再興燒臘飯店

营业中

休息中

係灣仔反工，成日都食呢間野！佢地一到 LUNCH 外賣就大排長龍，無計，入面太細兼且六國大封相，異常混亂！呢間野入親去唔洗講多，肥叉飯一碟，必食肥叉，瘦叉太 un！肥叉香而多肉汁，配上佢地既燒味鼓油，一絕！香港燒臘檔級數叉燒黎講，頭三甲當之無愧！其它野就一般非常…

又係看咁多食評, 去試吓, 叫咗:1) 义燒飯 - 專承叫半肥瘦义, 可惜都係肥 d , 蜜汁咪ok2) 鷄鵝飯 - 肥瘦適中, 3) 例湯 - 好多頸 & 散骨, 應該用湯袋?Total 22 x 2 + 5 x 2 = 1 人27大元, 經濟實惠

今日黎左再興，買外賣，叉燒要左半肥瘦同瘦叉...係返屋企途中已經發出陣陣叉燒香味！返去煮黎食，D瘦叉真係幾正，但是半肥瘦就太肥太UN，冇想像咁好，本來見到好多食評寫想試半肥瘦叉先買黎試下點知真係........... 中招。

見到咁多好評,一定要去試試 同男友叫左叉燒油雞飯同埋叉燒燒肉飯,加一碟油菜,一碗湯叉燒真係好好味,較出面既好味 燒肉,男友話幾好味湯好住家feel,仲有好多渣,good 最正係可以自己任落燒味汁撈飯食真係非常正~~~最緊要夠哂抵!係灣仔區食到咁抵又有質素既飯,真係好難得架啦

Saw this place ranking really high in openrice so I decided to go give it a try.First, lets talk about environment. It is a old traditional 燒臘飯店 with a lot of people inside during rush hour. Tones of people waiting in the line outside for take out order too. 4-5 people pack into one small table. Definitely not a place where you can sit comfortably for meals. They have plastic cups and a plastic tea pot on the table, so you can get a cup of tea for yourself.Second, now about the food. I ord

軒小隔離的森記書局就搬, 去做了個訪問後直奔九龍, 想起再興近在咫尺, 偷閑食碗叉飯先。13:50仍爆場, 多人在等位等外賣, 好在夥計大嗌「埋便吖」之後竟然真的有位, 邊躡進內邊落了瘦叉少飯。甫坐落飯即到。叉燒狀態甚fit, 瘦的夠燶又未燶得哂, 色澤紅潤, 似在大叫:「岩岩出爐咋! 快d食我啦!」可惜無薑蔥。又係夥計: 「小姐, 撈d飯汁先好味o架!」忙到咁仍能一眼關七。叫了碗不口渴的西洋菜湯。14:10踏出店門, 美味快捷的一餐。

有次睇過openrice 話哩度幾好食之後, 就o黎再興試試佢食過叉燒, 真係唔錯喎~~~後尾見人地會叫肥叉, 我又叫下, 仲掂!!!而家keep 住都會幫襯佢(雖然個環境真係麻麻地)我通常都係下晝lunch 時候食, 真係迫人非常, 但係小店鋪效率奇高堂食叫碟飯, 落order 只需十多秒碟飯已可送到我面前仲要處理鋪外大排長龍o既外賣人客, 實在係有o的料到總之想食好食o既叉燒, 哩度真係值得推介!

"再興" 真係好紅.我讀小學既時候已經幫襯佢地. 但係果陣佢地唔係鋪頭, 係 "大排檔"."再興" 之前係響對面既 "克街" 做大排檔. 佢地隔離係 "標記" 茶檔. 以前可以響 "再興" 叫碗叉鴨飯, 再叫 "標記" 既熱鴛鴦.講番 "再興". 佢地 d 叉燒咁多年都有變過, 一樣咁 "林" 咁好味!(***而家食完 "再興" 一定會去對面飲碗 "三不賣". 但估唔到而家賣 $8 一碗... 我小學果陣賣 5 毫子咋...)

