初見

营业中

休息中

今日放工黎到荃灣，千挑萬選揀到呢間初見同屋企人一齊試下呢度好岀名既石燒香草吉列牛。我地一共三個人叫左一份安格斯牛肉鍋配味噌湯及手打烏冬，一份初見香草吉列牛配白飯及溏心蛋，一份初之特選小食拼盤同埋一份章魚小丸子。印象最深刻當然就係石燒香草吉列牛，可以自己燒到自己鍾意既熟度，我就鍾意5成熟，所以大概每面燒2,30秒就差唔多 視乎你既口味。個一人火鍋都好豐富，有各款茹類，大白菜，加埋安格斯牛同烏冬真係大滿足！

老公好鬼馬，話帶我去「初見」地方拍拖食飯， 最初唔知佢講乜，原來佢是用這間餐廳的名字， 玩食字。我哋點咗兩個set dinner : '安格斯牛肉鍋'、'海膽三文魚刺身丼'安格斯牛肉鍋，好味又抵食，牛肉片差不多有八至十件，窩裏面都好足料，生菜、蘿蔔、金菇都好足，只是88蚊，自己在街市都買唔到。海膽三文魚刺身丼，有6片三文魚質素ok，又甜又肥美， 海膽有好濃的味道。我覺得這一間餐廳， 最合適年輕拍拖情侶，因為由餐廳名、餐牌設計、及餐牌 內裏的故事，一切都好浪漫哦，一邊用餐，一邊回想大家'初見'的景象，認真甜蜜。

今日中午來到荃灣海壩街覓食，估唔到呢間日本料理餐廳入面好似一間文青CAFE，木林風裝修，環境的確幾舒服。睇睇餐牌，午餐選擇都幾多，價錢平均都係$100以內。首先上菜既係：石燒香草吉列牛定食。除左吉列牛，附上一碗白飯、一隻溏心蛋。上菜時既吉列牛係生牛肉，可以根據個人喜好，燒到合心水嘅熟成度。牛肉厚度適中，脂肪分佈平均，非常有牛味，沾少少鹽已經好好味！而外層綠色雖然唔太食得出有香草味道，但感覺無左一般吉列炸物既油膩感，亦唔會搶去牛肉味，平衡得好好。另一個定食：板燒雪花牛肉配日式味素飯。呢一款牛肉脂肪比例就比較多，煎一煎已經香味撲鼻！鐘意牛肉多啲油脂就要試試喇！除牛肉外，亦有啲香菇、南瓜伴碟可以燒嚟食，唔會得牛肉食咁寡！整體來講呢一餐好滿意，食物質素同環境都相當唔錯，性價比高！推介

同屋企人行荃灣，見到呢間裝修幾靚既「初見」，外貌至上主義的我緊係話入去試下啦。外面風格睇落去幾日式的。初見香草吉列牛$128創作料理真係整得好靚，一定要相機食先。牛肉質地幾好，放上石板煎至4-5成熟食就剛剛好，有咬勁。安格斯牛肉鍋$88 （轉了烏冬加$8）雪花牛油花均勻，口感唔錯。味噌湯底偏淡，但整體都ok. 烏冬配火鍋是必須的，口感一流。特選小食拼盤 $98包括有 。炸和風金栗子薯餅。煎餃子。炸芝士。炸雞翼本人超喜歡粟子薯餅食到停唔到口。最好仲有個和風章魚燒內有章魚，加配沙律醬食👍🏼

