再興燒臘飯店

营业中

休息中

今天終於試過這裡出名的叉燒飯,沒有我想像中的好味,一般啦.

2008年4月1日中午12:10 物價飛漲, 我買o既切雞飯, 雞份量少o左好多喎! 因為好覺眼. 米加得好勁, 遲d可能飯都少埋.

日期：二零零八年四月十一日時間：晚上九時地點：601A人物：我、他食物：再興燒臘飯店的叉鴨飯、叉雞飯、滷水併盤及例湯「斬料」、「斬大舊叉燒」、「生舊叉燒好過生你」，燒味是港式食物重要的一環，也是香港文化不可或缺的一部份。燒味在廣東一帶興起，並由香港帶領發揚光大，如點心一樣，要吃上一片味美的叉燒，不能不到香港，怪不得世界各地的唐人街皆有「港式燒味」出售，而「港式」二字更是其精粹所在。從「斬料加餸」中，我們可以知道燒味本來就應該是外賣，而不是堂食，而外賣又能保持品質良好，美味可口，就是上好的燒味。在冰鮮豬、冰鮮雞大行其道的時代，我們只能認命，香港人注定再難吃上一碗新鮮而雞味濃郁的切雞飯，也別妄想將來仍有新鮮豬製成的腩骨供閣下購買，集體屠宰和冰鮮肉食，彷彿是大勢所趨，可能是世界的潮流，也是文明的體現。在世界的大洪流中，我們無法抵抗，在認命的同時，應該在既定的事實中尋找出路，把冰鮮食材處理得當，並發揮其味，才是保住香港飲食天堂這華貴冠冕的不二門法。燒味中的叉燒，講究的往往不是食材的新鮮程度，反而醃製的手法和燒製的秘訣更為重要。再興的叉燒以梅頭燒製而成，自然有肥有瘦，達至所謂的肥瘦適中，而醃製手

上黎睇過灣仔有咩好野食..又平..又正..睇到lee間好多好評..夜晚黎左食..之後返學..一入到去..未坐低.侍應就問我食咩.我都未睇到有咩食..好彩黎之前做左資料搜集(openrice)叫左叉鵝飯..雖然無下面其他人o個d咁靚..但係都幾唔錯.$22一個雙拼飯..都算係咁啦..d肉唔會"鞋"同"韌"都幾好口感..好多人係外面排隊叫外賣..D職員做野效率好高..好快就有得食..^^下次黎開都食返個燒味飯先..

去開灣仔，便順道去試試這間網民讚不絕口既燒臘店，外賣左招牌叉燒回家品嚐。叉燒雖算入味，但個人認為並非外界所稱般美味，亦無需專誠到灣仔試。或許之前期望過高，有點失望吧﹗

之前復活節假期摸門釘，今次則剛巧在附近考IELTS而有機會來試試很多人讚的叉燒。等了一會終於有得入去坐低，環境十分擠逼，完全要背貼背吃的。服務快夾爽，由落單到食物上台都只不過是前後兩分鐘，乾淨利落。雖則雙拼是同價錢，但還是點了肥叉飯，試試味先。每舊叉燒都不硬，吃落甜甜地，肥瘦適中，係的確幾好食。離開店後見到門口擺了一箱箱脢頭肉，想整出唔好食的叉燒都幾難。在灣仔區來說，這兒的消費果真不貴，而又甚有質素，可以Encore。

長沙灣某燒味檔執笠後都無再食過燒鴨拼燒肝了，聽人講再興呢度都好掂所以黎試下，燒鴨半隻五十蚊好似比較貴但黎開呢度食都知呢度質素普遍都幾好所以照買，另加十蚊三件燒雞肝，呢度環境依舊唔太好，但一樣好多人幫襯，服務就一如以往好到你唔信，多謝前多謝後，酸甜醬同埋鹵味汁都比o左好多我。講返味道，燒鴨果然係正，平脆肉厚又唔會太油，燒肝雖然比較硬身但相當好味，雖然膽固醇好高，但間唔中食返次都要。因為太正！

今日下午睇完openrice d 食評，口痕痕決定放工同友人落灣仔試一試再興燒味七點半去到，門口勁多人排隊買外賣，堂食就等左一分鐘就有位(但都係full 晒的)我點了叉鴨飯，朋友點了叉油雞飯，各$22d 叉燒我夠膽講全港數一數二，絕對拍得住太興，但係太興閒閒地盛惠五十蚊一個飯，再興呢? 叉鴨雙拼飯都係二十二... 靚叉入口即溶，一食難忘，朋友都非常同意，另外油雞也不錯，反而燒鴨就麻麻地，太大舊完全比叉燒比下去!另外，例湯相信搶手，七點半已經宣佈賣晒，下次我去一定要試，看來相信足料的感覺服務方面，三個字- 快、靚、正，一入去即問你食乜，兩分鐘唔使有飯食，有問必答，燒味店來說已經好好!點解我以前住軒尼詩道十幾年都唔知d 間野d 叉燒咁正既... 又一相逢恨晚: )

嚟食,完全係因為睇完openrice!因為有事要落灣仔(去設計師樓睇圖),所以都預左要喺度搵食,但係又唔熟路,所以都係睇吓灣仔有咩好食,有左openrice真係方便左!擦完鞋,講番食既义油雞撈粗,如果唔係有人品題,我都唔會識去!粗麵size唔算好大碟,不過廿零蚊又真係幾抵食!义燒我無叫要肥,但係都唔係好瘦啫,口感好好!肉都幾多,而家咩都貴,都有咁既排場,所以收貨有餘!粗麵我都好鍾意食,個燒汁都幾正!麵梘水味唔重,易入口!絕對係一個值得推介既地方!

