再興燒臘飯店

营业中

休息中

陪男朋友食男飯, 叫左個义燒飯外賣~在九點多的時間竟還滿多人的, 勁~已是飽的我就吃了一啖义燒的靈魂 --- 粒义燒頭 哈哈好重的蜜糖味, 而且又唔係燒焦左同埋乾 "爭爭", 有肉汁, 好味~ 男朋友都話其餘部份都好好味~

十二點三黎到，已經差唔多full。我同朋友仔只好夾在2個男人之間。要了叉燒白切雞飯、燒肉燻蹄飯。叉燒係瘦叉，肉質有點鬆化，一D都唔韌。不過有少少後悔無叫肥叉，我估應該更好味。切雞是雞胸部位，份量較少，只有5小件，而且雞味不濃，之但係完全唔鞋仲幾滑。可能見我女仔，所以就俾瘦叉雞胸肉我呢? =p另外試左朋友仔既燒肉燻蹄各一件。燒肉食落似乳豬，塊皮扑扑脆，瘦肉肥膏一層一層咁相連。反而燻蹄就比較普通。仲有，雞蓉麻麻比較淡，個人認為明星酒樓果d仲好味過佢。例湯無飲，不過隔離個人叫左，見佢好大碗，料亦好足。店員很有效率，此聲彼落。加上食客都來也勿勿去也勿勿。此時此境令我想起澳洲牛奶公司，不過唔同既係呢度既員工好有禮貌，以如此既食堂能夠有咁既服務真係算唔話得。最後我5分鐘都唔駛就KO左成碟飯，簡直係比快餐還要快的一餐呀!

星期一晚同舊同事同朋友去會展睇show...朋友提議左去呢間咁多好評既再興燒臘飯店度食 本人叫左個叉雞瀨... d叉燒果然好正... 朋友A : "我覺得好普通咋喎... 到底你有無食過d好食既叉燒架....... "..............................................................................................朋友B : "噓... 咁既價$$你想食到d咩靚料丫... 起碼好食... 又抵食過好多3,40蚊既茶餐廳先啦 "完全同意朋友B 我SNAP緊D食物既時候老細見到... 走過黎同我講 "哦... 你影緊D野食... 仲以為你影阿GIL個D相添..."... 有點9唔搭8不過... 就係鐘意佢夠膠夠草根... xdddd食完要即刻走因為有好多人等緊位...唔使旨意係度傾到計.... 會再來的 ：p !!

看到再興叉燒好評如潮很早就已經想試試這兒的叉燒今日早上辦完事後終於有機會來這兒買叉燒當時正值午飯時間店裡坐滿了人由廿來歲至幾十歲不等~可見老少咸宜~沒有時間坐下來慢慢食唯有打包四十元叉燒回家要排隊~前面的阿叔指定要半肥瘦叉燒可是怕肥的我卻要了瘦叉燒~拿回家後叉燒仍有餘溫煮好飯後用叉燒送晚飯~~先說味道不是普通的蜜糖味雖是甜卻不是蜜糖的甜而是帶有香味的甜味入口不會感到黏口叉燒肉質很好一點也不硬卻一點也不淋~是目前為止食過最好的叉燒!!肉質、味道極好價錢合理~很想住在再興附近.......

琴晚又加餸，買了叉燒+燻蹄+鴨肝。叉燒真係次次食都咁正，切得大大舊，半肥瘦；肉質淋軟，用黎送飯一流。今次又試了燻蹄。厚薄切得適中，豬皮同肥膏都好彈牙，又爽口，食落唔肥膩；D同好瘦，都算幾入味。仲有鴨肝，第二次食，水準依然。燒得不會太乾太硬，肝味很濃，外層甜甜地，好味！

