初見

营业中

休息中

去荃灣行街街，唔知食咩好，朋友推介去呢間日本餐廳，話之前食過覺得幾好味。地點唔太方便，係一間剪比比鳥頭髮既salon隔離。由於我地早去，唔洗等位就可以直接入去，餐廳既路非常窄，但係枱既大小尚可接受，我地3人被安排住1張4人枱。食物既賣相同埋味道都幾吸引，燒肉食法都幾特別，最緊要係價錢合理，因為平時食一餐咁樣既絕對更貴。但係有一點好可惜，員工既質素差小小，要隻杯完全冇左影，我地未食完d野就不斷想收走d食物，而且唔止一次，其實我地算食得快，不過似乎因為多人等位而急不及待要趕人走。要知道經營一間餐廳，員工比客戶既印象非常重要，希望以後會有所改善，唔好浪費左咁好既廚藝。

今日個fd 話帶我去佢屋企附近既一間小店，離遠已經俾佢個門面吸引咗🤩 勁多選擇，最岩我地呢啲成日三心兩意既人😂 又有炸物、又有刺身壽司、又有烏冬拉麵、仲有鍋物同燒牛肉😍 真係心大心細🤔我個fd 一早已經諗好今日要食燒牛肉，佢揀咗份初見香草吉列牛配南瓜湯同刺身🐮既然佢都揀咗吉列牛，我就梗係唔叫一樣啦，偷佢幾件黎試下咪得😝 開始凍凍地，鍋物就最吸引🌬好耐都未飲過波子汽水啦😌 叫返支懷念下先刺身份量都好多，好新鮮，好肥美🤩朋友碗南瓜湯都好正，好濃郁好重南瓜味😊我叫咗安格斯牛肉鍋🐮🐮🐮🐮🐮 啲牛肉好靚，而且個鍋本身仲有好多蔬菜係入面，好入味😋平時啲吉列牛都係黃色邊，呢款有少少香草包住，令個牛味更香更特出😚我聞到咁香真係忍唔住偷食朋友幾舊牛😆

香港人最鐘意食日本野，所以就去左荃灣睇下有冇性價比較高既日本餐廳試下最後黎左呢度叫左三樣野：三文魚丼,香草吉列牛同炸芝士叫完菜就比左兩杯水我地解渴最鐘意都係三文魚丼配菜仲有玉子、蟹籽同蟹柳。厚身三文魚兼大大片，一口咬落去三文魚香味係口中散開好似有5片左右，配上壽司姜非常開胃~香草吉列牛，鐘意食牛既可能會鐘意有成隻糖心蛋！雖然係招牌菜不過略嫌牛肉薄了點，但點上鹽或燒汁食都算是不錯的。這個價錢都是合理的（$128），如果飯可以有飯素調味會更好。炸芝士，芝士味香濃，好似有5-6粒，但食到一半先記得影，配上蜜糖漿甜甜的可以解膩。不過食得太飽，兩個人實在有d食唔落

曾經很鍾情於「人生若只如初見」這一句話。今次經過荃灣海壩街打算找地方吃晚飯，看見這間裝修得不錯，叫「初見」的小店，價錢又合理，就入去試試。餐廳裡面都好像一間日式小店，最特別的是在播放著日本電視節目，還配有中文字幕。食物方面，有拉面、刺身、鍋物、小食等等。眼看週圍的食客都點了鍋物，可能天氣太冷了吧！我倆點了兩個主菜，加$35可以升級做套餐。套餐包括了兩選一的前菜、湯和飲品。前菜方面，我認為沙拉比刺身好吃。另外南瓜濃湯也好味道。來到主菜，拉麵在冰冷的冬天是不錯的選擇。而意大利飯則令我喜出望外。做得非常之不錯，十分多蘑菇。帶子也鮮甜。最後再加一個小食。其實吃完主菜已經幾飽，但還是忍不住，哈哈。這個併盤同樣有驚喜！炸物不會太油，明太子雞翼尤其好吃。

第三次食，佢個menu又靚左！啲野又好食左😋上兩次都係食壽司，今次試吓牛肉火鍋同香草吉列牛牛肉火鍋一上枱已經好吸引，牛肉大塊到個鍋都擺唔落😏至於火鍋配料都幾多款式，除咗鳴門卷，豆腐，菜，獅子狗之外，有一個特別配料，係第一次見牛肉火鍋有😗 應該係日本蒟蒻🤣 口感非常特別，因為食落冇乜味所以都唔太肯定😆 總之有驚喜啦！香草吉列牛，呢個真係必點！見到佢綠色嘅外皮已經夠晒特別，其實係香草整成嘅吉列脆皮，分量一啲都唔少，燒完一舊又一舊都仲有😋牛肉本身質地帶點彈牙口感，牛味適中👍🏻 溏心蛋好入味，睇到蛋白都有醬油色就知啦😋