荃灣不嬲好多嘢食早幾日留意到呢間人流唔少嘅舖頭等咗一陣就有位啦主要食日本料理，鍋物燒肉壽司刺身好似咩都有CP值唔差，價錢好公道不過我哋覺得壽司刺身鍋物四圍都有想食吓啲特別啲嘅嘢所以叫咗個佢嘅招牌吉列牛同小食拼盤一次過試幾樣嘢初見香草吉列牛 $128配白飯+溏心蛋+$35仲可以升級套餐添有刺身+湯/沙律+飲品湯一係味噌湯一係南瓜湯，我揀咗南瓜湯，味噌湯度度都有嘢飲簡單少少要咗杯是日精選花茶，當日係菊花茶南瓜湯值得推介味道好濃，有南瓜味，質感超Creamy！刺身不過不失吞拿魚同三文魚每樣2件都算係厚切嚟主菜係香草吉列牛外面用香草完全包裹嘅牛肉睇落已經好靚仲有2隻溏心蛋，醃過但唔鹹牛肉上枱時仲係生嘅要將一塊又一塊肉片擺上爐上面用石燒自己將牛肉燒熟燒之前將細碟上嘅脂肪當油咁搽喺石上面之後就可以放牛肉上去燒只需幾秒就已經足夠配埋白飯啱啱好牛肉煎完之後比較油膩白飯自然係最好嘅配搭啦我覺得唔需要蘸汁同落鹽已經好夠味精選小食拼盤 $98本來想試吓個明太子雞翼$58但見到小食拼盤有4樣嘢都係$98有honey同ketchup俾大家蘸嘅所以直接叫拼盤一次過試晒4樣，每樣有2件﹕1.炸明太子釀雞翼 - 雞翼

今次經開荃灣，朋友就推介呢間日式料理，話呢度位置比較寧靜，野食性價比高，就試一試啦! 一行入餐廳，就有好大陣牛肉香味，原來係呢間餐廳既主打推介。Menu 選擇勁多，不論係想食刺身、烏東、壽喜燒，都應有盡有。我同朋友都有D選擇困難，就揀左幾款主打，分別有初見特選蟹皇刺身丼，初見香草吉列牛，同埋炸和風甘栗子薯餅。呢個初見香草吉列牛真係不得不推介，佢一個set配有牛脂、醬汁、鹽同溏心蛋。厚厚既香草包住新解既牛肉，燒既時候真係好香啊!另外就有炸和風甘栗子薯餅，有紫薯同栗子包住喺脆脆既皮入面，真係超級好食!仲有呢個初見特選蟹皇刺身丼，好大隻蟹蓋，滿滿既蟹膏同蟹肉，夠曬足料，又新鮮。都係好值得推介既刺身丼。整體環境同食物各方面性價比都好高，下次再黎荃灣一定會再幫襯。

運動前要食嘢打底，剛剛在附件搵到錶位泊車，見此日式料理價格合理，便搵位坐低。餐廳嘅門面好日式但內部裝修似西式多個似日式，座位都好闊落，又有而家最方便嘅數碼QR code 落單，點菜後10分鐘內已經上到菜，服務唔錯。安格斯牛肉鍋味僧湯配白飯（$88），餐牌幅相只係得4片肥牛，而最終放喺碟上超過10片肥牛，有驚喜，牛肉肥瘦適中，亦切得薄，方便自己放喺爐上控制生熟嘅程度，湯底唔會太鹹，爐火煮左20分鐘仍然夠火力，以呢個價錢來講咁大嘅份量牛肉都算抵食。季節海膽三文魚刺身丼嘅份量都係比餐牌相內多，海膽及三文魚刺身水平合格，反而個飯底加咗飯素的配合增加層次感，佢哋揀嘅飯素亦都唔會太鹹。

今日約咗住荃灣既朋友食晚餐, 佢就帶我嚟到位於褔來邨附近既日式小店 餐廳內樓底好高, 加上裝修以綠化佈置, 空間感大, 十分舒適朋友推介下我地order咗兩份唔同既set🐮E1. 初見香草吉列牛配白飯、溏心蛋 ($128) *刺身+麵豉湯+波子汽水(+$35)刺身一般, 但勝在夠厚切夠大片香草吉列牛份量多, 按照自己鍾意嘅生熟程度燒, 肉質軟腍加上表面簿簿既香草, 好食, 值得一試😋喜歡食牛一定要試試香草吉列牛, 眼見隔離左右都有點就知掂啦😂溏心蛋半熟流心, 😋 🦑🦐🐟F1. 季節海鮮鍋 龍蝦湯配白飯 ($88)🦞龍蝦湯底比較淡同健康, 配料有🥬菜、金菇、魚蛋片、豆腐、海鮮等, 營養十足, 湯底就越食越濃, 都唔錯