做完facial, 回家前來這兒買了半斤瘦叉燒($25) 加餸。回家打開盒子, 叉燒不算太瘦, 以我的尺度來說算是半肥瘦吧。有點燶邊, 不過不算嚴重。一咬下去, 味道甚甜美, 肉身仍嫩, 不會柴皮, 伴著少許肥膏吃, 呵呵呵, 好久沒有這樣放縱過了。隨附叉燒汁一盒, 不過叉燒本身已夠味, 不用點了。(還是用來拌飯的呢?) 不愧為全港至正點叉燒之一。店內阿哥阿姐相當好禮, 多謝前多謝後的。^__^

叉燒油雞飯: 原來雙拼只得好少叉燒, 早知就單拼就算, 因為啲雞係雞胸, 唔鐘意食, 見佢\咁多人, 又唔好意思煩人地走雞胸, 但見到即刻胃口大減. 啲飯就真係超多, 可惜唔夠鼓油, 又唔係好多餸, 要自己加美極先食得落. 最好味真係啲叉真係好好味, 叫左廋叉,但係都有一二件係肥膏, 我諗佢\係用左梅頭肉,所以咁淋, 真係好味, 多幾舊就好啦~~ 20 都幾抵食

本來已戒食豬肉.偉澄吃的時候說: "hm.. 好食."不以為意. 因為他什麼都好食. 回家放在碟上. 細佬吃了一件後."Hm... 好好食! 邊度買O架!"繼而繼續食... 那我才俾面試一舊. 係好味. 好蜜汁味. 但係唔係好叉燒味.是我太耐沒有吃豬之過?唔知. 但不會再因此叉燒破戒.

一個星期內能夠令師傅三次光顧, 非再興莫屬也! 今日師傅再黎呢度, 除左心癮外, 最主要目的就係要試下燒味嘅另一主打--> 燒肉!有備而來嘅師傅今次入到食店喺未坐底時就即刻柯打個燒肉叉燒飯, 結果一坐底碟飯即到, 真係快到顛! 既然要黎試燒肉, 咁點解唔叫淨燒肉飯呢? 皆因師傅要買個保險, 如果萬一d燒肉真係唔好味, 咁至少還有叉燒可以醫肚!好, 先講下燒肉, 燒肉並唔係燒到脆卜卜嗰種, 反而係燒到小小脆咁, 幾香口, 而肉身真係值得一讚, 肉身唔會肥謄謄, 更加唔韌, 一d都唔乾身, 仲要有肉汁, 又唔會勁咸, 所有燒肉嘅缺點冇晒, 所以都幾好味; 而叉燒則維持一貫高水準, 叉燒又鬆又香, 口感一流, 正呀!總括而言燒腊嘅質素真係出色, 加上又平又抵食, 廿二蚊雙拼, 冇得頂! 試左三種燒味後, 師傅依然係鍾情於叉燒, 不過其他嘅燒味都掂架, 以後去再興師傅就唔使獨沽一味喇!

四月廿二日(星期二)同為食老公仔終於試到呢排好hit既再興喇!門口真係好多人排隊買飯盒呀!應該唔錯!好多人幾迫下,但係伙計都幾有禮貌,會講多謝!冇幾耐就有位喇!叫左個义燒飯!同埋半肥瘦义燒飯!仲有海折同埋例湯!义燒真係好味道,唔硬,甜!好好味,都埋好香呀燒得!個汁撈飯又好味!不過d米就細粒左dd,如果大粒d會好食d!不過d汁真係唔同出面!好醒胃好惹味!海折都ok!例湯好多料同埋好大碗呢!正呀!

