六小館 (已結業)

雖然近期有疫情，但我覺得唔影響我地出街行街食飯。今日係東涌東薈城行街行到又赲又餓，發現原來已經到左晚飯時間喇！于是就想搵間舒服既餐廳坐低休息同醫下肚仔。挑選左幾間餐廳後，我就被六小館既雅觀裝潢同埋懷舊食物吸引住左。晚飯時間食野最緊要揀好味又飽肚！所以我同男朋友叫左個大排檔二人套餐。前菜係燒汁野菌，個汁超級鮮甜，配搭埋幾種唔同菌類，超開胃。主菜係胡麻醬明蝦球，見到係有一舊沾滿胡麻醬既蝦球放左係一塊蝦片上面，好有特色。一咬落去，味蕾瞬間被炸開！好好味呀！估唔到蝦球係同胡麻醬咁夾！加埋塊蝦片，就增加左一層酥脆感。塊蝦片簡直係點睛之筆！第二道主菜就係野菌帶子貴妃豆腐。豆腐上面鋪滿左菌類同帶子肉，豆腐十分嫩滑！豆腐上面既菌類同前菜既菌類味道完全唔一樣，各有千秋。呢隻菌類搭上帶子肉，係清爽既味道。套餐仲有一碗老火湯係紅青蘿蔔煲豬展，味道清甜。呢個二人套餐真係好抵食！男朋友話想食埋鮑魚扣北菇。北菇既菇味超濃郁，鮑魚一啲都唔韌，而且非常入味。總括黎講，六小館啲食物除左環境雅靜之外仲十分抵食，性價比高，每款食物都有自己既特色。

行山前 去飲個茶先🤗六小館座落在新開的東薈城6樓就去試試 唔係好多人排隊 安排坐在窗邊 天氣好好☀️🌞 望出窗外見到昂坪360 風景怡人 如天氣許可 坐在外面一邊飲茶一邊看風景 更好最like係 紅米蝦腸粉幾好食 皮好滑 不會太鹹蘿蔔千絲酥好香 好有口感棉花雞的棉花都算大舊 雞也好滑灌湯餃有蠟燭一直燒住來保溫鮮蝦燒賣大大粒 午市每人茶位$15 最喜歡的是 用膳後 服務員不會提供牙籤 但有獨立包裝的牙線棒提供 會再回來再試試别的菜式

今日同朋友約左黎六小館，其實約左好耐啦，終於見到面，六小館有好多signature dish，但好可惜肺炎之下佢收起哂餐牌，得返普通既小菜，我地兩個人，叫左3個菜～環境好舒服，好安靜，肺炎下光顧的人不多，大家都坐得好開～～呢個咕嚕肉又好okay wor😮😮😮 佢既炸粉好薄，啖啖肉，食哂成碟都係得一兩舊有肥膏，岩哂我，三色椒幾脆口，個汁都okay, 唔會太甜又唔會過酸呢個係黑毛豬，因為今次冇用鐵板上，凍得比較快，配菜夾埋豬肉一齊食都好夾呢個係必食之選，椒鹽大蝦，我整身冇待別想食d咩，不過見已經有兩碟小菜都係肉類，就不如叫海鮮，初初心諗感該係普通虎蝦size 2-3隻咁，黎到嚇親我，勁大隻！上到既椒鹽好好食，撈飯一流，似有鹹蛋黃、蒜片一齊炒！見到隻大蝦好大，都有少少無從入手，店員好貼心，即刻話幫我地拆肉！一陣間就變左下面幅圖！（我影之前已經食左舊 哈哈）炸到連殻都食到最後埋單一人300幾！值得再來，下次有機會一定要再試signature dish😭😭😭