初見這間店的名字很浪漫， 心情特別好，便進去嘗一嘗，地址在荃灣海壩街22號華達大廈地下F 鋪。先說說它裏面的裝修，雖然簡單但十分細緻，很有日本風格。它有午餐、下午茶餐及全天候都可以叫的小食、炸物，可見他的食物款式非常多種類，不喜歡吃烏冬或飯，可以叫一些小食都非常飽肚。主食包括：初見特選海皇蟹刺身丼配味增湯海皇蟹的高不腥，最特別的是用一個蟹蓋去盛所有刺身。初見三色刺身丼配味增三文魚配冷烏冬飲品包括：花茶、玄米茶、Zero可樂

今晚放工同男朋友去咗荃灣搵美食搵到黎呢間😀夜晚七點半去到已經全場full曬，可能樓底高加埋個裝修，感覺幾寬敞幾舒服👍我哋叫咗一個豬軟骨拉麵同一個叉燒拉麵，另外加咗個邪惡鹹蛋薯條🙈拉麵軟硬適中幾有“趙”口，湯底幾香豬骨味而又比較清淡，幾好飲😋 蛋嘅口感應該係用咗日本蛋😁 豬軟骨幾入味～鹹蛋薯條係厚切既，好有口感，炸到外脆內軟👏 香濃嘅牛油同鹹蛋味好夾😁 因為男朋友想食所以先點，我以為會好油膩，點知佢炸得咁好😯走嗰陣八點幾依然都好多人等位， 荃灣咁多餐廳都咁多人排呢間係有原因既😂

今個星期日決定到荃灣區周圍行下，估唔到俾我發掘左一間不錯嘅西日餐廳。呢間餐廳位置就稍為偏僻，由西鐵站行過去都要少少時間。不過勝在Lunch一d都唔貴，而且食物質素不錯，分量足夠，行多兩步都值得一試。厚厚嘅牛肉漢堡，配上燒汁加木魚，非常嘢味，仲有粗薯條加胡麻醬汁沙律菜作side dish，份量一定足夠。同朋友再叫多左個雞翼做小食share，其實$68係有4隻，明太子及餃子雞翼各有兩隻，我未影得切相，就已經比人食左一隻。雖然係一間日式餐廳，但係都有西式嘅嘢食，而且仲要免+1服務費，真係太開心了。

有日黎南豐行街街，附近有呢間評格非常高嘅日式餐廳，又近近地，就決定咗黎呢間初見食個high tea啦！係海霸街黎講個門面都算唔錯啦！外面放咗個午市餐牌，見到其實以一個午餐來講價錢都非常合理但我哋當然唔係食呢啲咁普通嘅菜式啦我哋嗌左一個刺身丼飯，同埋一個香草吉列牛仲加咗個野菜盛添！刺身丼飯跟咗一個麵豉湯，都幾足料香草吉列牛嘅顏色好特別，都幾值得打卡。雖然佢嘅牛肉唔係最頂級嗰一種，但勝在外面嗰塊脆皮夠趣，份量亦都唔少，仲跟咗兩邊嘅糖心蛋，非常推介！刺身丼飯質素亦都好高，每一件刺身都係非厚切，雖然價錢唔高，但係刺身依然係好鮮甜！份量亦都合理，比較可惜嘅係個碗太大個啦，上面嘅刺身唔足夠蓋過所有白飯，望落去就冇咁滿足啦！埋單$254 ，以下午茶來講真係非常之滿足呀！

今日難得約左朋友出黎，諗住揀間小店傾下計食下野，於是就黎左呢間初見啦！我地嗌左幾樣野食啦 因為係比個吉列牛吸引黎，緊係要試下啦香草吉列牛 上菜嘅時候係中間生嘅 留比我地燒到自己想食嘅熟度 佢有提供埋牛油，見我地用完仲會主動加蠟同牛油，變相唔使一開始急急腳要食晒個牛先 over個吉列牛唔錯嘅另外嗌左明太子釀雞翼 因為釀左明太子係裡面 所以個雞翼有小小辣味 但出奇地好夾 而個雞肉炸完都仲係keep到好嫩 粉又唔太厚 呢個大推！炸薯餅有兩塊 就唔係m記個啲薯餅啦！ 分別係南瓜餅同紫薯餅 而個香草南瓜餅就偏向似奶皇南瓜餅 食落都好香軟 但如果兩者比較上黎 紫薯餅就更加出色 佢個味好出，煙煙韌韌咁！另外仲嗌左野菜豆腐鍋，呢個就普普通通啦鋪頭就細細地，但慶幸在唔會催你走，真係可以坐係到傾下計，服務都唔錯

星期六經過就試試呢個lunch set，發現好抵食我叫左牛肉烏冬$58，超多牛肉，超足料，湯底好好。老公叫士初見特選海皇蟹刺身飯$98，超有心意，雖然呢個價錢好平，但賣相同味道都一流。牛餐就包左罐裝飲品，而且佢地服務態度一流，值得再去