在灣仔IVE讀左五年，再興就食足五年。不過次次都係食佢的油雞鵝全胸，甚少會食佢的叉燒。而家在中環返工，心血來潮lunch外賣叉燒返公司請大家食。友人說，再興叉燒最好食的就係肥燶叉。外賣一條30個大洋，合理，同事搭單廋燶叉晚餐加料，前後來過肥廋燶。多謝六十蚊。返公司，同事試完話惦，但切得太大舊，薄一點會更加好。之後再食，可能因為凍左，冇咁好食。但係肉質都彈牙，都係正。無得彈都係佢呢色，同叉燒搭得最正始終都係堂食係最好食，好多朋友話外賣係爭好多。唔知同事拎返屋企有冇將佢回爐呢？

之前試過叉燒，今次再encore, 仲試埋燒排骨、豬什& 鴨腎。叉燒半肥瘦，切得大大舊，口感軟淋，好滿足！味道剛好，甜甜地又唔會太咸！真係食完呢間d叉燒，其他燒味鋪的也可不吃！燒排骨麻麻，太乾，又燒到個面變咗炭，幸好味道還不錯，最緊要係唔會過咸。豬什得豬肚同豬脷，鹵水的，很入味，也不錯。豬脷鹵得夠淋。豬肚有咬口，不太韌。鴨腎就比較乾，唔爽口，無肥媽嗰d咁好味。

以前唔明咩叫鬆化ge 叉燒，食過再興ge 就知道，連瘦叉都好食過人，有肉味唔乾，好味!如果lunch唔想食太飽，食叉燒撈米都係一個選擇，都係$20 ja，超抵!!

經過尋日一餐後, 師傅成日都不斷回味, 所以決定今日再去多次, 順便試下其他野食同埋令自己滿足d!可惜今日遲左去, 攪到排晒大隊, 師傅為左要試多次所以只好排隊, 幸好人流好快, 唔使等好耐已經有位喇, 個伙計仲快, 唔等你坐底已經問你食咩, 於是師傅就柯打左碟叉燒油雞飯! 一坐底碟叉燒油雞飯就到, 於是即刻開餐, 咩都係假食啖叉燒先, 叉燒又鬆又好香, 口感一流, 連飯一齊食真係好正; 至於油雞, 師傅今次有幸有隻脾仔食, 肉都幾滑, 可以叫做鬆身, 少少韌嘅感覺, 不過並唔師傅最鍾意食嗰種, 但仍然可以接受, 可惜係太多碎骨, 呢度要扣d分喇! 總括黎講單拼或雙拼都抵食, 不過油雞就普通d啦, 但係脾仔又加番d分啦, 老實講廿二蚊雙拼, 仲想點? 邊度搵? 唔知燒肉或燒鵝得唔得呢? 原來外賣仲平, 要埋例湯都係廿二咋, 師傅食飽後就勁滿足咁走, 有機會下次一定再去試過!

呢間食店聽就聽左耐, 好出名架嘛, 但師傅就從來都未黎食過, 於是早幾日單拖黎左呢度食晏, 試下佢睇下佢係咪真係咁掂先!老遠見到門口大排長龍, 師傅心諗唔係咁旺場呀, 食晏都要排成咁, 覺得冇咩理由, 於是行到去門口附近先發覺原來條隊係外賣用嘅! 入到去都幾多人, 不過單拖就求其一個位都得啦, 於是坐底睇下有咩食, 最後都係揀左師傅最鍾意食嘅叉燒飯!叉燒飯大約十秒後就送到師傅面前, 真係好鬼快, 而叉燒賣相唔算好靚, 因為叉燒唔紅, 但咁樣反而好冇咁多色素, 而叉燒本身係屬於半肥瘦, 咬落口感一流, 又香又甜加上好鬆, 絕對唔韌, 好正; 再講白飯都算幾乾身, 唔會立口; 而上枱時並冇加上燒味汁, 反而燒味汁係放喺枱上, 要自己落, 所以要幾多落幾多, 豐儉尤人, 加上好香, 唔似一般嘅燒味汁或豉油咁得個咸字, 感覺好正!總括黎講呢度嘅叉燒確實出色, 地方係一般d, 環境又係普普通通, 不過就相當抵食, 無論係一碗或一碟, 單拼或雙拼都係一律廿二蚊, 絕對稱得上快, 靚, 正! 所以師傅下次一定會再去試下其他燒味!