買了半隻燒鴨，四隻豉油雞翼，半斤叉燒同十蚊鴨肝。先講燒鴨，好味到無得彈！很甘香，很肥美，但又唔會肥到太誇張。層皮燒得好香，鴨肉都好正，肉嫩，仲有肉汁，好有肉味，肉質唔會梅，很有咬口。大大舊肉，好正！真係好想再encore~叉燒都唔錯，不會太肥，肉質帶點爽口，不會實得得。鴨肝，十蚊有3個，都幾抵食，size ok, 燒得香口，淋淋的，很有肝味！豉油雞翼就比較咸，就係一般燒味舖嘅豉油雞翼，無咩特色。

星期六既Function完結之後，一個人落左灣仔買羽毛球拍，買完諗食咩既時候，忽然諗起再興呢間好耐無去過既燒臘店。踏入鋪頭，滑滑既地下，加上一把同好景四仔阿叔一樣咁經典既聲音同我講係咪一位，埋邊有位喎。一切一切都係咁麻甩feel，講真如果唔係佢d叉燒同油雞咁好食，我點都唔會入黎，最多買外賣返屋企。坐低唔使點諗，同阿叔落order一碟肥叉油雞撈粗。你地無睇錯，的確係撈粗麵！其實N年前同科拉食既時候已經俾佢話，邊有人去燒臘店食撈粗架？！哈哈，但再興真係又俾你可以咁揀喎，仲要同一碟飯係一樣價錢，對於一向唔”湊”米氣既我就岩晒啦！用佢地特製既燒味汁去撈麵真係好好味架！有人話再興既叉燒好乾好硬，以我既經驗係一定要叫肥叉，千其唔好叫瘦叉或者普通叉燒，因為果d真係瘦得好緊要．．．真係懷疑果隻豬係咪非洲返黎既．．．無啖好食所以瘦成咁，亦都好硬。叫肥叉就岩岩好啦，佢地既肥叉其實係一d都唔肥，只係有dd咁多既肥肉，比起其他燒臘店既半肥瘦叉甚至普通叉燒都要瘦，但就軟熟好多，仲有少少燶邊，好香口好正！至於油雞，就肉滑同埋好夠豉油既香味，唔止雞皮上有，連肉都好有味。好滿足既一餐都只係二十二蚊，真係好味又抵食！

和男友去完298買電腦,男友話去再興,全港NO.1叉燒果然非浪得虛名單,除了叉燒,不可不嗜咖哩雞,比好多以咖哩為名的食店更出色,外賣更抵,未試過的人,快來試試!

睇完忽然一周的介紹去左再興食叉燒,客人未坐低就立即要落order,我們叫了叉雞飯同叉鴨飯,叉燒一點沒有想像的好味,有點"鞋"而且又乾,雞同燒鴨就少肉多皮,只有那個濃味豉油送飯是ok! 顧員服務真的好一般,整到隔離的客人一腳汁都可以當無事! 本人的話, 就沒有下次了!

一入去，七點鐘到，就已經坐滿晒人啦。勁~叫左一個叉燒飯同一個燒排骨飯~~~個叉燒真係半肥瘦，好味~我覺得女仔叫碗就已經好夠啦。因為我都食剩大半飯，好浪費。男朋友叫左個燒排骨飯，佢\都話佢\果個好好味。不過，我偷食左兩舊，都係覺得叉燒好味d，不過佢\堅持話燒排骨好味d wor..埋單時，發現蠢左，我見對面果個人雙拼都好似係加一蚊姐，好知就叫左d野，試下啦~.同埋，唔好expect可以坐好耐，因為勁多人等緊，自己都唔好意思坐太耐啦~雖然，我唔係覺得係超超超好味，但廿蚊一個飯，有咁既質素就真係好好~

香港的同事经常说烧味如何好吃, 可惜在深圳吃过好几趟都不对口胃. 今次来到香港, 朋友叮嘱我务必来这间小店, 前日终于吃到, 不枉今次香港之行. 当时不知自己想吃啥, 只叫老板推介一百元的烧味, 当中有乳鸽、鸡、叉烧、烧排骨. 除了鸡以外, 叉烧和乳鸽都是偏甜, 虽然我跟同事都挺怕饭里放糖, 但口味真的挺特别. 难得是烤了这么久的烧味, 肉质还是非常嫩滑, 跟我吃过的烧烤串是另一种风味. 老板见我是中国来, 怕我不吃甜, 特意拿了一些咸酱油给我, 非常细心. 将来有机会再到香港时, 一定会再过来尝尝其他食物.