六小館一行3人就食呢間餐廳啦！我地3個叫左一個2人餐加1個餸。(2人餐)前菜燒汁野菌超級香，未上枱行緊黎都已經閔到！熱辣辣，又夠香！吾會太咸！又吾會有個啲菇既泥味！(2人餐)私房老火湯完全吾記得問係咩湯！但好甜！一樣又吾會好咸！(2人餐)西檸雞好香好脆！超級開胃！佢keep到肉汁！所以吾會乾！如果無乜食欲呢個一流！(2人餐)枝竹班腩豆腐煲其實同朋友睇錯餐牌。以為係火腩，點知原來係班腩。但又估吾到班腩超好食！枝竹超入味！而且係超大煲。以上就係2人餐既野！真係超多！而且好抵食！呢外仲叫左一個餸。葱爆野菌黑毛豬啲黑毛豬好好食！好有咬感！吾會一pat咁！可能葱爆既關係，所以好香葱味！咁多樣野550蚊連茶位埋到單！真係超抵食！餐廳環境同服務都一流！所以下次會再叫多啲人再黎！

街上不算多人，今天到了這店子，等待的時間不多於１分鐘便進入～入內後亦有店員主張提供搓手液~令你吃飯時候也保持衛生也店內的茶有不同的種類選，香片、普洱，味道很清甜二人餐份量也多，二人來吃也不錯喔，有前菜，主吃及兩盅湯水，算是很多：紅棗桂圓杞子茶女人最要補，在冬天這季節，最需定期飲用一些養生茶尤其重要！想不到這店也有很多的補身飲品可以選擇喔。紅棗桂圓杞子茶不單可以補血氣，也可以解油膩，實在很棒喔～店子零糖，感覺很健康。好喔灌湯餃灌湯餃，顧名思義就是一隻包裹着滿滿湯汁及餡料的餃子，很好吃喔～留神喔～麵皮很好吃但要小心點兒呢～便會穿破流出湯汁，前功盡廢，料很多椒鹽豆腐香口椒鹽豆腐～做前菜也很棒，份量很多南瓜排骨煲想吃南瓜囉～但今次中式的炆煮法，一樣好味，南瓜確是很好用的食材，而且跟排骨非常配搭呢！南瓜排骨是絕配，這種先壓後紅燒的方式即快手熟爛又美味營養。但很少有人知道，南瓜其實適合多款豐富可口的菜餚。這南瓜燜排骨是一道很容易又美味的家常菜。海鮮蒸旦白旦白蒸海鮮，以為海鮮是主角，誰知最讓人回味的也是蒸旦白。不同師傅、不同蒸爐、不同雞蛋、不同效果，這裡的旦白味道很好，令人吃下很多飯，易下口。

四人餐($588) 首先會有一人一個老火湯，腐竹煲豬肚豬展，好清好潤喉，一下就飲晒之後揀咗兩個前菜，燒汁野菌，好有驚喜既炒菇，好重老抽同蠔油味，夠哂惹味😍 容易整但係整得好食就好難！另外椒鹽豆腐都係外脆內滑，好高質～跟餐會有埋沙薑雞，雞件整得好嫩，個汁都好出色。其他小菜都黎得好快～跟餐會有三個大排檔小菜，分別係滑蛋蝦仁，西檸雞，同埋枝竹斑腩豆腐煲。滑蛋蝦仁份量夠哂足，好多隻爽口彈牙嘅蝦仁再加埋好滑既炒蛋～ 西檸雞酸酸甜甜好開胃，擺放得好靚，外脆內軟。另外加咗一個椒鹽粟米($68) 呢個粟米本身味道唔係好甜，水份都唔係好多，但係加咗椒鹽去炸，味道都幾特別，變咗香口惹味🥰之後叫埋蟹粉小籠包 ($48/per one) 超級大隻小籠包，一拮開個小籠包，金黃色既蟹粉汁就湧晒出黎，餡料好鮮甜！少少美中不足就係個皮有啲厚，有啲位未蒸熟。最後加咗個甜品燕尾蝶 ($68/per one ) 真係十分值得推介既甜品！好耐好耐未食過咁高質咁好食既中式甜品，首先佢有大量燕窩係面，然後下面就係燉鮮奶，好香濃好滑，撈埋啲燕窩，滑得黎好有口感，暖暖地食完真係極度滿足🥰 真心抵叫既甜品👍🏻