呢個名適合第一次見面既朋友，見到呢間店都好多好評，本來想book位，打電話黎先知道原來星期六日晚只可以walk-in,為免排隊都有特登早d黎食晚飯。黎到當然要叫佢既石燒香草吉列牛，轉套餐加35蚊就有一份刺身、一個餐湯及是日精選花茶，刺身指定有兩片吞拿魚及兩片三文魚，厚度適中，肥美鮮甜，南瓜湯味道清甜吾會太膩，如果熱少少會更加好，而香草吉列牛係自己放在石板上面燒，食一塊燒一塊，可以自己選擇鐘意既生熟程度，肉味都算濃再加上清新既香草味，再沾上鹽或醬汁，味道個人建議沾鹽會令牛味更加突出。另外叫左個什菜海鮮火鍋配龍蝦湯，對比之下呢個就相對失色，龍蝦湯味道較淡，配料份量適中亦尚算新鮮，但未算有太大驚喜。蟹籽青瓜沙律個人十分鐘意，雖然聽落普通，但青瓜絲脆口清新，調味吾錯邪惡炸薯條既名起得無錯，但邪惡得黎都令人愛不釋手，薯條配合咸蛋黃一黎炸，香脆得黎又有咸蛋黃既香，邪惡都要食而軟殼蟹反卷就較普通，軟殼蟹既外皮少少冧吾夠脆，有改善既空間。今次初見呢間餐廳，日式裝潢既環境令人感覺舒服，而價錢亦相當合理，適合家人同朋友黎聚一聚

近期都熱門食石燒吉列牛，等小編介紹間平令正石燒香草吉列牛肉拼溏心蛋配白飯-應該係招牌，牛肉份量好足夠👍🏻，厚度適中，牛肉肥度平均，放在熱石板上可以自由決定生熟度，香草表面，說真的不是重點😂牛肉肉質鮮美，再點上醬汁，味道一流👍🏻配餐跟溏心蛋半熟流心，不錯日式燒餅汁牛肉漢堡飽配炸薯條 厚切漢堡牛肉，漢堡夾著生菜，番茄，漢堡扒口感扎實，食落飽滿有肉汁，佢特別係用大阪燒常用的燒餅汁，好有章魚燒味道，有種日西fusion 既感覺

今天工作來到荃灣，經過這間「初見創作料理」，同事見到有他喜愛的熱石吉列牛，便毫不猶豫地入去。店舖裝修簡潔，有一大片綠葉掛在牆上，令人特別醒神。《初見香草吉列牛定食》$128（有12片）翠綠色的香草包住薄薄的牛肉，單是外觀，已經無懈可擊，這是NO 1 人氣必食之一，香草本身只是一種香料，廚師巧妙地用香草代替炸粉，食落就別有一番風味。熱石板燒熱後，把牛肉放上去煎一陣，芳香四溢，牛肉鬆軟，令人不禁食完一口接一口。《豆腐素菜味噌湯拉麵》$55這個素菜拉麵也不錯，有椰菜絲、豆腐、金菇、冬菇、魚片、粟米粒和紫菜，味道清淡得來不失甜味。

