再興燒臘飯店

营业中

休息中

去出名老店，預了師傅話事。今日，我死在他們手上。肥叉雞飯，肥叉其實只是有少少肥肉的瘦叉，但好味道，也就算了；只是那四件雞，內臟比肉還要多時，你叫我怎送飯？吃了幾次再興也是未能滿意，再見好評近百，是自己彩數不夠好吧...

二十元一大碟，真的是燒出來的。燒得出色的叉燒，夾件半肥瘦的放進咀裡，不亦樂乎。油菜，油多得有點過火，建議加湯上。地方淺窄，地板不太清潔，故建議外賣。但以這樣的價錢在灣仔吃到這樣高水準的叉燒，實在不應再在雞蛋裡挑骨頭了。

試左碟肥叉飯，味道只覺一般，價錢算係幾平。環境都幾迫下，好多野都係自助，好多人去食、外賣，我諗係因為價錢平食物又唔差。

在灣仔上班的幾天，搜尋著灣仔的美食，今天中午吃的就是享負盛名的燒味。我叫了一碗叉鵝飯，飯對女孩子來剛好，男孩子肯定不夠，價錢原來只差一元，所以奉勸男孩子必須吃一碟的。叉燒與燒鵝均過甜，不喜甜的讀者要有心理準備。P.S.午市很多人外賣，堂食一人通常有位。

由細到大都好鍾意食叉燒嘅我一直以為街市個燒味檔同太興已經係最好食每次有叉燒食我碗飯都食得特別慢直至有一日BB豬帶我去"再興"買咗20蚊叉燒番屋企之後我先發現乜嘢先至係真正好好味嘅叉燒點解d叉燒肉同汁可以咁好味???其實我未試過食其他嘢，又無試過堂食，因為BB豬對環境衛生的要求特別高，所以每次都係買外賣，理所當然一定係買叉燒啦.....

幾年前住在附近，間中過來買個飯盒，早知其出品不錯，伙計有禮又爽手。今次帶老婆到來堂食，讓她品評一下。12點已經人迫迫，聽阿哥介紹要了叉鴨飯，她則不要燒味而要咖喱牛腩飯。叉燒仍然好得，雖然忘了交帶要半肥瘦，結果全是瘦叉，不過舊舊咬落都夠腍軟，絕不硬實鞋韌，而且蜜味剛好不過甜。燒鴨則普通，而且骨多肉少，不及清真惠記。咖喱牛腩也有點令人失望，雖然牛腩夠腍無渣，不過作為靈魂的咖喱汁卻嫌稀，味道亦甜而不辣，吃得不過癮，更差的是食完很口渴，師傅作怪。

扺食, 單雙拼也是十九元, 但一條菜也沒有, 不夠健康。叉燒算是好吃, 起碼肉質不會死實實, 但午餐試過它的臘鴨, 十分不得。

以前係灣仔返學, 聽同學仔講呢間燒味好好食. 特別推介肥叉飯~自從食左一次之後成日都黎食. 就算而家無再係度讀書都間唔中山長水遠黎返黎呢度食. 呢度ge燒味真係好抵食好好食, 雖然我次次都只愛肥叉飯, 但朋友都話其他燒鵝, 油雞都好正! 而且鹵水汁就係檯面, 可以任加~衛生環境係比較差, 地面總係一個個黑色印. 不過勝在味道好, 服務快, 坐低叫完1分鐘左右碗飯就到~+$5可以有汽水/ 油菜/ 湯. $20幾一個lunch非常滿足!午市晚市經常見到一條長長人龍, 個個都係外賣~而且午市都經常要等位~美中不足, 係星期日唔開門=(可以講, 我真係未食過第2間叉燒比呢間好!

大大話話係呢區都有咁上下日子,不過每次經過都入去試下,見得呢度咁多人推介,搞到心郁郁,最後都入左去!店子不大,見佢師父由樓上搬燒味落黎,伯伯做夥計好落力,態度又好,搵左位即刻叫碟叉鵝飯,再加個例水(菜干蜜棗煲豬骨),第一口咬落去舊叉燒度,幾有食神裡面阿肥家燕個種feel,靚仔個時ge叉燒味返晒黎!!!鵝就一般,燒臘汁每台一支任加!個例水好清淡,唔洗用味精個隻,同台個哥哥仔食完仲要買外賣走,見佢水牌仲有幾他小食,下次一定再試!以咁平ge價錢,咁好味ge叉燒,你話點可以抗拒呢?

星期六去灣仔唱K, lunch time, 便帶埋幾個friend返黎食叉燒飯我點了一碟叉鵝飯, 出餐快之餘, 又有不俗服務最鐘意係叉燒汁自己落, 要幾咸自己話事燒味選擇配搭比其他燒臘店多, 只是人多時, 會趕一趕客.

