初見

营业中

休息中

運動前要食嘢打底，剛剛在附件搵到錶位泊車，見此日式料理價格合理，便搵位坐低。餐廳嘅門面好日式但內部裝修似西式多個似日式，座位都好闊落，又有而家最方便嘅數碼QR code 落單，點菜後10分鐘內已經上到菜，服務唔錯。安格斯牛肉鍋味僧湯配白飯（$88），餐牌幅相只係得4片肥牛，而最終放喺碟上超過10片肥牛，有驚喜，牛肉肥瘦適中，亦切得薄，方便自己放喺爐上控制生熟嘅程度，湯底唔會太鹹，爐火煮左20分鐘仍然夠火力，以呢個價錢來講咁大嘅份量牛肉都算抵食。季節海膽三文魚刺身丼嘅份量都係比餐牌相內多，海膽及三文魚刺身水平合格，反而個飯底加咗飯素的配合增加層次感，佢哋揀嘅飯素亦都唔會太鹹。