今日同👦🏻嘗試行遠下，發掘下小店。行到福來村附近發現佢，唔知餐廳既食物又係咪好似初見咁美好？🔸初見香草吉列牛 $128被牆上既poster吸引左🤩佢係類似出面熱石燒牛咁樣，不過個牛扒就用香草炸衣包住輕輕炸過，再俾客人燒至自己想要既生熟程度。店家會提供一小舊牛脂俾我地係熱石上先燒溶，再燒牛扒，令到個牛扒更加香！牛既肉質軟腍唔韌，燒完加少少鹽調味已經好食。🔸味噌海鮮鍋 $88個海鮮鍋都好足料！$88有成好幾種新鮮海鮮，有三文魚又有蝦，都算幾抵。加上湯底本身都有唔少料包括菜、豆腐、魚板等等，份量十足，性價比都幾高。不過可能因為湯料都多，用依種火去煲就要多啲時間先滾，要俾多少少耐性喇🤣不過難得拍下拖出街食飯，慢慢傾計食下都幾好吖.最近覺得去唔同地方發掘啲唔識既小店都係幾好既拍拖節目，特登唔search評論，好似扭蛋咁可能扭到超正既，但又可能試到伏野🤣但就係依份未知，先更令人有驚喜🤣🤣

荃灣果真是一個美食天堂🤤，想來一頓簡簡單單的午餐，結果...有驚喜喎🤡！今日去荃灣玩，走入福來邨懷舊一番🍃，讓我找到這家日式食堂🍱！餐廳佈置簡約帶點日風🍙....Oh 有點文青feel 🍵! 看見師傅在中庭的壽司吧細心處理食材，決定order 海皇蟹刺身丼+板燒雪花牛肉配味素飯！🦀海皇蟹刺身丼來了🤪份量十足，98蚊lunch set 有蟹肉、蟹膏、海膽、帶子......真係喜出望外🙀！ 雪花牛肉來了🥩，這是隨鐵板上的，生熟度自己控制☝🏼有得食有得玩！最重要係牛肉有質素兼份量夠！連配料都堅專業💪🏾，飯🍚、麵豉湯、wasabi 、醬油都堅日feel！看見🦉鄰坐點了綠色牛肉，原來是人氣No.1 香草吉列牛🐂，下次必試😋！

今日收工黎荃灣同男朋友一齊搵好野食，網上見到超具人氣既日式料理小店，供應唔同菜式，包括石燒牛、壽司刺身、牛肉火鍋、日式意粉同漢堡等，十分多元化！難得黎到梗係試一試佢地既招牌野—香草石燒牛定食，見到好多枱都有叫，好受歡迎～最值得讚既係選用牛肉靚，好有牛味，而且肉質鮮嫩，只需將兩邊略略燒一燒，就已經食得～而男朋友叫左risotto，佢話黑松露好香，配搭上煮得剛好的Risotto，絕對不會像其他餐廳的意大利飯予人油膩感，而且帶子都好大隻，整體來說HKD88，性價比很高～最後炸粗薯條都好正，加上鹹蛋黃，成件事好邪惡啊！

吉列牛🐂在香港都盛行了一段時間，但香草吉列牛好像的確未見過，我和友人決定一嘗😋。.餐牌的選擇也行多元化，有點西日🇯🇵fusion，看起來不錯👍🏻先來小食炸和風甘栗紫薯餅🍠和炸香草北海道南瓜餅🎃（$50兩件），炸皮不厚，「喀擦」很香脆，前者香甜，後者奶滑，更有點點顆粒有咬口☺️.炸雙拼雞翼（$68）的明太子版微辣很鮮味，脆皮多汁，內餡很多爆出來🤤；芝士餃子版🧀芝士味不算太濃，有爆漿更正💯，但肉味香濃，值得一試！初見香草吉列牛🥩（$128）非常豐盛，有多過十片的牛肉，先把肥肉煎出油，再放上一成熟的牛肉，每次三四片，「滋滋」令人食指大動👍🏻！煎至五成熟再沾上醬汁！很有牛味又不老！帶點油香，香草🌿味不算濃，很香口有飽足感😍再叫個野菜豆腐鍋🍲（$58）均衡一下，很清甜，足料，秋風起🍁很暖胃。套餐升級(+$35)有刺身、南瓜湯☺️吃得飽飽人均也不用200😱，抵食！難怪多人光顧😋！