昨日去完旺角食嘢後batman 和 batwoman 跟手再去盛傳义燒好味的再興燒臘飯店 試了义燒,燒鴨,燒肝义燒肉質夠"林", 表皮夠香, 但味道偏淡,有少少失望 燒鴨味道唔錯最大驚喜是燒肝(應該是雞肝整的), 十分香,十分好味, 而且市面較難吃到, 連batwoman都＋分讚賞, 只是這款食物, 已值一個笑面义燒 (6/10 分)燒鴨 (7/10 分)燒肝(9.5/10 分)

lunch諗唔到食乜. 近近地就又黎食叉燒飯.都係瘦叉岩女仔食~ 得好少脂肪.叉燒真係好好味!!!!! 任落的汁仲正!!不過因為太好味所以落得太多搞到食完之後覺得好咸例湯都係推介! $5大大碗難怪咁多人lunch排隊!12:00前來會大把位不過衛生唔係太好...下次留意下啦...

尋晚同阿POOH去灣仔,順道搵下獲得多個哈哈笑既再興,睇下佢既叉燒係咪真係甘好味o去到,阿POOH唔想等位,甘就決定外賣,都幾貴,一舊叉燒加1/4隻燒鵝,成為$100,不過,如果好食都值得既o返到屋企,立刻煮過煲仔飯,開餐….唔…D叉燒又幾好味喎,好"林"雖然全廋,但係一D都唔"鞋",我諗半肥廋仲好味o,甜味適中,最好係佢D叉燒汁另上,唔會將D叉燒浸到"梅"晒,燒鵝,阿POOH話麻麻地,我都覺得普通左D,早D要燒肉啦!

我唔係幾明點解有人話d雞無雞味~~~講真佢真係仲差小小因為d雞胸做得唔味~~~~仲有就係d人話唔夠豉油我真係想問下有無攪錯,呢間野係唔會同客人落汁係成支汁放上枱比客自己落既~~~~總體來講好味~~~~同埋你睇下在灣仔二十三蚊可以食到碟飯有咁既質數同區有邊間做到~~~~~€

之前o係灣仔做野都未試過食呢間,反而而家唔o係呢頭做就有機會黎呢度~買左半斤叉燒返屋企加料,忍唔住o係車上偷食呀~ 唔記得講要瘦叉,所以佢俾左略肥嘅我,我諗應該算係半肥瘦喇~佢嘅甜味唔同人地果d蜜汁叉燒嘅味,係更加好食呀~d肉無臭豬味(唔知點解近兩年我食到嘅叉燒都有陣臭豬味呀! )有少少燶,好鬼死香口呀~~真係好耐無食過咁好味嘅叉燒呀~同以前荃灣成日排長龍果間有得揮呀~不過如果下次有機會,想試下佢嘅瘦叉呀,好似健康d咁囉......而家要$30半斤呀......係咪又加左價呀??不過佢咁鬼死好味,絕對係值得架~~

快餐一直會加上 "美式" 兩個字, 去麥記買個包, 隨時等 30 秒, 但在再興面前, 美式快餐都要行埋一邊, 其速度之橫強, 簡直要用 "閃電" 去形容. 「叉燒飯丫, 唔...」 我未講完 「唔該」 , 樓面已高速落order, 斬料師傅一雙摩打手狂風掃叉燒. 究竟平日有幾快? 我唔知喎. 但上星期帶朋友去食, 我隨口講句: 「佢地好快架.....」結果畀收錢阿哥聽到, 佢大叫: 「咪令人失望, 呢舖黎真, 要超快!」呢次叉燒飯, 用了五秒送上, 唔知我有冇計錯時間呢. 五秒, 好誇張! 最爆笑係叉燒飯送上時, 我和幾個朋友竟然忍唔住一齊鼓掌, 成間店既客人都爆笑出黎. 我朋友仲問要唔要畀加一服務費, 收錢阿哥豪邁咁話: 「加乜鬼服務費, 你同我買幾斤叉燒返去我就多謝你喇.」至於味道, 下面既人都講晒, 數全港叉燒排行榜, 肯定位列三甲. 效率、質素兼且腦筋急轉彎, 完全體驗香港文化, 好值得回味既小店.

老公成日話要試呢度D燒味就去食下'我地要左燒鴨飯同切雞米'我俾碗米粉賣相嚇親'勁多油'多到有D唔想食'但老公已經大啖大啖甘食緊'我心諗叫左無理由唔食'點都食D'嘩!D雞好入味'但係好少肉好多肥膏'有D呃錢'所以應該唔會有下次*