次次黎到都好多人所以都係買外賣，今次下午兩點幾黎到見倒有位，所以試下堂食，叫碟我最鍾意既叉燒加燒肉飯，叉燒準備依然不錯，只係燒肉就麻麻唔明點解次次都咁早買晒，四五舊燒肉都一舊有皮.... 雖然我唔係特別鍾意食燒肉皮，不過硬係覺得有點兒那個，不過加d豉油都真唔錯既一餐，再試埋佢地個例湯，係青紅蘿蔔瘦肉湯，好似無傳聞中咁正到飛起，但都算係好飲。另外要講下呢度既服務，呢d地方基本上預o左會係差，差到句句粗口鬧人既燒味鋪員工我都見過，但呢度既服務真係好到嚇死我，句句都唔該，仲要唔係個別一個員工，係個個都係咁，又唔該，又多謝，阿嬸拖地都句句唔好意思，好難相信係呢d地方有咁既服務，另外有d燒味鋪豉油都唔會落多比人，見你落得多就啤住你，係呢度食食下無啦啦有人拎走樽豉油，我仲以為怕我落得太多，點知原來係驚我唔夠幫我加返滿佢。呢餐廿五蚊，對比起果d十蚊八蚊就一盒既燒味鋪好似好貴，我個人覺得呢度都絕對超值。

臨急臨忙BBQ, 記起今期飲食男女話呢度有「生叉燒」賣, 原本要早一日預訂, 但一小時前打電話去「預訂」, 一樣買得到。入到去話: 「要一斤叉燒...要生的。」四圍既食客好出奇咁望住我, 有個傻佬爆笑到問:「乜叉燒可以生食架咩?」^_* ......48蚊有兩大大大大條叉燒, 原條咁上, 有一斤重, 份量剛好夠六個人食, 每人分到一大。為左應付呢舊肉, 我地好神聖買埋麥芽糖(其實用蜜糖一樣得), 一邊燒, 一邊狂掃麥芽糖, 最初諗住自己燒及唔上再興, 但原來勁容易。可能肉質超越晒一般BBQ 水平, 咬落勁多肉汁又鬆化, 如此肉質, 美女廚神都識燒。第一次食熱到辣咀既叉燒, 好食到出奇。不過經過一次經驗後, 要注意一下: - 記得帶把刀去燒叉燒, 因為叉燒係原條咁上。- 切生叉燒要出力d, 原條燒後先切容易得多. - 全舊叉燒食都幾油膩, 我地買左包即食生菜包住黎食, 效果超強!

早幾日又去買燒臘。以前間中見人買乳豬骨食, 所以今次我買左D 叉燒加乳豬骨食。叉燒正常好味, 但乳豬骨就普通。乳豬骨旁邊D 肉不太多，D 味又同叉燒一樣，所以唔抵食。所以下次如果D 店員hard sell D 乳豬骨，最緊要say no! 寧願買多D 叉燒食好過!

OR對再興既好食留言滿天飛,家姐食過又話好食,又話好出名,又話好多人食等等等等,咁我緊係出開灣仔,唔執輸點兜都要兜去再興啦!好在一早諗定食乜,因為未坐低就會問你食乜,完全唔會有考慮既餘地,咁我就要碗瘦勳蹄叉燒飯,1 mins碗飯到,個呀叔簡單一句"d汁係"桌"(當然係口語啦)上,自己加架",已經令我覺得服務幾好呢^.^基本上,堂食食到既野完全無失望,上至叉燒,下至飯都好食呢!!------>因為勁加汁嘛^o^先談叉燒,雖則食既係瘦叉,但好入味又唔會"柴皮",總之對食瘦叉的我就係好食啦!!勳蹄就不過不失啦.飯加汁食,又真係好食喎,其實平時我都唔太撈汁食飯,但見OR每位朋友仔都讚撈汁食飯,加上心諗係咁出名"正"汁撈飯既再興,無理由只加少少汁而食白飯架嘛!!!so,白飯就梗係變成豉油飯啦....^_^"ho~ho~ho~ho~想買比屋企人試下,買左燒骨,叉燒,勳蹄(3樣都要瘦既),但打開個盒見到我最想食既燒骨唔係我想食果種,真係失望囉!!!原來係我唔識叫呀!!!激死...T^T但唔緊要,我會再接再厲架~~~~再興

去過喇間野買燒臘好多次，多數買燒腩，不過唔算係超正，而D 乳豬就仲差，好肥。早幾日終於買左佢D 叉燒食。我話要肥叉，但係都係得瘦叉。不過好好食，特別係D 肉有BBQ 味，好香。另外乳鴿亦好入味，值得推介！