餐廳環境雅緻、座位距離舒適，彼此不會受到干擾，適合知己或天倫一起聚餐。今次我們同行四人點了一個大排檔四人套餐以及兩款小炒、一款主食。泡椒爽脆魚皮• 套餐前菜之一，十分開胃的惹味小菜，幾種爽口清脆的食材夾雜著脆魚皮，食一口便叫人欲罷不能。• 泡椒的味道比較重、辣味到位，怕辣的朋友建議先嚐半口。燒汁野菌• 口感同樣清爽的一道前菜，野菌被處理得十分爽口，燒汁均勻滲入在菌肉內，相當滋味。薑蔥霸王雞• 雞肉質感偏向扎實緊緻；雞皮滑溜帶點油香。• 薑蔥味比較輕微，主要是輔助作用，令雞嘋更加突出。醬爆肉碎茄子煲• 相當惹味的配飯菜，惹味來源於肉碎，香濃入味的肉碎混合軟腍的茄子，口感豐富。枝竹斑腩豆腐煲• 斑腩外層輕輕微炸帶點香脆，而內𥚃肉質極之嫩滑得跟豆腐一樣。• 不過斑腩會帶點令人抗拒的魚腥味，怕腥的朋友要考慮這一點。椒鹽肉排• 同樣惹味十分的小炒，肉排外層炸得金黃鬆脆，內𥚃肉質滲透了椒鹽味，但是咸味恰到好處。頭抽豉油皇虎頭大蝦• 極力推薦✨兩隻虎蝦相當大隻，肉質彈牙飽滿。• 頭抽的味道均勻滲透，提升蝦肉的鮮味。• 值得一讚的是有侍應的積極幫忙，把兩隻虎蝦完美分成四份，方便我們四人食用。杞子浸時蔬

這段時間盡量去少人的地方，所以入了東涌行山，之後就去了東涌食晚飯。先叫了個小食泡椒爽脆魚皮，這個魚皮都算係經典，比較傳統的小食，平時真係好少見，魚皮加了泡椒去掉魚腥味，帶辣香又爽口。呢度最出名其實係燒味，可惜今日無供應，唯有叫個薑葱霸王雞過下口癮，雞有雞味而且夠滑，皮下脂肪又唔多。西檸雞帶微酸，醒晨開胃，而且又脆卜卜。健康的我一定要叫碟食下，杞子浸白菜仔還有些雜菌，白菜仔用了最嫩的部位，味道清甜。最後再加了個乾炒和牛吋半河，河粉真係吋半寬，唔會炒得太腍都碎哂，牛肉夠腍有肉香，絕對人無加鬆肉粉，味道真係唔錯。朋友想食奶凍，有奶茶香又夠滑，而且仲配埋一口奶油多，甜品都幾有心思，真係抵讚。

又係呢間啦！ 我真係好愛食呢間！ 雖然有點點少貴，但個價錢係俾得心服口服！ 我地今晚繼續encore encore! 首先食個翡翠素餃，望落都已經係通透碧綠，咬落就好清新，個皮好煙韌。 至於個蟹粉小籠包，好大個啊！ 用飲筒啜啲汁出黎都唔好話唔正啊！ 好滿足，好濃郁的蟹粉味。 椒鹽粟米🌽 已經係必點菜色， 好鬼開心🥳又甜又辣，十分過癮！ 椒鹽豆腐同四季豆同酸辣湯就不過不失啦。 因為都好難難食😂😂到最重磅的兩個！❤️我既杏汁花膠湯同個燕尾蝶（椰汁燕窩）！ 好高質啊！ 每一啖都真材實料！ 食落係好似媽咪煮俾你咁！ 料多冇味精！ 絕對要叫啊！

