少海鮮鍋會跟三文魚架😍 果然係日式餐廳呀😆-我想講依黑松露飯係超級無敵勁多汁！又足料喎，帶子兩面都煎到金黃色，鎖住左肉汁，米飯粒粒分明，有口感得黎又唔會好似食緊生米咁，不過記得要同朋友仔share食，獨食真係會好漏😂-我地仲嗌左款小食，炸和風金栗紫薯餅🍠+炸香草北海道南瓜餅🎃($50)。兩款薯餅甜度岩岩好，外層炸到金黃色，乾身而且冇油膩感。紫薯比南瓜味道更加出，食到栗子粒🌰，就算放耐左