呢間真係不得不贊贊贊！首先，初見午餐set都有好多款㨂，有日式，西式，一定有一款係啱你食！其次，我自己叫左個B2套餐，初見特選肥牛烏冬，包野飲，熱飲唔洗加錢。我叫左個花茶，花香味好出，飲左成個口都香哂而烏冬方面，係好食嘅，但係我比較中意食硬嘅烏冬，就嫌佢煮得太耐，開始一patpat咁。配料方面！！成個碗都係餸！有紫菜，粟米荀，蛋，肥牛。我只想講，隻蛋真係好好食，入味，半熟，完全搶哂風頭！肥牛方面，竟然仲多過啲烏冬！而且唔係我地平時係凍肉舖買個啲肥牛，真係食得出係好野黎，贊咁大碗烏冬，咁高質素都係$58，抵

星期六lunch時間，成條街只得三間餐廳需要排隊，或多或少都反映左餐廳既吸引程度。三間內面只有「初見」未試過，所以今次就排隊食佢。價格以日式食物黎講唔算貴，魚生丼飯都只係$68，仲有拉麵、烏冬、煱物配飯等十幾款日式料理供選擇；除此之外，唔想食日式料理既朋友，可揀意粉、意大利飯或漢堡，lunch menu選擇眾多，相信可滿足大部分人既需要。自己本身想食牛肉漢堡，但餐廳告知已經無哂麵包，要改用牛角包，唔想食太多人造油落肚既我，最後揀左照燒豬軟骨拉麵。照燒豬軟骨拉麵 $58拉麵有溏心蛋、粟米粒、海帶絲、娃娃菜等配料，用料豐富。溏心蛋好有蛋香、而且好滑；豬軟骨燉得唔錯，幾入味、軟骨位夠淋、脂肪入口有少少溶既感覺、瘦肉比較多，但我中意。拉麵係我中意既偏硬口味，不過處理得唔係咁好，仍然有d鹼水味。赤蝦三文魚刺身丼配味噌湯 $68內有赤蝦、三文魚、蟹籽、玉子、蟹柳，賣相唔錯。由於係朋友點，我只試左唔係肥美型既三文魚，味道ok；而朋友就表示整體normal，唯一印象係唔夠飽。餐廳人手不足，繁忙時間落單、出單都需要多少少時間，食客要有耐性。餐廳有悉心佈置過，樓底亦好高，比人舒適既感覺。

朋友介紹嚟荃灣試新嘢門口有少少日本feel一去到睇個餐牌，已經好有文青嘅味道驚唔夠飽，所以叫咗一份香草吉列牛同一個安格斯牛肉鍋個鍋同平時食個d差唔多，都係有d菜同埋肉，味道唔差，肉嘅份量都唔少，夠一個人食香草吉列牛份量都唔少，不過唔係好食到香草味，同 普通燒牛差唔多。不過有D香草包住d牛，牛肉都冇咁易燒窿。驚白飯太dry可以加錢轉味素飯，香口好多，另外重有一隻糖心蛋，拎嚟撈飯食都係唔錯嘅選擇。總括嚟講，味道幾好，價錢唔太貴，可以再戰

相信「初見」呢個餐廳名有好多食客都思考甚多，除左食物品質，個餐廳名真系令卡比反思左一下。IF LIFE WERE ONLY LIKE THE MOMENT WHEN WE FIRST MET，在餐廳而言應該系想每個食客都能夠保留對餐廳的長久鍾情，而非輕易地變心於其它食物或餐廳而忘記了「初見」餐廳的美食與初次到訪的贊美吧。記得進餐當日系下午時段，系屬於忙碌後的「冷靜期」，環境怖置得好似系大自然咁，以木色為主，天花放左個大樹枝裝飾，仲有一大塊葉、草場系牆身到，坐得十分舒服、忘我。🔷板燒雪花牛肉配日式味素飯 💰98 💙85/100卡比將飯轉左拉麵需要$+6，拉麵系彈口果種口感亦都配埋左粟米粒，所以都值得去試。雪花牛肉既肥脂分怖都平均，板燒個熱度幾強勁，輕輕鬆鬆就燒熱左塊牛，如果太大火的話可以落一落菇類或南瓜去燒一燒，可以防止一落牛D油就彈起哂。另外牛肉口感系柔軟吾韌，而且仲有三款調味可以選擇，包括海鹽、牛燒汁同蒜汁。🔷初見特選海皇蟹刺身丼配味噌湯 💰98 💙83/100(蔥吞拿魚蓉、蟹肉、蟹膏、海膽、帶子、蟹柳、玉子)這款丼飯賣相十分精緻，以蟹類的配料為主所以都用左個蟹殼放滿左刺身，造成左一