這間位於東涌的六小館，主打是抵食中菜，是高級中菜六公館旗下的姊妹店，食物質素絕對有保證。可能疫情影響，餐廳都提早於8:30收工，好彩一早打電話詢問了。這裏主打套餐，我們叫了二人餐及甜品。今日的例湯是清補涼，味道清甜無味精。燒汁野菌野菌煮得入味又不會蓋過菇香，燒汁味道亦不會過咸。枝竹豆腐斑腩煲斑腩外層粉漿適中，裏面皮肉嫩滑不會有骨，豆腐及枝竹都吸收了薑葱等調料，非常入味。菠蘿咕嚕肉咕嚕肉粉漿很薄，而且豬肉肉質很腍，加上酸甜醬汁，非常開胃。最後加了$18要了焦糖燉蛋，甜品還配上港式菠蘿包，表面香脆而且熱辣辣，燉蛋表面焦糖脆口，蛋幼滑不過都較甜。

農曆年約友人東涌一日遊，貪佢港鐵直達，有山有水，行完大運又可以東薈城尋寶，今次仲延展左新一期商場，名店倉寛敞又好行，食店仲好多選擇，我地邊行邊揀，就係呢個四人餐，一盅六件🥢，有點心又有小菜好似幾抵下，一於坐低食餐開年飯🍚🧧🧨一盅六件有三款點心，熱水底盤座住蒸籠上好有愛❤️，蝦餃、燒賣大大粒，晶瑩粉果，內餡都幼細新鮮，高水準製作👍👍👍前菜燒汁野菌，好有西餐效果，私房老火湯濃滑潤喉🥣沙薑雞個玻璃獻扣得隻雞好嫰滑，其餘三款小菜，我地一人揀一款，各取所好，同枱食飯有雞🐔有魚🐟，非常豐盛呢🥰行完大運特別有胃口，六小館出品亦份量十足，四個人平均每人要食一個小菜唯有添多碗飯，叫咗一個黑毛豬楊州炒飯，粒粒乾爽色澤明亮，配搭滑嘟嘟海鮮蒸蛋白，perfect 💯西檸雞🍋脆口又醒胃、枝竹斑腩豆腐煲幾時都咁浪漫，呢個四人餐做工細緻，非常好味，完全佔據了我們的肚皮，眼見鄰枱別緻嘅點心都quota 盡失🤪唯有下次再戰喇。按奈不住，柯打了這個梨形咸水角🍐，事關佢造型實在cutie ,食落脆皮軟心，流汁餡料真係好好味😋仲有呢程小巴怎可錯過呢，東涌奶茶其實係奶凍，冰涼幼滑茶味十足，迷你鮮油奶多，一人一口，呢個甜點擺尾真有

今日去左六小館食晚餐，菜式特別又有質素！😚我地四個人叫四人套餐係完全恰到好處，好多款式，碟碟都好精緻！唔好睇少前菜，一樣好有質素！我好中意燒汁野菌😚睇落有啲普通，但食過先知原來唔同類型既菇炒埋一齊可以咁好食！椒鹽豆腐就外脆內軟，好味道！主菜就揀三款同埋有沙薑雞😋小菜入面我最鍾意就係西檸雞！酸酸甜甜，超級開胃。雞嘅表面脆脆地，但係仍然好入味好軟滑😛炸饅頭好似好外貌平平，但絕對係是日最愛！😚普通嘅小食整到咁好食先係最考功夫！就算未點煉奶都有少少香甜，內裏好軟熟！😋

已經沒有出外吃飯一段時間，今天終於按耐不住要出去走走，選擇離市區遠一點的東涌，這個商場開業不算太久，很多食肆進駐👍🏻中午時段，人流未算太多，但這間「六小館」已有不少客人，特別適合喜歡嘆茶的朋友🤗室內裝修，餐桌佈置，新穎又型格，不像一般傳統中式酒樓，算是創新又大膽的設計，個人十分喜歡💕餐牌印刷美輪美奐，圖文並茂，定時有不同優惠推出，朋友都好有興趣呢個大排檔套餐，有二人及四人不同選擇，分別是$298/$588🤗我哋揀咗四人餐👆🏻點心一盅六件，有三款，每款兩件，蝦餃皮薄餡靚，鮮蝦爽脆彈牙，大大粒，燒賣、粉果餡料豐富又好味😋枝竹斑腩豆腐煲，上枱時熱氣騰騰🍲，斑腩夠淋又入味，枝竹吸收哂食材嘅精華，分量亦多，豆腐又唔會太老身，用嚟送飯一流👍🏻海鮮蒸蛋白，又係啱晒送飯，蛋白蒸得好滑好香，瑤柱粒、蝦仁、西芹紅蘿蔔片，賣相已經好吸引，感覺上健康又好味😋西檸雞，分量十足，檸檬汁特別醒神開胃，雞件外脆內軟，表皮脆卜卜，吸收左檸檬嘅精華，胃口大開👍🏻黑毛豬楊州炒飯，飯炒得乾身，全靠廚師嘅功夫到位，雖然標榜黑毛豬，但係又唔係好覺， anyway都係一個好好味嘅楊州炒飯😬朋友最鍾意呢個特色鹹水角，好可愛，外型別緻

打聽過原來星期一至日都有點心食☺️(茶位$15)•••水晶蝦餃 $43﹟個蝦餃皮既厚度都適中, 唔會話太厚🙂入面蝦既份量都好足🍤啖啖肉🥰黃金流沙包 $33﹟一開頭細細啖就咁咬到出面果層包, 感覺係唔夠軟身, 但其後加埋中間奶黃餡料, 增加左濕潤程度, 食落無咁乾身, 覺得個包唔太做到流沙效果🤔但味道都正正常常金沙紅米蝦腸粉 $48﹟有顏色既腸粉係出面茶樓都比較少有🤣一上枱見到紅噹噹咁, 比佢吸引左🙊食落味道係有驚喜架, 無諗過佢個皮係出奇地滑身架wor👏👏入面主要有層炸過既脆脆包住左d蝦, 有d似出面既春風得意腸😂口感幾豐富, 外滑內脆☺️蘿蔔酥絲 $48﹟炸到熱辣辣, 外層鬆脆, 內裏既蘿蔔絲軟身得黎又唔會係一pat野, 條條都分明👍👏而且都夠入味時菜牛肉球 $38﹟正常發揮, 特別鐘意牛肉球d馬蹄, 好爽脆😋醬皇金錢肚 $38﹟整得夠入味同夠淋, 個汁仲有少少辣辣地, 食得更加惹味😙

六小館推出懷舊特色吸睛甜品💓迷你🍍包配上傳統絲襪奶茶☕️係香港人的集體回憶呀！🥰 C 襪奶茶 ☕️($58)上枱賣相好精緻有心思💗專程用傳統奶茶杯盛載住👏🏻 查實係奶茶味奶凍黎架😂頂層用上珍珠做裝飾👍🏻呃like一流呀！🥳 奶茶味奶凍入口非常幼滑☺️茶味香濃。甜度適中🍮吞嚥後好似飲左杯絲襪奶茶咁🍵好有驚喜呀！👏🏻 嘆tea緊係唔少得多士啦🍞甜品仲附上迷你牛油多士🧇性價比非常高呀💯半溶牛油配上厚切多士🧈仿如置身茶餐廳咁呀！😛 法蘭西燉蛋🍮 ($58)估唔到creme brûlée附送迷你🍍包迷你菠蘿包真係好cutie呀😍 Creme brûlée烤至金黃色👍🏻頂層焦脆而內裡軟綿綿😋 配埋紅Van小巴牌🚎又睇得又食得非常滿足！💓